ᓲᓗᒨᓂᐅᑉ ᐅᖃᓪᓚᖕᓂᖏᑦ 5:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᐱᐅᖏᑦᑐᖅ ᓇᖕᒥᓂᖅ ᐊᔪᕐᑐᓕᓂᕐᒥᓄᑦ ᑎᒍᔭᐅᑎᑉᐳᖅ, ᓇᖕᒥᓂᖅ ᓄᓗᐊᓕᐊᕆᓯᒪᔭᒥᓄᑦ ᐊᔪᕐᓂᕐᒧᑦ ᐃᐱᕐᑕᐅᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 5:22 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 18:18

ᐃᓔᑦᔭ ᑭᐅᕗᖅ, “ᐃᓴᕆᐊᓕᒥᐅᑦ ᓈᒻᒪᖏᓕᐅᕐᑎᓐᖏᓚᒃᑲ; ᐃᕝᕕᖔᖅ, ᐊᑖᑍᓪᓗ ᓈᒻᒪᖏᓕᐅᕐᑎᑦᓯᕗᓯᒃ, ᐊᑕᓂᐅᑉ ᐱᖁᔭᖏᓐᓂᒃ ᕿᒤᓚᐅᕋᑦᓯᒃ ᒪᓕᓕᕐᓗᓯᒡᓗ ᐰᓕᓂᒃ.

ᐃᔅᑕᐅᑉ ᐊᒡᓚᖏᑦ 9:25

ᐃᔅᑕᕐᓕ ᐊᖓᔪᖅᑳᕐᔪᐊᕐᒧᑦ ᐅᐸᒍᑎᓚᐅᕐᒪᑦ, ᑕᕝᕙ ᐊᖓᔪᖅᑳᕐᔪᐊᖅ ᐱᖁᔨᓕᓚᐅᕐᐳᖅ ᑎᑎᕋᕐᓗᓂᓗ ᑕᒪᓐᓇ ᐱᐅᖏᑦᑐᐊᓗᒃ ᐋᖅᑭᒃᑕᐅᓯᒪᔪᖅ ᕼᐂᒪᓂᒧᑦ ᔫᑎᓂᒃ ᓄᖑᑦᓯᔪᒪᓂᖅ ᑖᑦᓱᒧᖓ ᐅᑎᕐᑎᑕᐅᖔᖁᓪᓗᒍ, ᑖᓐᓇ ᐃᕐᓂᖏᓪᓗ ᕿᒥᑦᓯᕕᖕᒥ ᕿᒥᑕᐅᖁᓪᓗᒋᑦ.

ᔫᐱᐅᑉ ᐊᒡᓚᖏᑦ 18:8

ᓇᖕᒥᓂᖅ ᐃᑎᒐᒥᓄᑦ ᓄᓗᐊᕐᐳᖅ, ᓂᒐᕐᓄᓪᓗ ᐱᓱᒡᓗᓂ ᐅᐸᒍᑎᕗᖅ.

ᐃᓐᖏᕈᑎᑦ 40:12

ᓈᓴᒐᒃᓴᐅᖏᑦᑐᑦ ᐱᐅᖏᑦᑐᑦ ᐊᕙᓗᓯᒪᕚᖓ; ᐱᐅᖏᑦᑐᓕᓂᕐᒪᓗ ᓵᓚᒋᓯᒪᖕᒪᖓ, ᖁᒻᒧᓪᓘᓐᓃᑦ ᑕᑯᓴᕈᓐᓁᓪᓕᓪᓗᖓ; ᐅᓄᕐᓂᕐᓴᐅᖕᒪᑕ ᓄᔭᓐᓂᑦ ᓂᐊᖁᓐᓃᑦᑐᓂᑦ; ᑍᒤᒻᒪᑦ ᐆᒻᒪᑎᒐ ᐊᔪᓕᕐᐳᖅ.

ᐃᓐᖏᕈᑎᑦ 9:15

ᐃᓅᖃᑎᒌᒡᔪᐊᑦ ᑭᕕᓯᒪᕗᑦ ᐃᑎᕐᓴᕐᔪᐊᕐᒧᑦ ᓴᓇᓯᒪᔭᒥᖕᓄᑦ; ᓄᓗᐊᓄᑦ ᓇᖕᒥᓂᖅ ᐃᔨᕐᓯᒪᔭᒥᖕᓄᑦ ᐃᑎᒐᖏᑦ ᓂᒐᕕᑉᐳᑦ.

ᐃᓐᖏᕈᑎᑦ 9:17

ᐱᐅᖏᑦᑐᓕᔪᑦ ᓵᑎᑕᐅᔪᒫᕐᐳᑦ ᑲᑉᐱᐊᓇᕐᑐᕕᖕᒧᑦ, ᑕᒪᕐᒥᓕᒫᕐᓗ ᐃᓅᖃᑎᒌᒡᔪᐊᑦ ᒎᑎᒥᒃ ᐳᐃᒍᕐᑐᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:18

ᐃᓄᐃᑦ ᑍᒤᑦᑐᑦ ᓇᖕᒥᓂᖅ ᐊᔪᓕᕐᕕᒃᓴᒥᖕᓂᒃ ᓴᓇᖕᒪᑕ, ᐃᓅᓯᕐᒥᖕᓂ ᐅᐸᓗᐃᔭᐅᑦᔪᑎᒃᓴᒥᖕᓂᒃ ᐋᖅᑭᒃᓱᐃᓪᓗᑎᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:3

ᐃᓱᐊᕐᑑᑉ ᓱᓕᑦᓯᐊᕐᓂᖅ ᑕᓯᐅᕐᑎᒋᕚ, ᓱᓕᑦᓯᐊᕋᓱᐊᖏᑦᑐᓪᓕ ᐱᑦᓯᐊᖏᓐᓂᕐᒧᑦ ᐊᓯᕈᕐᑕᐅᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:5

ᐃᓱᐊᕐᑐᒥ ᐃᓅᔪᖅ ᐸᓯᔭᒃᓴᐅᖏᓐᓂᕐᒥᓄᑦ ᐃᓱᐊᕐᑐᒦᑎᑕᐅᕗᖅ, ᐱᐅᖏᑦᑐᕐᓕ ᐱᐅᖏᑦᑐᓕᓂᕐᒥᓄᑦ ᑲᑕᒃᑎᑕᐅᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:6

ᐃᓱᐊᕐᑐᒥ ᐃᓅᔪᖅ ᓇᓛᒎᕐᓂᕐᒥᓄᑦ ᓴᐳᑦᔭᐅᓯᒪᓂᐊᕐᐳᖅ, ᐃᓱᐊᖏᑦᑐᒥᓕ ᐃᓅᔪᖅ ᑎᒍᔭᐅᑎᑉᐳᖅ ᐃᒡᓕᒍᖕᓂᕐᒥᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:14

ᐊᖑᑦ ᐱᐅᔪᓂᒃ ᐅᖃᐅᓯᕐᒥᓄᑦ ᓈᒻᒪᒃᓯᑎᑕᐅᓯᒪᓂᐊᕐᐳᖅ ᐱᐅᔪᒥᒃ, ᐊᒡᒐᖏᑕᓗ ᐱᓇᓱᐊᕐᓂᖏᑦ ᐊᑭᓕᕐᑕᐅᑦᔪᑎᒋᓂᐊᕐᐰᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:32

ᐱᐅᖏᑦᑐᑦ ᐱᐅᖏᑦᑐᓕᓂᕐᒥᖕᓄᑦ ᐃᒻᒥᓂᒃ ᓵᓚᐅᑎᑉᐳᑦ, ᐃᓱᐊᕐᑐᓪᓕ ᓴᐳᑦᔭᐅᕕᒃᓴᖃᕐᐳᑦ ᐅᐱᒋᔭᐅᓂᕐᒥᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:7

ᓯᓔᑦᑑᑉ ᖃᓂᓂ ᐊᓯᕈᕐᑕᐅᑦᔪᑎᒋᕚ, ᐅᖃᐅᓯᓂᓗ ᓂᒐᕐᑎᑕᐅᑦᔪᑎᒋᓪᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:12

ᐃᒫᒃ ᐅᖃᕈᕕᑦ, “ᑕᒪᑐᒥᖓ ᖃᐅᔨᒪᖏᑦᓯᐊᓚᐅᕐᑐᒍᑦ,” ᐆᒻᒪᑎᓂᒃ ᖃᐅᔨᓴᕐᑑᑉ ᑕᒪᓐᓇ ᐃᓱᒪᒋᓐᖏᓚᐅᒃ? ᑕᕐᓂᕐᓂᒃ ᑲᒪᔨᐅᑉ ᖃᐅᔨᒪᓐᖏᓚᐅᒃ? ᐱᑎᑦᓯᓂᐊᓐᖏᓚᕐᓘ ᐃᓄᖕᓄᑦ ᐊᑐᓂᑦ ᐱᓂᐊᕐᓂᖏᑦ ᒪᓕᒡᓗᒌᑦ?

ᓲᓗᒨᓂᐅᑉ ᐅᖃᓪᓚᖕᓂᖏᑦ 26:27

ᓇᓪᓕᐊᑦ ᐃᑎᕐᓴᓕᐅᕐᑐᖅ ᑕᕝᕗᖓ ᑲᑕᖕᓂᐊᕐᐳᖅ, ᐅᔭᕋᒡᔪᐊᒥᒡᓗ ᐊᒃᓴᑳᑎᑦᓯᔪᖅ ᐊᒃᓴᑲᕐᕕᐅᓂᐊᕆᓪᓗᓂ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:26

ᖃᐅᔨᓚᐅᕐᐳᖓ ᑐᖁᒥᑦ ᖃᓯᓕᓇᕐᓂᕐᓴᐅᖕᒪᑦ ᐊᕐᓇᖅ, ᐆᒻᒪᑎᖓ ᓂᒐᐅᔪᖅ ᓄᓗᐊᖑᓪᓗᓂᓗ, ᑕᓕᖏᑕᓗ ᐃᕿᑦᑎᓂᖏᒃ ᐊᕐᓵᕐᑑᔭᐅᔪᑦ. ᒎᑎᒥᒃ ᖁᕕᐊᓱᒃᑎᑦᓯᔫᑉ ᑖᓐᓇ ᕿᒫᔪᓐᓇᕐᐹ, ᐊᔪᕐᑐᓕᔪᕐᓕ ᑖᑦᓱᒪ ᓂᒐᕐᑎᓐᓂᐊᕐᐹ.

ᔨᕆᒤᐊᐅᑉ ᐊᒡᓚᖏᑦ 2:19

ᐱᐅᖏᓐᓂᑦᓯ ᐋᖅᑭᒋᐊᕐᑕᐅᑎᓐᓂᐊᕐᐹᓯ, ᑲᑕᒃᓯᒪᓂᑦᓯᓗ ᓱᐊᖕᓂᐊᕐᐹᓯ. ᐃᓱᒪᒋᑦᓯᐊᕐᓯᐅᒃ ᑐᑭᓯᓇᓱᐊᕐᓗᒍᓗ ᐱᐅᖏᑦᑑᓂᖓ ᖁᕕᐊᓇᖏᑦᑑᓂᖓᓗ ᐊᑕᓂᕐᒥᒃ ᒎᑎᑦᓯᓐᓂᒃ ᕿᒤᓯᒪᓗᓂ ᓂᕐᑐᕐᓇᕐᓂᖓᓗ ᐃᓱᒪᒋᔪᓐᓃᕐᓗᒍ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᒎᑎ ᐅᖃᕐᐳᖅ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:14

ᐊᔪᕐᑐᓕᓂᒃᑲ ᑲᑎᑎᓪᓗᓂᒋᑦ ᓇᖕᒪᐅᑎᓐᖑᕐᑎᑉᐰᑦ, ᐊᒡᒐᖕᒥᓄᑦ ᓄᕕᕐᓴᕐᓗᓂᒋᑦ ᖁᖓᓯᓐᓄᑦ ᑲᐅᑎᑉᐰᑦ. ᐊᑕᓂᐅᑉ ᓄᑭᖏᕈᑎᑎᒻᒪᖓ ᐊᑭᕋᕐᑐᕐᑎᓐᓄᑦ ᐱᔭᐅᕗᖓ.

ᐅᐸᑍᐊᑉ ᐊᒡᓚᖏᑦ 1:15

“ᐊᑕᓂᐅᑉ ᐅᓪᓗᖓ ᖃᒡᓕᖕᒪᑦ ᐃᓅᖃᑎᒌᒡᔪᐊᓕᒫᓄᑦ; ᐃᕝᕕᑦ ᐱᓂᐊᓚᐅᕋᕕᑦ, ᑍᒫᒃ ᐱᓂᐊᕐᕕᐅᔪᒫᕐᐳᑎᑦ; ᐱᓂᐊᕐᓂᑎᑦ ᐅᑎᕈᒫᕐᐳᑦ ᓂᐊᖁᕐᓄᑦ.

ᒨᓯᓯ ᓯᑕᒪᖏᑦ 32:23

ᑍᒤᓕᐅᖏᒃᑯᑦᓯᓕ, ᖃᐅᔨᒪᓕᕆᑦᓯ ᐊᔪᕐᑐᓕᓂᐊᕋᑦᓯ ᐊᑕᓂᕐᒧᑦ; ᐃᖅᑲᐅᒪᓕᕆᑦᓯᓗ ᐊᔪᕐᑐᓕᓂᐅᑉ ᑕᕝᕙ ᓇᓗᓁᕐᓂᐊᕐᒪᓯ.

ᐄᑉᕈᐃᓄᑦ 13:4

ᓄᓕᐊᕇᖕᓂᖅ ᑕᒤᓐᓄᑦ ᐅᐱᒋᔭᐅᑦᓯᐊᕆᐊᖃᕐᐳᖅ, ᓄᓕᐊᕇᓪᓗ ᐃᓐᓇᖓᕕᐊ ᓇᕐᕈᓇᕐᓯᑎᑕᐅᑦᑍᓕᓕ; ᓄᓕᐊᕇᖕᓂᕐᒥᒃ ᐊᑐᕐᓂᕐᓗᒃᑐᑦ ᐊᓯᓐᓂᐊᕐᑐᓪᓗ ᒎᑎᐅᑉ ᓱᒋᐊᕈᒫᕐᒪᒋᑦ.

ᐃᓗᐊᕐᓮᔩᑦ ᐊᒡᓚᖏᑦ 20:41

ᐃᓴᕆᐊᓕᓪᓗ ᐅᑎᒧ ᓵᓚᐅᕐᐳᑦ, ᐱᓐᔭᒥᓂᐅᑉ ᑭᖑᕚᖏᑦ ᐅᐃᒻᒪᒃᑎᑕᐅᓪᓗᑎᒃ, ᖃᐅᔨᒐᒥᒃ ᓵᓚᐅᓂᐊᕐᓂᕐᒥᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 9:57

ᒎᑎᐅᑦᑕᐅᖅ ᓯᑭᒻᒥᐅᑦ ᐊᒃᓱᕈᕐᓇᕐᑐᒃᑰᕐᑎᓚᐅᕐᐰᑦ ᐱᐅᖏᑦᑐᒥᒃ ᐱᓇᓱᐊᓚᐅᕐᓂᖏᓐᓄᑦ ᔫᑕᒻ, ᔨᕈᐸᐅᓕᐅᑉ ᐃᕐᓂᖓᑕ ᐅᖃᐅᓯᕆᓚᐅᕐᑕᖓᑐᑦ ᐅᖃᕐᓂᕐᓗᕕᒋᓚᐅᕐᒪᒋᑦ.