14 ᑖᑦᓱᒪ ᐊᓂᑎᑉᐰᑦ ᑖᕐᑐᒥᑦ ᑐᖂᓪᓗ ᑕᕐᕋᓕᓂᖓᓂᑦ, ᓯᖁᒥᓪᓗᒋᓪᓗ ᕿᓚᒃᓯᒪᐅᑎᖏᑦ ᓯᖃᓪᓕᕔᑦ.
ᑖᕐᑐᒥᑦ ᐊᓂᔭᕆᐊᒃᓴᖅ ᐊᔪᓕᕐᐳᖅ, ᓴᕕᒡᔪᐊᕐᓗ ᑐᖁᑦᓯᔪᒃᓴᖅ ᑖᑦᓱᒥᖓ ᐅᑕᖅᑭᕗᖅ.
ᑖᕐᑐᕐᔪᐊᒥᑦ ᐊᓂᔪᓐᓇᕐᓂᐊᓐᖏᓚᖅ, ᓇᐹᕐᑐᑎᑐᑦ ᐊᕙᓚᖓᔪᖏᑦ ᐃᑯᐊᓪᓚᒃᓯᒪᔪᑎᑐᑦ ᑍᒤᑉᐳᖅ, ᐱᕈᕐᑐᖏᓪᓗ ᐊᓄᕆᒧᑦ ᑎᒃᑕᐅᔪᒫᕐᐳᑦ.
ᒎᑎᐅᑉ ᐊᖅᑯᑎᒋᓂᐊᕐᑕᕋ ᒪᑐᓚᐅᕐᒪᒍ, ᑕᕝᕙ ᐊᓂᒎᑎᔪᓐᓁᓪᓕᕗᖓ, ᐊᖅᑯᑎᒋᓂᐊᕐᑕᕋᓗ ᑖᕐᑐᕐᔪᐊᒧᑦ ᑕᑯᒃᓴᐅᔪᓐᓁᕐᑎᓚᐅᕐᐹ.
ᐅᓪᓗᖅ ᑍᓐᓇ ᓄᒫᓇᕐᓯᓗᓂ ᑖᕐᓯᒻᒪᕆᓕᕐᓕ. ᓄᕗᔭᓄᑦ ᐅᓕᒃᑕᐅᓕ; ᕿᕐᓈᖓᔪᓄᑦ ᑲᑉᐱᐊᓵᕐᑕᐅᓕ.
ᑕᕐᓂᖓ ᐅᑎᕐᑎᑦᓱᒪᓪᓗᒍ ᑐᖁᑉ ᓇᕐᓴᖓᓂᑦ, ᑕᑯᔪᓐᓇᕐᓯᖁᓪᓗᒍ ᐃᓅᓯᐅᑉ ᖃᐅᒪᓂᖓᓂᒃ.
ᐊᑦᓱᖏᕐᑕᐅᓯᒪᒃᐸᑕᓕ ᐊᕐᓵᕐᑑᔭᓄᑦ, ᕿᓚᒃᑕᐅᓯᒪᒃᐸᑕᓗ ᐅᖁᒤᒃᓴᕐᑎᑕᐅᓂᐅᑉ ᕿᓚᕈᑎᖏᓐᓄᑦ,
ᑐᓵᕗᖅ ᑎᒍᔭᐅᓯᒪᔪᑦ ᓂᐹᕙᓗᖏᓐᓂᒃ, ᐊᓂᑎᑦᓯᓪᓗᓂᓗ ᑐᖁᑕᒃᓴᕈᕐᑎᑕᐅᓯᒪᔪᓂᒃ;
ᑖᕐᑐᒥ ᐃᒃᓯᕙᔪᑦ ᑐᖂᓪᓗ ᑕᕐᕋᓕᓂᖓᓃᑦᑐᑦ, ᕿᓚᒃᓱᕐᑕᐅᓯᒪᔪᑦ ᐋᓐᓂᐊᑎᑕᐅᓂᕐᒧᑦ ᓴᕕᕋᔭᖕᓄᓪᓗ;
ᐊᑕᓃᖅ ᐃᓛᒃ ᐱᔨᒋᕙᕐᒪ; ᐱᔨᒋᕙᕐᒪ, ᐃᕐᓂᕆᔭᐅᓪᓗᖓ ᐱᔨᖕᓄᑦ ᐊᕐᓇᒧᑦ. ᕿᓚᒃᑕᐅᓯᒪᓂᒃᑲ ᐲᔭᓚᐅᕐᐸᑎᑦ.
ᓈᒻᒪᓈᕐᑐᒥᒃ ᐱᓇᓱᐊᕐᑐᖅ ᐅᖁᒤᒃᓴᕐᑎᑕᐅᔪᓄᑦ, ᑳᒃᑐᓂᒃ ᓂᕿᒥᒃ ᓂᕆᑎᑦᓯᔪᖅ. ᐊᑕᓂᖅ ᑎᒍᔭᐅᓯᒪᔪᓂᒃ ᐊᓂᑎᑦᓯᕗᖅ.
ᒎᑎ ᐃᓚᒋᔭᐅᕗᖅ ᐊᖏᕐᕋᒥ ᐃᓄᑑᔪᓂ; ᑎᒍᔭᐅᓯᒪᔪᑦ ᐊᓂᑎᑉᐰᑦ ᐊᔪᕐᓴᕐᓇᖏᑦᑐᒧᑦ; ᐊᑭᕋᕐᑐᕐᑐᓪᓕ ᐃᓂᖃᕐᐳᑦ ᓄᓇᒥ ᐸᓂᕐᑐᒥ.
ᑕᐅᑐᖏᑦᑐᑦ ᑎᑭᐅᑎᑎᑦᓱᒫᕐᐸᒃᑲ ᖃᐅᔨᒪᓐᖏᑕᖏᓐᓄᑦ; ᑕᓯᐅᕈᒫᕐᐸᒃᑲ ᐊᖅᑯᑎᒃᑯᑦ ᖃᐅᔨᒪᓐᖏᑕᖏᑎᒍᑦ. ᑖᕐᑐᖅ ᓯᕗᓂᖏᓐᓃᑦᑐᖅ ᖃᐅᒪᔪᓐᖑᕐᑎᑦᓱᒫᕐᐸᕋ, ᒪᓂᕋᐅᖏᑦᑐᓪᓗ ᒪᓂᖅᑲᒃᓴᕐᓗᒋᑦ, ᑍᒤᑦᑐᓂᒃ ᐱᓇᓱᐊᕐᕕᒋᔪᒫᕐᐸᒃᑲ, ᕿᒪᖕᓂᐊᓐᖏᓚᒃᑲᓗ.
ᐅᖃᐅᑦᔨᖁᓪᓗᑎᑦ ᑎᒍᔭᐅᓯᒪᕕᖕᒦᑦᑐᓄᑦ, ‘ᐊᓂᓕᕆᑦᓯ,’ ᑖᕐᓂᕐᐸᖓᓃᑦᑐᓄᓪᓗ, ‘ᓴᖅᑭᓕᕆᑦᓯ.’ ᐊᖅᑯᑎᓂ ᓂᕆᕕᒃᓴᕐᓯᐊᕈᒫᕐᐳᑦ, ᐱᖑᕐᓂᓗ ᐱᕈᕐᑐᖃᖏᑦᑐᓂ ᓂᕆᓇᓱᐊᕐᕕᖃᓕᕈᒫᕐᐳᑦ.
ᐊᑕᓂᐅᑉ ᒎᑎᐅᑉ ᐊᓂᕐᓂᖓᑕ ᓇᔪᕐᐹᖓ, ᐊᑕᓂᐅᑉ ᐅᕐᓱᕐᑎᓚᐅᕐᒪᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᓵᓚᐅᓯᒪᔪᓄᑦ; ᑎᓕᓚᐅᕐᐹᖓᓗ ᒪᒥᑎᑦᓯᖁᓪᓗᖓ ᐆᒻᒪᑎᒥᒍᑦ ᓯᖁᒥᓯᒪᔪᓂᒃ, ᑎᒍᔭᐅᓯᒪᔪᓂᒡᓗ ᐅᖃᐅᑦᔨᖁᓪᓗᖓ ᐊᓂᕕᒃᓴᖏᓐᓂᒃ, ᑎᒍᔭᐅᓯᒪᕕᖕᒦᑦᑐᓂᒡᓗ ᐊᓂᑎᑦᓯᖁᓪᓗᖓ.
ᐅᓇᓕ ᐊᕐᓇᖅ, ᐂᑉᕋᕼᐋᒻ ᑭᖑᕚᖓ ᓵᑖᓇᓯᐅᑉ ᕿᓚᒃᓱᕐᓯᒪᓚᐅᕐᑕᖓ ᐊᕐᕌᒍᓂᒃ 18ᓂᒃ, ᑖᓐᓇ ᕿᓚᕈᑦᔮᕐᑕᐅᔭᕆᐊᖃᓐᖏᓛᖅ ᓴᐸᑎᒥ?”
ᐅᓐᓄᐊᖑᓕᕐᑎᓪᓗᒍ ᐊᑕᓂᐅᑉ ᐂᖏᓕᖓᑕ ᑎᒍᔭᐅᓯᒪᕕᐅᑉ ᐅᒃᑯᐊᖏᑦ ᒪᑐᐃᕐᐰᑦ, ᐊᓂᑎᓪᓗᒋᑦ ᐅᖃᐅᑎᕔᑦ,
ᐃᑎᕐᑐᖃᕐᐳᖅ ᐅᖃᕆᐊᕐᑐᕐᑐᒥᒃ ᑖᒃᑯᓄᖓ, “ᐊᖑᑏᑦ ᑎᒍᔭᐅᓯᒪᕕᖕᒧᐊᕐᑎᓚᐅᕐᑕᓯ ᑐᒃᓯᐊᕐᕕᒡᔪᐊᒦᑉᐳᑦ ᐊᔪᕆᕐᑐᐃᓪᓗᑎᒃ ᐃᓄᖕᓂᒃ.”
ᐃᓕᑦᓯᑦᑕᐅᖅ ᒪᑐᒪ ᓯᕗᕐᖓᒍᑦ ᑖᕐᑐᒥᐅᖑᓚᐅᕋᑦᓯ, ᒫᓐᓇᓕ ᐊᑕᓂᕐᒥ ᖃᐅᒪᔪᒦᓕᕐᐳᓯ; ᑍᒤᒻᒪᑦ ᖃᐅᒪᔫᑉ ᕿᑐᕐᖓᖏᑎᑐᑦ ᐃᓅᓕᕆᑦᓯ,
ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᕐᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᕐᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᒪᓯ ᑖᕐᔪᐊᕐᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ.