20 ᐃᕐᓃᒃ, ᐅᖃᐅᓯᒃᑲ ᓈᓚᑦᓯᐊᒃᑭᑦ; ᓈᓚᑦᓯᐊᕐᓗᒋᓪᓗ ᐅᖃᕐᑕᒃᑲ.
ᑭᓇ ᐃᓄᒃ ᐃᓅᔪᒪᓂᕐᒥᒃ ᐱᔪᒪᔭᖃᕐᐸ, ᐊᑯᓂ ᐃᓅᔪᒪᓪᓗᓂ, ᐱᐅᔪᓂᒡᓗ ᑕᑯᔪᒪᓪᓗᓂ?
ᐃᓄᖁᑎᒃᑲ, ᓈᓚᓚᐅᕆᑦᓯ ᐱᖁᔭᓐᓂᒃ; ᓯᐅᑎᓯ ᒪᓂᓚᐅᕐᓯᐅᒃ ᖃᓂᕐᒪ ᐅᖃᐅᓯᖏᓐᓄᑦ!
ᑍᒤᒻᒪᑦ ᐊᔪᕆᕐᑐᕐᑎᒍᑦ ᐃᓅᓂᑦᑎᓐᓂ ᐅᓪᓗᑦᑎᓐᓂᒃ ᐊᑐᑦᓯᐊᕈᓐᓇᖁᓪᓗᑕ, ᓯᓚᑐᓂᒃᑯᑦ ᐆᒻᒪᑎᑦᑎᓐᓂᒃ ᐊᑐᕈᓐᓇᖁᓪᓗᑕ.
ᓯᐅᑏᒃᑭᒃ ᓈᓚᑦᓯᐊᕐᑎᒃᑯᕕᒋᒃ ᓯᓚᑐᓂᕐᒥᒃ, ᐆᒻᒪᑎᒃᑯᓪᓗ ᐱᔪᒪᑦᓯᐊᕈᕕᑦ ᑐᑭᓯᑎᑕᐅᔪᒪᓂᕐᒥᒃ.
ᖁᕕᐊᓇᕐᓂᐊᕐᒪᑦ ᐃᓗᖕᓂ ᐱᓯᒪᒍᕕᒋᑦ, ᖃᐅᔨᒪᓂᒃᑲ ᐅᖃᐅᓯᕆᖃᑦᑕᕐᓗᒋᑦ.
ᐃᕐᓃᒃ, ᑐᓵᑦᓯᐊᕋᓱᐊᕈᒃ ᓯᓚᑐᓂᒃᑯᑦ ᐅᖃᓪᓚᖕᓂᕋ, ᓯᐅᑏᒃᑭᒃ ᒪᓂᓕᒃᑭᒃ ᑐᑭᓯᑎᑕᐅᓯᒪᓂᕆᔭᓐᓄᑦ.
ᐃᕐᓃᒃ, ᐅᖃᐅᓯᒃᑲ ᐳᐃᒍᕐᑍᓕᒃᑭᑦ, ᐱᖁᔭᒃᑲᓗ ᐊᓐᓂᕆᓗᒋᑦ ᐃᓗᒥᐅᑕᕆᒃᑭᑦ.
ᓯᐅᑎᓯ ᒪᓂᓗᒋᒃ, ᐅᕙᓐᓄᑦ ᕾᓗᓯ; ᑐᓵᑦᓯᐊᕆᑦᓯ ᑕᕐᓂᓯ ᐃᓅᖁᓪᓗᒋᑦ; ᐊᖏᖃᑎᒋᔪᒪᕙᒋᑦ ᐃᓱᖃᖏᑦᑐᒧᑦ ᐊᑐᕐᓂᐊᕐᑐᒥᒃ, ᑍᕕᑎᒧᑦ ᐊᖏᖃᑎᒌᒍᑎᒋᓚᐅᕐᑕᓐᓂᒃ ᓇᒡᓕᒍᓱᖕᓂᓐᓂᒃ ᓱᖁᓯᕐᓂᐊᖏᑦᑐᒥᒃ.
ᐅᖃᓪᓚᒃᑎᓪᓗᒍ ᓱᓕ, ᑕᑯᒋᑦ, ᓄᕗᔭᒧᑦ ᖃᐅᒪᔪᒧᑦ ᑎᑭᑕᐅᕗᑦ, ᓂᐱ ᓄᕗᔭᒥᑦ ᐅᖃᕐᐳᖅ, “ᑖᓐᓇ ᑕᕝᕙ ᐃᕐᓂᕋ ᓇᒡᓕᒋᔭᕋ, ᖁᕕᐊᒋᑦᓯᐊᕐᑕᕋ; ᑖᓐᓇ ᓈᓚᒃᓯᐅᒃ!”
