ᐃᓐᖏᕈᑎᑦ 10:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᖃᐅᔨᔭᐅᓇᓂᓗ ᐅᑕᖅᑭᕗᖅ ᓛᔭᑎᑐᑦ ᓯᑎᒥᓂ ᐅᑕᖅᑭᔪᑎᑐᑦ, ᐅᑕᖅᑭᕗᕐᓗ ᐊᔪᕐᓴᕐᑐᖅ ᓵᓚᒋᔪᒪᓪᓗᒍ; ᐊᔪᕐᓴᑐᓪᓗ ᓵᓚᒋᕔᑦ, ᐅᓂᐊᕐᓗᒋᓪᓗ ᓄᓗᐊᒥᓄᑦ.

ᐃᓐᖏᕈᑎᑦ 10:9 ပူးပေါင်းရင်းမြစ်များ

ᐃᓐᖏᕈᑎᑦ 17:12

ᓛᔭᑎᑐᑦ ᓂᕆᔭᒥᖕᓂᒃ ᐊᓕᒃᑐᐃᔪᒪᔪᑎᑐᑦ, ᓛᔭᑎᑐᑦ ᐃᓐᓇᐅᖏᑦᑐᑎᑐᑦ ᐃᔨᕐᓯᒪᓪᓗᓂ ᐅᑕᖅᑭᔪᑎᑐᑦ.

ᐃᓐᖏᕈᑎᑦ 59:3

ᑕᑯᒋᑦ, ᐃᔨᕐᓯᒪᓪᓗᑎᒃ ᐅᑕᖅᑭᕗᑦ ᑐᖁᑦᓱᒪᓪᓗᖓ; ᐊᔪᖏᑦᑐᑦ ᑲᑎᕗᑦ ᐊᑭᕋᕐᑐᕈᒪᓪᓗᖓ. ᐊᑕᓃᖅ, ᑕᒻᒪᕐᓂᒃᑲ ᐊᔪᕐᑐᓕᓂᒃᑲᓗ ᐱᑦᔪᑎᒋᓇᒋᑦ,

ᒤᑲᐅᑉ ᐊᒡᓚᖏᑦ 7:2

ᐅᒃᐱᕐᓇᑦᓯᐊᕐᑐᑦ ᐊᓯᐅᓯᒪᖕᒪᑕ ᓄᓇᕐᔪᐊᕐᒥᑦ, ᐃᓄᖕᓂᓗ ᐃᓱᐊᕐᑐᖃᕈᓐᓁᕐᐳᖅ; ᐃᓄᓕᒫᑦ ᐅᑕᖅᑭᐅᕐᐳᑦ ᑐᖁᑦᓯᔪᒪᓪᓗᑎᒃ; ᐃᓘᓐᓇᑎᒡᓗ ᖃᑕᓐᖑᑎᒥᖕᓂᒃ ᕿᓂᕐᐳᑦ ᓄᓗᐊᕐᑎᑦᓯᔪᒪᓪᓗᑎᒃ.

ᐃᓐᖏᕈᑎᑦ 35:10

ᓴᐅᓂᓕᒫᒃᑲ ᐅᖃᕈᒫᕐᐳᑦ, “ᐊᑕᓃᖅ, ᑭᓇᒥᒃ ᐊᑦᔨᖃᕐᐲᑦ? ᓴᐳᑦᔨᒐᕕᑦ ᐊᔪᓗᐊᕐᑐᒥᒃ ᓵᓚᒋᔨᒋᔭᖓᓂᑦ, ᐃᓛᒃ, ᐊᔪᕐᓴᕐᑐᑦ ᐱᖃᖏᑦᑐᓪᓗ ᓴᐳᑎᕙᑎᑦ ᑎᒡᓕᒐᕐᕕᒋᔨᖏᓐᓂᑦ.”

ᔪᐊᓇᓯᐅᑉ ᐊᒡᓚᖏᑦ 10:12

ᑎᓕᔭᐅᓯᒪᑐᐃᓐᓇᕐᑐᕐᓕ ᐰᕐᓯᔨᐅᖏᑦᑐᖅ, ᓇᖕᒥᓂᖃᖏᑦᑐᕐᓗ ᓰᐱᓂᒃ, ᐊᒪᕈᕐᒥᒃ ᕾᓕᕐᑐᒥᒃ ᑕᑯᒐᒥ ᓰᐲᑦ ᕿᒤᓐᓇᕐᓗᒋᑦ ᕿᒫᕗᖅ; ᐊᒪᕉᑉ ᓰᐲᑦ ᐊᖑᓪᓗᒋᑦ ᓯᐊᒻᒪᒃᑎᑉᐰᑦ.

ᓴᑲᕅᐊᐅᑉ ᐊᒡᓚᖏᑦ 11:3

ᑐᓵᓕᕐᓯᐅᒃ ᓂᐱ ᓂᐹᔪᖅ ᓰᐱᓕᕆᔩᑦ ᓂᐱᖓᑦ; ᑖᒃᑯᐊ ᐱᓐᓇᕐᓇᕐᓂᖓᑦ ᓱᓇᐅᔪᓐᓁᕐᒪᑦ: ᓂᐲᑦ ᑐᓵᓕᕐᓯᐅᒃ ᓛᔭᑦ ᓂᓪᓕᐊᔪᑦ; ᐅᕐᐱᒊᑦ ᓴᕐᓕᐊᕐᕕᖏᑦ ᔪᐊᕐᑕᓂᒥ ᐱᑕᖃᕈᓐᓁᕐᒪᑕ!

ᕼᐊᐸᑲᐅᑉ ᐊᒡᓚᖏᑦ 3:14

ᖃᕐᔪᕕᑦ ᑲᐱᓚᐅᕐᐹ ᐅᓇᑕᕐᑐᒃᓴᖁᑎᖏᑕ ᐊᖓᔪᖅᑳᖓᑦ, ᐅᓚᔪᔭᕐᑎᑐᑦ ᕾᓕᕐᑎᓪᓗᒍ ᐅᕙᑦᑎᓐᓂᒃ ᓯᐊᒻᒪᕐᑎᑦᓯᔪᒪᓪᓗᓂ, ᖁᕕᐊᓲᑎᖃᑐᐃᓐᓇᓚᐅᕐᐳᑦ ᐊᔪᕐᓴᕐᑐᓂᒃ ᐄᓯᔪᑎᑐᑦ ᐱᔪᒪᓪᓗᑎᒃ ᖃᐅᔨᔭᐅᖏᓪᓗᑎᒃ.

ᐂᒨᓯᐅᑉ ᐊᒡᓚᖏᑦ 3:4

“ᓛᔭ ᓂᐱᖅᑯᕐᑐᓗᓂ ᓂᓪᓕᐊᕙᒃᐹ ᓇᐹᕐᑐᐃᑦ ᐊᑯᕐᖓᓐᓂ ᓂᕆᔭᒃᓴᖃᕈᓐᓃᕈᓂ? “ᐃᓅᓱᒃᑐᖅ ᓛᔭ ᖃᓕᖑᓛᕐᐸᒃᐹ ᓯᑎᒥᓂ ᓱᓇᒥᒃ ᓂᕆᔭᒃᓴᖃᖏᒃᑯᓂ?

ᐃᓯᑭᐊᓕᐅᑉ ᐊᒡᓚᖏᑦ 22:29

ᑕᒫᓂ ᓄᓇᓖᑦ ᓯᕘᕋᓵᕆᓂᒃᑯᑦ ᑮᓇᐅᔭᕐᑖᕐᐸᒃᐳᑦ ᑎᒡᓕᒐᖃᑦᑕᕐᓗᑎᒡᓗ, ᐊᒃᓗᔪᓂᒃ ᐃᑲᔪᕐᑕᐅᔭᕆᐊᓕᖕᓂᒡᓗ ᓱᒃᑯᔨᐊᖃᕐᐸᒃᐳᑦ, ᓄᓇᓕᑐᖃᐅᖏᑦᑐᓂᒡᓗ ᑮᓇᐅᔧᕐᑎᑦᓯᕙᒃᐳᑦ ᓈᒻᒪᓈᕐᑐᒥᒃ ᐱᓂᐊᕐᕕᒋᓇᒋᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:10

ᐅᑕᖅᑭᕚᖓ ᓇᓄᕐᑎᑐᑦ ᐹᒻᒪᖓᓪᓗᓂ ᐆᒪᔪᕐᓂᐊᕐᑕᒥᓂᒃ ᐅᑕᖅᑭᔪᑎᑐᑦ ᓛᔭᑎᑐᓪᓗ ᐃᔨᕐᓯᒪᔪᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 32:7

ᐅᐃᕖᑦᑐᑦ ᐱᐅᓯᖃᕐᐳᑦ ᓈᒻᒪᖏᑦᑐᕐᔪᐊᓂᒃ; ᐱᐅᖏᑦᑐᓂᒡᓗ ᐱᓇᓱᐊᒐᒃᓴᕐᓯᐅᑐᐃᓐᓇᕐᓗᑎᒃ, ᐊᔪᕐᓴᕐᑐᓂᒃ ᐅᖃᐅᓯᕐᒥᖕᓄᑦ ᓱᓕᖏᑦᑐᓄᑦ ᐱᐅᔪᓐᓃᕐᑎᑦᓯᒋᐊᓪᓚᓲᖑᕗᑦ, ᐊᔪᕐᓴᕐᑐᑦ ᓇᓛᒎᑦᓯᐊᕐᑐᒥᒃ ᐃᑲᔪᕐᑕᐅᑦᔪᑎᒃᓴᒥᖕᓂᒃ ᐅᖃᐅᓯᖃᕋᓗᐊᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 3:15

ᖃᓄᖅ ᐃᓱᒪᓪᓗᓯ ᐃᓄᖁᑎᒃᑲ ᓯᖁᒥᑎᑉᐱᓯᐅᒃ, ᐊᔪᕐᓴᕐᑐᑦ ᓄᖑᕈᑎᓪᓗᒌᑦ?” ᐊᑕᓂᖅ ᕿᓚᖕᒥᐅᒐᓴᒡᔪᐃᑦ ᒎᑎᖓᑦ ᐅᖃᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:15

ᓛᔭᑎᑐᑦ ᓂᓪᓕᐊᔪᑎᑐᑦ ᓇᓄᕐᑎᑐᓪᓗ ᐅᐸᒃᑐᕐᑐᑎᑐᑦ ᑍᒤᒃᑭᕗᖅ ᐱᐅᖏᓐᓂᕐᒥ ᐊᐅᓚᑦᓯᔪᖅ ᐃᓄᖕᓄᑦ ᐊᔪᕐᓴᕐᑐᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:16

ᐊᒃᓱᔪᓂᒃ ᐅᖁᒤᑦᑐᒦᑎᑦᓯᔪᖅ ᐊᒃᓱᐃᓕᕈᒪᓗᓂ, ᐊᒃᓱᐃᑦᑐᓄᓪᓗ ᑐᓂᓯᖃᑦᑕᕐᑐᖅ, ᐊᔪᕐᓴᕐᓇᕐᑐᒧᑦ ᑎᑭᓐᓂᐊᕐᐴᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:31

ᐊᒃᓗᔪᓂᒃ ᐅᖁᒤᒃᓴᕐᑎᑦᓯᔪᖅ ᐱᓐᖑᕐᑎᑎᔨᒥᓂᒃ ᐱᐅᒃᓴᓐᖏᓚᖅ, ᐊᒃᓗᔪᓂᒡᓕ ᐱᑦᓯᐊᕐᑐᖅ ᒎᑎᒥᒃ ᐅᐱᒍᓱᖕᓂᖃᕐᐳᖅ.

ᐃᓐᖏᕈᑎᑦ 140:5

ᐱᐅᔪᕆᔪᑦ ᐃᔨᕐᓯᒪᔪᒥᒃ ᐊᒃᓱᓈᓂᒃ ᓂᒐᕐᕕᒃᓴᓐᓂᒃ ᓴᓇᓯᒪᕗᑦ, ᐊᒃᓱᓈᖃᕐᓗᑎᒃ ᐃᓯᕕᑦᓯᓯᒪᕗᑦ ᓄᓗᐊᓂᒃ ᐊᖅᑯᑎᐅᑉ ᓴᓂᐊᓄᑦ, ᒥᑭᒋᐊᕐᕕᒃᓴᓐᓂᒡᓗ ᐋᖅᑭᒃᓱᐃᓯᒪᕗᑦ. ᓰᓚ

ᐃᓐᖏᕈᑎᑦ 12:5

“ᐊᔪᕐᓴᕐᑐᑦ ᐅᖁᒤᒃᓴᕐᑎᑕᐅᖕᒪᑕ, ᐱᒃᓴᖃᖏᑦᑐᓪᓗ ᐊᓂᕐᓴᐅᒥᖕᒪᑕ, ᑕᕝᕙ ᒪᑭᓐᓂᐊᓕᕐᐳᖓ,” ᐊᑕᓂᖅ ᐅᖃᕐᐳᖅ: “ᓴᐳᑎᔪᒪᕙᕋ ᓴᐳᑎᔭᐅᔪᒪᓂᖓ ᒪᓕᒡᓗᒍ.”

ᐋᐴᓯᑕᓖᑦ ᐱᓂᐊᕐᓂᖏᑦ 23:21

ᐊᖏᕐᑍᓕᒃᑭᑦ; 40ᓂᑦ ᐅᓄᕐᓂᕐᓴᓂᒃ ᐅᑕᖅᑭᔪᖃᕐᒪᑦ ᑍᑯᓐᖓᐅᑦᔭᐅᓕᕐᑎᓪᓗᒍ ᑐᖁᑦᓯᔪᒪᓪᓗᑎᒃ ᐅᐸᓗᖕᒊᕐᓯᒪᔪᓂᒃ, ᑖᒃᑯᐊ ᓴᖑᑎᓐᓂᐊᓐᖏᑕᒥᖕᓂᒃ ᐊᖏᖃᑎᒌᒃᓯᒪᕗᑦ ᓂᕆᔪᒪᓇᑎᒃ ᐃᒥᕈᒪᓇᑎᒡᓗ ᐸᐅᓗᓯᒥᒃ ᑐᖁᑦᓯᓚᐅᖏᓐᓂᕐᒥᖕᓂ; ᒫᓐᓇᓕ ᐅᑕᖅᑭᓕᕐᐳᑦ, ᐊᖏᕐᓂᐊᕐᒪᖔᕐᐱᑦ.”

ᕼᐊᐸᑲᐅᑉ ᐊᒡᓚᖏᑦ 1:15

ᑕᒤᓐᓂᒃ ᐊᒧᓯᖃᑦᑕᕐᐳᑦ ᓂᒃᓯᖕᒧᑦ, ᓄᓗᐊᒥᖕᓄᓪᓗ ᓄᓗᐊᕐᑎᓯᒪᔭᑎᒃ ᐅᓂᐊᕐᓗᒋᑦ, ᑲᑎᕐᓱᐃᕙᒃᐳᑦ ᓄᓗᐊᒥᖕᓂᑦ ᕾᒐᓛᕐᓗᑎᒡᓗ ᓄᓗᐊᕐᑎᓯᒪᔭᒥᖕᓂᒃ ᖁᕕᐊᓲᑎᖃᕐᓗᑎᒃ!

ᔨᕆᒤᐊᐅᑉ ᐊᒡᓚᖏᑦ 5:26

ᐃᓄᖁᑎᒃᑲ ᐃᓚᖃᐅᓕᕐᐳᑦ, ᐱᐅᖏᑦᑐᓕᔪᓂᒃ, ᐅᑕᖅᑭᔪᑎᑐᑦ ᑎᖕᒥᐊᓂᒃ ᓂᒐᕐᑎᓐᓂᐊᕐᑕᒥᖕᓂᒃ, ᐃᓄᖕᓄᓪᓗ ᐊᔪᓕᕐᕕᐅᒐᔭᕐᑐᓂᒃ ᐋᖅᑭᒃᓯᓯᒪᕗᑦ.

ᐃᓐᖏᕈᑎᑦ 37:14

ᐱᐅᖏᑦᑐᓕᔪᑦ ᓴᕕᒡᔪᐊᒥᖕᓂᒃ ᐊᒧᓯᕗᑦ ᐱᑎᒃᓯᑎᒡᓗ ᕿᓗᓯᒪᕔᑦ, ᐊᔪᕐᓴᕐᑐᑦ ᐱᖃᖏᑦᑐᓪᓗ ᐅᕐᕈᑎᑦᓱᒪᓪᓗᒋᑦ, ᑐᖁᑦᓱᒪᓪᓗᒋᓪᓗ ᓱᓕᑦᓯᐊᕐᑐᒥᒃ ᐃᓅᔪᑦ.

ᐃᓐᖏᕈᑎᑦ 109:31

ᑖᓐᓇ ᐊᔪᕐᓴᕐᑑᑉ ᑕᓕᕐᐱᐊᓂ ᓇᖏᕐᓂᐊᕐᒪᑦ, ᐱᐅᓕᔪᒪᓪᓗᒍ ᑖᒃᑯᓇᓐᖓᑦ ᑐᖁᑕᒃᓴᓐᖑᕐᑎᑦᓯᔪᓂᑦ.

ᔫᐱᐅᑉ ᐊᒡᓚᖏᑦ 38:40

ᓯᑎᒥᖕᓂ ᐃᔨᕐᓯᒪᓗᑎᒃ ᐊᖁᐱᑎᓪᓗᒋᑦ, ᐅᕝᕙᓗ ᓯᑎᒥᖕᓂ ᓇᓪᓚᖓᓗᑎᒃ ᐅᑕᖅᑭᑎᓪᓗᒋᑦ?