ᓲᓗᒨᓂᐅᑉ ᐅᖃᓪᓚᖕᓂᖏᑦ 4:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᓱᓕᖏᑦᑐᓂᒃ ᐅᖃᐅᓯᖃᕐᑍᓕᒋᑦ, ᒥᑕᐅᑎᒃᓴᕐᓂᖅ ᐅᐃᕕᕆᒃᓯᓂᕐᓗ ᐃᓕᖕᓂᑦ ᐅᖓᓯᒃᑎᒃᑭᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:24 ပူးပေါင်းရင်းမြစ်များ

ᔧᒥᓯᐅᑉ ᐊᒡᓚᖏᑦ 1:26

ᐅᒃᐱᕋᓱᒋᔪᒥᒃ ᐃᓕᑦᓯᓐᓃᑦᑐᖃᕐᐸᑦ, ᐅᖃᓂᓗ ᐊᑐᕐᓂᕐᓗᒃᑍᓕᓂᕐᒧᑦ ᐱᓯᒪᔪᓐᓇᖏᒃᑯᓂᐅᒃ ᐆᒻᒪᑎᓂ ᐅᐃᕕᕆᕚ, ᑕᑉᕙ ᐅᒃᐱᕐᓂᖓ ᐊᑑᑎᖃᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:8

ᖃᓂᒃᑯᑦ ᐅᖃᐅᓯᕆᔭᓕᒫᒃᑲ ᓇᓛᒎᕐᓂᐅᕗᑦ; ᓴᒡᓗᓂᕐᑕᖃᓐᖏᓚᑦ ᑕᒻᒪᕐᑎᑦᓯᓂᕐᑕᖃᕋᑎᒡᓗ.

ᔧᒥᓯᐅᑉ ᐊᒡᓚᖏᑦ 1:21

ᑍᒤᒻᒪᑦ ᐱᓂᐊᕐᓂᕐᓗᖕᓂᓕᒫᑦ ᓈᒻᒪᖏᑦᑐᓂᒃᓗ ᐱᓇᓱᐊᕐᓃᑦ ᐊᑐᕈᓐᓁᕐᓯᒋᒃ ᐱᐅᔪᕆᖏᓪᓗᓯᓗ ᐃᓚᓕᐅᕐᓯᐅᒃ ᐅᖃᐅᓯᖓ ᐃᓗᑦᓯᓐᓄᑦ ᑲᓐᖓᕐᓲᑎᒋᔭᖓ, ᑕᒪᓐᓇ ᐃᓕᑦᓯᓐᓂᒃ ᐱᐅᓕᓯᔪᓐᓇᕐᒪᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:13

ᐊᑕᓂᕐᒥᒃ ᓯᕘᕋᓂᖅ ᐱᐅᖏᑦᑐᒥᒃ ᐆᒥᓱᒃᐳᖅ; ᐱᐅᔪᕆᔪᑦ ᐱᔪᓐᓇᕋᓱᒋᓗᐊᕐᑐᓪᓗ ᐱᐅᖏᑦᑐᓕᔪᓪᓗ ᓱᓕᖏᑦᑐᓂᒡᓗ ᐅᖃᓚᒃᐸᒃᑐᑦ ᐆᒥᒋᕙᒃᑲ.

ᐲᑦᑐᕉᓯ ᓯᕗᓪᓖᑦ 2:1

ᑍᒤᒻᒪᑦ, ᐊᔪᕐᑐᓕᑦᔪᑕᐅᔪᓐᓇᕐᑐᓕᒫᑦ ᓄᖅᑲᐅᑎᓕᕐᓯᒋᒃ ᓴᒡᓗᖃᑦᑕᕐᓃᑦ, ᑕᒃᑯᕐᒨᕐᓃᑦ, ᐱᔪᒪᕕᒡᔪᐊᕐᓃᑦ, ᒥᑕᐅᑎᖃᕐᓃᓪᓗ ᖃᓄᑐᐃᓐᓇᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:12

ᐃᓅᖃᑎᒃᓴᐅᖏᑦᑐᖅ, ᐱᐅᖏᑦᑑᓪᓗᓂᓗ, ᐅᖃᐅᓯᕐᓘᑎᓂᒃ ᑭᓯᐊᓂ ᓂᓪᓕᐊᑦᔪᑎᒃᓴᑐᐊᖃᕐᐳᖅ.

ᑎᒧᑎᒧᑦ ᓯᕗᓪᓖᑦ 6:5

ᐂᕙᓕᕐᑎᑦᓯᕙᒃᐳᑦ ᐃᓄᖕᓂᒃ ᐃᓱᒪᖃᑦᓯᐊᕋᓱᐊᖏᑦᑐᓂᒃ ᓱᓕᓂᕐᒦᖏᑦᑐᓂᒡᓗ, ᐅᒃᐱᕐᓂᖅ ᐊᔪᕐᓴᓐᖏᑦᔪᑎᒃᓴᐅᓇᓱᒋᒃᓯᕐᑐᓂᒃ.

ᑯᓘᓯᐊᒥᐅᓄᑦ 3:8

ᒫᓐᓇᓕ ᒪᑯᐊ ᑕᒪᕐᒥᒃ ᐊᑐᕆᐊᖃᕈᓐᓃᕐᐸᓯ: ᓂᓐᖓᖕᓂᖅ, ᓂᓐᖓᕕᒡᔪᐊᕐᓂᖅ, ᐆᒥᓱᖕᓂᖅ, ᐅᖃᕐᓂᕐᓘᑎᖃᕐᓂᖅ, ᐅᖃᐅᓯᕐᓗᒡᓂᒡᓗ ᖃᓂᑦᓯᓐᓂᑦ ᐊᓂᔪᖃᕐᑍᓕᓕᕐᓕ.

ᐃᓯᑭᐊᓕᐅᑉ ᐊᒡᓚᖏᑦ 18:31

ᐱᐅᖏᑦᑐᓕᓂᓕᒫᑦ ᐱᓇᓱᐊᓚᐅᕐᑕᓯ ᕿᒪᒡᓗᒋᑦ, ᓄᑖᒥᒃ ᐆᒻᒪᑎᑖᓕᕆᑦᓯ ᓄᑖᒥᒡᓗ ᐊᓂᕐᓂᕐᑖᕐᓗᓯ! ᓱᖕᒪᑦ ᐃᓴᕆᐊᓕᒥᐅᑦ ᑭᖑᕚᖑᖃᑎᒌᑦ ᑐᖁᔪᒪᕕᓰ?

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:20

ᐊᖑᑦ ᑐᑭᒧᐊᖏᑦᑐᒥᒃ ᐃᓱᒪᓕᒃ ᐊᔪᕈᓐᓃᕈᓐᓇᓐᖏᓚᖅ, ᐅᖃᐅᓯᕐᓗᒃᐸᒃᑐᕐᓗ ᑲᑉᐱᐊᓇᕐᑐᒧᑦ ᑎᑭᐅᑎᔪᒫᕐᐳᖅ.

ᔫᐱᐅᑉ ᐊᒡᓚᖏᑦ 11:14

ᐱᐅᖏᑦᑐᓕᓯᒪᒍᕕᑦ, ᐃᒡᓗᖕᓂᑦ ᐲᔭᓚᐅᒃᑭᑦ, ᐱᐅᖏᑦᑐᓕᓂᕐᓗ ᐃᓕᖕᓂ ᐃᓂᖃᕈᓐᓃᕐᑎᓪᓗᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:25

ᐃᔩᒃᑭᒃ ᑐᑭᒧᓪᓗᐊᖅ ᑕᑯᓐᓇᑦᓯᐊᕐᓗᑎᒃ ᐃᓅᒋᑦ, ᑕᑯᓐᓇᕐᓗᑎᓪᓗ ᑐᑭᒧᑦ ᓯᕗᒧᓪᓗᐊᖅ ᓯᕗᓂᕐᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:32

ᐃᓱᐊᕐᑑᑉ ᖃᓂᖓ ᖃᐅᔨᒪᕗᖅ ᓈᒻᒪᒋᔭᐅᔪᓂᒃ, ᐱᐅᖏᑦᑐᓪᓕ ᐅᖃᖓ ᐋᓐᓂᕐᓇᕐᑐᓂᒃ ᑭᓯᐊᓂ ᐅᖃᓪᓚᓲᖑᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:1

ᐊᒃᓱᔫᓗᓂ ᐱᑦᓯᐊᕐᑐᒥᒃ ᐃᓅᓯᖃᕐᓗᓂ ᐱᐅᓂᕐᓴᐅᕗᖅ, ᓯᓔᑦᑑᓗᓂ ᓱᓕᖏᑦᑐᓂᒃ ᐅᖃᐅᓯᖃᕐᑎᐅᓂᕐᒥᑦ.

ᐃᓐᖏᕈᑎᑦ 34:14

ᐱᐅᖏᑦᑐᖅ ᕿᒪᒍᒃ, ᐱᐅᔪᒥᒃ ᐱᓇᓱᐊᓕᕆᑦ; ᓮᒪᑦᓯᐊᕐᓂᖅ ᐱᓇᓱᐊᕈᒃ, ᒪᓕᒡᓗᒍᓗ.