ᐃᓐᖏᕈᑎᑦ 104:30 - ᐊᒡᓔᑦ ᐃᑦᔪᕐᖕᓁᑦᑐᑦ

³⁰ ᐊᓂᕐᓃᑦ ᑎᓕᒐᕕᐅᒃ, ᑕᕝᕙ ᐱᓐᖑᕐᑎᑕᐅᕗᑦ; ᓄᓇᕐᔪᐊᓪᓗ ᓴᖅᑭᔮᕐᓂᖓ ᓄᑖᓐᖑᕐᑎᑉᐸᑦ.

ᐃᓐᖏᕈᑎᑦ 104:30 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 12:10

ᑖᓐᓇ ᐱᓐᖑᕐᑎᓯᒪᔭᓕᒫᒥ ᐃᓅᓯᖏᓐᓂᒃ ᐊᐅᓚᑦᓯᕗᖅ; ᐊᓂᕐᓂᖃᕐᑐᓕᒫᑦ ᐃᓅᓯᖏᑦ ᑖᑦᓱᒪ ᐱᔪᓐᓇᕐᓂᖓᓃᑉᐳᑦ.

ᔫᐱᐅᑉ ᐊᒡᓚᖏᑦ 26:13

ᐊᓄᕆᖓᓄᑦ ᕿᓚᒃ ᓴᓗᒻᒪᕐᑎᑕᐅᕗᖅ; ᐊᒡᒐᖏᑕ ᖁᒡᓗᒋᐊᖅ ᕿᒫᓇᓱᒃᑐᖅ ᑲᐱᓪᓗᒍ ᑐᖁᑉᐹ.

ᔫᐱᐅᑉ ᐊᒡᓚᖏᑦ 33:4

ᒎᑎᐅᑉ ᐊᓂᕐᓂᖓᑕ ᓴᓇᓚᐅᕐᐹᖓ, ᐊᔪᒐᖃᖏᑦᑑᓪᓗ ᐊᓂᕐᓂᖓᑕ ᐃᓅᓯᕐᑖᕐᑎᓚᐅᕐᐹᖓ.

ᐃᓐᖏᕈᑎᑦ 33:6

ᐊᑕᓂᐅᑉ ᐅᖃᐅᓯᖓᒍᑦ ᕿᓔᑦ ᓴᓇᔭᐅᓚᐅᕐᐳᑦ, ᑕᒪᕐᒥᒡᓗ ᕿᓚᖕᒥ ᑕᑯᒃᓴᐅᔪᑦ ᐅᓪᓗᕆᐊᑦ ᖃᓂᖓᑕ ᐊᓂᕐᓂᖓᓄᑦ ᓴᖅᑭᓚᐅᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 65:17

“ᑕᑯᒋᑦ, ᐱᓐᖑᕐᑎᑦᓯᔪᒫᕐᐳᖓ ᕿᓚᖕᒥᒃ ᓄᑖᒥᒃ, ᓄᓇᒥᒡᓗ ᓄᑖᒥᒃ, ᐱᑐᕾᑦ ᐃᖅᑲᐅᒪᔭᐅᔪᒫᓐᖏᓚᑦ ᐃᓱᒪᓇᕈᓐᓃᕐᓗᑎᒡᓗ.

ᐂᓮᐊᓯᐅᑉ ᐊᒡᓚᖏᑦ 66:22

“ᓲᕐᓗ ᕿᓚᒃ ᓄᑖᖅ ᓄᓇᕐᔪᐊᕐᓗ ᓄᑖᖅ ᓴᓇᔪᒫᕐᑕᒃᑲ ᑍᒤᓕᖎᓐᓇᕈᒫᕐᒪᑕ ᓵᓐᓂ, ᐊᑕᓂᖅ ᐅᖃᕐᐳᖅ; ᑍᒫᒃᑕᐅᖅ ᐊᑎᕐᓯ ᑭᖑᕚᓯᓗ ᑍᒤᓕᖎᓐᓇᕈᒫᕆᕗᑦ.

ᐃᓯᑭᐊᓕᐅᑉ ᐊᒡᓚᖏᑦ 37:5

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ ᑖᒃᑯᓄᖓ ᓴᐅᓂᕐᓄᑦ: ᑕᑯᒋᑦ, ᐊᓂᕐᓂᕐᒧᑦ ᐃᑎᕐᑕᐅᑎᓐᓂᐊᕐᐸᑦᓯ, ᑕᕝᕙ ᐆᒻᒪᕐᓂᐊᕐᐳᓯ.

ᐃᓯᑭᐊᓕᐅᑉ ᐊᒡᓚᖏᑦ 37:6

ᓄᑭᒃᑖᕐᑎᓐᓂᐊᕐᐸᑦᓯ, ᑎᒥᓯᓗ ᓂᕿᑖᕐᑎᓪᓗᒋᑦ, ᐅᓕᒡᓗᓯᓗ ᐅᕕᓂᖃᖁᓪᓗᓯ, ᐊᓂᕐᓂᕐᑖᕐᑎᓐᓂᐊᕐᐸᑦᓯᓗ, ᑕᕝᕙ ᐆᒻᒪᕐᓂᐊᕐᐳᓯ; ᑕᕝᕙ ᖃᐅᔨᓕᕐᓂᐊᕐᐳᓯ ᐅᕙᖓᐅᒐᒪ ᐊᑕᓂᖅ.”

ᐃᓯᑭᐊᓕᐅᑉ ᐊᒡᓚᖏᑦ 37:9

ᑕᕝᕙ ᐅᖃᐅᑎᕚᖓ, “ᐃᓅᑉ ᐃᕐᓂᖓ, ᐊᓂᕐᓂᖅ ᐅᖃᖁᔭᓐᓂᒃ ᐅᖃᐅᑎᒍᒃ, ᐅᖃᕐᓗᑎᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐊᓄᕆᓂᑦ ᓯᑕᒪᓂᑦ ᐊᓄᕌᓚᐅᕆᑦ, ᐊᓂᕐᓃᖅ, ᐅᑯᐊᐅ ᑐᖁᖓᔪᑦ ᐊᓂᕐᓵᕐᕕᒋᓚᐅᒃᑭᑦ, ᐆᒻᒪᖁᓪᓗᒋᑦ.”

ᐃᐱᓯᒥᐅᓄᑦ 2:1

ᐃᓕᑦᓯᑦᑕᐅᖅ ᐅᒃᐱᕐᓂᕐᒥ ᑐᖁᖓᓚᐅᕐᐳᓯ, ᐱᐅᖏᑦᑐᓕᓂᕐᒧᑦ ᐊᔪᕐᑐᓕᓂᕐᒧᓪᓗ.

ᑍᑑᓯᒧᑦ 3:5

ᑖᑦᓱᒪ ᓴᐳᑎᓚᐅᕐᐹᑎᒍᑦ, ᐱᓇᓱᐊᑦᓯᐊᕐᓂᕆᓚᐅᕐᑕᕗᑦ ᐱᑦᔪᑎᒋᓇᒋᑦ, ᓇᖕᒥᓂᕐᓕ ᓂᑲᒍᓱᖕᓂᕐᒥᓄᑦ ᐱᐅᓕᓚᐅᕐᐹᑎᒍᑦ, ᐅᐊᓴᕐᓗᑕ ᓄᑖᒥᒃ ᐃᓅᓯᕐᑖᕐᑎᓚᐅᕐᐹᑎᒍᑦ ᐊᓂᕐᓂᒃᑯᓪᓗ ᐃᑦᔪᕐᓁᑦᑐᒃᑯᑦ ᓄᑖᓐᖑᑎᓪᓗᑕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:5

ᐃᒃᓯᕙᐅᑕᕐᔪᐊᕐᒥᓗ ᐃᒃᓯᕙᔪᖅ ᐅᖃᕐᐳᖅ, “ᑕᑯᒋᑦ ᓱᓇᓕᒫᓂᒃ ᓄᑖᓐᖑᕐᑎᑦᓯᕗᖓ.” ᐅᖃᒃᑲᓐᓂᕐᐳᕐᓗ, “ᐅᑯᐊ ᑎᑎᕋᒃᑭᑦ, ᐅᖃᐅᓰᑦ ᑖᒃᑯᐊ ᐅᒃᐱᕆᔭᒃᓴᐅᕗᑦ ᓱᓕᓪᓗᑎᒡᓗ.”