ᐃᓐᖏᕈᑎᑦ 10:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐊᑕᓃᖅ, ᓱᖕᒪᑦ ᓇᖏᕐᐱᑦ ᐅᖓᓯᒃᑐᒥ? ᓱᖕᒪᓪᓗ ᐊᔪᕐᓇᕐᑐᖃᓕᕌᖓᑦ ᐃᔨᕐᓯᒪᖃᑦᑕᕐᐲᑦ?

ᐃᓐᖏᕈᑎᑦ 10:1 ပူးပေါင်းရင်းမြစ်များ

ᐃᓐᖏᕈᑎᑦ 22:1

ᒎᑎᒐ, ᒎᑎᒐ, ᓲᖅ ᕿᒪᒃᐱᖔ? ᓲᖅ ᐃᑲᔪᕐᓃᑦ ᐅᖓᓯᒃᐸ ᐅᕙᓐᓂᑦ? ᓂᐹᓂᕐᒪᓗ ᑐᓴᕐᓴᐅᓂᖓᓂᑦ?

ᐃᓐᖏᕈᑎᑦ 27:9

ᑮᓁᑦ ᐊᓚᐅᒪᑎᓐᓂᐊᕐᓇᒍ ᐅᕙᓐᓂᑦ! ᐱᔩᑦ ᐊᔭᒃᑐᕐᓂᐊᕐᓇᒍ ᓂᓐᖓᐅᒪᓂᕐᒧᑦ; ᐃᑲᔪᕐᑎᒋᖃᑦᑕᕐᓯᒪᒐᒃᑭᑦ. ᓇᕐᕈᒋᓕᕐᓂᐊᕐᓇᖓ, ᕿᒪᖕᓂᐊᕐᓇᖓᓗ, ᒎᑏᒃ ᐱᐅᓕᔨᒋᒐᒃᑭᑦ!

ᔨᕆᒤᐊᐅᑉ ᐊᒡᓚᖏᑦ 14:8

ᐃᓴᕆᐊᓕᒥᐅᑦ ᓂᕆᐅᒡᕕᑐᐊᕆᖕᒪᑎᑦ, ᐱᐅᓕᔨᑐᐊᕆᓪᓗᑎᓪᓗ ᐊᑲᐅᖏᑦᑐᖃᓕᕐᑎᓪᓗᒍ, ᓱᖕᒪᑦ ᓂᐅᕐᕈᐊᑎᑐᑦ ᓄᓇᒥ ᑍᒤᓕᐅᕐᕕᒋᕕᑎᒎᑦ? ᐅᓐᓄᐊᒥᒃ ᐊᑕᐅᓯᕐᒥᒃ ᓯᓂᒃᑕᕐᑐᑎᑐᑦ.

ᐃᓐᖏᕈᑎᑦ 88:14

ᐊᑕᓃᖅ ᓱᖕᒪᑦ ᑕᕐᓂᕋ ᐃᒋᑉᐱᐅᒃ? ᓱᖕᒪᓪᓗ ᑮᓁᑦ ᐃᔨᕐᓯᒪᕕᐅᒃ ᐅᕙᓐᓄᑦ?

ᐃᓐᖏᕈᑎᑦ 46:1

ᒎᑎ ᕿᒫᕕᒋᕙᕗᑦ ᐱᔪᓐᓇᐅᑎᒋᓪᓗᒍᓗ, ᐃᑲᔪᕐᑎᒋᓪᓗᒍᓗ ᐃᓱᐊᖏᑦᑐᖃᓕᕐᑎᓪᓗᒍ.

ᐃᓐᖏᕈᑎᑦ 44:24

ᓲᖅ ᑮᓁᑦ ᐃᔨᕐᓯᒪᕕᐅᒃ, ᐳᐃᒍᕐᓯᒪᓪᓗᑎᓪᓗ ᓴᐱᕐᓇᕐᑐᒦᓐᓂᑦᑎᓐᓂᒃ ᐅᖁᒤᑦᑐᒦᓐᓂᑦᑎᓐᓂᒡᓗ?

ᐃᓐᖏᕈᑎᑦ 30:7

ᐊᑕᓃᖅ, ᖁᕕᐊᒋᒐᕕᖓ, ᖃᖅᑲᖁᑎᒐ ᓇᐸᑎᑉᐸᑦ ᓴᓐᖏᔫᓪᓗᓂ; ᑮᓇᕐᐱᓪᓕ ᐊᓚᕐᒪᖓ ᐃᓱᒪᔮᓚᐅᕐᐳᖓ.

ᔫᐱᐅᑉ ᐊᒡᓚᖏᑦ 13:24

ᓱᖕᒪᑦ ᑮᓁᑦ ᐅᕙᓐᓄᑦ ᐃᔨᕐᓯᒪᕕᐅᒃ? ᓱᖕᒪᓪᓗ ᐊᑭᕋᕐᑎᑐᑦ ᐱᓇᓱᐊᕐᕕᒋᕕᖓ?

ᔫᐱᐅᑉ ᐊᒡᓚᖏᑦ 34:29

ᒎᑎ ᓂᐱᖃᕈᓐᓁᕐᐸᑦ, ᑭᐊ ᐸᒡᕕᓴᕈᓐᓇᕐᐸᐅᒃ? ᑖᑦᓱᒪᓗ ᑮᓇᓂ ᑕᓕᑎᑉᐸᒍ, ᑭᐊ ᑕᑯᔪᓐᓇᕐᐸᐅᒃ? ᐃᓅᖃᑎᒌᒡᔪᐊᓄᑦ ᐅᕝᕙᓗ ᐃᓄᑐᐊᒧᑦ?

ᔫᐱᐅᑉ ᐊᒡᓚᖏᑦ 23:9

ᓴᐅᒥᖕᒪ ᓇᓛᓂ ᕿᓂᓚᐅᕐᐸᕋ, ᑕᑯᓚᐅᓐᖏᓚᕋᓕ; ᑕᓕᕐᐱᓐᓄᑦ ᕿᕕᐊᕋᓗᐊᕐᒥᒐᒪ, ᑕᑯᓚᐅᖏᓐᓂᕙᕋ.

ᐃᓐᖏᕈᑎᑦ 44:25

ᑕᕐᓂᕗᑦ ᐅᑯᖓᕗᑦ ᓄᓇᒧᑦ; ᑎᒥᕗᓪᓗ ᑐᓐᖓᕗᑦ ᒪᓂᖅᑲᒧᑦ.

ᔨᕆᒤᐊᐅᑉ ᐊᒡᓚᖏᑦ 14:9

ᓱᖕᒪᑦ ᓇᓗᓕᕐᓯᒪᔪᑎᑐᑦ ᑍᒤᖃᑕᐅᕕᑦ? ᐅᓇᑕᕐᑎᑐᑦ ᐊᔪᖏᑦᑐᕐᔪᐊᑐᑦ ᐃᑲᔪᕈᓐᓁᓪᓕᔪᑐᑦ, ᐃᕝᕕᓪᓕ ᐊᑕᓃᖅ ᐊᑯᓐᓇᑦᑎᓐᓃᑉᐳᑎᑦ, ᐃᓕᖕᓄᓪᓗ ᕾᖁᔭᐅᓯᒪᕗᒍᑦ; ᐊᑏ ᕿᒪᒃᑍᓕᑎᒍᑦ.”