32 ᑖᓐᓇ ᐊᖏᔪᕈᕐᑎᑕᒃᓴᕆᕚᑦ ᐃᓄᐃᑦ ᑲᑎᓐᖓᓂᖓᓐᓂ, ᓂᕐᑐᕐᓗᒍᓗ ᐊᖓᔪᖅᑳᑦ ᑲᑎᓐᖓᓂᖏᓐᓂ.
ᐊᑕᓂᖅ ᓂᕐᑐᕐᑕᐅᓕ! ᐊᑕᓂᖅ ᖁᔭᒋᓂᐊᕐᐸᕋ ᐱᔪᓐᓇᕐᓂᓕᒫᓐᓄᑦ, ᐃᓅᑦᓯᐊᕐᑐᑦ ᑲᑎᒪᓂᖏᓐᓂ, ᐃᓚᒌᒃᑐᓂᓗ.
ᐃᓕᓮᑦᔪᑎᒋᔭᑎᑦ ᐅᖃᐅᓯᕆᓂᐊᕐᐸᒃᑲ ᐊᖓᔪᖅᑳᕐᔪᐊᓄᑦ, ᑕᒪᑐᒧᖓᓗ ᑲᓐᖑᓱᒃᑎᑕᐅᓂᐊᕐᓇᖓ.
ᐊᑕᓂᖅ ᐃᓅᕗᖅ! ᕾᕐᑐᕋ ᓂᕐᑐᕐᑕᐅᓕ! ᐱᐅᓕᔭᐅᓂᕐᒪ ᒎᑎᖓ ᐊᖏᔪᕈᕐᑎᑕᐅᓕ.
ᐊᑏᑦ ᐅᖃᐅᓯᕆᔪᒪᕙᕋ ᖃᑕᓐᖑᑎᓐᓄᑦ; ᐅᒃᐱᕐᑑᖃᑎᒌᒡᔪᐊᓪᓗ ᐊᑯᓐᓂᖓᓂ ᓂᕐᑐᕈᒪᕙᒋᑦ.
ᓂᕐᑐᓕᕐᓂᕋ ᐃᓕᖕᓂᑦ ᐱᔪᒫᕐᐳᖅ, ᐃᓄᒋᐊᒃᑐᕐᔪᐊᑦ ᑲᑎᒪᔪᑦ ᐊᑯᕐᖓᓐᓂ; ᑖᑦᓱᒥᖓ ᓯᕘᕋᔪᑦ ᑕᒃᑯᐊᓂ, ᐊᖏᕈᑎᒋᓯᒪᔭᒃᑲ ᑲᔪᓯᑎᑦᓱᒪᕙᒃᑲ.
ᒪᓂᕋᑦᓯᐊᒥᓕ ᓇᓕᕆᒃᑐᒥ ᓇᖏᕐᐳᖓ: ᐃᓄᒋᐊᒃᑐᕐᔪᐊᑦ ᑐᒃᓯᐊᕆᐊᕐᐸᒃᑐᑦ ᐃᓚᒋᓗᒋᑦ ᐊᑕᓂᖅ ᓂᕐᑐᕈᒪᕙᕋ.
ᖁᔭᒋᓂᐊᕐᐸᒋᑦ ᐃᓄᒋᐊᒃᑐᕐᔪᐊᑦ ᑲᑎᒪᔪᑦ ᐊᑯᕐᖓᓐᓂ; ᐃᓄᒋᐊᒃᑐᕐᔪᐊᑦ ᑲᑎᓐᖓᔪᑦ ᐊᑯᕐᖓᓐᓂ ᓂᕐᑐᕐᓂᐊᕐᐸᒋᑦ.
ᓄᖅᑲᕐᓗᓯ, ᖃᐅᔨᓕᕆᑦᓯ ᒎᑎᐅᒐᒪ; ᐃᓅᖃᑎᒌᒡᔪᐊᓂᑦ ᐊᖏᔪᕈᕐᑎᑕᐅᔪᒫᕋᒪ, ᓄᓇᕐᔪᐊᒥ ᐊᖏᔪᕈᕐᑎᑕᐅᔪᒫᕐᐳᖓ.
ᕾᒋᑦᓯ ᑐᓵᔭᕐᑐᕐᓗᓯ, ᑕᒪᑦᓯ ᒎᑎᒥᒃ ᓯᕘᕋᔪᓯ, ᐅᖃᐅᑎᓂᐊᕋᑦᓯ ᖃᓄᖅ ᑕᕐᓂᓐᓂᒃ ᐱᓯᒪᖕᒪᖔᑦ.
ᐊᑕᓂᖅ ᒎᑎᕗᑦ ᐊᖏᔪᕈᕐᑎᓯᐅᒃ; ᑐᒃᓯᐊᕆᑦᓯ ᐃᑎᒐᖏᑕ ᐃᑯᕐᕋᖓᓂ! ᑖᓐᓇ ᐃᑦᔪᕐᓁᑦᑑᖕᒪᑦ.
ᐊᑕᓂᖅ ᒎᑎᕗᑦ ᐊᖏᔪᕈᕐᑎᓯᐅᒃ, ᑐᒃᓯᐊᕐᕕᒋᓗᒍᓗ ᖃᖅᑲᒥ ᐃᑦᔪᕐᓁᑦᑐᖁᑎᖓᓂ; ᐊᑕᓂᖅ ᒎᑎᕗᑦ ᐃᑦᔪᕐᓁᑦᑑᖕᒪᑦ.
ᐊᑕᓂᖅ ᐱᔪᓐᓇᐅᑎᒋᕙᕋ ᐃᓐᖏᕈᑎᒋᓪᓗᒍᓗ, ᐱᐅᓕᔨᒋᓕᕐᓗᒍᓗ; ᑖᓐᓇ ᒎᑎᒋᕙᕋ, ᓂᕐᑐᕐᓂᐊᕐᐸᕋᓗ, ᐊᑖᑕᒪ ᒎᑎᖓ, ᑖᓐᓇ ᐊᖏᔪᕈᕐᑎᓐᓂᐊᕐᐸᕋ.
ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐅᖃᕈᒫᕐᐳᑎᑦ: “ᐊᑕᓂᖅ ᓂᕐᑐᕐᑕᐅᓕ, ᐊᑎᖓ ᑍᓗᒍ ᑐᒃᓯᐊᕐᕕᒋᓯᐅᒃ; ᐱᓂᐊᕐᓂᖏᑦ ᐅᖃᐅᓯᕆᓗᒋᑦ ᐃᓅᖃᑎᒌᒡᔪᐊᓄᑦ, ᐊᑎᖓ ᐊᖏᔪᕈᕐᑎᓪᓗᒍ ᐅᖃᐅᓯᕆᓯᐅᒃ.
ᐊᑕᓃᖅ ᒎᑎᒋᕙᒋᑦ, ᐊᖏᔪᕈᕐᑎᑦᓱᒪᕙᒋᑦ ᐊᑏᓪᓗ ᓂᕐᑐᕈᒪᕙᕋ; ᐱᓇᓱᐊᕐᓯᒪᒐᕕᑦ ᑲᒪᓇᕐᑐᓂᒃ; ᓱᕐᕋᓚᐅᕐᓯᒪᓇᒃ ᐃᓱᒪᒋᓯᒪᔭᑎᑦ ᐊᑯᓂᓂᑦ ᑲᔪᓯᑎᓯᒪᒐᕕᒋᑦ.