26 ᑖᑦᓱᒪ ᐱᔨᓂ ᒨᓯᓯ ᑎᓕᓚᐅᕐᐹ, ᐂᕉᓂᓗ ᓂᕈᐊᕐᓯᒪᔭᓂ.
ᑎᓕᔪᒪᓕᕐᐸᒋᑦ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓄᑦ ᐃᓄᖁᑎᒃᑲ ᐃᓴᕆᐊᓕᐅᑉ ᑭᖑᕚᖏᑦ ᐊᐅᓪᓚᕐᑎᑕᐅᖁᓪᓗᒋᑦ ᓄᓇᖁᑎᖓᓐᓂᑦ.”
ᐃᖅᑲᐅᒪᑦᔪᑕᐅᖁᓪᓗᒍ ᐃᓴᕆᐊᓕᒥᐅᓄᑦ ᒫᓐᖓᑐᐃᓐᓇᖅ ᐱᔪᑦ, ᐂᕉᓂᐅᑉ ᑭᖑᕚᖏᓐᓂᑦ ᐱᖏᑦᑐᑦ, ᐊᑕᓂᐅᑉ ᓵᖓᓂ ᐃᓯᕐᓗᐊᕐᓂᑎᑦᓯᓗᓂ ᑐᓂᕐᕈᓯᖁᓇᒍ ᐊᑕᓂᕐᒧᑦ, ᑰᕋᑐᑦ ᐃᓚᒋᓚᐅᕐᑕᖏᑎᑐᓪᓗ ᐱᔭᐅᖁᓇᒍ, ᐊᑕᓂᖅ ᑍᒫᒃ ᐅᖃᓚᐅᕐᒪᑦ ᒨᓯᓯᑯᑦ.
ᑖᒃᑯᐊᒡᓗ ᐅᔭᑦᓯᐅᑎᖓᖕᓄᑦ ᐃᓕᔭᒃᓴᕆᕙᑎᑦ ᑭᐊᑎᒧᑦ ᐃᐹᑦᓯᒥᒃ ᐊᑎᓕᖕᒧᑦ ᐃᓚᓕᐅᑎᓯᒪᖁᓪᓗᒋᒃ, ᐃᓴᕆᐊᓕᐅᑉ ᑭᖑᕚᖏᓐᓄᑦ ᐃᖅᑲᐅᒪᑦᔪᑎᒃᓴᐅᖁᓪᓗᒋᒃ. ᐂᕉᓂᓗ ᐊᒡᔭᕐᓯᖃᑦᑕᖁᓪᓗᒍ ᑭᖑᕚᕇᖑᔪᑦ ᐊᑎᖏᓐᓂᒃ ᐊᑕᓂᐅᑉ ᓵᖓᓂ ᑖᒃᑯᐊ ᐃᖅᑲᐅᒪᔭᐅᑦᔪᑎᒃᓴᖏᓐᓄᑦ.
ᐊᑕᓂᕐᓕ ᒨᓯᓯᒧᑦ ᐅᖃᕐᐳᖅ, “ᒎᑎᑐᑦ ᐃᓱᒪᒋᔭᐅᓕᕐᑎᓐᓂᐊᕐᐸᒋᑦ ᐊᖓᔪᖅᑳᕐᔪᐊᕐᒧᑦ, ᐊᖓᔪᐃᓪᓗ ᐂᕉᓂ ᐅᖃᕐᑎᐅᓂᐊᕐᐳᖅ ᐊᖓᔪᖅᑳᕐᔪᐊᕐᒧᑦ ᐃᓕᖕᓄᑦ ᐅᖃᕐᑎᒋᔭᐅᔪᑐᑦ.
ᐄᑦᔨᑉᑎᐅᑉ ᓄᓇᖓᓂᑦ ᐊᐅᓪᓚᕐᑎᓚᐅᕐᐸᑦᓯ, ᐅᑎᕐᑎᓪᓗᓯ ᓄᓇᒥᑦ ᑎᒍᔭᐅᓯᒪᕕᖕᒥᑦ. ᐃᓕᑦᓯᓐᓄᑦ ᑎᓕᓯᓚᐅᕐᐳᖓ ᒨᓯᓯᒥᒃ, ᐂᕉᓂᒥᒃ ᒥᕆᐊᒥᒥᒡᓗ.
ᐃᓄᖁᑎᑎᑦ ᓰᐱᑎᑐᑦ ᑲᑎᓐᖓᔪᑎᑐᑦ ᑕᓯᐅᓚᐅᕐᐸᑎᑦ ᒨᓯᓯᐅᑉ ᐂᕉᓂᐅᓪᓗ ᐊᐅᓚᑦᓯᓂᖏᑦ ᐊᑐᕐᓗᒋᑦ.
ᓴᒧᐃᓕᐅᓪᓗ ᐃᓄᐃᑦ ᐅᖃᐅᑎᕔᑦ, “ᐊᑕᓂᖅ ᖃᐅᔨᒪᔨᑕᐅᓂᐊᕐᐳᖅ ᑖᓐᓇ ᒨᓯᓯᒥᒃ ᐂᕉᓂᒥᒡᓗ ᑎᓕᓯᓚᐅᕐᑐᖅ ᓯᕗᓕᑦᓯᓐᓂᒃ ᑕᓯᐅᕐᓯᓗᑎᒃ ᐊᐅᓪᓚᕈᑦᔨᖁᓪᓗᒋᒃ ᐄᑦᔨᑉᑎᒥᑦ.
ᑭᖑᕐᖓᒍᑦ ᒨᓯᓯ ᐂᕉᓂᓗ ᑎᓕᓚᐅᕐᐹᒃᑲᒃ, ᐄᑦᔨᑉᑎᒥᐅᓪᓗ ᖁᕕᐊᓇᖏᑦᑐᕐᔪᐊᒃᑰᕐᑎᓚᐅᕐᐸᒃᑲ; ᑭᖑᕐᖓᒍᓪᓗ ᐊᐅᓪᓚᐅᑎᓚᐅᕐᐸᑦᓯ.
ᐊᑐᓂᓪᓗ ᐊᔭᐅᑉᐱᐊᒥᖕᓂᒃ ᐃᓕᓯᖕᒪᑕ, ᑕᒪᕐᒥᒃ ᖁᒡᓗᒋᐊᓐᖑᕐᐳᑦ. ᐂᕉᓂᐅᓪᓕ ᐊᔭᐅᑉᐱᐊᖓᑕ ᑖᒃᑯᐊ ᐊᔭᐅᑉᐱᐊᖏᑦ ᓂᕆᕔᑦ.
“ᐰᕉᒧᑦ ᐅᐸᒍᑎᓕᕆᑦ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᐅᖃᐅᑎᓗᒍᓗ ᑖᑦᓱᒪ ᓄᓇᖓᓂᑦ ᐃᓴᕆᐊᓕᒥᐅᑦ ᐊᐅᓪᓚᕐᑎᑕᐅᖁᓪᓗᒋᑦ.”
ᐊᑕᓂᕐᓗ ᐅᖃᕐᐳᖅ ᐂᕉᓂᒧᑦ, “ᐃᓄᖃᖏᑦᑐᒧᐊᓕᕆᑦ ᒨᓯᓯ ᐸᕐᕆᐊᕐᓗᒍ.” ᑕᕝᕙ ᑖᕗᓐᖓᓕᕐᐳᖅ, ᑲᑎᕚᓗ ᒎᑎᐅᑉ ᖃᖅᑲᖁᑎᖓᓂ, ᑲᑎᒐᒥᐅᒡᓗ ᑯᓂᒃᐹ.
ᑕᕝᕙ ᒨᓯᓯᒃᑯᒃ ᐂᕉᓂᒃᑯᒃ ᐄᑦᔨᑉᑎᒧᐊᕐᐴᒃ, ᑕᕝᕗᓐᖓᕋᒥᒡᓗ ᐃᓴᕆᐊᓕᒥᐅᑦ ᐊᖓᔪᖅᑳᓕᒫᖏᑦ ᑲᑎᒪᖃᑎᒋᕔᑦ.
