9 ᐊᖏᕈᑎᒋᓚᐅᕐᑕᓂ ᐂᑉᕋᕼᐋᒧᑦ, ᓱᓕᓂᐊᕐᓂᕋᕐᓗᓂ ᐊᖏᕈᑎᒋᓚᐅᕐᐹ ᐂᓴᑭᒧᑦ,
ᐊᑕᓂᐅᓪᓗ ᐂᑉᕋᒻ ᓴᖅᑭᕝᕕᒋᒐᒥᐅᒃ ᐅᖃᐅᑎᕚ, “ᓄᓇ ᑕᒪᓐᓇ ᑭᖑᕚᒃᓴᕐᓄᑦ ᓄᓇᑖᖑᑎᑦᓱᒫᕐᑕᕋ.” ᑕᕝᕙᓂᓗ ᑐᓂᕐᕈᓯᕐᕕᓕᐅᕐᐳᖅ ᐊᑕᓂᕐᒧᑦ, ᓴᖅᑭᕝᕕᐅᓚᐅᕐᓂᕐᒥᓄᑦ.
ᐃᓕᖕᓄᑦ ᐅᕙᓐᓄᓪᓗ ᐊᖏᖃᑎᒌᒍᑎᓕᐅᕈᒪᕗᖓ, ᐅᓄᕐᑐᕐᔪᐊᓂᒃ ᑭᖑᕚᒃᓴᖃᕐᑎᑦᓱᒪᒐᒃᑭᑦ.”
ᑕᒫᓂ ᓄᓇᖃᑬᓐᓇᓕᕆᑦ, ᐃᓚᒋᓂᐊᕐᐸᒋᑦ, ᓮᒻᒪᕐᑎᓪᓗᑎᓪᓗ; ᐃᓕᖕᓄᑦ ᑭᖑᕚᕐᓄᓪᓗ ᓄᓁᑦ ᑕᒪᒃᑯᐊ ᑐᓂᔪᒫᕋᒃᑭᑦ, ᐊᖏᕈᑎᒋᓯᒪᔭᕋᓗ ᑲᔪᓯᑎᑦᓱᒫᕐᐸᕋ ᐊᑖᑕᖕᓄᑦ ᐂᑉᕋᕼᐋᒧᑦ ᐅᖃᕕᒍᑎᒋᓚᐅᕐᑕᕋ.
ᐊᑕᓂᕐᓗ ᑕᑯᕚ ᓇᖏᕐᑐᖅ ᖁᓛᓂ ᐅᖃᕐᓗᓂᓗ, “ᐊᑕᓂᐅᕗᖓ, ᓯᕗᓕᕐᐱᑦ ᐂᑉᕋᕼᐋᒻ ᐂᓴᑭᐅᓪᓗ ᒎᑎᖓ; ᑐᓂᓯᕕᒋᓂᐊᕋᒃᑭᑦ ᑭᖑᕚᒃᓴᑎᓪᓗ ᑕᒪᑐᒥᖓ ᓄᓇᒥᒃ ᓇᓚᕝᕕᒋᔭᕐᓂᒃ.
ᒎᑎᐅᓪᓗ ᐅᖃᐅᑎᕚ, “ᐅᕙᖓ ᒎᑎᐅᕗᖓ ᐊᔪᒐᖃᖏᑦᑐᖅ; ᐅᓄᕐᑐᓂᒃ ᕿᑐᕐᖏᐅᕆᑦᓯ ᐅᓄᕐᓯᕙᓪᓕᐊᓗᓯᓗ; ᐃᓅᖃᑎᒌᒡᔪᐊᑦ ᐃᓅᖃᑎᒌᒐᓴᒡᔪᐊᓪᓗ ᐃᓕᖕᓂᑦ ᐱᔪᒫᕐᐳᑦ, ᐊᖓᔪᖅᑳᕐᔪᐊᓂᒡᓗ ᑭᖑᕚᖃᕈᒫᕐᐳᑎᑦ.
ᐊᑕᓂᐅᑉ ᐱᑦᓯᐊᕐᕕᒋᓚᐅᕐᐰᑦ ᐃᓚᑦᓱᒋᓪᓗᒋᑦ ᐃᓱᒪᒋᑦᓯᐊᓚᐅᕐᐰ ᐊᖏᖃᑎᒌᒍᑎᓕᐅᕐᓯᒪᓂᓂ ᐱᑦᔪᑎᒋᓪᓗᒍ ᐂᑉᕋᕼᐋᒧᑦ, ᐂᓴᑭᒧᑦ, ᔧᑯᒧᓪᓗ. ᐅᓪᓗᒥ ᑎᑭᓪᓗᒍ ᓱᓕ ᐊᓯᕈᕐᑕᐅᖁᓐᖏᓔᑦ ᕿᒪᒍᒪᓇᒋᓪᓗ ᓇᔪᐃᓐᓇᕈᒪᓚᐅᕐᐰᑦ.
ᓇᒡᕚᓚᐅᕐᐸᑦ ᐆᒻᒪᑎᒥᒍᑦ ᐅᒃᐱᕐᓂᖓ ᑲᔪᓯᓂᖃᕐᑎᓪᓗᒍ ᐃᓕᖕᓄᑦ, ᐊᖏᖃᑎᒌᓚᐅᕐᐳᓯᒡᓗ ᓄᓇᒥᒃ ᑬᓇᓂᒥᒃ ᑐᓂᓂᐊᕐᓂᕋᕐᓗᒍ, ᐅᑯᐊ ᓄᓇᖁᑎᖓᓐᓂᑦ, ᕼᐃᑍᑎᒃᑯᑦ, ᐊᒧᕅᑎᑯᓪᓗ, ᐱᕆᔧᑎᒃᑯᓪᓗ, ᔨᐳᓮᑎᒃᑯᓪᓗ, ᒋᕐᒐᓮᑎᒃᑯᓪᓗ, ᓄᓇᒋᔭᐅᖁᓪᓗᒋᑦ ᑭᖑᕚᖏᓐᓄᑦ. ᐊᖏᕐᓂᕆᓚᐅᕐᑍᑦ ᑲᔪᓯᑎᓚᐅᕐᐸᑦ, ᐅᒃᐱᕐᓇᑦᓯᐊᕋᕕᑦ.
ᓂᓪᓕᐊᓂᖓᑦ ᐃᓖᔭᕆᔭᐅᓂᕐᒧᑦ ᒎᑎᐅᑉ ᑐᓴᕋᒥᐅᑉ ᐊᖏᖃᑎᒌᒍᑎᒋᓚᐅᕐᑕᓂ ᐂᑉᕋᕼᐋᒧᑦ, ᐂᓴᑭᒧᓪᓗ, ᔧᑯᒧᓪᓗ ᐃᖅᑲᕐᐹ.
ᐅᖃᕕᒃᓗᖓ ᐊᖏᒻᒪᕆᒍᑎᒋᓚᐅᕐᑕᕋ ᓯᕗᓕᑦᓯᓐᓄᑦ ᓱᓕᖁᓪᓗᒍ, ᓄᓇᑖᕐᑎᑦᓱᒪᓚᐅᕋᒃᑭ ᒪᒪᕐᑐᓂᒃ ᓂᕿᒃᓴᖃᑦᓯᐊᕐᑐᒥᒃ ᐊᔪᕐᓴᕐᓇᖏᑦᑐᒥᓗ ᐅᓪᓗᒥ ᓄᓇᒋᓕᕐᑕᑦᓯᓐᓂᒃ.” ᑕᕝᕙ ᑭᐅᕙᕋ, “ᐊᑕᓃᖅ, ᑍᒤᓕᕐᓕ.”
ᒎᑎᐅᑉ ᐊᖏᕈᑎᓂ ᓇᓗᓁᒃᑯᑦᓯᓚᐅᕐᐹ ᑭᐱᔭᐅᓂᕐᒥᒃ. ᑍᒤᒻᒪᑦ ᐂᑉᕋᕼᐋᑉ ᐂᓴᑭ ᐃᕐᓂᕐᑖᕆᒐᒥᐅᒃ, ᐅᓪᓗᐃ ᓯᑕᒪᐅᔪᕐᑐᖓᓐᓂ ᑭᐱᕚ; ᐂᓴᑭᐅᓪᓗ ᔧᑯ ᐃᕐᓂᕐᑖᕆᒐᒥᐅᒃ ᑭᐱᒋᕚ, ᔧᑰᓪᓗ ᐃᕐᓂᓂ ᓯᕗᓕᕆᔭᕗᑦ 12 ᑭᐱᓚᐅᕆᕔᑦ.
ᐃᒫᒃ ᐅᖃᕋᓱᐊᕐᐳᖓ; ᒎᑎ ᐊᖏᖃᑎᖃᓚᐅᕐᑐᖅ ᐂᑉᕋᕼᐋᒥᒃ ᐊᖏᕈᑎᖃᕐᓯᒪᓪᓗᓂᓗ ᓴᖑᑎᑦᔮᖏᓐᓂᕋᕐᓗᒍ, ᐱᖁᔧᑦ ᑐᓂᔭᐅᓚᐅᕐᑐᑦ 430 ᐊᕐᕌᒍᐃᑦ ᓈᓯᒪᓕᕐᑎᓪᓗᒋᑦ, ᐊᖏᖃᑎᒌᒍᑕᐅᓯᒪᔪᒥᒃ ᓯᖁᒥᑦᓯᔪᓐᓇᖏᒻᒪᑕ ᒎᑎᐅᓪᓗ ᐊᖏᕈᑎᒋᓯᒪᔭᖓᓂᒃ ᑎᑎᕋᕐᓯᒪᔪᓂᒃ ᐊᑐᕈᓐᓃᕐᑎᑦᓯᔪᓐᓇᕋᑎᒃ.
ᒎᑎᓕ ᖁᓚᕐᓇᖏᑦᓯᐊᕐᑐᒥᒃ ᐊᖏᕈᑎᒋᔭᒥᓂᒃ ᐊᓯᑦᔨᑦᔮᖏᓐᓂᖓᓂᒃ ᖃᐅᔨᑎᑦᓯᔪᒪᒐᒥ ᐊᖏᒻᒪᕆᒍᑕᐅᔪᒥᒃ ᑲᔪᓯᑎᑦᓯᔪᒃᓴᓄᑦ, ᖁᓚᕐᓁᕐᑎᓚᐅᕐᐹ ᐊᖏᒻᒪᕆᖕᓂᕐᒥᒃ ᓇᓗᓁᒃᑯᓯᕐᓗᓂᐅᒃ.
