ᐃᓐᖏᕈᑎᑦ 105:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐅᖃᕐᓗᓂ, “ᐅᕐᓱᕐᑎᕐᓯᒪᔭᒃᑲ ᐊᒃᑐᕐᓂᐊᕋᓯᒋᒃ, ᐅᖃᕐᑎᒃᑲᓗ ᐋᓐᓂᕐᑕᐅᑦᑍᓕᓕᑦ!”

ᐃᓐᖏᕈᑎᑦ 105:15 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 20:7

ᒫᓐᓇᓕ, ᐊᕐᓇᖅ ᐅᐃᖓᓄᑦ ᐅᑎᕐᑎᓕᕈᒃ; ᑖᑦᓱᒪ ᐅᐃᖓ ᒎᑎᒧᑦ ᐅᖃᕐᑎᒋᔭᐅᖕᒪᑦ, ᑖᑦᓱᒪᓗ ᑐᒃᓯᐅᑎᓂᐊᕐᐹᑎᑦ ᐃᓅᓂᐊᕐᐳᑎᓪᓗ. ᐅᑎᕐᑎᓐᓂᐊᖏᒃᑯᕕᐅᒡᓕ, ᖃᐅᔨᒪᓕᕆᑦ ᓱᓕᓪᓗᖓ ᐅᖃᐅᑎᕙᒋᑦ ᑐᖁᓂᐊᕋᕕᑦ, ᐃᓚᑎᓪᓗ ᑕᒪᕐᒥᒃ.”

ᒨᓯᓯ ᓯᕗᓪᓖᑦ 26:11

ᐊᐱᒥᓕᑭᓗ ᐃᓄᓕᒫᓄᑦ ᐅᓗᕆᐊᓇᕐᑐᒥᒃ ᐅᖃᓕᕐᐳᖅ ᐃᒫᒃ: “ᓇᓪᓕᐊᑦ ᐆᒥᖓ ᐊᖑᒻᒥᒃ ᓄᓕᐊᖓᓂᒡᓘᓐᓃᑦ ᐊᒃᑐᐃᔪᖅ ᑖᓐᓇ ᑐᖁᑕᒃᓴᐅᕗᖅ.”

ᓴᒧᐃᓕ ᐂᑉᐸᖏᑦ 1:14

ᑍᕕᑎᐅᑉ ᐅᖃᐅᑎᕚ, “ᖃᓄᐊᓗᒃ ᑲᑉᐱᐊᓱᖏᑦᓱᑎᑦ ᑐᖁᑦᓯᔪᓐᓇᕐᐲᑦ ᐊᖓᔪᖅᑳᕐᔪᐊᒥᒃ ᐊᑕᓂᐅᑉ ᓂᕈᐊᕐᓯᒪᔭᖓᓂᒃ?”

ᐊᑕᓃᑦ ᓯᕗᓪᓖᑦ 13:4

ᐊᖓᔪᖅᑳᕐᔪᐊᑉ ᔨᕈᐳᐊᒻ ᑕᒪᓐᓇ ᑐᓴᕋᒥᐅᒃ ᒎᑎᐅᑉ ᐃᓄᖁᑎᖓᓂᑦ, ᑐᓂᕐᕈᓯᕐᕕᖕᒥᒃ ᐱᑎᓕᒥᒃ ᐊᑭᕋᕐᑐᕐᑎᓪᓗᒍ, ᑎᒃᑯᐊᕐᓗᓂᐅᒃ ᐅᖃᕐᐳᖅ, “ᐊᖑᑦ ᑖᓐᓇ ᑎᒍᔭᐅᓕ.” ᑕᕝᕔᓐᓇᖅ ᔨᕈᐳᐊᒻ ᑕᓕᖓ ᑎᒃᑯᐊᕐᑐᕐᓗᓂ ᓱᓕ ᐊᔪᓕᕐᐳᖅ, ᐅᑎᕐᑎᑦᑐᓐᓁᓪᓕᓪᓗᓂᐅᒃ.

ᐊᑕᓃᑦ ᓯᕗᓪᓖᑦ 19:16

ᔨᕼᐆᓗ ᒥᖑᐊᕐᑕᒃᓴᕆᕙᑦ ᓂᒻᓮᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᖁᓪᓗᒍ ᐃᓴᕆᐊᓕᒥᐅᓄᑦ; ᐃᓔᓴᓗ ᓴᕚᑎᐅᑉ ᐃᕐᓂᖓ ᐊᐱᐅᓪ-ᒥᕼᐅᓛᒥᐅᑕᖅ ᒥᖑᐊᕐᑕᒃᓴᕆᕙᑦ ᐅᖃᕐᑎᐅᓂᕐᒧᑦ ᐃᓕᖕᓂᒃ ᑭᖑᕝᕖᔪᒃᓴᐅᖁᓪᓗᒍ.

ᐃᔅᑕᐅᑉ ᐊᒡᓚᖏᑦ 6:13

ᕼᐂᒪᓂᓕ ᐅᓂᒃᑳᕐᒪᑦ ᓄᓕᐊᒥᓄᑦ ᔨᕆᓯᒧᑦ ᐃᓚᓐᓇᕆᔭᒥᓄᓪᓗ ᑕᒪᒃᑯᓂᖓ ᖃᓄᐃᓕᐅᖅᑲᐅᓂᕐᒥᓂᒃ, ᐃᓕᓯᒪᔪᖁᑎᖏᑕ ᓄᓕᐊᖓᑕᓗ ᔨᕆᓯᐅᑉ ᐅᖃᐅᑎᕚᑦ, “ᒧᐊᑎᑬᒧᑦ, ᔫᑎᒧᑦ ᓵᓚᐅᕙᓪᓕᐊᓕᕈᕕᑦ, ᓵᓚᒋᔪᓐᓇᕐᓂᐊᕈᓐᓁᕐᐸᑦ, ᓇᓗᓇᖏᑦᑐᒥᒡᓕ ᓵᓚᐅᖔᕐᓂᐊᓕᕐᐳᑎᑦ ᑖᑦᓱᒧᖓ.”

ᔨᕆᒤᐊᐅᑉ ᐊᒡᓚᖏᑦ 36:26

ᐊᖓᔪᖅᑳᕐᔪᐊᕐᓕ ᐅᖃᖔᓚᐅᕐᐳᖅ, ᔨᕋᒥᐅᓪᓕ ᐃᕐᓂᓂ ᓯᕅᐊᓗ ᐊᔭᕆ-ᐃᐅᑉ ᐃᕐᓂᖓ ᓯᓕᒤᐊᓗ ᐊᐸᑎᐅᓕᐅᑉ ᐃᕐᓂᖓ ᑎᒍᓯᔭᕐᑐᖁᓪᓗᒋᑦ ᐸᕉᒃᒥᒃ ᐊᒡᓚᖕᓂᒃ ᑎᑎᕋᕐᑎᒥᒃ, ᔨᕆᒤᐊᒥᒡᓗ ᒎᑎᐅᑉ ᐅᖃᕐᑎᖓᓂᒃ, ᐊᑕᓂᐅᓪᓕ ᐃᔨᓚᐅᕐᐹᒃ.

ᔨᕆᒤᐊᐅᑉ ᐊᒡᓚᖏᑦ 39:12

“ᔨᕆᒤᐊ ᐱᒍᑦᓯᐅᒃ ᑲᒪᒋᑦᓯᐊᕐᓂᐊᕐᐸᓯ ᐱᔪᒪᔭᖏᓐᓂᒡᓗ ᐱᑎᑕᐅᓂᐊᕐᐳᖅ.”

ᓴᑲᕅᐊᐅᑉ ᐊᒡᓚᖏᑦ 2:12

ᐊᑕᓂᐅᑉ ᓱᓕ ᔫᑕ ᐱᑖᕆᒃᑲᓐᓂᕈᒫᕆᕚ ᓄᓇᖁᑎᒥᓄᑦ ᐃᑦᔪᕐᓁᑦᑐᒧᑦ ᐃᓚᓕᐅᑎᓗᒍ, ᔨᕉᓴᓕᓗ ᓂᕈᐊᕐᓯᒪᔭᒥᓂᒃ ᑍᒃᑲᓐᓂᓕᕈᒫᕆᕚ.

ᓴᑲᕅᐊᐅᑉ ᐊᒡᓚᖏᑦ 2:8

ᑕᒪᓐᓇ ᐱᓪᓗᒍ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᐅᐱᒋᓚᐅᖅᑳᕐᓗᓂᖓ ᑎᓕᕚᖓ, ᐃᓅᖃᑎᒌᒡᔪᐊᓄᑦ ᔫᑎᐅᖏᑦᑐᓄᑦ ᐃᓕᑦᓯᓐᓂᒃ ᓵᓚᖃᖅᑳᕐᓯᒪᔪᓄᑦ, ᐃᓕᑦᓯᓐᓂᒡᓗ ᐊᒃᑐᐃᓯᒪᔪᑦ, ᑕᕝᕙ ᐊᑕᓂᐅᑉ ᐱᓐᓇᕆᔭᖓᓂᒃ ᐊᒃᑐᐃᓯᒪᕗᑦ.

ᔪᐊᓇᓯ ᓯᕗᓪᓖᑦ 2:27

ᐃᓕᑦᓯᓕ, ᑖᑦᓱᒪᓐᖓᑦ ᐅᕐᓱᕐᑎᕐᑕᐅᓯᒪᓂᓯ ᐱᓯᒤᓐᓇᕈᑦᓯᐅᒃ, ᑭᓇᒧᓪᓘᓃᑦ ᐊᔪᕆᕐᑐᕐᑕᐅᔭᕆᐊᖃᕋᔭᓐᖏᓚᓯ. ᑖᑦᓱᒪᓕ ᐅᕐᓱᕐᑎᑕᐅᓯᒪᓂᑦᓯ ᐊᔪᕆᕐᓱᒐᕆᓕᕐᒪᓯ ᓱᓇᑐᐃᓐᓇᕐᓂᒃ, ᑕᒪᓐᓇᓗ ᓱᓕᓪᓗᓂ, ᓴᒡᓗᓂᕐᑕᖃᕋᓂᓗ; ᐊᔪᕆᕐᓲᕐᑎᒋᓯᒪᒐᑦᓯᐅᒃ ᑖᑦᓱᒪᓃᖏᓐᓇᓕᕆᑦᓯ.