34 ᑖᑦᓱᒪ ᐃᓱᒪᒃᓴᕐᓯᐅᕈᑎᒋᔭᒃᑲ ᖁᕕᐊᒋᓕᒋᑦ, ᐊᑕᓂᕐᒥ ᖁᕕᐊᓲᑎᖃᖁᓪᓗᖓ.
ᐂᓴᑭᓗ ᐊᓂᕗᖅ ᐅᓐᓄᓕᕋᑖᕐᑎᓪᓗᒍ ᐃᓱᒪᒃᓴᕐᓯᐅᕈᒪᓪᓗᓂ ᐱᕈᕐᓰᕕᖕᒥ; ᑕᑯᓴᕋᒥᓗ ᑕᑯᓕᕐᐳᖅ ᑳᒥᓕᖕᓂᒃ ᑎᑭᓕᕐᑐᓂᒃ.
ᖁᕕᐊᒋᔭᖃᕐᑐᕐᓕ ᐊᑕᓂᐅᑉ ᐱᖁᔭᖏᓐᓂᒃ, ᑐᒃᓯᐊᕐᓂᒃᑯᓪᓗ ᐃᓱᒪᒃᓴᕐᓯᐅᕈᑎᖃᕐᑐᖅ ᐱᖁᔭᖏᓐᓂᒃ, ᐅᓪᓗᒃᑯᑦ ᐅᓐᓄᐊᒥᓗ.
ᐊᑎᖓ ᐃᑦᔪᕐᓁᑦᑐᖅ ᓂᕐᑐᕐᓇᕐᓯᑎᑕᐅᓕ; ᐆᒻᒪᑎᒥᒍᑦ ᐊᑕᓂᕐᒥᒃ ᕿᓂᕐᑐᑦ ᖁᕕᐊᓱᒡᓕᑦ!
ᐃᓕᓮᑦᔪᑎᒋᓯᒪᔭᑎᑦ ᑭᖑᕐᖑᑎᔭᒃᓴᕐᑖᕆᕙᒃᑲ ᐃᓱᖃᖏᑦᑐᒧᑦ; ᐄᓛᒃ, ᑖᒃᑯᐊ ᐆᒻᒪᑎᒪ ᖁᕕᐊᓱᒍᑎᒋᕔᑦ.
ᑕᕐᓂᕐᒪ ᐃᓕᓮᑦᔪᑎᒋᔭᑎᑦ ᓈᓚᒃᐰᑦ; ᐊᖏᔪᕐᔪᐊᒥᒡᓗ ᑖᒃᑯᐊ ᐅᖓᒋᓪᓗᒋᑦ.
ᐊᓕᐊᓁᒍᓱᒋᑦᓯ ᐊᑕᓂᕐᒥ ᖁᕕᐊᓱᒡᓗᓯᓗ, ᐃᓕᑦᓯ ᐃᓱᐊᕐᑑᔪᓯ; ᕾᒐᓛᕐᓗᓯᓗ ᖁᕕᐊᓱᖕᓂᕐᒧᑦ, ᐃᓕᑦᓯ ᐆᒻᒪᑎᑦᓯᓐᓂ ᓱᓕᑦᓯᐊᕐᑐᓯ!
ᑕᕐᓂᕋ ᖁᕕᐊᓲᑎᖃᕐᓂᐊᕐᐳᖅ ᐊᑕᓂᕐᒥᒃ; ᐱᐅᓕᔭᐅᓂᕐᒥᒡᓗ ᖁᕕᐊᓲᑎᖃᕐᔪᐊᕐᓂᐊᕐᐳᖅ.
ᐃᓱᒪᒃᓴᕐᓯᐅᕈᑎᒋᔪᒪᕙᒃᑲ ᐱᓂᐊᕐᓂᕕᓂᓕᒫᑎᑦ, ᐱᓇᓱᐊᕐᓯᒪᔭᑎᓪᓗ ᑲᒪᓇᕐᑐᑦ ᐃᓱᒪᒋᔪᒪᓪᓗᒋᑦ.
ᖁᕕᐊᓱᖕᓂᐊᕐᐳᖓ ᐃᖀᕐᑐᕐᓗᖓᓗ ᐱᑦᔪᑎᒋᓗᑎᑦ; ᐃᓐᖏᕈᒪᕗᖓᓗ ᐊᑏᑦ ᐱᑦᔪᑎᒋᓗᒍ, ᖁᑦᓯᖕᓂᕐᐹᖑᔪᑎᑦ.
ᖃᐅᔨᒪᒋᓪᓗ ᓯᓚᑐᓂᖅ ᑍᒤᑦᓯᐊᕆᕗᖅ ᑕᕐᓂᕐᓄᑦ; ᓇᓂᒍᕕᐅᒃ, ᓯᕗᓂᕐᒥ ᓂᕆᐅᒋᔭᒃᓴᖃᕐᐳᑎᑦ, ᓂᕆᐅᖕᓃᓪᓗ ᐲᕐᑕᐅᓚᐅᕐᓯᒪᓂᐊᓐᖏᓚᖅ.
ᐊᓂᕐᓂᕐᒪ ᒎᑎ ᐱᐅᓕᔨᒐ ᖁᕕᐊᓲᑎᒋᕚ,
ᖁᕕᐊᓱᑦᓮᓐᓇᕆᑦᓯ ᐊᑕᓂᕐᒥ; ᐅᖃᒃᑲᓐᓂᕐᐳᖓ ᖁᕕᐊᓱᒋᑦᓯ.
ᐊᒡᓔᓪᓗ ᐃᒧᓲᑦ ᒥᑭᑦᑐᑦ ᑖᑦᓱᒪᓐᖓᑦ ᑎᒍᒐᒃᑭᑦ ᓂᕆᕙᒃᑲ; ᖃᓂᓐᓂ ᒪᒪᕐᐳᑦ ᕼᐊᓂᑎᑐᑦ ᓰᕐᓇᕐᑎᒋᓪᓗᑎᒃ, ᐄᓯᒪᓕᕋᒃᑭᓪᓕ ᐊᕿᐊᕈᓐᓃᓕᕐᓗᑎᒃ ᒪᒪᕈᓐᓃᕐᐳᑦ.
