ᐃᓐᖏᕈᑎᑦ 105:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑖᑦᓱᒪ ᐊᖏᖃᑎᖃᕐᓯᒪᓂᓂ ᐃᖅᑲᐅᒪᕚ ᐃᓱᖃᖏᑦᑐᒧᑦ, ᐅᖃᐅᓰᑦ ᐊᖏᕈᑎᒋᓚᐅᕐᑕᓂ ᑭᖑᕚᕆᓄᑦ ᐃᓱᖃᖏᑦᑐᒧᑦ,

ᐃᓐᖏᕈᑎᑦ 105:8 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 17:7

“ᐊᖏᖃᑎᒌᒍᑎᒋᔭᕋᓗ ᐅᕙᓐᓂᑦ ᐃᓕᖕᓄᑦ ᑭᖑᕚᒃᓴᕐᓄᓪᓗᑦᑕᐅᖅ ᑭᖑᓂᕐᓂ ᑭᖑᕚᕇᖑᔪᒫᕐᑐᓄᓪᓗ ᐃᓱᖃᖏᑦᑐᒧᑦ ᑐᕌᖓᓂᐊᕐᐳᖅ, ᐃᓕᖕᓄᑦ ᒎᑎᒋᔭᐅᓂᐊᕐᐳᖓ ᑭᖑᕚᒃᓴᕐᓄᓪᓗ ᒎᑎᒋᔭᐅᔪᒫᕆᕗᖓ.

ᒨᓯᓯ ᓯᕗᓪᓖᑦ 26:3

ᑕᒫᓂ ᓄᓇᖃᑬᓐᓇᓕᕆᑦ, ᐃᓚᒋᓂᐊᕐᐸᒋᑦ, ᓮᒻᒪᕐᑎᓪᓗᑎᓪᓗ; ᐃᓕᖕᓄᑦ ᑭᖑᕚᕐᓄᓪᓗ ᓄᓁᑦ ᑕᒪᒃᑯᐊ ᑐᓂᔪᒫᕋᒃᑭᑦ, ᐊᖏᕈᑎᒋᓯᒪᔭᕋᓗ ᑲᔪᓯᑎᑦᓱᒫᕐᐸᕋ ᐊᑖᑕᖕᓄᑦ ᐂᑉᕋᕼᐋᒧᑦ ᐅᖃᕕᒍᑎᒋᓚᐅᕐᑕᕋ.

ᑯᕉᓂᑲ ᓯᕗᓪᓖᑦ 16:15

ᑖᑦᓱᒪ ᐊᖏᖃᑎᒌᒍᑎᒋᓯᒪᔭᓂ ᐃᖅᑲᐅᒪᕚ ᐃᓱᖃᖏᑦᑐᒧᑦ, ᐅᖃᐅᓰᑦ ᐱᖁᔨᓂᕆᓚᐅᕐᑕᖏᑦ ᑭᖑᕚᕆᓄᑦ ᐃᓱᖃᖏᑦᑐᒧᑦ,

ᓂᕼᐃᒤᐊᐅᑉ ᐊᒡᓚᖏᑦ 1:5

ᐅᖃᕐᓗᖓᓗ, “ᐊᑕᓃᖅ ᒎᑏ ᕿᓚᖕᒦᑦᑐᑎᑦ, ᐊᖏᔪᕐᔪᐊᖑᔪᑎᑦ ᐃᓕᕋᓇᕐᑑᓪᓗᑎᓪᓗ ᒎᑎᐅᔪᑎᑦ, ᐊᖏᖃᑎᒌᒍᑎᒋᓯᒪᔭᕐᓂᒃ ᓇᒡᓕᒍᓱᖕᓂᕐᓂᒡᓗ ᑲᔪᓯᑎᑦᓯᖃᑦᑕᕐᑐᑎᑦ ᐃᓕᖕᓂᒃ ᐅᖓᒋᔭᖃᕐᑐᓄᑦ ᐱᖁᔭᕐᓂᒡᓗ ᒪᓕᒃᑐᓄᑦ.

ᐃᓐᖏᕈᑎᑦ 105:42

ᐃᖅᑲᐅᒪᒐᒥ ᐊᖏᕈᑎᒋᓚᐅᕐᑕᒥᓂᒃ ᐃᑦᔪᕐᓁᑦᑐᒥᒃ, ᐅᖃᐅᓯᕆᓚᐅᕐᑕᒥᓂᒃ ᐱᔨᒥᓄᑦ ᐂᑉᕋᕼᐋᒧᑦ.

ᐃᓐᖏᕈᑎᑦ 106:45

ᑖᒃᑯᐊ ᐱᑦᔪᑎᒋᓪᓗᒋᑦ ᐊᖏᖃᑎᖃᕐᓯᒪᓂᓂ ᐃᖅᑲᐅᒪᓚᐅᕐᐹ, ᓇᒡᓕᒍᓱᖕᓂᕐᔪᐊᓂ ᐱᑦᔪᑎᒋᓪᓗᒍ ᖃᕿᐊᓕᕐᕕᒋᓚᐅᕐᐰᑦ.

ᐃᓐᖏᕈᑎᑦ 111:5

ᓂᕿᒃᓴᓂᒃ ᑐᓂᓯᖃᑦᑕᕐᐳᖅ ᓯᕘᕋᒋᔨᒥᓄᑦ; ᐊᖏᖃᑎᒌᒍᑎᒋᓯᒪᔭᒥᓂᒃ ᐃᖅᑲᐅᒪᑦᓮᓐᓇᕐᐳᖅ.

ᐃᓐᖏᕈᑎᑦ 111:9

ᐃᓄᖁᑎᒥᓄᑦ ᐱᐅᓕᔭᐅᑦᔪᑎᒃᓴᖅ ᑎᓕᒃᓯᐅᑎᒋᓚᐅᕐᐹ; ᐃᓱᖃᖏᑦᑐᒧᓪᓗ ᑐᕌᖓᔪᒥᒃ ᐊᖏᖃᑎᒌᒍᑎᖃᕐᕕᒋᓪᓗᒋᑦ. ᑖᑦᓱᒪ ᐊᑎᖓ ᐃᔪᕐᓁᑦᑑᕗᖅ ᐅᐱᓐᓇᕐᑐᕐᔪᐊᖑᓪᓗᓂᓗ.

ᒨᓯᓯ ᐂᑉᐸᖏᑦ 2:24

ᓂᓪᓕᐊᓂᖓᑦ ᐃᓖᔭᕆᔭᐅᓂᕐᒧᑦ ᒎᑎᐅᑉ ᑐᓴᕋᒥᐅᑉ ᐊᖏᖃᑎᒌᒍᑎᒋᓚᐅᕐᑕᓂ ᐂᑉᕋᕼᐋᒧᑦ, ᐂᓴᑭᒧᓪᓗ, ᔧᑯᒧᓪᓗ ᐃᖅᑲᕐᐹ.

ᔨᕆᒤᐊᐅᑉ ᐊᒡᓚᖏᑦ 11:5

ᐅᖃᕕᒃᓗᖓ ᐊᖏᒻᒪᕆᒍᑎᒋᓚᐅᕐᑕᕋ ᓯᕗᓕᑦᓯᓐᓄᑦ ᓱᓕᖁᓪᓗᒍ, ᓄᓇᑖᕐᑎᑦᓱᒪᓚᐅᕋᒃᑭ ᒪᒪᕐᑐᓂᒃ ᓂᕿᒃᓴᖃᑦᓯᐊᕐᑐᒥᒃ ᐊᔪᕐᓴᕐᓇᖏᑦᑐᒥᓗ ᐅᓪᓗᒥ ᓄᓇᒋᓕᕐᑕᑦᓯᓐᓂᒃ.” ᑕᕝᕙ ᑭᐅᕙᕋ, “ᐊᑕᓃᖅ, ᑍᒤᓕᕐᓕ.”

ᑖᓂᐊᓕᐅᑉ ᐊᒡᓚᖏᑦ 9:4

ᑐᒃᓯᐊᓚᐅᕐᐳᖓ ᐊᑕᓂᕐᒧᑦ ᒎᑎᓐᓄᑦ ᖁᔭᓕᓂᕐᒥᒡᓗ ᓴᖅᑭᑎᑦᓯᕕᒋᓪᓗᒍ ᐃᒫᒃ. “ᐊᑕᓃᖅ, ᐊᖏᔪᐊᓘᕗᑎᑦ ᑕᑕᓐᓇᕐᑑᓪᓗᑎᓪᓗ ᒎᑏᒃ, ᐊᖏᖃᑎᒌᒍᑎᑎᑦ ᓇᒡᓕᖕᓂᕐᒥᒃ ᑲᔪᓯᑎᑉᐸᑎᑦ ᐃᓕᖕᓂᒃ ᓇᒡᓕᒍᓱᒃᑐᓕᒫᓄᑦ, ᐱᖁᔭᕐᓂᒡᓗ ᓈᓚᒃᑐᓄᑦ.

ᒤᑲᐅᑉ ᐊᒡᓚᖏᑦ 7:20

ᓱᓕᑦᓯᐊᕐᓃᑦ ᓴᖅᑭᑎᓐᓂᐊᕐᐸᑦ ᔧᑯᒧᑦ ᓇᒡᓕᒍᓱᖕᓃᓪᓗ ᓱᖁᓯᔪᐃᑦᑐᖅ ᐂᑉᕋᕼᐋᒻᒧᑦ, ᑍᑦᓱᒪᓂᐊᓗᒃ ᐊᖏᕈᑎᒋᓚᐅᕐᑍᑦ ᓯᕗᓕᕕᓂᑦᑎᓐᓄᑦ.

ᒨᓯᓯ ᑕᓪᓕᒪᖏᑦ 7:12

“ᑖᒃᑯᓂᖓ ᐱᖁᔨᑦᔪᑎᓂᒃ ᓈᓚᒃᑯᕕᑦ ᒪᓕᑦᓯᐊᕈᕕᒋᓪᓗ ᓱᖁᓯᔪᐃᑦᑑᓗᑎᑦ, ᑕᕝᕙ ᐊᑕᓂᐅᑉ ᒎᑎᕕᑦ ᐊᖏᕈᑎᒋᓯᒪᔭᒥᓂᒃ ᑲᔪᓯᑎᑦᓯᕕᒋᓂᐊᕐᐹᑎᑦ ᓇᒡᓕᒍᓱᖕᓂᕐᒥᓂᒡᓗ ᑍᒪᓐᖓᑦ ᖃᐅᔨᑎᖃᑦᑕᕐᓂᐊᕐᐹᑎᑦ, ᑕᒪᑐᒥᖓ ᓯᕗᓕᕕᓂᕐᓯ ᐊᖏᕐᕕᒋᓯᒪᖕᒪᒋᑦ;

ᒨᓯᓯ ᑕᓪᓕᒪᖏᑦ 7:8

ᐊᑕᓂᐅᓪᓕ ᓇᒡᓕᒋᕚᓯ, ᐊᖏᕈᑎᒋᓚᐅᕐᑕᓂᓗ ᓯᕗᓕᕕᓂᑦᓯᓐᓄᑦ ᑲᔪᓯᑎᑦᑐᒪᓯᒪᕚ. ᑍᒤᒻᒪᑦ ᑕᕝᕙ ᐱᐅᓕᓚᐅᕐᐹᓯ ᐱᔪᓐᓇᕐᓂᕐᔪᐊᒥᓄᑦ ᐃᓖᔭᕆᔭᐅᓂᕐᒥᓪᓗ ᐲᕐᑎᓪᓗᓂᓯ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓂᑦ.

ᒨᓯᓯ ᑕᓪᓕᒪᖏᑦ 7:9

ᐃᖅᑲᐅᒪᔪᒃᓴᐅᕗᓯ ᐊᑕᓂᖅ ᒎᑎᓯ ᑭᓯᒥ ᒎᑎᑑᖕᒪᑦ ᓱᖁᓯᔪᐃᑦᑑᓪᓗᓂᓗ, ᐊᖏᖃᑎᒌᒍᑎᒋᓯᒪᔭᓂ ᑲᔪᓯᑎᓐᓂᐊᕐᐹ ᓇᒡᓕᒍᓱᖕᓂᓂᓗ ᑍᒪᓐᖓᑦ ᓴᖅᑭᑎᖃᑦᑕᕐᓂᐊᕐᐹ ᑭᖑᕚᖑᖃᑎᒌᓄᑦ ᐅᓄᕐᑐᕐᔪᐊᓄᑦ ᓇᒡᓕᒍᓱᒃᑐᓄᑦ ᑖᑦᓱᒥᖓ ᐱᖁᔨᑦᔪᑎᒋᔭᖏᓐᓂᒡᓗ ᒪᓕᒃᑐᓄᑦ,

ᔮᓱᐊᑉ ᐊᒡᓚᖏᑦ 21:43

ᑍᒫᒃ ᑕᕝᕙ ᐊᑕᓂᖅ ᐃᓴᕆᐊᓕᒥᐅᓄᑦ ᓄᓇᒥᒃ ᑐᓂᓯᓚᐅᕐᐳᖅ ᓯᕗᓕᖏᓐᓄᑦ ᐊᖏᕈᑎᒋᓚᐅᕐᑕᓂ ᒪᓕᒡᓗᒍ ᑐᓂᓂᐊᕐᓂᕋᓚᐅᕐᑕᒥᓂᒃ; ᓄᓇᑖᕆᒐᒥᑦᔪᒃ, ᑖᒃᑯᓇᓂ ᓇᔪᒐᖃᓕᓚᐅᕐᐳᑦ.