ᓲᓗᒨᓂᐅᑉ ᐅᖃᓪᓚᖕᓂᖏᑦ 4:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᐆᒻᒪᒻᒥᐅᑕᑎᑦ ᐱᓯᒪᑦᓯᐊᒃᑭᑦ ᐊᔪᐃᓐᓇᕐᓗᑎᑦ, ᑕᕝᕙᓐᖓᑦ ᐃᓅᓯᖃᕐᓇᕐᑐᖅ ᑰᖕᒪᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:23 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 10:31

ᑭᓯᐊᓂᓕ ᔨᕼᐆ ᐆᒻᒪᑎᓕᒫᒥᓄᑦ ᐊᑕᓂᕐᒧᑦ ᐊᖏᕐᓯᒪᓂᖃᓚᐅᓐᖏᓚᖅ ᖃᕿᐊᓕᕈᑎᖃᓚᐅᖏᓐᓇᒥ ᔨᕈᐳᐊᒻ ᐊᔪᕐᑐᓕᑦᔪᑎᒋᓚᐅᕐᑕᖏᓐᓂᑦ, ᐃᓴᕆᐊᓕᒥᐅᓪᓗ ᐊᑦᔨᖏᓐᓂᒃ ᐊᔪᕐᑐᓕᑎᓕᓚᐅᕆᕔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:16

ᐊᕐᓇᐅᑉ ᐃᓄᑦᓯᐊᕙᐅᓂᖓᑕ ᐅᐱᒋᔭᐅᓂᕐᑖᕐᑎᑉᐹ, ᐊᖑᑎᓪᓕ ᓇᒡᓕᖕᓂᖃᖏᑦᑐᑦ ᐊᒃᓗᐃᑦᔪᑎᓂ ᐱᑐᐊᕆᕔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:3

ᐅᖃᐅᓯᕆᔭᒥᓂᒃ ᐅᑦᔨᕐᓱᑦᓯᐊᕐᑐᖅ ᐃᓅᓯᕆᔭᒥᓂᒃ ᐱᓯᒪᒃᓯᑦᓯᐊᕐᐳᖅ, ᐅᖃᕐᑍᓕᓐᖏᓗᐊᕐᑐᕐᓕ ᐃᓅᓯᕐᒥᓂᒃ ᐊᓯᕈᐃᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:17

ᐃᓱᐊᕐᑐᑦ ᐊᖅᑯᑎᕐᔪᐊᖓᑦ ᐱᐅᖏᑦᑐᒥᒃ ᓴᓂᖅᑯᑦᓯᓂᐅᕗᖅ; ᐊᖅᑯᑎᒋᔭᒥ ᐊᓯᐊᓄᑦ ᓅᑦᑍᓕᔪᖅ ᐃᓅᓯᕐᒥᓂᒃ ᓴᐳᑦᔨᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:5

ᐅᕐᐲᑦ ᑲᑭᓐᓇᕐᑐᓖᑦ ᓂᒊᓪᓗ ᐱᑦᓯᐊᕈᓐᓇᖏᑦᑐᑦ ᐊᖅᑯᑎᖓᓃᑉᐳᑦ, ᐃᒻᒥᓂᒃ ᓴᐳᑎᓯᒪᔫᑉ ᑕᒪᒃᑯᐊ ᐅᖓᓯᒋᓂᐊᕐᐰᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:19

ᐃᕐᓃᒃ, ᑐᓵᒋᑦ, ᓯᓚᑐᓕᕐᓗᑎᓪᓗ, ᐃᓱᒤᑦ ᑕᓯᐅᕈᒃ ᐊᖅᑯᑎᒃᑯᑦ,

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:26

ᓇᖕᒥᓂᖅ ᐃᓱᒪᒥᓂᒃ ᑕᑎᖃᕐᑐᖅ ᓯᓔᑦᑑᕗᖅ; ᓯᓚᑐᓂᕐᒥᓕ ᐃᓅᔪᖅ ᓴᐳᑎᔭᐅᔪᒫᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:21

ᐃᕐᓃᒃ, ᓯᓚᑐᓂᖅ ᓈᒻᒪᒃᑐᖅ ᓂᕈᐊᑦᓯᐊᕈᓐᓇᕐᓂᕐᓗ ᐱᓯᒪᒃᑭᑦ; ᐃᓕᖕᓂᑦ ᕿᒪᕉᑎᑎᑦᑍᓕᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:7

ᓯᓚᑦᑐᕐᐸᓪᓕᐊᓂᖅ ᐱᒋᐊᕐᕕᖃᕐᐳᖅ ᓯᓚᑐᓂᕐᒥᒃ ᑎᒍᓯᓂᕐᒥᒃ; ᖃᓄᐃᑦᑐᑐᐃᓐᓇᓂᒃ ᐱᒐᓗᐊᕈᕕᑦ, ᑐᑭᓯᑎᑕᐅᓂᖅ ᑎᒍᒥᐊᕈᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 5:13

ᐱᐅᖏᑦᑐᐊᓗᖕᒥᒃ ᓯᕿᓂᐅᑉ ᐊᑖᓂ ᐊᑐᕐᑕᐅᔪᒥᒃ ᑕᑯᓯᒪᕗᖓ: ᐊᒃᓱᐃᑦᔪᑏᑦ ᐱᖃᕐᑐᒥᑦ ᐱᓯᒪᔭᐅᔪᑦ ᐋᓐᓂᐊᕈᑎᒋᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 17:9

ᐆᒻᒪᑎᓕ ᐅᐃᕖᓐᓂᕐᐹᖑᕗᖅ ᓱᓇᓕᒫᓂᑦ, ᐱᐅᖏᑦᑐᕐᔪᐊᖑᓪᓗᓂᓗ; ᑭᐊᓕ ᑐᑭᓯᔪᓐᓇᕐᐸᐅᒃ?

ᒫᑎᐅᓯᐅᑉ ᐊᒡᓚᖏᑦ 15:18

ᐃᓅᓪᓕ ᖃᓂᖓᓂᑦ ᐊᓂᔪᑦ ᐃᓅᑉ ᐆᒻᒪᑎᖓᓂᓐᖔᕐᐳᑦ, ᑕᒪᒃᑯᐊ ᑕᕝᕙ ᐃᓄᖕᒥᒃ ᓇᕐᕈᓇᕐᑎᑦᓯᔪᑦ.

ᒫᑎᐅᓯᐅᑉ ᐊᒡᓚᖏᑦ 15:19

ᐃᓅᑉ ᐆᒻᒪᑎᖓᓂᑦ ᐃᓱᒤᑦ ᐱᐅᖏᑦᑐᑦ ᓴᖅᑭᑉᐳᑦ, ᐱᔮᕆᓗᓂ ᑐᖁᑦᓯᓂᖅ, ᓄᓕᐊᕇᖕᓂᕐᒥᒃ ᐊᓯᓐᓂᐊᕐᓂᖅ, ᑲᑎᑎᑕᐅᓯᒪᖃᑎᒋᓐᖏᑕᒥᒃ ᐃᓐᓇᖓᖃᑎᖃᕐᓂᖅ; ᑎᒡᓕᖕᓂᖅ, ᐃᓅᖃᑎᒥᒃ ᓴᒡᓗᑎᖃᕐᓂᖅ, ᐅᖃᐅᑎᖃᕐᓗᖕᓂᖅ.

ᒫᑯᓯᐅᑉ ᐊᒡᓚᖏᑦ 14:38

ᐃᖅᑯᒪᒋᑦᓯ ᑐᒃᓯᐊᕐᓗᓯ ᐱᐅᓐᖏᑐᒧᑦ ᐱᔪᒥᓵᕐᑕᐅᓂᕐᒧᑦ ᑎᑭᖁᓇᓯ; ᐊᓂᕐᓂᖅ ᐱᔪᒪᑦᓯᐊᕋᓗᐊᕐᐳᖅ, ᑎᒥᓕ ᓴᓐᖐᑉᐳᖅ.”

ᓘᑲᓯᐅᑉ ᐊᒡᓚᖏᑦ 6:45

ᐃᓄᑦᓯᐊᕙᒃ ᐱᐅᔪᓂᒃ ᓴᖅᑭᑎᑦᓯᕙᒃᐳᖅ ᐃᓗᒥᓂ ᐱᒋᔭᒥᓂᒃ. ᐱᐅᖏᑦᑐᓕᔪᕐᓗ ᐱᐅᖏᑦᑐᓂᒃ ᓴᖅᑭᑎᑦᓯᕙᒃᐳᖅ ᐃᓗᒥᓂ ᐱᒋᔭᒥᓂᒃ ᐱᐅᖏᑦᑐᓂᒃ; ᐃᓄᒃ ᐃᓗᖓᑕ ᑕᑕᑦᔪᑎᖏᓐᓂᒃ ᖃᓂᖓ ᐅᖃᓲᖑᖕᒪᑦ.”

ᒨᓯᓯ ᑕᓪᓕᒪᖏᑦ 4:9

ᐃᒃᐱᒍᓱᑦᓯᐊᕆᑦᓯ! ᑲᒪᑦᓯᐊᕐᓗᓯᓗ ᐳᐃᒍᖁᓇᓯ, ᐆᒻᒪᑎᑦᓯᓐᓂᓪᓗ ᑕᒪᒃᑯᐊ ᕿᒪᕉᑎᖁᓇᒋᑦ ᐃᓅᓂᓕᒫᑦᓯᓐᓂ, ᓇᖕᒥᓂᖅ ᑕᑯᓪᓚᕆᒃᓯᒪᔭᑦᓯ. ᓄᑕᖅᑲᓯ ᑕᒪᒃᑯᓂᖓ ᐃᓕᓴᕐᑎᖃᑦᑕᕐᓯᐅᒃ ᐃᕐᖑᑕᓯᓗ.

ᐄᑉᕈᐃᓄᑦ 12:15

ᖃᐅᔨᓴᕆᑦᓯ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᐊᓐᓁᔪᖃᖁᓇᒍ; ᐱᕈᕐᑐᑎᑐᑦ ᒪᒤᓕᔪᑎᑐᑦ ᑍᒤᓕᔪᖃᕐᑍᓕᓕ ᐊᑭᕋᕐᑐᕐᑎᒌᖕᓂᕐᒥᒃ ᓴᖅᑭᑎᑦᓯᔪᒥᒃ, ᐅᓄᕐᑐᓪᓗ ᑕᒪᑐᒧᖓ ᓱᒃᑯᑎᕐᑕᐅᖁᓇᒋᑦ.