14 ᖃᓄᐃᑦᑑᖕᒪᖔᑦᑕ ᖃᐅᔨᒪᖕᒪᑎᒍᑦ; ᐃᖅᑲᐅᒪᓪᓗᓂᓗ ᓄᓇᑐᐃᓐᓇᐅᒐᑦᑕ.
ᐊᑕᓂᕐᓕ ᒎᑎ ᐃᓄᒃᓴᓕᐅᕐᐳᖅ ᓄᓇᐅᑉ ᐃᓚᖓᓂᒃ ᐱᓪᓗᓂ; ᓱᕐᓗᖓᒍᑦ ᐊᓂᕐᓵᕐᕕᒋᕚ ᐃᓅᓯᖃᕐᓇᕐᑐᒥᑦ; ᐃᓄᒡᓗ ᑕᕝᕙ ᐆᒻᒪᕐᐳᖅ.
ᐊᐅᒃᑲᕐᓂᖓᕙᖕᓂᐊᓕᕐᐳᑎᑦ ᓂᕿᒃᓴᒥᒃ ᐱᓇᓱᐊᕐᓗᑎᑦ ᐅᑎᓚᐅᖏᓐᓂᕐᓂ ᓄᓇᒧᑦ, ᑕᒫᓐᖓᑦ ᓴᓇᔭᐅᕕᒋᓚᐅᕐᑕᕐᓄᑦ; ᐃᑦᔪᒥᑦ ᐱᓯᒪᒐᕕᑦ ᐃᑦᔪᒧᑦᑕᐅᖅ ᐅᑎᕈᒫᕆᕗᑎᑦ.”
ᐃᖅᑬᓚᐅᕆᑦ ᒪᕐᕋᕐᒥᑦ ᓴᓇᓯᒪᒐᕕᖓ; ᓯᖃᓪᓕᓗᖓ ᐳᔪᕋᓐᖑᕐᑎᑦᓱᒪᓕᕆᕕᖔ?
ᑲᑉᐱᐊᓱᒃᑎᑦᓯᓇᓱᐊᕐᐲᑦ? ᐅᖃᐅᔭᑎᑐᑦ ᑲᑕᖕᓂᑯᒥᒃ ᐱᒋᐊᕋᓱᒃᓗᑎᓪᓗ ᐃᕕᒐᕐᑎᑐᑦ ᐸᓪᓕᐅᓕᕐᑐᒥᒃ?
ᐊᔪᕐᑐᓕᓂᒃᑲ ᐃᓱᒪᒋᔪᓐᓁᕈᓐᓁᓪᓕᕕᒌᑦ? ᐱᐅᖏᑦᑐᓕᓂᒃᑲᓗ ᐲᕈᓐᓁᓪᓕᕕᒌᑦ? ᒫᓐᓇᓗ ᓄᓇᒥ ᓇᓪᓚᖓᔪᒫᓕᕐᐳᖓ; ᐅᕙᓐᓂᒃ ᕿᓂᓕᕋᓗᐊᕈᕕᑦ, ᐱᑕᖃᕈᓐᓁᕈᒫᕐᐳᖓ.”
ᐃᖅᑬᓚᐅᕆᑦ ᐃᓅᓯᕐᒪ ᓯᕕᑭᑦᑑᓂᖓᓂᒃ, ᓱᓇᒥᒡᓕ ᐊᑑᑎᒃᓴᖃᕐᑐᓂᒃ ᐃᓄᖕᓂᒃ ᐱᓐᖑᕐᑎᑦᓯᓚᐅᕐᐲᑦ?
ᐳᔪᕐᓗᒡᓗ ᓄᓇᒧᑦ ᐅᑎᕐᐸᑦ ᐃᓂᒋᓚᐅᕐᑕᒥᓄᑦ, ᐊᒻᒪᓗ ᐊᓂᕐᓂᖅ ᐅᑎᕐᐸᑦ ᒎᑎᒧᑦ ᑐᓂᓯᓚᐅᕐᑐᒧᑦ.
ᓱᓇᓕᒫᑦ ᒧᒥᒃᑎᑉᐰᑦ! ᐃᓗᓕᖁᑎᓂᒃ ᒪᕐᕋᓕᐅᕐᑎ ᐃᓗᓕᖁᑎᓕᐊᒃᓴᖅ ᒪᕐᕋᐅᑎᓪᓗᒍ ᑕᑯᓐᓇᕐᑕᐅᔪᓐᓇᕐᐹ? ᓴᓇᔭᐅᓯᒪᔪᖅ ᓴᓇᔨᒥᓄᑦ ᐅᖃᕈᓐᓇᕐᐹ? “ᑖᑦᓱᒪ ᓴᓇᓚᐅᓐᖏᓛᖓ”; ᐅᕝᕙᓗ ᑕᐅᑦᑐᓕᐅᕐᑕᐅᔪᖅ ᑕᐅᑦᑐᓕᐅᕐᑎᒥᓂᒃ ᐅᖃᐅᓯᖃᕈᓐᓇᕆᕚ? “ᐅᓇ ᑐᑭᓯᐅᒪᖏᑦᑐᖅ.”
