9 ᓱᐊᖏᓐᓇᕐᓂᐊᓐᖏᓚᖅ ᐅᕙᑦᑎᓐᓂᒃ, ᓂᓐᖓᐅᒪᓂᐊᕋᓂᓗ ᐃᓱᖃᖏᑦᑐᒧᑦ.
ᓂᓐᖓᐅᒪᓂᖓ ᕿᓚᒥᒻᒪᕆᑯᓗᒃ ᐊᓂᒍᕐᒪᑦ, ᐱᑦᓯᐊᕐᓂᖓᓕ ᐃᓅᓯᐅᑉ ᓈᓂᖓᓄᑦ ᑎᑭᑉᐳᖅ; ᐅᓐᓄᐊᖅ ᓈᓗᒍ ᖁᕝᕕᐅᕐᓂᖃᕐᐳᖅ, ᐅᓪᓛᖑᓕᕐᐸᓪᓕ ᖁᕕᐊᓱᖕᓂᖅ ᑎᑭᑉᐳᖅ.
ᐊᑕᓂᐅᑉ ᐃᓄᖁᑎᓂ ᓱᒋᐊᓚᐅᕐᒪᒋᑦ ᐊᐅᓪᓚᕈᑦᔭᐅᑎᓪᓗᒋᑦ ᓄᓇᒋᔭᖓᓐᓂᑦ. ᐊᐅᓪᓚᕈᑎᓚᐅᕐᐰᑦ ᐊᓄᕆᕐᔪᐊᕐᒥᒃ ᐊᓄᕌᕐᑎᑦᓯᓪᓗᓂ ᓯᕿᓂᐅᑉ ᓄᐃᕕᐊᑕ ᓇᓛᓂᓐᖔᕐᑐᒥᒃ.
ᐸᓯᒃᓯᓂᐊᓐᖏᓚᖓ ᑕᐅᕗᖓᓕᒫᖅ, ᓂᓐᖓᐅᒤᓐᓇᕐᓂᐊᕐᓇᖓᓗ; ᐃᓅᑉ ᐊᓂᕐᓂᖓ ᓵᓐᓂ ᐊᔪᓕᖁᓇᒍ, ᑕᕐᓂᖏᓪᓗ ᓴᓇᓚᐅᕋᒃᑭᑦ.
ᐂᓕᕆᑦ, ᐅᓐᓄᐊᓪᓗᐊᑉ ᓇᓛᓃᑦᑐᓄᑦ ᐅᖃᕆᐊᕐᑐᕆᑦ. ᐃᓴᕆᐊᓕ ᐅᕙᓐᓄᑦ ᐅᑎᓚᐅᕆᑦ, ᐊᑕᓂᖅ ᐅᖃᕐᐳᖅ, ᓂᓐᖓᐅᒪᓂᕐᒧᑦ ᑕᑯᓂᐊᓐᖏᓚᒋᑦ ᓂᑲᒍᓱᒃᑐᕐᔫᒐᒪ, ᐃᓱᖃᖏᑦᑐᒧᑦ ᓂᓐᖓᐅᒪᓂᐊᓐᖏᓚᖓ.
ᐅᖃᕐᐸᒃᐳᑎᑦ, ᓂᓐᖓᒡᕕᒋᓯᒤᓐᓇᕐᓂᐊᕐᐱᑎᒎᑦ? ᑕᐅᕗᖓᓕᒫᖅ, ᑍᒫᒃ ᐅᖃᕋᓗᐊᕐᓗᑎᑦ ᐱᐅᖏᑦᑐᓕᐅᕈᑎᒋᔪᓐᓇᕐᑕᓕᒫᑎᑦ ᐊᑐᕋᓱᐊᖃᑦᑕᕐᐸᑎᑦ.
ᐊᔪᕐᑐᓕᓂᕆᓚᐅᕐᑕᖏᑦ ᓵᓐᖓᔭᐅᔪᑎᒋᓗᒋᑦ ᐃᖅᑲᐅᒪᔭᐅᓂᐊᕈᓐᓁᕐᐳᑦ; ᐃᓱᐊᕐᑐᒥᒃ ᓈᒻᒪᓈᕐᓗᓂᓗ ᐱᓇᓱᐊᓕᕐᐸᑦ, ᑖᓐᓇ ᐃᓅᓂᐊᓕᕐᐳᖅ.
