ᐃᓐᖏᕈᑎᑦ 107:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᓱᓇᖃᔪᐃᑦᑐᒥ ᓇᒧᑐᐃᓐᓇᖅ ᐃᖏᕐᕋᖃᑦᑕᓚᐅᕐᑐᑦ ᑐᕌᕐᑕᖃᕋᑎᒃ; ᐃᒡᓗᒐᓴᖕᓂᒃ ᐃᓂᒃᓴᕆᔪᓐᓇᕐᑕᒥᖕᓂᒃ ᓇᓂᓯᓚᐅᕋᑎᒃ.

ᐃᓐᖏᕈᑎᑦ 107:4 ပူးပေါင်းရင်းမြစ်များ

ᒨᓯᓯ ᑕᓪᓕᒪᖏᑦ 32:10

ᑖᑦᓱᒪ ᓇᓂᓚᐅᕐᐹ ᐃᓄᖃᖏᑦᑐᒦᑎᓪᓗᒍ, ᓱᓇᖃᖏᑦᑐᒥ, ᐊᓄᕌᖏᓐᓇᕐᑐᒥ ᐃᓄᖃᖏᑦᑐᒥ; ᑖᑦᓱᒪ ᐊᕙᓗᓯᒪᓚᐅᕐᐹ ᓴᐳᑎᓯᒪᓪᓗᒍ ᑲᒪᒋᑦᓯᐊᕐᓗᒍᓗ, ᓴᐳᑎᓯᒪᓚᐅᕐᐹ ᐃᒻᒥᓂᒃ ᓴᐳᑎᓯᒪᒐᔭᕐᓂᕐᒥᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 34:12

ᐰᕐᓯᔩᑦ ᕿᓂᑦᓯᐊᓲᖑᖕᒪᑕ ᓰᐱᖁᑎᖏᑕ ᐃᓚᖏᓐᓂᒃ ᓇᒧᑐᐃᓐᓇᖅ ᓯᐊᒻᒪᕐᑐᖃᕐᑎᓪᓗᒍ, ᑍᒫᒃᑕᐅᖅ ᓰᐱᖁᑎᒃᑲ ᕿᓂᕐᓂᐊᓕᕐᐸᒃᑲ; ᓴᐳᑎᔪᒫᕐᐸᒃᑲ ᓇᓂᓕᒫᖅ ᓯᐊᒻᒪᕐᓯᒪᕕᒋᓚᐅᕐᑕᖏᓐᓂᑦ ᐅᓪᓗᖅ ᓄᕗᔭᑎᓪᓗᒍ ᑖᕐᑑᑎᓪᓗᒍᓗ.

ᐃᓯᑭᐊᓕᐅᑉ ᐊᒡᓚᖏᑦ 34:6

ᓰᐱᖁᑎᒃᑲ ᓯᐊᒻᒪᕐᓯᒪᓕᕐᐳᑦ, ᖃᖅᑲᓂᓗ ᐱᖑᕐᓂᓗ ᐳᕐᑐᔪᓂ ᐃᓂᖃᓕᕐᓗᑎᒃ; ᓰᐱᖁᑎᒃᑲᓗ ᓄᓇᕐᔪᐊᓕᒫᒧᑦ ᓯᐊᒻᒪᕐᓯᒪᓕᕐᐳᑦ, ᕿᓂᕐᑕᐅᖏᓐᓇᒥᒃ ᕿᓂᕆᐊᕐᑕᐅᓯᒪᓇᑎᒡᓗ.

ᒨᓯᓯ ᓯᑕᒪᖏᑦ 14:33

ᐃᕐᓂᓯᓗ ᓰᐱᓂᒃ ᑲᒪᔨᐅᔪᒫᕐᐳᑦ ᐃᓄᖃᖏᑦᑐᒥ ᐊᕐᕌᒍᓂᒃ 40ᓂᒃ, ᐅᖁᒤᑦᔪᑎᓂᒃ ᐊᑐᕐᓗᑎᒃ ᓈᓚᖏᓐᓂᕆᓚᐅᕐᑕᑦᓯᓐᓂᒃ, ᑎᒥᓯ ᐃᓄᖃᖏᑦᑐᒥ ᐅᕐᕈᓚᐅᖅᑳᕐᑎᓐᓇᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:6

ᐊᕐᓇᕐᓗ ᕿᒫᕗᖅ ᐃᓄᖃᔪᐃᑦᑐᒧᑦ, ᐃᓂᖃᓕᕐᐳᕐᓗ ᒎᑎᐅᑉ ᐊᑐᐃᓐᓇᕈᕐᓯᒪᔭᖓᓂ, ᑕᕝᕙᓂ ᑲᒪᒋᔭᐅᓂᐊᓕᕐᓗᓂ ᐅᓪᓗᓂᑦ 1,260ᓂᒃ.

ᐄᑉᕈᐃᓄᑦ 11:38

ᓄᓇ ᓇᔪᕆᐊᖓ ᐱᐅᒋᔭᐅᖏᓐᓂᕐᓴᐅᓚᐅᕐᐳᖅ; ᑍᒤᒻᒪᑦ ᓄᓇᖃᖏᑦᑐᑎᑐᑦ ᓇᓂᑐᐃᓐᓈᖃᑦᑕᓚᐅᕐᐳᑦ ᓱᓇᖃᔪᐃᑦᑐᒥ ᖃᖅᑲᓂᓗ, ᕾᕈᓱᖕᓂᓗ ᓄᓇᐅᓪᓗ ᖁᖕᓈᖏᓐᓂ ᐃᓂᖃᖃᑦᑕᓚᐅᕐᐳᑦ.

ᐃᓐᖏᕈᑎᑦ 107:40

ᑍᒤᓕᐅᕆᔪᑦ ᐊᖓᔪᖅᑳᕐᔪᐊᑦ ᓈᕕᑦᓯᕕᒋᕔᑦ ᓇᕐᕈᓇᕐᑎᑕᐅᓂᕐᒥᒃ, ᐃᓄᖃᖏᑦᑐᒥᓗ ᐱᓱᕋᔭᓕᕐᐳᑦ ᓇᒧᑐᐃᓐᓇᖅ ᐊᖅᑯᑎᖃᖏᑦᑐᒥ.

ᔫᐱᐅᑉ ᐊᒡᓚᖏᑦ 12:24

ᓄᓇᕐᔪᐊᕐᒥᐅᑦ ᐊᖓᔪᖅᑳᖏᑕ ᑐᑭᓯᓯᒪᓂᖏᑦ ᐲᔭᕐᐰᑦ, ᓇᓗᓕᕐᑎᓪᓗᒋᓪᓗ ᐃᓄᖃᖏᑦᑐᒥ ᐊᓯᐅᑎᑉᐰᑦ.

ᒨᓯᓯ ᑕᓪᓕᒪᖏᑦ 8:15

ᑖᑦᓱᒪ ᑕᓯᐅᓚᐅᕐᒪᓯ ᓯᕕᑐᔪᐊᓗᒃᑯᑦ ᖁᐊᕐᓵᖓᓇᕐᑐᒃᑯᓪᓗ ᓱᓇᖃᖏᑦᑐᒃᑯᑦ, ᖁᒡᓗᒋᐊᖃᕐᑐᒃᑯᑦ ᑐᖁᓐᓇᕐᑐᓕᖕᓂᒃ ᓯᑯᐊᕐᐱᐅᓂᖃᕐᑐᑎᒍᓪᓗ. ᓄᓇᒃᑯᑦ ᐸᓂᕐᑐᐊᓗᒃᑯᑦ ᐃᒪᖃᖏᑦᑐᒃᑯᑦ ᐃᒥᕐᒥᒃ ᑰᓕᕐᑎᑦᓯᓚᐅᕐᐳᖅ ᐃᒥᕐᕕᒃᓴᑦᓯᓐᓂᒃ ᐅᔭᕋᖕᒥᑦ ᕾᕐᑐᓪᓚᕆᖕᒥᑦ.

ᒨᓯᓯ ᓯᑕᒪᖏᑦ 32:13

ᑍᒤᒻᒪᑦ ᐊᑕᓂᖅ ᓂᓐᖓᐅᒪᓕᓚᐅᕐᐳᖅ ᐃᓴᕆᐊᓕᒥᐅᓄᑦ, ᐃᖏᕐᕋᑎᓚᐅᕐᐰᑦ ᐃᓄᖃᖏᑦᑐᒥ ᐊᕐᕌᒍᓂᒃ 40ᓂᒃ, ᑭᖑᕚᖑᖃᑎᒌᑦ ᐊᑕᓂᐅᑉ ᓵᖓᓂ ᐱᐅᖏᑦᑐᓕᓚᐅᕐᑐᑦ ᓄᖑᓚᐅᖏᓐᓂᖏᓐᓂ.