ᓲᓗᒨᓂᐅᑉ ᐅᖃᓪᓚᖕᓂᖏᑦ 6:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᑍᒤᒃᑭᕗᖅ ᐃᓅᖃᑎᒥ ᓄᓕᐊᖓᓂᒃ ᐃᓐᓇᖓᖃᑎᓕᒃ, ᑍᒤᑦᑐᒥᒃ ᐊᒃᑐᐃᔪᖅ ᓱᒋᐊᕐᑕᐅᑦᑍᓕᓂᐊᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:29 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 20:2

ᐂᑉᕋᕼᐋᒻᓗ ᓄᓕᐊᓂ ᓵᕋ ᐅᖃᐅᓯᕆᕚ, “ᐅᓇ ᓇᔭᒐ.” ᐊᖓᔪᖅᑳᕐᔪᐊᓪᓗ ᐊᐱᒥᓕᑭᐅᑉ ᓄᓇᒥ ᒋᕌᕆᒥ ᐊᖓᔪᖅᑳᕐᔪᐊᖑᔫᑉ ᓵᕋ ᐂᔭᐅᖁᕚ ᐂᑉᐸᕆᔪᒪᓪᓗᒍ.

ᓴᒧᐃᓕ ᐂᑉᐸᖏᑦ 11:27

ᕿᒃᓵᖕᓂᖓᓕ ᐊᓂᒍᕐᒪᑦ, ᑍᕕᑎ ᑎᓕᓯᕗᖅ ᐊᖓᔪᖅᑳᕐᔪᐊᖃᕐᕕᖕᒧᐊᖁᓪᓗᒍ; ᓄᓕᐊᕐᑖᕆᓪᓗᓂᐅᒡᓗ ᐃᕐᓂᕐᑖᓚᐅᕐᐴᒃ. ᐊᑕᓂᐅᓪᓕ ᑕᒪᓐᓇ ᖁᕕᐊᒋᓚᐅᓐᖏᓛ ᑍᕕᑎᐅᑉ ᐱᓂᐊᕐᓂᖓ.

ᓴᒧᐃᓕ ᐂᑉᐸᖏᑦ 16:21

ᐊᕼᐃᑐᐱᓕᓗ ᐋᑉᓴᓚᒻᒧᑦ ᑭᐅᕗᖅ, “ᐊᑖᑕᕕᑦ ᓄᓕᐊᖏᓐᓂᒃ ᐱᖃᑎᖃᕆᐊᕐᑐᓕᕆᑦ ᕿᒪᓚᐅᕐᑕᖏᓐᓂᒃ ᐊᖓᔪᖅᑳᕐᔪᐊᖃᕐᕕᒃ ᑲᒪᒋᔭᐅᖁᓪᓗᓂᐅᒃ; ᐃᓴᕆᐊᓕᒥᐅᓕᒫᓪᓗ ᖃᐅᔨᓂᐊᕐᐳᑦ ᐊᑖᑕᕕᑦ ᐊᑭᕋᕆᓕᕐᒪᑎᑦ, ᒪᓕᒃᑎᑎᓪᓗ ᑲᑦᓱᖎᕐᑎᑕᐅᒻᒪᕆᖕᓂᐊᕐᐳᑦ.”

ᒨᓯᓯ ᐂᑉᐸᖏᑦ 20:17

“ᐃᓅᖃᑎᕕᑦ ᐃᒡᓗᖓᓂᒃ ᐃᒃᓯᒎᕐᑐᒃᓴᐅᓐᖏᓚᑎᑦ, ᓄᓕᐊᖓᓂᒡᓘᓐᓃᑦ ᐃᒃᓯᒎᕐᑐᒃᓴᐅᓐᖏᓚᑎᑦ, ᐱᔨᖓᓂᒡᓘᓐᓃᑦ, ᐆᒪᔪᖁᑎᖓᓂᒡᓘᓐᓃᑦ, ᓯᐅᑎᖅᑯᕐᑐᔪᖁᑎᖓᓂᒡᓘᓐᓃᑦ ᓱᓇᑐᐃᓐᓇᕐᒥᒡᓘᓐᓃᑦ ᐃᓅᖃᑎᕕᑦ ᐱᒋᔭᖓᓂᒃ ᐱᔪᒪᕕᒡᔪᐊᕐᑐᒃᓴᐅᓐᖏᓚᑎᑦ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:5

ᐱᐅᔪᕆᔪᓕᒫᑦ ᐊᑕᓂᕐᒧᑦ ᓇᕐᕈᓇᕐᐳᑦ, ᖃᐅᔨᒪᓕᕆᑦ ᐊᑕᓂᐅᑉ ᓱᒋᐊᓐᖏᓮᓐᓇᕐᓂᐊᓐᖏᓔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:28

ᐊᐅᒪᑎᒍᑦ ᐱᓱᒃᑐᖃᕈᓐᓇᕐᐹ ᐊᓗᕐᒥᒍᓪᓗ ᐆᓐᓂᕐᑖᖏᓪᓗᓂ?

ᐃᓯᑭᐊᓕᐅᑉ ᐊᒡᓚᖏᑦ 18:6

ᐃᓴᕆᐊᓕᐅᑉ ᑭᖑᕚᖏᑕ ᒎᑎᓐᖑᐊᖏᓐᓄᑦ ᑐᒃᓯᐊᖃᑕᐅᓚᐅᖏᓪᓗᓂ ᓂᕆᓚᐅᖏᓪᓗᓂᓗ ᐆᒪᔪᓂᒃ ᑐᓂᕐᕈᑎᕕᓂᕐᓂᒃ ᒎᑎᓐᖑᐊᓄᑦ, ᐃᓅᖃᑎᒥᓗ ᓄᓕᐊᖓᓂᒃ ᑲᒪᓇᓱᐊᓚᐅᕐᓯᒪᖏᓪᓗᓂ ᐱᖃᑎᖃᓚᐅᕐᓯᒪᖏᓪᓗᓂᓗ ᐊᕐᓇᒥᒃ ᐊᐅᓈᕐᕕᖓ ᓇᓪᓕᐅᑎᓯᒪᑎᓪᓗᒍ.

ᐃᓯᑭᐊᓕᐅᑉ ᐊᒡᓚᖏᑦ 22:11

ᐃᓚᖏᑦ ᐃᓅᖃᑎᒥ ᓄᓕᐊᖓᓂᒃ ᐃᓐᓇᖓᖃᑎᖃᖃᑦᑕᕐᐳᑦ ᒎᑎᒧᑦ ᓇᕐᕈᓇᕐᓂᕋᕐᑕᐅᔪᒥᒃ; ᐃᓚᖏᓪᓗ ᐅᑯᐊᒥᖕᓂᒃ ᐃᒃᓕᒎᕐᓂᒃᑯᑦ ᓇᕐᕈᓇᕐᓯᑎᑦᓯᕙᒃᓗᑎᒃ ᐃᓐᓇᖓᖃᑎᖃᕐᓂᒃᑯᑦ; ᐃᓚᖏᓪᓗ ᓇᔭᖕᒥᖕᓂᒃ ᓇᕐᕈᓇᕐᓯᑎᑦᓯᕙᒃᓗᑎᒃ, ᐊᑖᑕᒥᑕ ᐸᓂᖏᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 33:26

ᓴᕕᒡᔪᐊᓯᓐᓂᒃ ᐱᔪᓐᓇᐅᑎᖃᕋᓱᒋᕗᓯ, ᓇᕐᕈᓇᕐᑐᓂᒡᓗ ᐱᓇᓱᐊᖃᑦᑕᕐᓗᓯ, ᐊᓯᑦᓯᓗ ᓄᓕᐊᖏᓐᓂᒃ ᐊᓯᓐᓂᐊᕐᓂᒧᑦ ᓇᕐᕈᓇᕐᓯᑎᑦᓯᖃᑦᑕᕐᓗᓯ; ᑍᒤᑦᑑᓗᓯ ᓄᓇᒥᒃ ᑐᓂᓯᕕᐅᔭᕆᐊᖃᕐᐱᓰ?

ᒨᓯᓯ ᐱᖓᔪᖏᑦ 18:20

ᐃᓅᖃᑎᕕᑦ ᓄᓕᐊᖓᓂᒃ ᓄᓕᐊᕆᐊᖃᓐᖏᓚᑎᑦ, ᑍᒤᓕᐅᕈᕕᑦ ᐃᓕᖕᓂᒃ ᓇᕐᕈᓇᕐᓯᑎᓐᓇᕕᑦ ᑖᑦᓱᒥᖓᓗ.

ᒨᓯᓯ ᐱᖓᔪᖏᑦ 20:10

“ᐊᖑᑦ ᐊᓯᓐᓂᐊᕐᐸᑦ ᐃᓅᖃᑎᒥ ᓄᓕᐊᖓᓂᒃ, ᑖᒃᑯᐊᒃ ᐊᖑᓪᓗ ᐊᕐᓇᕐᓗ ᐊᓯᓐᓂᐊᕐᑑᒃ ᑕᒪᕐᒥᒃ ᑐᖁᑕᐅᔭᕆᐊᖃᕐᐳᒃ.

ᒪᓚᑬᑉ ᐊᒡᓚᖏᑦ 3:5

“ᑕᕝᕙ ᓴᖅᑭᑦᓱᒫᕐᐳᖓ ᐃᖅᑲᕐᑐᕆᐊᕐᑐᕐᓗᓯ; ᐱᒋᐊᑦᓴᐅᑎᒋᔪᒫᕐᐳᖓ ᐊᑭᕋᕐᑐᓪᓗᖓ ᐊᖓᒃᑰᓇᓱᐊᕐᑐᓂᒃ, ᐊᓯᓐᓂᐊᕐᑎᓂᒃ, ᓱᓕᖏᑦᑐᒥᒡᓗ ᐊᖏᕈᑎᓕᖕᓂᒃ, ᓯᓔᕐᕆᒃᓯᓗᑎᒡᓗ ᐊᑭᓕᕐᓱᐃᔪᓂᒃ ᐃᖅᑲᓁᔭᕐᑎᓂᒃ, ᐅᐃᒡᒐᕐᓂᕐᓂᒃ ᐃᓕᐊᕐᔪᖕᓂᒡᓗ ᐊᒃᓱᕈᕐᑎᑦᓯᔪᓂᒃ, ᓄᓇᓕᑐᖃᐅᖏᑦᑐᓂᒡᓗ ᑐᓐᖓᓱᒃᑎᑦᓯᖏᑦᑐᓂᒃ, ᐅᕙᓐᓂᒃ ᐃᓕᕋᓱᖏᑦᑐᓂᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:1

ᑎᑎᕋᐅᓯᕆᓚᐅᕐᑕᓯ ᒥᒃᓵᓄᑦ ᑎᑎᕋᕈᑎᖃᕐᓂᐊᕐᐳᖓ. ᐊᖑᑦ ᐊᕐᓇᒥᒃ ᓄᓕᐊᕐᓂᒃᑯᑦ ᐊᒃᑐᐃᖏᒃᑯᓂ ᐊᑲᐅᔪᒥᒃ ᐱᕗᖅ.