ᐃᓐᖏᕈᑎᑦ 106:36 - ᐊᒡᓔᑦ ᐃᑦᔪᕐᖕᓁᑦᑐᑦ

³⁶ ᒎᑎᓐᖑᐊᖏᓐᓄᑦ ᑐᒃᓯᐊᖃᑕᐅᖃᑦᑕᓕᓚᐅᕐᐳᑦ: ᑕᒪᑐᒧᖓᓗ ᑕᕝᕙ ᓂᒐᕐᑎᑕᐅᑦᔪᑎᖃᓚᐅᕐᐳᑦ.

ᐃᓐᖏᕈᑎᑦ 106:36 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 17:7

ᓴᒥᐊᕆᐊᒥᐅᑦ ᓵᓚᐅᓚᐅᕐᐳᑦ ᐊᔪᕐᑐᓕᓚᐅᕋᒥᒃ ᐊᑕᓂᕐᒧᑦ ᒎᑎᒥᖕᓄᑦ, ᓴᐳᑦᔨᔨᒋᓚᐅᕐᑕᒥᓂᒃ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓂᑦ ᐰᕉᒥᑦ, ᐊᐅᓪᓚᕐᑎᑦᓯᔨᒋᓚᐅᕐᑕᒥᖕᓂᓪᓗ ᐄᑦᔨᑉᑎᒥᐅᑦ ᓄᓇᖓᓐᓂᑦ, ᒎᑎᓐᖑᐊᓄᑦ ᑐᒃᓯᐊᖔᖃᑦᑕᓕᕐᓗᑎᒃ.

ᐃᓐᖏᕈᑎᑦ 78:58

ᓂᓐᖓᒃᓴᓚᐅᕐᐹᑦ ᑐᒃᓯᐊᕐᕕᓕᐊᒥᖕᓄᑦ ᐳᕐᑐᔪᑦ ᖄᖏᓐᓃᑦᑐᓄᑦ; ᓯᖕᓇᑎᓚᐅᕐᐹᓪᓗ ᓴᓇᓐᖑᐊᕐᓯᒪᔪᓄᑦ ᒎᑎᓐᖑᐊᓄᑦ.

ᒨᓯᓯ ᐂᑉᐸᖏᑦ 23:33

ᓄᓇᒋᔭᑦᓯᓐᓂ ᓄᓇᖅᑲᑎᒋᔭᒃᓴᕆᓐᖏᓚᓯ, ᑖᒃᑯᓇᓐᖓᑦ ᐊᔪᕐᑐᓕᑎᑕᐅᖁᓇᓯ ᐅᕙᓐᓄᑦ; ᒎᑎᓐᖑᐊᖏᓐᓂᒃ ᑐᒃᓯᐊᕐᕕᖃᓕᕈᑦᓯ, ᑕᒪᓐᓇ ᖁᓚᕐᓇᒋᑦᓯᐊᕐᑐᒥᒃ ᐃᓕᑦᓯᓐᓄᑦ ᓂᒐᕐᑎᑦᓯᔪᑎᑎᑐᑦ ᑍᒤᓐᓂᐊᕐᐳᖅ.”

ᒨᓯᓯ ᑕᓪᓕᒪᖏᑦ 29:25

ᑕᒪᓐᓇ ᐃᒤᓕᖓᔪᒥᒃ, ‘ᐱᑦᔪᑎᖃᕐᐳᖅ ᐊᑕᓂᐅᑉ ᐃᓄᖁᑎᖏᑕ ᑖᑦᓱᒧᖓ ᐊᖏᖃᑎᒌᒍᑎᒋᓚᐅᕐᑕᓂ ᓯᖁᓯᒥᒪᖕᒪᒋᑦ, ᓯᕗᓕᕕᓂᖏᑕ ᒎᑎᖓᓄᑦ, ᐊᖏᖃᑎᒌᒍᑎᓕᐊᕆᓚᐅᕐᑕᖓᓄᑦ ᐄᑦᔨᑉᑎᒥᑦ ᐊᐅᓪᓚᕐᑎᓐᓇᒥᒋᑦ.

ᒨᓯᓯ ᑕᓪᓕᒪᖏᑦ 7:16

ᐃᓅᖃᑎᒌᒡᔪᐊᓕᒫᓂᒃ ᓄᖒᑦᓯᑦᑎᐊᕐᑐᒃᓴᐅᕗᓯ ᐊᑕᓂᐅᑉ ᒎᑎᑦᓯ ᑐᓂᔭᖏᓐᓂᒃ ᐃᓕᑦᓯᓐᓄᑦ, ᓂᑲᒋᔭᒃᓴᕆᖏᒻᒪᕆᒃᐸᓯ ᑕᐅᑦᑐᖏᑦ ᐱᑦᔪᑎᒋᓗᒋᑦ; ᒎᑎᒋᔭᖏᓪᓗ ᑐᒃᓯᐊᕐᕕᒋᔭᒃᓴᕆᓐᖏᓚᓯ, ᑐᒃᓯᐊᕐᕕᒋᑐᐊᕈᑦᓯᒋᒃ ᓂᒐᕐᑎᑕᐅᔪᑎᑐᑦ ᑍᒤᒐᔭᕋᑦᓯ.

ᔮᓱᐊᑉ ᐊᒡᓚᖏᑦ 23:13

ᑕᕝᕙ ᖃᐅᔨᔪᒫᕐᐳᓯ ᖁᓚᕐᓇᖏᑦᑐᒥᒃ ᐊᑕᓂᐅᑉ ᒎᑎᑦᓯ ᓯᖏᑉᐸᓪᓕᐊᔪᓐᓃᕈᒫᕐᒪᒋᑦ ᐃᓅᖃᑎᒌᒡᔪᐊᑦ ᐃᓕᑦᓯᓐᓂᑦ; ᑖᒃᑯᐊᓕ ᐃᓕᑦᓯᓐᓄ ᑲᑉᐱᐊᓇᕐᓯᔪᒫᕐᐳᑦ ᓂᒐᕐᑎᑐᑦ ᒥᑭᒋᐊᑎᑐᓪᓗ, ᐋᓐᓂᐊᑎᑕᐅᓗᓯ ᐊᕙᑎᓕᒫᑦᓯᓐᓂᑦ, ᐃᑦᔨᓯᒪᐅᑎᑐᑦ ᑲᐳᕋᕐᓇᕐᑐᑎᑐᑦ, ᑕᒪᓐᓇᓗ ᑍᒤᒐᔭᕐᐳᖅ ᐊᓂᑎᑕᐅᖅᑳᕐᑎᓐᓇᓯ ᑕᒫᓐᖓᑦ ᓄᓇᑦᓯᐊᕙᖕᒥᑦ ᐊᑕᓂᐅᑉ ᒎᑎᑦᓯ ᑐᓂᓚᐅᕐᑕᖓᓂᒃ ᐃᓕᑦᓯᓐᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 10:6

ᐃᓴᕆᐊᓕᒥᐅᑦ ᓱᓕ ᐊᔪᕐᑐᓕᓚᐅᕆᕗᑦ ᐊᑕᓂᕐᒧᑦ ᑐᓯᐊᕐᓂᕐᒥᖕᓄᑦ ᐰᓕᒧᑦ ᐋᔅᑕᕉᑎᒧᓪᓗ, ᒎᑎᖃᕐᓂᕐᒥᖕᓄᑦ, ᓯᕆᐊᒥᐅᓪᓗ ᒎᑎᓐᖑᐊᖏᓐᓂᒃ, ᓮᑐᓂᒥᐅᓪᓗ ᒎᑎᓐᖑᐊᖏᓐᓂᒃ, ᒧᐊᐱᒥᐅᓪᓗ ᒎᑎᓐᖑᐊᖏᓐᓂᒃ, ᐊᒧᓁᑎᒥᐅᓪᓗ ᒎᑎᓐᖑᐊᖏᓐᓂᒃ, ᐱᓕᔅᑍᓂᒥᐅᓪᓗ ᒎᑎᓐᖑᐊᖏᓐᓂᒃ. ᐊᑕᓂᕐᒥᒃ ᕿᒤᓚᐅᕐᐳᑦ ᑐᒃᓯᐊᕐᕕᒋᔪᓐᓁᕐᓗᒍᓗ.

ᐃᓗᐊᕐᓮᔩᑦ ᐊᒡᓚᖏᑦ 2:17

ᓱᓕᓕ ᓈᓚᓚᐅᓐᖏᓚᑦ ᐃᓱᐊᕐᓮᔨᓂᒃ; ᐊᓯᓐᓂᐊᕐᑐᑎᑐᑦ ᒎᑎᐅᑉ ᐊᓯᖏᓐᓂᒃ ᒎᑎᖃᓕᓚᐅᕐᒪᑕ ᑐᒃᓯᐊᖃᑦᑕᓕᕐᓗᑎᒡᓗ ᑖᒃᑯᓄᖓ; ᑭᖑᓂᖓᒍᑦ ᓯᕗᓕᕕᓂᖏᑦᑕ ᐃᓕᖅᑯᓯᖏᓐᓂᒃ ᐱᐅᓯᖃᕈᓐᓃᓚᐅᕐᐳᑦ, ᐊᑕᓂᐅᑉ ᐱᖁᔭᖏᓐᓂᒃ ᓈᓚᑦᓯᐊᓚᐅᕐᑐᑎᑐᑦ, ᑖᒃᑯᐊᓕ ᑍᒤᑦᑐᓐᓃᓚᐅᕐᐳᑦ.

ᐃᓗᐊᕐᓮᔩᑦ ᐊᒡᓚᖏᑦ 2:19

ᐃᓱᐊᕐᓮᔨᓕ ᑐᖁᑐᐊᕐᒪᑦ, ᐃᓄᐃᑦ ᐅᑎᖃᑦᑕᓚᐅᕐᐳᑦ ᐱᐅᓯᑐᖃᕐᒥᖕᓄᑦ ᐱᐅᖏᓐᓂᕐᓴᐅᓕᕐᐸᒡᓗᑎᒡᓗ ᓯᕗᓕᕆᓚᐅᕐᑕᒥᖕᓂᑦ. ᒎᑎᐅᑉ ᐊᓯᖏᓐᓂᒃ ᒎᑎᖃᖃᑦᑕᓚᐅᕐᒪᑕ, ᐱᔨᑦᓯᕐᓗᒋᑦ ᑐᒃᓯᐊᕐᕕᒋᓪᓗᒋᓪᓗ; ᐱᓂᐊᕐᓂᕐᒥᖕᓂᒡᓗ ᓴᒃᑯᓚᐅᓐᖏᓚᑦ.

ᐃᓗᐊᕐᓮᔩᑦ ᐊᒡᓚᖏᑦ 2:3

ᒫᓐᓇᓕ ᐅᖃᐅᑎᕙᑦᓯ ᑖᒃᑯᐊ ᐃᓄᐃᑦ ᐊᐅᓪᓚᕐᑎᓐᓂᐊᕈᓐᓃᕐᐸᒃᑲ ᓯᕗᓂᑦᓯᓐᓂ ᐊᑭᕋᕐᑐᕐᑎᒋᓂᐊᓕᕋᓯᐅᒃ ᒎᑎᓐᖑᐊᖏᓐᓂᓪᓗ ᐊᔪᓕᕐᑎᑕᐅᓗᓯ.”