ᐃᓐᖏᕈᑎᑦ 105:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐃᓄᒋᐊᒃᑐᕐᔪᐊᖑᓚᐅᕐᑎᓐᓇᒋᑦ ᓱᓕ, ᖃᑦᓰᓐᓇᐅᓚᐅᕐᒪᑕ ᑍᑦᓱᒪᓂ, ᓄᓇᓕᑐᖃᐅᖏᑦᑐᑦ ᓱᓕ ᑕᒫᓂ ᓄᓇᖃᕐᑎᓪᓗᒋᑦ.

ᐃᓐᖏᕈᑎᑦ 105:12 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 17:8

ᑕᒪᓐᓇᓗ ᓄᓇ ᐃᓕᖕᓄᑦ ᑐᓂᓂᐊᕐᐸᕋ, ᑭᖑᕚᒃᓴᕐᓄᓪᓗ ᑭᖑᓂᕐᓂ. ᑕᒪᓐᓇ ᓄᓇ ᓂᐅᕐᕈᐊᖑᕕᒋᔧᑦ, ᑕᒪᓐᓇᓕᒫᕐᓗ ᓄᓇ ᑬᓇᓂ, ᓄᓇᒋᔪᒫᕐᐸᓯ ᐃᓱᖃᖏᑦᑐᒧᑦ; ᐅᕙᖓᓗ ᑖᒃᑯᓄᖓ ᒎᑎᒋᔭᐅᔪᒫᕐᐳᖓ.”

ᒨᓯᓯ ᓯᕗᓪᓖᑦ 23:4

“ᑕᒫᓂ ᓂᐅᕐᕈᐊᖑᒐᒪ ᓄᓇᖃᕐᑐᑐᖃᐅᓇᖓᓗ ᓄᓇᑦᓯᓐᓂ; ᓂᐅᕕᕈᓐᓇᕐᑎᑕᐅᔪᒪᕗᖓ ᓄᓇᒥᒃ ᐃᓗᕕᕐᕕᒃᓴᒥᒃ, ᐃᓗᕕᕐᓯᔪᓐᓇᖁᓪᓗᖓ ᑐᖁᔨᐊᕆᓯᒪᔭᓐᓂᒃ.”

ᒨᓯᓯ ᓯᕗᓪᓖᑦ 34:30

ᔧᑯᓗ ᐅᖃᕐᐳᖅ ᓯᒥᐅᓂᒧᑦ ᓕᕔᒧᓪᓗ, “ᐊᑲᐅᖏᑦᔪᑎᒃᓴᕐᑖᕐᑎᑉᐸᑦᓯᓐᖓ; ᐆᒥᓇᕐᓯᑎᑦᓱᖓᓗ ᑕᒫᓂ ᓄᓇᖃᕐᑐᓄᑦ ᑬᓇᓂᒥᐅᓄᑦ, ᐱᕆᔧᑎᓄᓪᓗ; ᐅᓄᕐᑐᓂᒃ ᐃᓄᖁᑎᖃᖏᓐᓇᒪ; ᑕᒪᒃᑯᐊᓕ ᑲᑎᓪᓗᑎᒃ ᐅᕙᓐᓄᑦ ᐅᓇᑕᕆᐊᓕᕐᐸᑕ, ᐃᓚᓕᒫᑦᓯᐊᒃᑲ ᑕᒪᕐᒥᒃ ᓄᖑᑕᐅᒐᔭᕐᐳᑦ ᐃᒡᓗᒥᐅᖃᑎᒃᑲᓗ.”

ᒨᓯᓯ ᐂᑉᐸᖏᑦ 6:4

ᑖᒃᑯᓄᖓᓗ ᐊᖏᕈᑎᖃᓚᐅᕐᐳᖓ, ᓄᓇᒥᒃ ᑬᓇᓂᒥᒃ ᑐᓂᓯᕕᒋᔪᒪᓪᓗᒋᑦ, ᑕᒪᑐᒥᖓ ᓄᓇᒥᒃ ᓂᐅᕐᕈᐊᖑᓪᓗᑎᒃ ᓇᔪᓚᐅᕐᑕᖓᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 51:2

ᐂᑉᕋᕼᐋᒻ ᓯᕗᓕᕕᓂᓯ ᐃᖅᑲᕐᓯᐅᒃ, ᓵᕋᓗ ᐊᓂᕕᒋᓯᒪᔭᓯ; ᐂᑉᕋᕼᐋᒻ ᐊᑕᐅᓯᑐᐊᖑᑎᓪᓗᒍ ᕾᖁᓚᐅᕐᐸᕋ, ᓮᒻᒪᕐᑎᓪᓗᒍᓗ ᐃᓄᒋᐊᒃᓯᑎᓚᐅᕐᐸᕋ.

ᐋᐴᓯᑕᓖᑦ ᐱᓂᐊᕐᓂᖏᑦ 7:5

ᒎᑎᐅᑉ ᐂᑉᕋᕼᐋᒻ ᓄᓇᒥᒃ ᓇᖕᒥᓂᕐᑖᕐᑎᓚᐅᓐᖏᓛ ᒥᑭᔪᒥᒡᓘᓐᓃᑦ, ᒎᑎᐅᑉ ᐊᖏᕐᕕᒋᓚᐅᕐᐹ ᑕᒪᑐᒥᖓ ᓄᓇᒥᒃ ᑭᖑᕚᒃᓴᖏᓪᓗ ᓇᖕᒥᓂᖃᖁᓪᓗᒋᑦ, ᑍᑦᓱᒪᓂ ᑕᒪᑐᒥᖓ ᐊᖏᕐᕕᐅᑎᓪᓗᒍ ᐂᑉᕋᕼᐋᒻ ᕿᑐᕐᖓᖃᓚᐅᓐᖏᓚᖅ.

ᒨᓯᓯ ᑕᓪᓕᒪᖏᑦ 26:5

ᑕᕝᕙ ᐊᑕᓂᐅᑉ ᓵᖓᓂ ᐅᖃᐅᓯᖃᕐᑐᒃᓴᐅᕗᑎᑦ ᐃᒤᑦᑐᓂᒃ; ‘ᐊᕋᒥᐊᒥᐅᑕᕐᒥᒃ ᓯᕗᓕᖃᓚᐅᕐᐳᖓ ᑍᒪᓐᖓᑦ ᐃᖏᕐᕋᖃᑦᑕᓚᐅᕐᑐᒥᒃ, ᑖᑦᓱᒪ ᐃᓚᓂ ᐄᑦᔨᑉᑎᒧᐊᕈᑎᓚᐅᕐᐰᑦ ᑕᕝᕙᓂ ᓄᓇᖃᖁᓪᓗᒋᑦ; ᖃᑦᓰᓐᓇᐅᓪᓗᑎᒃ ᑕᕝᕗᓐᖓᓚᐅᕐᐳᑦ; ᑕᕝᕙᓂᓕ ᐅᓄᕐᓯᓚᐅᕐᐳᑦ ᐊᔪᖏᑦᑐᕐᔪᐊᖑᓕᕐᓗᑎᒃ, ᐃᓅᖃᑎᒌᒡᔪᐊᖑᓕᕐᓗᑎᒡᓗ.

ᒨᓯᓯ ᑕᓪᓕᒪᖏᑦ 7:7

“ᐊᑕᓂᐅᑉ ᓇᒡᓕᒋᓯᒪᓐᖏᓛᓯ ᓂᕈᐊᕐᓯᒪᓇᓯᓗ ᐃᓅᖃᑎᒌᓂᑦ ᐊᓯᑦᓯᓐᓂᑦ ᐃᓄᒋᐊᖕᓂᕐᓴᐅᓂᑦᓯᓐᓄᑦ; ᐃᓅᖃᑎᒌᒡᔪᐊᓂᓪᓕ ᓄᓇᕐᔪᐊᕐᒦᑦᑐᓂᑦ ᐅᓄᖏᓐᓂᕐᐸᐅᕗᓯ.

ᐄᑉᕈᐃᓄᑦ 11:12

ᑍᒤᒻᒪᑦ ᐊᖑᒻᒥᑦ ᐊᑕᐅᓯᕐᒥᑦ ᑭᑐᕐᖓᕐᑖᑎᑦᓯᔪᓐᓇᕐᓂᖓ ᑐᖁᖓᓕᕐᑐᒥᒃ, ᑭᖑᕚᕐᑖᕈᓐᓇᕐᓯᓯᒪᕗᖅ ᐅᓄᕐᑐᕐᔪᐊᓂᒃ ᐅᓪᓗᕆᐊᑎᑐᑦ ᕿᓚᖕᒥ ᐅᓄᕐᑎᒋᔪᓂᒃ ᓯᐅᖅᑲᑎᑐᓪᓗ ᐃᒪᐅᑉ ᓯᓈᓂᑦᑐᑎᑐᑦ ᓈᓴᒐᒃᓴᐅᓐᖏᑎᒋᔪᓂᒃ.

ᐄᑉᕈᐃᓄᑦ 11:9

ᐅᒃᐱᕐᓂᑯᑦ ᓄᓇᖃᓚᐅᕐᐳᖅ ᐊᖏᕈᑕᐅᓯᒪᔪᒥ, ᓄᓇᑐᖃᖃᖏᒃᑲᓗᐊᕐᓗᓂ, ᑐᐱᑐᐃᓐᓇᕐᒥ ᐊᖏᕐᕋᖃᕐᓗᓂ ᐂᓴᑭᓗ ᔧᑯᓗ ᑍᒫᒃ ᐱᓚᐅᕆᕘᒃ, ᑖᒃᑯᐊᒃ ᐊᖏᕈᑕᐅᓯᒪᔪᒥᒃ ᑭᖑᕐᖑᑦᔨᖃᑕᐅᔫᒃ.