ᐃᓐᖏᕈᑎᑦ 105:43 - ᐊᒡᓔᑦ ᐃᑦᔪᕐᖕᓁᑦᑐᑦ

⁴³ ᖁᕕᐊᓱᒡᓗᓂ ᐃᓄᖁᑎᓂ ᐊᐅᓪᓚᕈᑎᓚᐅᕐᐰᑦ, ᓂᕈᐊᕐᓯᒪᔭᖏᓪᓗ ᐃᓐᖏᓚᐅᕐᐳᑦ ᖁᕕᐊᓱᒃᓗᑎᒃ.

ᐃᓐᖏᕈᑎᑦ 105:43 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 35:10

ᐊᑕᓂᐅᑉ ᐊᑭᓕᕐᓗᒋᑦ ᓂᐅᕕᐊᕆᔭᖏᑦ ᑖᒃᑯᐊ ᐅᑎᕈᒫᕐᐳᑦ, ᑎᑭᑦᓱᒫᕐᐳᑦ ᓮᐅᓂᒧᑦ ᖁᕕᐊᓱᖕᓂᕐᒧᑦ ᐃᓐᖏᕐᓗᑎᒃ; ᖁᕕᐊᓱᖕᓂᕐᔪᐊᕐᒧᑦ ᐃᓱᖃᖏᑦᑐᒧᑦ ᖁᓚᖏᐊᕐᑕᐅᔪᒫᕐᐳᑦ, ᐊᓕᐊᓁᒍᓱᖕᓂᕐᒥᒃ ᖁᕕᐊᓱᖕᓂᕐᒥᒡᓗ ᐱᓯᒪᔪᒫᕐᐳᑦ, ᕿᒃᓵᖕᓂᕐᓗ ᐊᓂᕐᓴᐅᒥᓂᕐᓗ ᕿᒫᔪᒫᕐᒪᑕ.

ᐋᐴᓯᑕᓖᑦ ᐱᓂᐊᕐᓂᖏᑦ 13:17

ᐃᓄᐃᑦ ᐃᓴᕆᐊᓕᒥᐅᑦ ᒎᑎᖓᑦᑕ ᓯᕗᓕᕕᓂᕗᑦ ᓂᕈᐊᓚᐅᕐᐰᑦ, ᐃᓄᒋᐊᒃᑐᐊᓘᓕᕐᑎᓚᐅᕐᐰᑦ ᐄᑦᔨᑉᑎᒥ ᓄᓇᖃᕐᑎᓪᓗᒋᑦ, ᐱᔪᓐᓇᕐᓂᕐᔪᐊᒥᓄᑦ ᐊᐅᓪᓚᕐᑎᓚᐅᕐᐰᑦ ᐄᑦᔨᑉᑎᒥᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 7:36

ᑖᑦᓱᒪ ᐃᓄᐃᑦ ᐊᐅᓪᓚᕈᑎᓚᐅᕐᐰᑦ ᐄᑦᔨᑉᑎᒥᑦ, ᑲᒪᓇᕐᑐᓕᓂᕐᑎᒍᑦ ᓇᓗᓁᒃᑯᑕᕐᑎᒍᓪᓗ ᐱᓇᓱᐊᖃᑦᑕᕐᓗᓂ ᐄᑦᔨᑉᑎᒥ, ᐃᒪᕐᒥ ᐊᐅᐸᓗᒃᑕᒥ, ᓄᓇᒥᓗ ᐃᓄᖃᖏᑦᑐᒥ ᐊᕐᕌᒍᑦ 40 ᓈᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 55:12

ᖁᕕᐊᓱᒡᓗᓯ ᐊᓂᓕᕈᒫᕐᐳᓯ, ᑕᓯᐅᕐᑕᐅᓗᓯᓗ ᓮᒪᓂᕐᒧᑦ; ᖃᖅᑳᓗᐃᑦ ᐱᖑᐃᓪᓗ ᐃᓐᖏᕐᓯᔪᒫᕐᐳᑦ ᓵᑦᓯᓐᓂ, ᓇᐹᕐᑐᐃᓪᓗ ᐸᑦᑕᒃᑐᕈᒫᕐᐳᑦ.

ᒨᓯᓯ ᓯᕗᓪᓖᑦ 15:16

ᑭᖑᕚᑎᓪᓕ ᐃᕐᓂᕇᑦ ᓯᑕᒪᖏᑦ ᑭᓯᐊᓂ ᐊᓂᒍᕐᐸᑕ ᑕᒪᐅᖓ ᓄᓇᒧᑦ ᐅᑎᕈᒫᕆᕗᑦ, ᐊᒧᕅᑎᑦ ᐊᔪᕐᑐᓕᓂᖏᑦ ᓱᒋᐊᕐᑕᐅᓚᐅᖏᒻᒪᑕ ᓱᓕ.”

ᒨᓯᓯ ᐂᑉᐸᖏᑦ 14:8

ᐊᑕᓂᐅᓪᓗ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓ ᐱᔭᕐᓂᕈᓐᓃᕐᑎᓚᐅᕐᒪᒍ, ᐃᓴᕆᐊᓕᒥᐅᑦ ᒪᓕᒃᓴᕐᐰᑦ, ᑖᒃᑯᐊ ᖁᕕᐊᓱᒡᓗᑎᒃ ᐃᖏᕐᕋᓕᓚᐅᕐᑑᒐᓗᐊᑦ.

ᔮᓱᐊᑉ ᐊᒡᓚᖏᑦ 24:5

ᑭᖑᕐᖓᒍᑦ ᒨᓯᓯ ᐂᕉᓂᓗ ᑎᓕᓚᐅᕐᐹᒃᑲᒃ, ᐄᑦᔨᑉᑎᒥᐅᓪᓗ ᖁᕕᐊᓇᖏᑦᑐᕐᔪᐊᒃᑰᕐᑎᓚᐅᕐᐸᒃᑲ; ᑭᖑᕐᖓᒍᓪᓗ ᐊᐅᓪᓚᐅᑎᓚᐅᕐᐸᑦᓯ.

ᐃᓗᐊᕐᓮᔩᑦ ᐊᒡᓚᖏᑦ 6:9

ᓴᐳᑎᓚᐅᕐᐸᑦᓯᓗ ᐄᑦᔨᑉᑎᒥᐅᑦ ᐱᔪᓐᓇᕐᓂᖏᓐᓂᑦ, ᐃᓄᓕᒫᓂᓪᓗ ᐃᓕᑦᓯᓐᓂᒃ ᐊᑭᕋᕐᑐᓚᐅᕐᑐᓂᑦ. ᐊᐅᓪᓚᕐᑎᓚᐅᕐᐸᒃᑲᓗ ᑕᑯᓐᓇᕐᑎᓪᓗᓯ, ᓄᓇᖁᑎᕕᓂᖏᓐᓂᒡᓗ ᓄᓇᑖᕐᑎᓚᐅᕐᐸᑦᓯ.

ᐃᓐᖏᕈᑎᑦ 105:6

ᐃᓕᑦᓯ ᐱᔨᖓᑕ ᐂᑉᕋᕼᐋᒻ ᑭᖑᕚᖏᑦ, ᔧᑰᓪᓗ ᕿᑐᕐᖓᖏᑦ, ᑖᑦᓱᒧᖓ ᓂᕈᐊᕐᑕᐅᓯᒪᔪᑦ!

ᐃᓐᖏᕈᑎᑦ 106:5

ᑕᑯᔪᓐᓇᖁᓪᓗᖓ ᓂᕈᐊᕐᓯᒪᔭᕐᐱᑦ ᖃᑭᕙᓪᓕᐊᓂᖏᓐᓂᒃ, ᐃᓅᖃᑎᒌᒡᔪᐊᖁᑎᕕᑦ ᖁᕕᐊᓱᓕᕐᓂᖏᓐᓄᑦ ᖁᕕᐊᓱᖃᑕᐅᔪᓐᓇᖁᓪᓗᖓ, ᓂᕐᑐᐃᖃᑕᐅᔪᓐᓇᖁᓪᓗᖓ ᑭᖑᕐᖑᔨᔪᖁᑎᑎᑦ ᐃᓚᒋᓗᒋᑦ.