ᓲᓗᒨᓂᐅᑉ ᐅᖃᓪᓚᖕᓂᖏᑦ 5:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐅᖃᓕᕈᒫᕐᐳᑎᑦ, “ᓱᖕᒪᒃᑭᐊᖅ ᐋᖅᑭᒋᐊᕐᑕᐅᑦᔪᑎᒋᓇᓱᒃᑕᓐᓂᒃ ᐆᒥᓱᒃᐸᖕᓂᕐᐳᖓ? ᐃᓂᕐᑎᕐᑕᐅᑦᔪᑎᓐᓂᒡᓗ ᐆᒻᒪᑎᒃᑯᑦ ᓇᕐᕈᕙᒃᓗᖓ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 5:12 ပူးပေါင်းရင်းမြစ်များ

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:1

ᐋᖅᑭᒋᐊᕐᑕᐅᓂᕐᒥᒃ ᖁᕕᐊᒋᔭᓕᒃ, ᖃᐅᔨᑎᑕᐅᓂᕐᒥᒃ ᖁᕕᐊᒋᔭᖃᕆᕗᖅ, ᐃᓂᕐᑎᕐᑕᐅᓂᕐᒥᒃ ᐱᐅᒃᓴᖏᑦᑐᖅ ᐃᓱᒪᖃᖏᑦᑑᕗᖅ

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:5

ᓯᓔᑦᑑᑉ ᐊᑖᑕᒥ ᐅᖃᐅᑦᔪᐃᓂᖏᑦ ᓇᕐᕈᒋᕔᑦ; ᐅᖃᐅᑦᔫᓯᐊᒥᓂᒡᓕ ᓈᓚᒃᑐᖅ ᓯᓚᑐᔫᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:25

ᐅᖃᐅᑦᔪᐃᑦᔪᑎᒋᔭᓕᒫᒃᑲ ᑲᒪᒋᓇᓱᐊᓚᐅᓐᖏᓚᑎᑦ ᐃᓂᕐᑎᕆᑦᔪᑎᒃᑲ ᐊᑐᕈᒪᓇᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:22

ᓯᓔᑦᑑᔪᓯ ᖃᓄᖅ ᐊᑯᓂᐅᑎᒋᔪᖅ ᓯᓔᑦᑑᓂᕐᒥᒃ ᖁᕕᐊᒋᔭᖃᕐᓂᐊᕐᐱᓰ? ᖃᓄᕐᓗ ᐊᑯᓂᐅᑎᒋᔪᖅ ᒥᑕᐅᑎᖃᕐᑐᑦ ᖁᕕᐊᒋᔭᖃᕐᓂᐊᕐᐸᑦ ᒥᑕᐅᑎᒃᓴᕐᓂᕐᒥᒃ ᓯᓔᑦᑐᓪᓗ ᖃᐅᔨᒪᓂᕐᒥᒃ ᐱᐅᒃᓴᖏᓪᓗᑎᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:7

ᐊᑕᓂᕐᒥᒃ ᐃᓕᕋᓱᖕᓂᖅ ᑐᑭᓯᐅᒪᓂᕐᒥᒃ ᐱᒋᐊᕐᓂᐅᕗᖅ, ᓯᓔᑦᑐᓪᓕ ᓯᓚᑐᓂᕐᒥᒃ ᓇᕐᕈᕗᑦ ᐃᓕᓐᓂᐊᕐᓂᕐᒥᒡᓗ.

ᔨᕆᒤᐊᐅᑉ ᐊᒡᓚᖏᑦ 44:4

ᐅᖃᕐᑎᓐᓂᒃ ᐱᓇᓱᐊᕐᕕᐅᔭᕐᑐᕐᑎᖃᑦᑕᓚᐅᕐᐸᑦᓯ, ᐅᖃᐅᑎᓪᓗᓯ, ‘ᐱᐅᖏᑦᑐᓂᒃ ᐆᒥᒋᔭᓐᓂᒃ ᐱᓇᓱᐊᓕᖁᓇᓯ.’

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:18

ᐋᖅᑭᒋᐊᕐᑕᐅᑦᔪᑎᒥᓂᒃ ᑲᒪᖏᑦᑐᖅ ᐊᔪᕐᓴᕐᓇᕐᑐᒧᑦ ᐅᐱᒋᔭᐅᓐᓇᖏᑦᑐᒧᓪᓗ ᑎᑭᑎᓐᓂᐊᕐᐳᖅ, ᐃᓂᕐᑎᕐᑕᐅᑦᔪᑎᒥᓂᒡᓕ ᓈᓚᑦᓯᐊᕐᑐᖅ ᐅᐱᒋᔭᐅᓂᖃᕐᓂᐊᕐᐳᖅ.

ᐃᓐᖏᕈᑎᑦ 50:17

ᓇᓗᓇᖏᒻᒪᑦ ᐃᓕᓐᓂᐊᕐᑎᑦᓯᑦᔪᑎᒃᑲ ᐆᒥᒋᒐᑦᓯᐅᒃ ᐅᖃᐅᓯᒃᑲᓗ ᑐᓄᑦᓯᓐᓄᑦ ᐱᑎᒃᑲᑦᓯᐅᒃ.

ᐃᓐᖏᕈᑎᑦ 73:22

ᓯᓔᑦᑑᓚᐅᕋᒪ ᖃᐅᔨᒪᓇᖓᓗ, ᓂᕐᔪᑎᑎᑐᑦ ᖃᐅᔨᒪᓚᐅᓐᖏᓚᖓ ᐃᓕᖕᓂᒃ.

ᑯᕉᓂᑲ ᐂᑉᐸᖏᑦ 36:16

ᑖᒃᑯᐊᓕ ᒥᑕᐅᑎᖃᖃᑦᑕᓚᐅᕐᐳᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓂᒃ, ᐅᖃᐅᓯᖏᓪᓗ ᓈᓚᒍᒪᓇᒋᑦ, ᐅᖃᕐᑎᖏᑦ ᒥᑕᐅᑎᒋᓪᓗᒋᑦ ᐅᖃᕐᓂᕐᓗᒡᕕᒋᖃᑦᑕᓚᐅᕐᐰᑦ, ᐊᑕᓂᐅᑉ ᓂᓐᖓᐅᓯᖓ ᐃᓄᖁᑎᒥᓄᑦ ᑎᑭᓚᐅᕐᑎᓐᓇᒍ, ᑖᒃᑯᐊᓗ ᐱᐅᓕᔭᐅᕕᒃᓴᖃᕈᓐᓃᓚᐅᕐᐳᑦ.

ᑯᕉᓂᑲ ᐂᑉᐸᖏᑦ 25:16

ᓱᓕ ᐅᖃᓪᓚᒃᑎᓪᓗᒍ ᐊᖓᔪᖅᑳᕐᔪᐊᑉ ᐅᖃᐅᑎᕚ, “ᐊᖓᔪᖅᑳᕐᔪᐊᒨᑦ ᐅᖃᐅᑦᔨᒋᐊᕐᑎᓐᖑᕐᑎᓚᐅᕐᐱᒌᑦ? ᓄᖅᑲᓕᕆ! ᓱᖕᒪᑦ ᑐᖁᑕᐅᔪᒃᓴᐅᕖᑦ?” ᑕᕝᕙ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᓄᖅᑲᕐᐳᖅ, ᐅᖃᕐᓗᓂᓗ, “ᒫᓐᓇ ᖃᐅᔨᕗᖓ ᒎᑎᐅᑉ ᐊᓯᕈᕐᓂᐊᓕᕐᒪᑎᑦ, ᑍᒫᒃ ᐱᓇᓱᐊᕐᓃᑦ ᐱᓪᓗᒍ ᐅᖃᐅᓯᓐᓂᒃ ᓈᓚᓚᐅᖏᓐᓇᕕᑦ.”

ᒨᓯᓯ ᓯᕗᓪᓖᑦ 19:9

ᑖᒃᑯᐊᓕ ᐅᖃᕐᐳᑦ, “ᐊᒡᕕᐊᕋᓱᓐᖏᓚᐅᕆᑦ, ᐅᓇ ᑕᒫᓂ ᓄᓇᖃᕐᑐᑐᖃᐅᖏᑦᑐᖅ, ᐅᕙᑦᑎᓐᓂᒃ ᐅᖃᐅᑦᔨᓇᓱᒃᑐᖅ! ᐱᐅᖏᓐᓂᕐᓴᒥᒃ ᐱᓇᓱᐊᕐᕕᒋᓂᐊᕐᐸᑦᑎᒋᑦ ᑖᒃᑯᓄᖓ ᐱᓇᓱᐊᕈᒪᔭᑦᑎᓐᓂᑦ.” ᓘᑎᓗ ᐊᔭᒃᐹᑦ ᐹᖓ ᓱᕋᒍᒪᓪᓗᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:23

ᐱᖁᔧᑦ ᓇᓂᕈᐊᖑᕗᑦ, ᐊᔪᕆᕐᑑᓰᓪᓗ ᖃᐅᒻᒪᖅᑯᑎᐅᓪᓗᑎᒃ, ᐃᓂᕐᑎᕐᑕᐅᓃᓪᓗ ᐋᖅᑭᒋᐊᕐᓯᓃᑦ ᐃᓅᑦᔪᑎᒃᓴᐅᓪᓗᑎᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 5:11

ᐊᔪᓕᕈᕕᑦ ᑕᕝᕙ ᕿᒃᓵᓕᕈᒫᕐᐳᑎᑦ, ᑎᒦᑦ ᒪᑭᑕᔪᓐᓁᓪᓕᓗᓂ ᓇᓔᓐᓇᓕᕈᕕᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:36

ᐅᕙᓐᓂᒃ ᓇᓂᓯᖏᑦᑐᖅ ᓇᖕᒥᓂᖅ ᐋᓐᓂᐊᑎᑉᐳᖅ; ᐅᕙᓐᓂᒃ ᐆᒥᓱᒃᑐᑦ ᑐᖁᒥᒃ ᐅᖓᕗᑦ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:17

ᐃᓕᓐᓂᐊᕐᑎᑕᐅᑦᔪᑎᒥᓂᒃ ᓈᓚᒃᑐᖅ ᐃᓅᓯᐅᑉ ᐊᖅᑯᑎᖓᓃᑉᐳᖅ, ᐃᓂᕐᑎᕐᑕᐅᑦᔪᑎᒥᓂᒡᓕ ᓈᓚᖏᑦᑐᖅ ᑕᒻᒪᕐᓇᕐᑐᒧᐊᕐᐳᖅ.