ᐃᓐᖏᕈᑎᑦ 104:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᕔᓂ ᐃᓅᑉ ᐆᒻᒪᑎᖓᓂᒃ ᖁᕕᐊᓱᒃᑎᑦᓯᖁᓪᓗᒍ, ᓇᐹᕐᑑᓪᓗ ᐅᕐᓱᖓ ᑮᓇᖓᓂᒃ ᓴᓗᒪᑎᑦᓯᖁᓪᓗᒍ, ᓂᐊᖂᔭᕐᓗ ᐃᓅᑉ ᐆᒻᒪᑎᖓᓂᒃ ᓲᖑᓂᖅᑳᕐᑎᑦᓯᖁᓪᓗᒍ.

ᐃᓐᖏᕈᑎᑦ 104:15 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 18:5

ᐂᒃᓯᕐᓂᐊᕐᐳᖓ ᓂᐊᖂᔭᓂᒃ ᒥᑭᔪᓂᒃ, ᐃᓱᐊᕐᓯᑦᓯᐊᕐᓂᐊᕋᑦᓯ, ᑭᖑᓂᖓᒍᑦ ᖄᖏᕈᓐᓇᕐᓂᐊᕐᐳᓯ, ᐱᔨᑦᓯᓐᓄᑦ ᑎᑭᓐᓇᑦᓯ.” ᑖᒃᑯᐊ ᐅᖃᕐᐳᑦ, “ᑍᒤᓕᐅᓕᕆᑦ ᐅᖃᐅᓯᑎᑦ ᒪᓕᒡᓗᒋᑦ.”

ᓴᒧᐃᓕ ᐂᑉᐸᖏᑦ 13:28

ᑕᕝᕙ ᐋᑉᓴᓚᐅᑉ ᐱᔨᓂ ᐅᖃᐅᑎᕔᑦ, “ᖃᐅᔨᓴᕐᓂᐊᕐᐳᓯ ᐋᒻᓇᒥᒃ ᐋᖓᔮᓕᑐᐊᕐᐸᑦ, ᐱᖁᔨᓕᑐᐊᕈᒪ ᑐᖁᓐᓂᐊᕐᐸᓯ. ᑲᑉᐱᐊᓱᒃᑍᓕᒋᑦᓯ; ᐅᕙᖓ ᑎᓕᓯᒐᒪ ᐸᓯᔭᒃᓴᐅᓂᐊᕐᐳᖓ ᓯᕘᕋᑦᑍᓕᒋᑦᓯ ᑲᑦᓱᖓᑦᑍᓕᓗᓯᓗ!”

ᐃᓐᖏᕈᑎᑦ 105:16

ᐊᒻᒪ ᓄᓇᒧᑦ ᑳᖕᓇᕐᑐᕐᔪᐊᒥᒃ ᑎᑭᑎᑦᓯᓚᐅᕆᕗᖅ, ᓂᐊᖂᔭᒃᓴᓕᒫᑦ ᓄᖑᑎᓚᐅᕐᐰᑦ.

ᐃᓐᖏᕈᑎᑦ 23:5

ᓂᕐᕆᕕᖕᒥᒃ ᓂᕆᓂᐊᕐᑕᓐᓂᒃ ᐋᖅᑭᒃᓱᐃᕗᑎᑦ ᐊᑭᕋᕐᑐᕐᑎᒪ ᑕᒃᑯᐊᓐᓂ. ᓂᐊᖁᕋ ᓇᐹᕐᑑᑉ ᐅᕐᓱᖓᓄᑦ ᑯᕝᕕᕆᕙᑦ; ᐃᒥᐅᑎᒐ ᐊᒡᓛᑦ ᑕᑕᓗᐊᓕᕐᐳᖅ.

ᐃᓐᖏᕈᑎᑦ 92:10

ᓇᒡᔪᒐᓕ ᐊᖏᔪᕈᕐᑎᓚᐅᕐᐸᑦ ᐃᒻᒧᒃᓯᐅᒐᐅᑉ ᐸᖕᓂᖓᑐᑦ ᓴᓐᖏᑎᒋᓕᕐᑎᓪᓗᒍ; ᐅᕐᓱᒥᒡᓗ ᓄᑖᒥᒃ ᑯᕝᕕᕆᓚᐅᕐᐸᕐᒪ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 31:6

ᑐᖁᑐᐃᓐᓇᕆᐊᖃᓕᕐᑐᑦ ᓴᓐᖏᔪᒥᒃ ᐃᒥᕐᑎᑦᓱᓐᓇᕐᐸᓯ, ᕔᓂᑐᕐᑎᓪᓗᒋᓪᓗ ᐆᒻᒪᑎᒥᒍᑦ ᖁᕕᐊᓱᖏᑦᑐᑦ;

ᓲᓗᒨᓂᐅᑉ ᐅᖃᓪᓚᖕᓂᖏᑦ 31:7

ᐃᒥᕐᑐᒃᓴᐅᕗᑦ ᐊᔪᕐᓴᕐᓂᕐᒥᖕᓂᒃ ᐳᐃᒍᖁᓪᓗᒋᑦ, ᐆᒻᒪᑎᒥᒍᓪᓗ ᖁᕕᐊᓱᖏᓐᓂᕆᔭᒥᖕᓂᒃ ᐃᖅᑲᐅᒪᔪᓐᓃᖁᓪᓗᒋᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 10:19

ᓂᕆᕕᒃᔪᐊᕐᓂᖅ ᐃᒡᓚᕐᓂᕐᒥᒃ ᓄᐃᑎᑦᓯᕗᖅ, ᕔᓂᓗ ᖁᕕᐊᓱᒃᑎᑦᓯᓪᓗᓂ; ᑮᓇᐅᔭᕐᓕ ᑕᒤᓐᓂᒃ ᓄᐃᑎᑦᓯᕗᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 8:1

ᑭᓇ ᓯᓚᑐᔪᑎᑐᑦ ᑍᒤᑉᐸ? ᖃᐅᔨᒪᔪᖅ ᓱᓇᑐᐃᓐᓁᑦ ᑐᑭᖏᓐᓂᒃ? ᐊᖑᑎᐅᑉ ᓯᓚᑐᔫᑉ ᓯᓚᑐᓂᖓᑕ ᑮᓇᖓ ᖃᐅᒪᑎᑉᐹ. ᑮᓇᖓᑕᓗ ᐃᓕᕋᓇᕐᓂᖓ ᑕᐅᑦᑐᑦᓯᐊᕆᒃᑎᑉᐹ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:7

ᐂᓕᕆᑦ ᓂᐊᖂᔭᖅ ᓂᕆᔭᕐᑐᓕᕈᒃ ᖁᕕᐊᓱᒡᓗᑎᑦ; ᕔᓃᓪᓗ ᐃᒥᕆᐊᕐᑐᓕᕈᒃ ᐆᒻᒪᑎᖕᓂ ᖁᕕᐊᓱᒃᓗᑎᑦ; ᒎᑎᐅᑉ ᐱᓂᐊᕐᓂᑎᑦ ᐃᓚᓕᐅᕇᕐᒪᒋᑦ.

ᐂᓮᐊᓯᐅᑉ ᐊᒡᓚᖏᑦ 3:1

ᑕᑯᒋᑦ ᐊᑕᓂᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐊᕐᓵᕐᓯᓕᕐᐳᖅ ᔨᕉᓴᓕᒥᑦ ᔫᑎᐊᒥᓪᓗ ᓂᐅᕕᐊᒃᓴᖃᕐᕕᖕᓂᒃ ᓂᐅᕕᕐᕕᖕᓂᒡᓗ, ᓂᐊᖂᔭᒃᓴᓕᒫᓂᒃ ᐃᒥᒃᓴᓕᒫᓂᒡᓗ.

ᐂᓮᐊᓯᐅᑉ ᐊᒡᓚᖏᑦ 55:10

ᕿᓚᖕᒥᑦ ᓯᓚᓗᒃᐸᖕᒪᑦ ᖃᓐᓂᕐᐸᒃᓗᓂᓗ ᓄᓇᒧᑦ, ᐅᑎᕐᐸᒐᑎᒡᓗ ᑕᑉᐸᐅᖓ, ᓄᓇᒥᒡᓕ ᖃᐅᓯᓕᕐᑎᑦᓯᖃᑦᑕᕐᐳᑦ, ᐱᕈᕐᑐᒃᓴᓂᒡᓗ ᐱᕈᕐᑎᑦᓯᕙᒡᓗᑎᒃ, ᑲᓐᖓᕐᓱᐃᔨᓂᒃ ᐱᕈᕐᑐᒃᓴᖃᕐᑎᑦᓯᒃᑲᓐᓂᕐᓗᑎᒃ ᓂᕿᖃᕆᐊᓖᓪᓗ ᓂᕆᔭᒃᓴᖃᕐᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 31:12

ᕾᔪᒫᕐᐳᑦ ᖁᕕᐊᓱᖕᓂᕐᒧᑦ ᐃᓐᖏᕐᓗᑎᒃ ᕾᒐᓛᕐᓗᑎᒃ ᖃᖅᑲᒥ ᓮᐅᓂᒥ, ᖁᕕᐊᓲᑎᖃᕈᒫᕐᐳᓪᓗ ᐊᑕᓂᕐᒥᒃ ᐱᓕᐅᓯᐊᒥᖕᓂᒃ ᓂᐊᖂᔭᒃᓴᓂᒃ, ᐸᐅᕐᒊᑦ ᐃᑦᑎᖏᓐᓂᑦ ᐅᕐᓱᒃᓴᓂᓪᓗ, ᐆᒪᔪᖁᑎᒃᓴᖏᓪᓗ ᓰᐱᖁᑎᖏᑦ ᐃᒻᒧᒃᓯᐅᒊᓪᓗ ᐃᓅᔪᒫᕐᐳᑦ ᐱᕈᕐᓰᕕᒃᑎᑐᑦ ᐃᒪᖃᑦᓯᐊᕐᑐᑎᑐᑦ ᑍᒤᑦᓱᒫᕐᐳᑦ ᕿᒃᓵᒍᑎᒃᓴᖃᕈᓐᓃᕐᓗᑎᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 14:13

“ᐃᓅᑉ ᐃᕐᓂᖓ, ᓄᓇᓕᐅᖃᑎᒌᒡᔪᐊᑦ ᐊᔪᕐᑐᓕᒃᐸᑕ ᐅᕙᓐᓂᒃ ᐅᒃᐱᕆᔭᖃᖏᓐᓂᕐᒧᑦ, ᐱᔪᓐᓇᕐᓂᓐᓄᓪᓗ ᐱᓇᓱᐊᕐᕕᒋᓕᕈᒃᑭᑦ, ᓂᕿᒃᓴᖃᐅᑎᖏᑦ ᓄᖑᑎᒐᔭᕐᐸᒃᑲ ᑳᖕᓇᕐᑐᕐᔪᐊᕐᒧᓪᓗ ᑎᑭᑎᓪᓗᒋᑦ, ᐃᓄᖏᓪᓗ ᑐᖁᕋᕐᑎᒃᑲᔭᕐᐸᒃᑲ ᐆᒪᔪᖁᑎᖏᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 4:16

ᐅᖃᐅᑎᒃᑲᓐᓂᕐᐹᖓᓗ, “ᐃᓅᑉ ᐃᕐᓂᖓ, ᑕᑯᒋᑦ ᔨᕉᓴᓕᒥᐅᑦ ᓂᐊᖂᔭᒃᓴᕐᑖᕐᕕᒋᕙᒃᑕᖏᑦ ᓄᖅᑲᕐᑎᓐᓂᐊᕐᐸᒃᑲ; ᓂᕆᖃᑦᑕᓕᕈᒫᕐᐳᑦ ᐆᒃᑑᑎᒧᑦ ᐆᒃᑐᕐᑕᐅᓯᒪᔪᒥᒃ ᑲᑉᐱᐊᓱᒡᓗᑎᒃ; ᐃᒥᖃᑦᑕᕈᒫᕐᐳᓪᓗ ᐆᒃᑐᕋᐅᑦ ᒪᓕᒡᓗᒍ ᐃᓱᒪᔮᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 5:16

ᑳᖕᓇᕐᑐᕐᔪᐊᓪᓗ ᖃᕐᔪᖏᓐᓄᑦ ᐱᓯᒋᐊᖃᑦᑕᓕᕈᒪ, ᖃᕐᔪᓄᑦ ᐊᓯᕈᐃᔪᓄᑦ, ᐱᒋᐊᕈᒫᕐᐸᑦᓯ ᓄᖑᑕᐅᖁᓪᓗᓯ, ᑳᖕᓇᕐᑐᕐᔪᐊᓄᑦ ᑭᖑᓕᕇᓄᑦ ᑎᑭᑕᐅᑎᑦᓱᒫᕐᐸᑦᓯ, ᓂᐊᖂᔭᒃᓴᖁᑎᓯᓗ ᐊᔭᐱᕐᕕᒋᕙᒃᑕᓯ ᓄᖑᓪᓗᒋᑦ.

ᒨᓯᓯ ᐱᖓᔪᖏᑦ 26:26

ᓂᕿᒃᓴᓯ ᐃᓕᑦᓯᓐᓄᑦ ᑎᑭᒍᓐᓁᓪᓕᑎᒃᑯᑭᑦ, ᐊᕐᓁᑦ ᖁᓕᑦ ᐃᒐᒥᒃ ᐊᑕᐅᓯᕐᒥᒃ ᓂᕿᓕᐅᕐᓂᕐᒧᑦ ᓈᒻᒪᒋᔭᖃᓕᕋᔭᕐᐳᑦ, ᓂᐊᖂᔭᑉ ᐅᖁᒤᓐᓂᖓ ᒪᓕᒡᓗᒍ ᐊᒡᒍᕐᑕᐅᓗᓂ ᓂᕆᑎᑕᐅᖃᑦᑕᓕᕐᓗᓯ, ᓂᕆᓂᐊᕐᑕᓯ ᓄᖑᒃᑲᓗᐊᕈᑦᓯᐅᒃ ᓱᓕ ᐊᕿᐊᑦᑐᕈᓐᓁᓪᓕᓗᓯ.

ᓴᑲᕅᐊᐅᑉ ᐊᒡᓚᖏᑦ 10:7

ᐃᕗᕅᒥ ᓄᓇᖃᕐᑐᑦ ᐊᖑᑎᑎᑐᑦ ᓴᓐᖏᔪᕐᔪᐊᑎᑐᑦ ᑍᒤᑦᓱᒫᕐᐳᑦ, ᐆᒻᒪᑎᖏᓪᓗ ᖁᕕᐊᓱᒡᓗᑎᒃ ᕔᓂᑐᕐᓯᒪᔪᑎᑐᑦ. ᕿᑐᕐᖓᖏᑕᓗ ᖁᕕᐊᓱᒡᓗᑎᒃ ᑕᑯᔪᒫᐰᑦ; ᐆᒻᒪᑎᖏᑦ ᖁᕕᐊᓱᒍᑎᖃᓪᓚᕆᒍᒫᕐᐳᑦ ᐊᑕᓂᐅᑉ ᐱᓂᐊᕐᓯᒪᔭᖏᑦ ᐱᓪᓗᒋᑦ.

ᒫᑯᓯᐅᑉ ᐊᒡᓚᖏᑦ 14:23

ᐃᒥᐅᑎᒥᒃ ᑎᒍᓯᒋᕗᖅ, ᖁᔭᓕᔭᕇᕋᒥ ᑖᒃᑯᓄᖓ ᑐᓂᕚ, ᑕᕝᕙᓐᖓᑦ ᐃᒥᕐᑐᐃᓐᓇᐅᕗᑦ.

ᓘᑲᓯᐅᑉ ᐊᒡᓚᖏᑦ 7:46

ᓂᐊᖁᕋ ᑯᕝᕕᕆᓚᐅᓐᖏᓚᑦ ᓇᐹᕐᑑᑉ ᐅᕐᓱᖓᓄᑦ, ᑖᑦᓱᒪᓕ ᐃᑎᒐᒃᑲ ᑯᕝᕕᕆᕔᑦ, ᑎᐱᑦᓯᐊᕆᒃᑐᒧᑦ.

ᐃᐱᓯᒥᐅᓄᑦ 5:18

ᐋᖓᔮᕐᓂᐊᕋᓯ ᐅᐂᓂᑐᕐᓂᕐᒧᑦ, ᑕᒪᓐᓇ ᓱᒃᑯᑎᕆᑐᐃᓐᓇᕐᒪᑦ ᐃᓄᓯᑦᓯᓐᓂᒃ; ᐊᓂᕐᓂᕐᒥᒡᓕ ᐃᓗᒻᒥᕐᑕᐅᖔᓕᕆᑦᓯ.

ᒨᓯᓯ ᑕᓪᓕᒪᖏᑦ 28:40

ᓇᐹᕐᑐᐃᑦ ᐅᕐᓱᒃᓴᓕᖕᓂᒃ ᐸᐅᕐᖓᓖᑦ ᓇᓂᑐᐃᓐᓇᖅ ᓄᓇᒋᔭᑦᓯᓐᓂ ᐱᕈᕈᒫᕐᐳᑦ, ᓇᐹᕐᑑᓪᓕ ᐱᕈᕐᑐᖏᓐᓂᒃ ᐅᕐᓱᒃᓴᓂᒃ ᐅᕐᓱᕐᑎᕈᑎᒃᓴᖃᕈᒫᓐᖏᓚᓯ, ᓇᐹᕐᑑᑉ ᐸᐅᕐᖓᖏᑦ ᐅᕐᓱᒃᓮᑦ ᐃᓂᒥᖕᓂᑦ ᑲᑕᒐᕈᒫᕐᒪᑕ.

ᒨᓯᓯ ᑕᓪᓕᒪᖏᑦ 8:3

ᒥᑭᒡᓕᑎᕐᑎᓚᐅᕐᐹᓯ ᑳᓕᕐᑎᓪᓗᓂᓯ ᓂᕆᑎᑦᓱᒪᓪᓗᓂᓯ ᒫᓇᒥᒃ, ᑕᒪᑐᒥᖓ ᖃᐅᔨᒪᓚᐅᓐᖏᑕᑦᓯᓐᓂᒃ, ᓯᕗᓕᕕᓂᑦᓯᓘᓐᓃᑦ ᖃᐅᔨᒪᓚᐅᓐᖏᑕᖓᓂᒃ; ᖃᐅᔨᑎᑦᓱᒪᓪᓗᓂᓯ ᐃᓄᒃ ᓂᐊᖂᔭᑐᐃᓐᓇᕐᒧᑦ ᐃᓅᔪᓐᓇᖏᒻᒪᑦ, ᐊᑕᓂᐅᓪᓕ ᓇᖕᒥᓂᖅ ᐅᖃᐅᓯᖏᑎᒍᑦ ᑭᓯᐊᓂ ᐃᓅᔪᓐᓇᕐᐳᖅ.

ᐄᑉᕈᐃᓄᑦ 1:9

ᓇᓛᒎᕐᓂᖅ ᖁᕕᐊᒋᕙᑦ ᐱᐅᖏᑦᑐᓕᓂᕐᓗ ᐆᒥᒋᓪᓗᒍ; ᑍᒤᒻᒪᑦ ᒎᑎᐅᑉ, ᒎᑎᕕᑦ ᐅᕐᓱᕐᑎᓚᐅᕐᐹᑎᑦ, ᐅᕐᓱᒧᑦ ᖁᕕᐊᓱᖕᓂᕐᒧᑦ ᐃᓅᖃᑎᒌᓄᑦ ᑐᓂᓯᒪᔭᖓᓂᑦ ᐱᐅᓂᕐᓴᒥᒃ.”

ᔪᐊᓇᓯ ᓯᕗᓪᓖᑦ 2:20

ᐃᓕᑦᓯᓕ ᐃᓗᒻᒥᕐᑕᐅᓯᒪᕗᓯ ᐃᑦᔪᕐᓁᑦᑐᒧᑦ, ᑕᒪᑦᓯᓗ ᖃᐅᔨᓯᒪᓕᕐᓗᓯ.

ᐃᓗᐊᕐᓮᔩᑦ ᐊᒡᓚᖏᑦ 19:5

ᐅᓪᓗᐃᓪᓕ ᓯᑕᒪᖓᓐᓂ ᐅᓪᓛᒻᒪᕆᒃᑯᑦ ᑐᐸᒃᐸᒃᑲᒥᒃ, ᐸᕐᓇᓕᓚᐅᕐᐳᖅ ᐊᐅᓪᓚᕈᒪᓪᓗᓂ, ᐊᕐᓇᐅᓪᓕ ᐊᑖᑕᖓᑕ ᓂᖓᐅᓂ ᐅᖃᐅᑎᕚ, “ᓂᕆᖅᑳᑬᓐᓇᕆᑦ, ᓄᑭᖃᑦᓯᐊᕐᓂᐊᕋᕕᑦ, ᑭᖑᓂᖓᓂ ᐊᐅᓪᓚᕈᓐᓇᕐᓂᐊᕐᐳᑎᑦ.”

ᐃᓗᐊᕐᓮᔩᑦ ᐊᒡᓚᖏᑦ 9:13

ᕔᓂᒃᓴᓕᒡᓕᒃ ᑭᐅᕗᖅ, ‘ᕔᓂᓕᐅᕐᓂᕐᒥᒃ ᓄᖅᑲᕆᐊᖃᕋᔭᕐᐳᖓ, ᖁᕕᐊᓱᒃᑎᑦᓯᔪᒥᒃ ᑕᒤᓐᓂᒃ ᒎᑎᓂᒃ ᐃᓄᖕᓂᒡᓗ, ᓇᐹᕐᑐᑦ ᖄᖏᑎᒍᑦ ᐊᓄᕆᒧᑦ ᐊᐅᓚᓗᖔ?’

ᐃᓗᐊᕐᓮᔩᑦ ᐊᒡᓚᖏᑦ 9:9

ᓇᐹᕐᑐᖅ ᐅᕐᓱᒃᓴᓕᒃ ᑭᐅᕗᖅ, ‘ᐅᕐᓱᖅ ᐅᕙᓐᓂᑦ ᐱᔪᖅ ᓴᒃᑯᑕᒃᓴᕆᕙᕌ, ᑕᒪᑐᒨᓇ ᒎᑏᑦ ᐃᓄᐃᓪᓗ ᐅᐱᒋᔭᐅᑦᔪᑎᒃᓴᕆᕚᑦ, ᓇᐹᕐᑐᐃᑦ ᖁᓛᑦᑎᒍᑦ ᑕᑯᒃᓴᐅᖁᓪᓗᒍ ᐊᓄᕆᒧᑦ ᐊᐅᓚᔪᖅ?’