33 ᑖᑦᓱᒪ ᑰᑦ ᓱᓇᖃᕈᓐᓃᕐᑎᑉᐰᑦ, ᓄᓇᐅᓪᓗ ᐃᓗᐊᓂᑦ ᑰᒃᑐᑦ ᐸᓂᕐᑎᓪᓗᒋᑦ;
ᐂᕼᐊᑉᓗ ᐅᖃᕐᐳᖅ ᐅᐸᑍᐊᒧᑦ, “ᐂᓕᕆᑦ ᓄᓇᒧᑦ ᕿᓂᕆᐊᕐᓗᑎᑦ ᓄᓇᐅᑉ ᐃᓗᐊᓂᑦ ᐃᒥᕐᒥᒃ ᑰᓲᓕᒫᖕᓄᑦ ᓇᕐᓴᓕᒫᓄᓪᓗ, ᐃᒻᒪᖄ ᓇᓂᓯᖁᓪᓗᑕ ᐃᕕᒃᓱᒐᕐᓂᒃ ᐱᐅᓕᓗᑎᒍᓗ ᕿᒻᒥᕐᔪᐊᑦ ᓯᐅᑎᖅᑯᕐᑐᔪᓪᓗ ᕿᒻᒥᕐᔪᐊᑦ ᕿᑐᕐᖓᖏᑕ ᓂᕿᒃᓴᖏᓐᓂᒃ ᐃᓅᔪᓐᓇᖁᓪᓗᒋᑦ, ᑐᖁᔨᐊᖃᖁᓇᑕ ᐆᒪᔪᖁᑎᑦᑎᓐᓂᒃ.”
ᐃᒥᖅ ᓄᓇᒥᑦ ᑰᒃᑐᖅ ᑰᓕᕐᑎᑉᐸᑦ ᖄᒥᓕᕐᓗᓂ; ᑰᒑᓗᐃᑦ ᓴᓐᖏᔪᑦ ᓴᓗᐊᕐᑎᑉᐸᑎᑦ.
ᖃᖅᑬᑦ ᐱᖑᐃᓪᓗ ᓱᓁᕈᑎᑎᑦᓱᒪᕙᒃᑲ, ᐱᕈᕐᑐᖃᕐᓂᖏᓪᓗ ᐃᒤᕈᑎᑎᓪᓗᒋᑦ, ᑰᕕᓂᐅᒐᓗᐊᑦ ᓄᓇᕈᕐᑎᓪᓗᒋᑦ, ᑕᓯᕅᓪᓗ ᐃᒤᕈᑎᑎᓪᓗᒋᑦ.
ᑭᓇ ᐅᖃᕐᐸ ᐃᒪᕐᔪᐊᕐᒧᑦ ᐃᑎᔪᒧᑦ, ‘ᓴᓗᐊᓕᕆᑦ! ᑰᖁᑎᑎᓪᓗ ᐃᒪᖃᕈᓐᓁᕐᑎᑦᓱᒪᕙᒃᑲ’;
ᓱᖕᒪᑦ, ᐃᓄᖁᑎᒃᑲ ᑎᑭᓐᓇᒃᑭᑦ ᐊᖑᑎᑕᖃᓚᐅᓐᖏᓚᑦ? ᓱᖕᒪᓪᓗ ᓂᓪᓕᐊᑎᓪᓗᖓ ᑭᐅᔪᖃᓚᐅᓐᖏᓚᖅ? ᑕᓕᕋ ᓁᓗᐊᓕᕐᐹ ᐱᐅᓕᓯᔭᕆᐊᒥᒃ ᑎᑭᐅᑎᔪᓐᓁᓪᓕᕚ? ᓴᐳᑦᔨᓇᓱᒋᐊᒥᒃ ᐱᔪᓐᓇᕐᓂᖃᕈᓐᓃᕐᐳᖔ? ᑕᑯᒋᑦ, ᐃᓂᕐᑎᕆᒐᒪ ᐃᒪᕐᔪᐊᖅ ᐃᒤᕐᑎᑉᐸᕋ, ᑰᓪᓗ ᓴᓗᐊᕐᐳᑦ, ᐃᒪᖃᓐᖏᓗᐊᒧᑦ ᐃᖃᓗᐃᑦ ᒪᒤᓕᕗᑦ, ᓴᓗᐊᕋᒥᒡᓗ ᑐᖁᕋᕐᓗᑎᒃ.
ᐊᖓᔪᖅᑳᑦ ᐱᔨᒥᖕᓂᒃ ᐃᒥᕐᓯᐅᕐᑎᑦᓯᕗᑦ ᐃᒥᕐᑕᕐᕖᓪᓕ ᐃᒪᖃᓐᖏᓚᑦ, ᐅᑎᕐᐳᑦ ᐃᒥᕐᑕᐅᑎᖏᑦ ᐃᒪᖃᕐᑎᓐᓇᒋᑦ, ᓇᓗᓕᕐᐳᑦ ᑲᓐᖑᓱᓕᕐᓗᑎᒃ ᑮᓇᑎᒡᓗ ᒪᑐᐊᕐᐰᑦ.
ᓁᓕᓗ ᐃᒤᕈᑎᑎᑦᓱᒫᕐᐸᕋ, ᓄᓇᖓᓪᓗ ᓂᐅᕐᕈᑎᒋᓗᒍ ᐃᓄᖕᓄᑦ ᐱᐅᖏᑦᑐᓕᔪᓄᑦ; ᓄᓇᖓ ᐊᓯᕈᕐᑕᐅᔪᒫᕐᐳᖅ ᓱᓇᓕᒫᖏᓪᓗ ᑕᕝᕙᓃᑦᑐᑦ, ᓄᓇᓕᑐᖃᐅᖏᑦᑐᓄᑦ; ᐅᕙᖓ ᐊᑕᓂᖅ ᐅᖃᕐᐳᖓ.
ᐆᒪᔪᐃᑦ ᓄᔪᐊᕐᑐᑦ ᐊᒡᓛᑦ ᕾᒐᓛᓕᕐᐳᑦ ᐃᓕᖕᓄᑦ, ᑰᑦ ᐸᓂᕐᒪᑕ, ᐃᑯᒪᒧᓪᓗ ᓄᓇᐅᑉ ᐱᕈᕐᑐᖏᑦ ᐊᓯᕈᕐᑕᐅᖕᒪᑕ.
ᐃᒪᕐᕕᒃ ᓱᐊᒃᐹ ᐸᓂᕐᑎᓪᓗᒍᓗ, ᑰᓕᒫᓪᓗ ᓴᓗᐊᕐᑎᑉᐰᑦ; ᐹᓴᓂ ᑳᕐᒥᐅᓕᓗ ᑐᖁᓕᕘᒃ, ᐱᕈᕐᓯᐊᓪᓗ ᓕᐸᓇᓂᒥ ᑐᖁᓕᒋᕗᑦ.
ᐊᒡᒐᓂᓗ ᓱᒋᐊᕈᑎᒋᔪᒫᕐᐰᑦ ᓯᕿᓂᐅᑉ ᑕᕐᕋᖓᓃᑦᑐᑦ ᐊᓯᕈᕐᓗᒋᑦ ᐊᓯᕆᐊᒥᐅᑦ. ᓂᓂᕕᒥᐅᓪᓗ ᓄᖑᑦᓱᒫᕐᐰᑦ ᓄᓇᖓ ᐸᓂᕐᑑᓕᕐᓗᓂ ᓱᓇᖃᔪᐃᑦᑑᔪᒫᕐᐳᖅ.
ᑍᒤᒻᒪᑦ ᐃᓅᑎᓪᓗᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, “ᓱᓕᓪᓚᕆᒃᓗᖓ ᒧᐊᐱᒥᐅᑦ ᓱᑑᒪᒥᐅᑎᑑᕈᒫᕐᐳᑦ, ᐊᒧᓁᑎᒥᐅᓪᓗ ᒍᒨᕋᒥᐅᑎᑑᕈᒫᕐᐳᑦ ᐱᕈᕐᕕᐅᔪᒫᕐᐳᑦ ᐅᕐᐱᖕᓄᑦ ᐃᒪᕐᓱᖕᓄᓪᓗ ᑕᕆᐅᒧᑦ, ᓄᓇᖓ ᐊᑑᑎᖃᕈᓐᓁᕈᒫᕐᐳᖅ ᐃᓱᖃᖏᑦᑐᒧᑦ. ᐃᓄᖁᑎᒪ ᓇᒃᕚᕐᑕᕐᕕᒋᔪᒫᕐᐰᑦ, ᐃᓅᖃᑎᒌᒡᔪᐊᖁᑎᒪᓗ ᐊᒥᐊᒃᑯᖏᑕ ᐱᑖᕆᔪᒫᕐᐹ.”
