ᐃᓐᖏᕈᑎᑦ 103:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᐊᑕᓂᖅ ᓂᕐᑐᕐᓯᐅᒃ, ᕿᓚᖕᒥᐅᑕᔪᓯ ᑕᒪᑦᓯ, ᑖᑦᓱᒧᖓ ᐱᓇᓱᐊᕐᑎᐅᔪᓯ ᐱᔪᒪᔭᖓᓂᒃ ᐱᓕᕆᓪᓗᓯ!

ᐃᓐᖏᕈᑎᑦ 103:21 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 32:2

ᔧᑰᓪᓗ ᑕᑯᒐᒥᒋᑦ ᐅᖃᕐᐳᖅ, “ᐅᑯᐊ ᒎᑎᐅᑉ ᐅᓇᑕᕐᑐᒃᓴᖁᑎᖏᑦ”; ᑍᒤᒻᒪᑦ ᑖᓐᓇ ᐊᑦᓯᕐᐹ ᒪᕼᐊᓁᒥᒃ.

ᐊᑕᓃᑦ ᓯᕗᓪᓖᑦ 22:19

ᒤᑬᐊ ᐅᖃᕐᐳᖅ, “ᑍᒤᒻᒪᑦ ᐊᑕᓂᐅᑉ ᐅᖃᐅᓯᖏᓐᓂᑦ ᑐᓴᕆᑦᓯ: ᐊᑕᓂᖅ ᑕᑯᕙᕋ ᐃᒃᓯᕙᐅᑕᕐᔪᐊᕐᒥᓂ ᐃᒃᓯᕙᔪᖅ, ᕿᓚᖕᒥᐅᒐᓴᒡᔪᐃᓪᓗ ᓇᖏᕐᐳᑦ ᑖᑦᓱᒪ ᐊᕙᑖᓂ, ᑕᓕᕐᐱᐊᓂ, ᓴᐅᒥᐊᓂᓗ;

ᑯᕉᓂᑲ ᐂᑉᐸᖏᑦ 18:18

ᒤᑬᐊᓗ ᐅᖃᓕᕐᐳᖅ, “ᑍᒤᒻᒪᑦ ᐊᑕᓂᐅᑉ ᐅᖃᐅᓯᖓ ᑐᓴᕐᓯᐅᒃ: ᐊᑕᓂᖅ ᑕᑯᓚᐅᕐᐸᕋ ᐃᒃᓯᕙᔪᖅ ᐃᒃᓯᕙᐅᑕᕐᔪᐊᕐᒥᓂ, ᕿᓚᖕᒥᐅᒐᓴᒡᔪᐃᓪᓗ ᓇᖏᕐᑐᑦ ᑕᓕᕐᐱᐊᓂ ᓴᐅᒥᐊᓂᓗ;

ᓂᕼᐃᒤᐊᐅᑉ ᐊᒡᓚᖏᑦ 9:6

“ᐃᕝᕕᑦ ᑭᓯᕕᑦ ᐊᑕᓂᑑᕗᑎᑦ; ᕿᓚᖕᒥᒃ ᓴᓇᓚᐅᕐᐳᑎᑦ, ᕿᓔᓪᓗ ᕿᓚᖏᓐᓂᒃ, ᕿᓚᖕᒦᑦᑐᓕᒫᓂᓪᓗ, ᓄᓇᒥᒃ ᓄᓇᒥᐅᑕᓕᒫᓂᒡᓗ, ᐃᒪᕕᒡᓗ ᐃᓘᓐᓇᑎᒡᓗ ᐃᒪᐅᑉ ᐃᓗᐊᓃᑦᑐᑦ ᓴᓇᓚᐅᕐᐸᑎᑦ; ᐃᓅᓯᕐᒥᒃ ᐃᓘᓁᓐᓄᑦ ᑐᓂᓯᕗᑎᑦ, ᕿᓚᖕᒥᐅᑕᓕᒫᑦᓯᐊᑦ ᐃᓕᖕᓄᑦ ᐅᑯᕗᑦ ᑐᒃᓯᐊᕐᓗᑎᒡᓗ.

ᐃᓐᖏᕈᑎᑦ 104:4

ᐂᖏᓕᖁᑎᓂ ᐊᓂᕐᓂᓐᖑᕐᑎᓚᐅᕐᐰᑦ, ᐱᓇᓱᐊᕐᑎᖁᑎᓂᓗ ᐃᑯᒪᐅᓪᓗᑎᒃ ᐃᑯᐊᓚᔪᓐᖑᕐᑎᓪᓗᒋᑦ.

ᐃᓐᖏᕈᑎᑦ 33:6

ᐊᑕᓂᐅᑉ ᐅᖃᐅᓯᖓᒍᑦ ᕿᓔᑦ ᓴᓇᔭᐅᓚᐅᕐᐳᑦ, ᑕᒪᕐᒥᒡᓗ ᕿᓚᖕᒥ ᑕᑯᒃᓴᐅᔪᑦ ᐅᓪᓗᕆᐊᑦ ᖃᓂᖓᑕ ᐊᓂᕐᓂᖓᓄᑦ ᓴᖅᑭᓚᐅᕐᐳᑦ.

ᐃᓐᖏᕈᑎᑦ 68:17

ᐊᒃᓴᓗᐊᓖᑦ ᐱᐅᔪᕐᔪᐊᑦ ᒎᑎᐅᑉ ᐱᖏᑦ ᐊᕙᑎᑦ ᑕᐅᓮᕐᑐᕐᓗᒋᑦ ᐊᒡᓛᑦ, ᑕᐅᓮᑦ ᑕᐅᓮᕐᑐᕐᓗᒋᑦ, ᐊᑕᓂᐅᑉ ᓮᓁᒥᑦ ᐃᓚᒋᓪᓗᒋᑦ ᐃᑦᔪᕐᓁᑦᑐᕕᖕᒧᐊᓚᐅᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 13:41

ᐃᓅᑉ ᐃᕐᓂᖓ ᐂᖏᓖᖁᑎᒥᓂᒃ ᑎᓕᓯᔪᒫᕐᐳᖅ, ᑲᑎᕐᓱᐃᔭᕐᑐᖁᓪᓗᒋᑦ ᑕᕝᕙᓐᖓᑦ ᐊᑕᓂᐅᕕᖕᒥᓂᑦ, ᐃᓄᖕᓂᒃ ᐊᔪᕐᑐᓕᑎᑦᓯᔪᓂᒃ ᑕᒤᓐᓂᒃ, ᐊᓯᖏᓐᓂᒡᓗ ᐊᔪᕐᑐᓕᓂᕐᒥᒃ ᐱᓇᓱᐊᕐᑐᓂᒃ,

ᓘᑲᓯᐅᑉ ᐊᒡᓚᖏᑦ 2:13

ᑕᕝᕔᓐᓇᖅ ᐂᖏᓖᒐᓴᒡᔪᐊᑦ ᕿᓚᖕᒥᑦ ᐱᔪᑦ ᐂᖏᓕ ᑖᓐᓇ ᐃᓚᒋᓕᕐᐹᑦ, ᐃᓐᖏᕐᓗᑎᒃ ᒎᑎ ᓂᕐᑐᕐᐹᑦ, ᐅᖃᕐᓗᑎᒃ,

ᐄᑉᕈᐃᓄᑦ 1:14

ᐂᖏᓖᓪᓕ ᐊᓂᕐᓂᐅᕗᑦ ᑎᓕᔭᐅᓯᒪᔪᑦ ᐱᔨᑦᓯᖁᓪᓗᒋᑦ, ᐃᑲᔪᕐᑎᐅᖁᓪᓗᒋᑦ ᐱᐅᓕᔭᐅᓂᕐᒥᒃ ᑭᖑᕐᖑᑦᔨᓂᐊᕐᑐᓄᑦ.

ᔮᓱᐊᑉ ᐊᒡᓚᖏᑦ 5:14

ᐊᖑᓪᓕ ᑭᐅᕗᖅ, “ᓇᓪᓕᐊᓐᓃᓐᖏᓚᖓ; ᑕᒫᓃᑉᐳᖓᓕ ᐊᑕᓂᐅᑉ ᐅᓇᑕᕐᑎᖏᓐᓄᑦ ᐊᖓᔪᖅᑳᕆᔭᐅᓪᓗᖓ.” ᔮᓱᐊᓗ ᐹᒻᒪᒃᐳᖅ ᒪᓂᖅᑲᒧᑦ ᑐᒃᓯᐊᕐᕕᒋᓪᓗᒍᓗ, ᐅᖃᕐᐳᖅ, “ᐱᔨᒋᕙᕐᒪ ᐊᖓᔪᖅᑳᒃ, ᓱᓇᒥᒃ ᐱᓇᓱᐊᖁᕕᖔ?”