ᓲᓗᒨᓂᐅᑉ ᐅᖃᓪᓚᖕᓂᖏᑦ 31:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᑖᒃᑯᐊ ᐅᖃᕈᑎᔭᒃᓴᕆᕙᑎᑦ ᓈᒻᒪᓈᕐᑐᒥᒃ ᐊᑦᔨᒌᒃᑎᑦᓯᖁᓪᓗᑎᑦ, ᐱᔪᓐᓇᕐᑕᓂᖏᓐᓂᒃ ᐃᑲᔪᖃᑦᑕᒃᑭᑦ ᐊᔪᕐᓴᕐᑐᑦ ᐃᑲᔪᕐᑕᐅᔭᕆᐊᓖᓪᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 31:9 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 8:15

ᑕᕝᕙ ᑍᕕᑎ ᐊᐅᓚᑦᓯᓕᓚᐅᕐᐳᖅ ᐃᓴᕆᐊᓕᓕᒫᒥᒃ; ᐃᓄᓕᒫᖏᓪᓗ ᑲᒪᒋᔭᐅᑦᓯᐊᕐᑎᓚᐅᕐᐰᑦ ᐱᑦᓯᐊᕐᑕᐅᑎᓪᓗᒋᓪᓗ.

ᔫᐱᐅᑉ ᐊᒡᓚᖏᑦ 29:12

ᐊᒃᓱᔪᑦ ᐃᑲᔪᕐᑕᐅᔪᒪᔭᕌᖓᑕ ᐃᑲᔪᕐᐸᓚᐅᕋᒃᑭᑦ, ᐃᓕᐊᕐᔪᐃᓪᓗ ᐃᑲᔪᕐᑎᒃᓴᖃᖏᑦᑐᑦ ᐃᑲᔪᕐᐸᓚᐅᕆᕙᒃᑲ.

ᐃᓐᖏᕈᑎᑦ 82:3

ᐊᔪᕐᓴᕐᑐᑦ ᐃᓕᐊᕐᔪᐃᓪᓗ ᐱᑦᓯᐊᕐᕕᒋᓯᒋᒃ; ᐋᓐᓂᐊᑎᑕᐅᔪᑦ ᐱᒃᓴᖃᖏᑦᑐᓪᓗ ᐃᑲᔪᕐᓯᒋᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:12

ᓇᕐᕈᓇᕐᑐᕐᔪᐊᖑᕗᖅ ᐊᖓᔪᖅᑳᕐᔪᐊᖅ ᐱᐅᖏᑦᑐᓕᒃᐸᑦ, ᐃᒃᓯᕙᐅᑕᕐᔪᐊᖓ ᐋᖅᑭᒃᑕᐅᓯᒪᖕᒪᑦ ᐃᓱᐊᕐᑐᓕᓂᕐᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:8

ᐊᖓᔪᖅᑳᕐᔪᐊᖅ ᐃᒃᓯᕙᐅᑕᕐᔪᐊᒥᓂ ᐃᖅᑲᕐᑐᐃᓕᕈᓂ, ᐱᐅᖏᑦᑐᓕᓃᑦ ᓴᓃᔭᕐᐰᑦ ᑕᑯᓐᓇᕐᑕᒥᒍᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:7

ᐃᓱᐊᕐᑑᑉ ᐊᔪᕐᓴᕐᑐᑦ ᖃᓄᐃᓕᐅᕐᑕᐅᔭᕆᐊᖃᕐᓂᖏᑦ ᖃᐅᔨᒪᑦᓯᐊᕐᐰᑦ, ᐱᐅᖏᑦᑐᕐᓕ ᑕᒪᑐᒥᖓ ᖃᐅᔨᒪᓂᕐᒥᒃ ᑐᑭᓯᐅᒪᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 1:17

ᐊᑲᐅᔪᒥᒃ ᐃᓕᓐᓂᐊᓕᕆᑦᓯ, ᐸᓯᔭᐅᓐᓇᖏᑦᑐᒥᒃ ᕿᓂᕆᑦᓯ, ᓵᓚᓯᐊᖃᕐᓂᖅ ᐋᖅᑭᒋᐊᕐᓗᒍ; ᐃᓕᐊᕐᔪᐃᑦ ᓴᐳᓐᓂᐊᕐᓗᒋᑦ, ᐅᐃᒡᒐᕐᓃᓪᓗ ᐃᑲᔪᕐᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 1:23

ᐊᖓᔪᖅᑳᖁᑎᓯᓗ ᐊᑭᕋᕐᑐᕐᑎᐅᓕᕐᐳᑦ ᑎᒡᓕᒃᑎᓄᓪᓗ ᐃᓚᒋᔭᐅᓕᕐᓗᑎᒃ; ᐅᐃᕕᕐᕆᒃᓯᓂᕐᒥᒃ ᖁᕕᐊᒋᔭᖃᕐᑐᐃᓐᓇᐅᓕᕐᐳᑦ ᑐᓂᓯᕕᐅᔪᒪᓂᕐᒥᒡᓗ ᐱᓇᓱᐊᒐᖃᕐᓗᑎᒃ. ᐃᓕᐊᕐᔪᖕᓂᒃ ᓴᐳᓐᓂᐊᓐᖏᓚᑦ, ᐅᐃᒡᒐᕐᓂᕐᓂᒡᓗ ᐃᑲᔪᕈᒪᓂᕐᒥᒃ ᐃᓱᒪᖃᕋᑎᒃ.

ᐂᓮᐊᓯᐅᑉ ᐊᒡᓚᖏᑦ 11:4

ᐃᓱᐊᕐᑐᓕᓂᒃᑯᑦ ᐊᔪᕐᓴᕐᑐᑦ ᐊᑦᔨᒌᒃᑎᑦᓱᒫᕐᐰᑦ ᐊᑦᔨᒌᒃᑎᑦᓯᓂᕐᒥᒍᓪᓗ ᐱᓇᓱᐊᕐᕕᖃᕈᒫᕐᐳᖅ ᓄᓇᒥ ᒥᑭᒡᓕᑎᕐᓯᒪᔪᓂᒃ; ᓄᓇ ᐊᓇᐅᔪᒫᕐᐹ ᐊᓇᐅᑕᕐᒧᑦ ᖃᓂᕐᒥᓂᑦ ᐱᔪᒧᑦ, ᖃᓂᖓᑕᓗ ᓱᐱᓯᓂᖓᓄᑦ ᐊᔪᕐᑐᓕᔪᑦ ᑐᖁᑦᓱᒫᕐᐰᑦ.

ᔨᕆᒤᐊᐅᑉ ᐊᒡᓚᖏᑦ 21:12

ᑍᕕᑎᐅᑉ ᐊᖓᔪᖅᑳᕐᔪᐊᖑᓂᖓᓄᑦ ᑭᖑᕚᖑᔪᓯ, ᐊᑕᓂᖅ ᐃᒫᒃ ᐅᖃᕐᐳᖅ: “ᓈᒻᒪᓈᕐᓯᒪᔪᒥᒃ ᐱᓇᓱᐊᖃᑦᑕᕆᑦᓯ ᖃᐅᑕᒫᑦ, ᓴᐳᑦᔨᓯᒪᓇᓱᐊᖃᑦᑕᕐᓗᓯᓗ ᑎᒡᓕᒡᕕᐅᓯᒪᔪᓂᒃ, ᓂᓐᖓᒡᓗᖓ ᐊᑭᓂᐊᖁᓇᖓ ᐃᑯᐊᓚᔪᑎᑐᑦ, ᐱᐅᖏᑦᑐᓕᓂᓯ ᐃᑯᐊᓚᒃᑕᐅᖁᓪᓗᒋᑦ, ᖃᒥᑕᐅᓂᐊᓐᖏᓚᕐᓗ ᓇᓪᓕᐊᓐᓄᓪᓘᓐᓃᑦ.”’

ᔨᕆᒤᐊᐅᑉ ᐊᒡᓚᖏᑦ 22:3

ᐃᒫᒃ ᐊᑕᓂᖅ ᐅᖃᕐᐳᖅ: ᐊᑦᔨᒌᒃᑎᑦᓯᓂᕐᒥᒃ ᐃᓱᐊᕐᑐᓕᓂᕐᒥᒡᓗ ᐱᓇᓱᐊᕆᑦᓯ, ᓴᐳᑦᔨᓯᒪᓇᓱᐊᕐᐸᒡᓗᓯᓗ ᑎᒡᓕᒡᕕᐅᓯᒪᔪᓂᒃ; ᓄᓇᑦᓯᓐᓂᒥᐅᑕᐅᖏᑦᑐᓂᒡᓗ ᐱᑦᓯᐊᖃᑦᑕᕐᓗᓯ, ᐱᓂᕐᓗᐃᑦᑍᓕᒋᑦᓯ ᐊᑖᑕᖃᖏᑦᑐᓂᒃ ᐅᐃᒡᒐᕐᓂᕐᓂᒡᓗ, ᐸᓯᔭᒃᓴᐅᖏᑦᑐᓂᒡᓗ ᑐᖁᑕᐅᑎᑦᓯᕙᖏᓪᓗᓯ ᑕᒫᓂ ᓄᓇᑦᓯᓐᓂ.

ᔨᕆᒤᐊᐅᑉ ᐊᒡᓚᖏᑦ 23:5

“ᑕᑯᒋᑦ, ᐅᓪᓗᑦ ᓇᓪᓕᐅᑎᔪᒫᕐᐳᑦ, ᐊᑕᓂᖅ ᐅᖃᕐᐳᖅ, ᒪᑭᑎᑦᓯᔪᒫᕋᒪ ᑍᕕᑎᐅᑉ ᑭᖑᕚᒋᓐᓂᑦ ᐃᓱᐊᕐᑐᓕᔪᒥᒃ, ᐊᖓᔪᖅᑳᕐᔪᐊᒃᓴᒥᒃ ᓯᓚᑐᓂᖃᕐᑐᒥᒃ, ᓄᓇᖁᑎᒥᓂ ᓈᒻᒪᓈᑦᓯᐊᕐᑐᒥᒃ ᐃᓱᐊᕐᑐᒥᒡᓗ ᐊᐅᓚᑦᓯᔪᒫᕐᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 5:28

ᓂᕆᓂᕐᒧᓪᓗ ᖁᐃᓂᔫᓕᕐᐳᑦ, ᐱᐅᖏᑦᑐᓂᒡᓗ ᐱᓇᓱᐊᕐᓂᖏᑦ ᐃᓱᓕᑦᑐᓐᓇᓐᖏᓚᑦ, ᐊᑖᑕᖃᖏᑦᑐᓄᑦ ᐱᓇᓱᐊᕐᓂᖏᑦ ᓈᒻᒪᓐᖏᓚᑦ, ᐊᔪᕐᓴᕐᑐᓂᒡᓗ ᐃᑲᔪᕐᑐᐃᓐᖏᓚᑦ.

ᑖᓂᐊᓕᐅᑉ ᐊᒡᓚᖏᑦ 4:27

ᑍᒤᒻᒪᑦ ᐊᖓᔪᖅᑳᕐᔪᐊᖅ, ᐅᖃᐅᓯᕋ ᐃᓚᓕᐅᕈᒃ: ᐊᔪᕐᓂᑎᑦ ᑐᓄᓕᒃᑭᑦ, ᐊᑲᐅᔪᒥᒃ ᐱᓇᓱᐊᕐᓗᑎᑦ, ᐱᐅᖏᑦᑐᓕᓂᑎᓪᓗ ᕿᒪᓕᒃᑭᑦ ᐊᔪᕐᓴᕐᑐᑦ ᓂᑲᒋᓗᒋᑦ; ᐊᔪᕐᓴᖏᓐᓃᑦ ᑲᔪᓰᓐᓇᖁᓪᓗᒍ.”

ᒨᓯᓯ ᐱᖓᔪᖏᑦ 19:15

ᓱᓕᑦᓯᐊᕐᑐᒥᒃ ᐱᓂᐊᕐᓂᖃᕆᑦ; ᐃᓔᓐᓇᕐᓯᐅᕐᓂᐊᕐᓇᒃ ᐃᓄᒃ ᐊᔪᕐᓴᕐᑐᑦ ᐱᓪᓗᒋᑦ ᐊᔪᕐᓴᖏᑦᑐᓪᓗ ᐱᓪᓗᒋᑦ, ᐃᓅᖃᑎᑎᑦ ᐊᑦᔨᒌᒃᑐᒥᒃ ᐱᓂᐊᕐᓂᖃᕐᕕᒋᔭᕆᐊᖃᕐᐸᑎᑦ.

ᓴᑲᕅᐊᐅᑉ ᐊᒡᓚᖏᑦ 7:9

“ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ: ᓱᓕᑦᓯᐊᕐᑐᒥᒃ ᐃᖅᑲᕐᑐᐃᒋᑦᓯ; ᐱᑦᓯᐊᖃᑦᑕᐅᑎᓗᓯ ᓇᒡᓕᒋᖃᑦᑕᐅᑎᓗᓯᓗ ᐃᓕᑦᓯᓐᓄᑦ.

ᓴᑲᕅᐊᐅᑉ ᐊᒡᓚᖏᑦ 9:9

ᖁᕕᐊᓱᕕᒡᔪᐊᕆᑦᓯ, ᓮᐅᓂᐅᑉ ᐸᓂᐊ! ᕾᒐᓛᕆᑦ ᔨᕉᓴᓕᐅᑉ ᐸᓂᐊ! ᑕᑯᒋᑦ, ᐊᖓᔪᖅᑳᕐᔪᐊᓯ ᑎᑭᓕᕐᒪᑦ ᐃᓕᑦᓯᓐᓄᑦ! ᑖᓐᓇ ᐱᓂᐊᕐᓂᒥᒍᑦ ᐊᑦᔨᒌᒃᑎᑦᓯᔪᖅ, ᐱᐅᓕᔭᐅᓂᕐᒥᒡᓗ ᐱᖃᕐᓗᓂ; ᒥᑭᒡᓕᑎᕐᓯᒪᕗᖅ, ᓯᐅᑎᖅᑯᕐᑐᔪᒥ ᐃᑭᒪᓪᓗᓂ, ᓯᐅᑎᖅᑯᕐᑐᔫᑉ ᓄᕐᕋᖓᓂ.

ᔪᐊᓇᓯᐅᑉ ᐊᒡᓚᖏᑦ 7:24

ᑕᑯᒃᓴᐅᔪᑐᐃᓐᓇᖅ ᒪᓕᒡᓗᒍ ᐃᖅᑲᕐᑐᐃᓂᐊᕋᓯ, ᓈᒻᒪᓈᑦᓯᐊᕐᑐᒥᒡᓕ ᐃᖅᑲᕐᑐᐃᖃᑦᑕᕆᑦᓯ ᐱᓂᐊᕐᓂᓪᓚᕆᖓ ᒪᓕᒡᓗᒍ.”

ᒨᓯᓯ ᑕᓪᓕᒪᖏᑦ 1:16

“ᑍᑦᓱᒪᓂᐅᑎᓪᓗᒍ ᐃᒤᓕᐅᖁᓪᓗᒋᑦ ᒪᓕᖕᓂᐊᕐᑕᖏᓐᓂᒃ ᐅᖃᐅᑦᔪᓚᐅᕐᓯᒪᕙᒃᑲ, ‘ᐃᓄᖁᑎᑦᓯᓐᓂᑦ ᐊᑲᐅᓐᖏᓕᐅᕈᑕᐅᔪᓂᒃ ᓈᓚᑦᓯᐊᖃᑦᑕᕐᓂᐊᕐᐳᓯ. ᐊᑲᐅᓐᖏᓕᐅᕈᑕᐅᔪᓕᒫᓪᓗ ᐋᖅᑭᒃᓱᑦᓯᐊᕋᓱᐊᖃᑦᑕᕐᓗᒋᑦ ᐊᑦᔨᒌᒃᑎᑦᓯᓗᓯ, ᐃᓄᖁᑎᑦᓯ ᐃᓱᒫᓘᑎᒋᔭᖏᓐᓂᒃ ᐱᓇᓱᐊᕋᓗᐊᕈᑦᓯ ᐅᕝᕙᓗ ᓄᓇᖃᑎᒃᓴᔭᑐᖃᕆᓐᖏᑕᑦᓯᓐᓂᒃ ᐱᓕᕆᔭᕆᐊᖃᕈᑦᓯ ᑕᕝᕙᓂ ᓄᓇᖃᑎᒋᔭᑦᓯᓐᓂᒃ.

ᐄᑉᕈᐃᓄᑦ 1:9

ᓇᓛᒎᕐᓂᖅ ᖁᕕᐊᒋᕙᑦ ᐱᐅᖏᑦᑐᓕᓂᕐᓗ ᐆᒥᒋᓪᓗᒍ; ᑍᒤᒻᒪᑦ ᒎᑎᐅᑉ, ᒎᑎᕕᑦ ᐅᕐᓱᕐᑎᓚᐅᕐᐹᑎᑦ, ᐅᕐᓱᒧᑦ ᖁᕕᐊᓱᖕᓂᕐᒧᑦ ᐃᓅᖃᑎᒌᓄᑦ ᑐᓂᓯᒪᔭᖓᓂᑦ ᐱᐅᓂᕐᓴᒥᒃ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:11

ᑕᕝᕙ ᕿᓚᒃ ᐅᒃᑯᐃᕐᑐᖅ ᑕᑯᕙᕋ, ᑕᑯᒋᓪᓗ, ᓴᖅᑭᑦᑐᖃᕐᐳᖅ ᕿᒻᒥᕐᔪᐊᒥᒃ ᖃᑯᕐᑕᒥᒃ! ᑕᕝᕙᓂᓗ ᐃᑭᒪᔪᖅ ᐊᑎᖃᕐᐳᖅ ᓱᖁᓯᔪᐃᑦᑐᒥᒃ ᓱᓕᔪᒥᒡᓗ, ᓈᒻᒪᑦᓯᐊᕐᑐᒥᒡᓗ ᐃᖅᑲᕐᑐᐃᓂᖃᕐᐳᖅ ᑕᒪᓐᓇᓗ ᐅᓇᑕᐅᑎᒋᕚ.

ᓴᒧᐃᓕ ᓯᕗᓪᓖᑦ 19:4

ᔫᓇᑕᓂᐅᑉ ᑍᕕᑎ ᐅᐱᒋᑦᓯᐊᕐᓗᒍ ᐊᑖᑕᒥᓄᑦ ᓴᐅᓕᒧᑦ ᐅᖃᐅᑎᒋᕚ, ᐅᖃᐅᑎᓪᓗᒍᓗ, “ᐊᖓᔪᖅᑳᕐᔪᐊᖅ ᐊᔪᕐᑐᓕᑦᑍᓕᓕ ᑍᕕᑎ ᐱᔨᓂ ᐱᓪᓗᒍ; ᐃᓕᖕᓄᑦ ᐊᔪᕐᑐᓕᓚᐅᖏᒻᒪᑦ, ᐱᓇᓱᐊᕐᓯᒪᔭᓕᒫᖏᓪᓗ ᐃᑲᔪᕐᓯᒪᓪᓗᑎᒃ ᐃᓕᖕᓂᒃ;

ᓴᒧᐃᓕ ᓯᕗᓪᓖᑦ 20:32

ᑕᕝᕙ ᔫᓇᑕᓂ ᑭᐅᕗᖅ ᐊᑖᑕᒥᓄᑦ ᓴᐅᓕᒧᑦ ᐅᖃᕐᓗᓂ, “ᖃᓄᐃᒻᒪᑦ ᑐᖁᔪᒃᓴᐅᕚ? ᓱᓇᒥᒃ ᐱᓇᓱᐊᕐᓯᒪᖕᒪᑦ?”