33 ᐊᔪᕆᕐᑐᕐᑕᐅᑦᔪᑎᑎᑦ ᓈᓚᑭᑦ ᓯᓚᑐᓗᑎᓪᓗ ᑲᒪᒋᔪᓐᓃᕐᑍᓕᒃᑭᑦ.
ᐃᒡᓗᒐᓴᒡᔪᐊᑦ ᐊᕙᓗᕐᔪᐊᖏᑕ ᖃᖏᓐᓂ ᓂᓪᓕᐊᕗᖅ; ᐃᒡᓗᒐᓮᓪᓗ ᐃᑎᕐᑕᕐᕕᖏᓐᓂ ᐅᖃᓪᓚᒃᐳᖅ.
ᓯᓚᑐᔪᓪᓗ ᑐᓴᕈᓐᓇᖁᓪᓗᒋᑦ ᑐᑭᓯᐅᒪᔭᖏᑦ ᐊᖏᓕᒃᑲᓐᓂᖁᓪᓗᒋᑦ, ᐊᖑᓪᓗ ᑐᑭᓯᐅᒪᔪᖅ ᐱᓇᓱᐊᕈᑎᒃᓴᖃᒃᑲᓐᓂᖁᓪᓗᒍ.
ᐃᕐᓃᒃ ᓈᓚᑦᓯᐊᕆᑦ ᐊᑖᑕᕕ ᐃᓕᓮᓂᖏᓐᓂᒃ, ᐊᓈᓇᕕᓪᓗ ᐊᔪᕆᕐᑐᐃᑦᔪᑎᖏᓐᓂᒃ ᓇᕐᕈᓂᐊᕐᓇᒃ;
ᐃᓂᕐᑎᕐᑕᐅᑦᔪᑎᒥᓂᒃ ᑲᒪᔪᒪᖏᑦᑐᖅ ᑕᕐᓂᕐᒥᓂᒃ ᓇᕐᕈᕗᖅ ᐃᓂᕐᑎᕐᑕᐅᑦᔪᑎᒥᓂᒡᓕ ᓈᓚᒃᐸᒃᑐᖅ ᑐᑭᓯᐅᒪᓂᕐᑖᕐᓂᐊᕐᐳᖅ.
ᒪᓕᒐᒃᓴᓕᐅᕐᑕᐅᒍᕕᑦ ᓈᓚᑦᓯᐊᕆᑦ ᐃᓕᓴᕐᑕᐅᓃᑦ ᓈᒻᒪᒋᒍᒃ, ᓯᕗᓂᕐᒥ ᓯᓚᑐᓂᕐᑖᕈᑎᒋᓛᕋᕕᒋᑦ.
ᕿᑐᕐᖓᒃᑳ, ᐊᑖᑕᑦᓯ ᐊᔪᕆᕐᑐᐃᑦᔪᑎᒋᔭᖏᑦ ᓈᓚᒃᓯᐅᒃ, ᑐᓵᓇᓱᐊᑦᓯᐊᕐᓗᒋᓪᓗ ᖃᐅᔨᓂᐊᕋᕕᑦ ᑐᑭᓯᑎᑕᐅᓂᕐᒥᒃ.
ᐃᕐᓃᒃ, ᑐᓵᑦᓯᐊᕋᓱᐊᕈᒃ ᓯᓚᑐᓂᒃᑯᑦ ᐅᖃᓪᓚᖕᓂᕋ, ᓯᐅᑏᒃᑭᒃ ᒪᓂᓕᒃᑭᒃ ᑐᑭᓯᑎᑕᐅᓯᒪᓂᕆᔭᓐᓄᑦ.
ᐃᒃᐱᒍᓱᑦᓯᐊᕆᑦᓯ ᐅᖃᓪᓚᒃᑐᖅ ᓈᓚᒍᒪᖏᓪᓗᒍ ᐱᖁᓇᓯ. ᑍᒃᑯᐊ ᓄᓇᕐᔪᐊᕐᒦᓪᓗᓂ ᐅᖃᓪᓚᒃᑎᓪᓗᒍ ᓈᓚᒍᒪᓚᐅᖏᑦᑐᑦ ᕿᒫᕕᒃᓮᕈᑎᓚᐅᕐᒪᑕ, ᐅᕙᒍᓪᓕ ᐊᖏᓂᕐᓴᒥᒃ ᕿᒫᔪᓐᓇᕐᓂᐊᓐᖏᓚᒍᑦ ᕿᓚᖕᒦᑦᑑᑉ ᐅᖃᐅᓯᖏᓐᓂᒃ ᓈᓚᒍᒪᓂᐊᖏᒃᑯᑦᑕ.
