ᓲᓗᒨᓂᐅᑉ ᐅᖃᓪᓚᖕᓂᖏᑦ 30:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐊᕿᐊᑦᑐᓗᐊᕈᒪ ᐃᓕᖕᓂᒃ ᐃᒃᐱᒍᓱᒍᓐᓃᖁᓇᖓ, ᐅᖃᓕᖁᓇᖓᓗ, “ᑭᓇ ᐊᑕᓂᐅᕙ?” ᐅᕝᕙᓗ ᐊᔪᕐᓴᓗᐊᓕᕈᒪ ᑎᒡᓕᖃᑦᑕᓕᖁᓇᖓ, ᒎᑎᒪᓗ ᐊᑎᖓᓂᒃ ᐊᑐᕐᓂᕐᓗᓕᖁᓇᖓ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:9 ပူးပေါင်းရင်းမြစ်များ

ᐃᓐᖏᕈᑎᑦ 125:3

ᐱᐅᖏᑦᑐᑦ ᐱᔪᓐᓇᐅᑎᖓᑕ ᑎᒃᑯᐊᕐᓯᒍᑎᖓ ᓇᓚᐅᑦᑖᕈᑎᒃᑯᑦ ᐊᐅᓚᑦᓰᓐᓇᕐᓂᐊᓐᖏᓚᖅ ᐃᓱᐊᕐᑐᑦ ᓄᓇᖏᓐᓂ, ᐃᓱᐊᕐᑐᑦ ᐱᐅᖏᑦᑐᒥᒃ ᐱᓇᓱᐊᓕᖁᓇᒋᑦ.

ᒨᓯᓯ ᐂᑉᐸᖏᑦ 20:7

“ᐊᑕᓂᐅᑉ ᒎᑎᕕᑦ ᐊᑎᖓᓂᒃ ᐊᑐᕐᓂᕐᓗᒃᑐᒃᓴᐅᓐᖏᓚᑎᑦ; ᐊᑕᓂᐅᑉ ᓱᒋᐊᕐᑍᓕᓂᐊᓐᖏᓛ ᓇᓪᓕᐊᑦ ᐊᑎᖓᓂᒃ ᐊᑐᕐᓂᕐᓗᒃᑐᖅ.

ᒨᓯᓯ ᐂᑉᐸᖏᑦ 5:2

ᐰᕉᓕ ᐅᖃᕐᐳᖅ, “ᐊᑕᓂᖅ ᖃᓄᐃᑦᑑᖕᒪᑦ, ᑖᑦᓱᒪ ᐱᖁᔨᓂᖓ ᓈᓚᒋᐊᖃᕋᔭᕈᒃᑯ ᐃᓴᕆᐊᓕᒥᐅᓂᒃ ᐊᐅᓪᓚᕐᑎᑦᓯᔪᓐᓇᖁᓪᓗᖔ? ᑖᓐᓇ ᐊᑕᓂᐅᓂᕋᕐᑕᓯ ᖃᐅᔨᒪᓐᖏᓚᕋ, ᑍᒤᒻᒪᑦ ᐃᓴᕆᐊᓕᒥᐅᑦ ᐊᐅᓪᓚᖁᓂᐊᓐᖏᓚᒃᑲ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:24

ᑎᒡᓕᒃᑎᒥᒃ ᐱᖃᑎᓕᒃ ᐃᓅᓯᕐᒥᓂᒃ ᐆᒥᓱᒃᐳᖅ; ᓱᓕᔪᒥᒃ ᐅᖃᕈᒪᒐᓗᐊᕐᓗᓂ, ᓴᖅᑭᑦᓯᔪᓐᓇᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 59:13

ᐊᔪᕐᑐᓕᓂᖅ ᐊᑕᓂᕐᒧᓪᓗ ᓴᒡᓗᕿᑦᑎᓯᒪᓂᖅ, ᒎᑎᑦᑎᓐᓂᒡᓗ ᑐᓄᑦᓯᓯᒪᓂᖅ, ᐅᖁᒤᒃᓴᕐᑎᑦᓯᓂᕐᒥᒃ ᐅᖃᐅᓯᖃᕐᓂᖅ ᓂᓐᖓᐅᒪᓂᕐᒧᓪᓗ ᐊᑭᓂᐊᕐᓂᖅ, ᐆᒻᒪᑎᒥᓪᓗ ᐱᔪᓂᒃ ᐋᓐᓂᕐᓇᕐᑐᓂᒃ ᐅᖃᐅᓯᖃᕐᓂᖅ ᓱᓕᖏᑦᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 2:31

ᑭᖑᕚᖑᖃᑎᒌᖑᔪᓯ ᐊᑕᓂᐅᑉ ᐅᖃᐅᓯᕆᔭᖏᑦ ᑐᓴᕐᓯᒋᒃ, ᐃᓴᕆᐊᓕᒥᐅᓄᑦ ᓄᓇᑎᑐᑦ ᐃᓄᖃᔪᐃᑦᑐᑎᑐᑦ ᑍᒤᓐᓇᒫ? ᓄᓇᑎᑐᓪᓘᓐᓃᑦ ᑲᑉᐱᐊᓇᕐᑐᕐᑕᖃᕐᑐᑎᑐᑦ! ᓱᖕᒪᓪᓕ ᐃᓄᖁᑎᒃᑲ ᐅᖃᕐᐹᑦ, ᐃᓱᒪᕐᓱᕐᐳᒍᑦ, ᐃᓕᖕᓄᑦ ᐅᐸᒍᑎᓂᐊᕈᓐᓃᕐᐳᒍᑦ.

ᔨᕆᒤᐊᐅᑉ ᐊᒡᓚᖏᑦ 5:12

ᐊᑕᓂᖅ ᓴᒡᓗᑎᒋᓪᓗᒍ ᐅᖃᓚᐅᕐᒪᑕ ᐅᖃᕐᓗᑎᒃ, “ᖃᓄᐃᓕᐅᑦᔮᖏᓐᓚᖅ ᐅᕙᑦᑎᓐᓂᒃ, ᐊᓯᕈᕐᓇᕐᑐᒧᑦ ᑎᑭᑕᐅᑦᔮᓐᖏᓚᒍᑦ, ᐅᓇᑕᕐᑐᓂᒃ ᑳᖕᓇᕐᑐᒥᒡᓘᓐᓃᑦ ᑕᑯᓚᐅᕐᓯᒪᑦᔮᓐᖏᓚᒍᑦ.”

ᐃᓯᑭᐊᓕᐅᑉ ᐊᒡᓚᖏᑦ 23:35

“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐅᕙᓐᓂᒃ ᐳᐃᒍᕐᓗᑎᑦ ᑐᓄᐃᓚᐅᕋᕕᑦ, ᑍᒤᒻᒪᑦ ᐊᑭᓕᕐᑕᐅᓂᐊᓕᕐᐳᑎᑦ ᐃᒃᓯᒎᕐᓂᕆᓚᐅᕐᑕᕐᓄᑦ ᐊᖑᓐᓂᐊᕐᑎᐅᓂᕆᓚᐅᕐᑕᕐᓄᓪᓗ.”

ᑖᓂᐊᓕᐅᑉ ᐊᒡᓚᖏᑦ 4:17

ᐃᓱᒪᒃᓴᕐᓯᐅᕐᓂᖅ ᑕᒪᓐᓇ ᐅᖃᐅᓯᐅᕗᖅ ᐂᖏᓕᓄᑦ ᖃᐅᔨᓴᕐᑎᓄᑦ, ᐃᑦᔪᕐᓁᑦᑐᓪᓗ ᑖᒃᑯᐊ ᑕᒪᑐᒥᖓ ᓇᓗᓁᕐᓯᕗᑦ, ᐃᓅᔪᑦ ᑐᑭᓯᓕᖁᓪᓗᒋᑦ ᖁᑦᓯᖕᓂᕐᐹᖅ ᐊᐅᓚᑦᓯᖕᒪᑦ ᐃᓄᐃᑦ ᐊᖓᔪᖅᑲᐅᕕᖏᓐᓂᒃ, ᐊᖓᔪᖅᑳᕐᔪᐊᖑᖁᔭᖏᓪᓗ ᐃᓱᒪᒥᓂᒃ ᐊᖓᔪᖅᑳᕐᔪᐊᖑᑎᑉᐸᒃᐰᑦ, ᐊᖓᔪᖅᑳᕐᔪᐊᖑᑎᓪᓗᒋᓗ ᒥᑭᓐᓂᕐᐹᓄᑦ ᓄᓇᒦᑦᑐᓄᑦ.’

ᑖᓂᐊᓕᐅᑉ ᐊᒡᓚᖏᑦ 4:30

ᑕᕝᕙ ᐊᖓᔪᖅᑳᕐᔪᐊᖅ ᐅᖃᕐᐳᖅ, “ᐹᐱᓘᓂ ᐊᖏᔪᐊᓘᓐᖏᓛᖅ? ᐊᖓᔪᖅᑳᕐᔪᐊᒧᑦ ᐃᓂᓕᐊᕆᓚᐅᓐᖏᓚᕌ? ᐱᔪᓐᓇᕐᓂᓐᓄᑦ ᐊᖓᔪᖅᑳᕐᔪᐊᖑᓂᕐᒪᓗ ᐅᐱᒋᔭᐅᑦᔪᑎᒃᓴᖓᓄᑦ?”

ᕼᐆᓯᐊᑉ ᐊᒡᓚᖏᑦ 13:6

ᓄᓇᒧᓪᓕ ᓂᕿᒃᓴᖃᑦᓯᐊᕐᑐᒧᑦ ᑎᑭᒐᒥᒃ ᐊᕿᐊᑦᑐᓚᐅᕐᐳᑦ, ᓈᒻᒪᒃᓯᓪᓗᑎᒡᓗ, ᐊᕿᐊᑦᑐᓱᓕᕋᒥᒃ ᐆᒻᒪᑎᒥᒍᑦ ᐱᐅᔪᕆᓕᓚᐅᕐᐳᑦ; ᑍᒤᒻᒪᑦ ᐳᐃᒍᓚᐅᕐᐹᖓ.

ᒨᓯᓯ ᐱᖓᔪᖏᑦ 5:1

“ᐃᓄᒃ ᐊᔪᕐᑐᓕᒃᐸᑦ ᐃᖅᑲᕐᑐᐃᔪᖃᕐᑎᓪᓗᒍ ᐅᖃᐅᓯᖃᖏᑦᑐᖅ ᐅᖃᕆᐊᖃᕋᓗᐊᕐᓗᓂ ᑕᑯᓚᐅᕐᑕᒥᓂᒃ ᖃᐅᔨᓚᐅᕐᑕᒥᓂᒡᓗ ᑖᓐᓇ ᐸᓯᔭᒃᓴᐅᕗᖅ.

ᒫᑎᐅᓯᐅᑉ ᐊᒡᓚᖏᑦ 26:72

ᐲᑦᑐᕉᓯ ᖃᐅᔨᒪᖏᓐᓂᕋᕐᓗᓂ ᐅᖃᕆᕗᖅ, “ᓱᓕᑦᓯᐊᕐᐳᖓ ᐊᖑᑦ ᑖᓐᓇ ᖃᐅᔨᒪᖏᒻᒪᕆᒃᐸᕋ!”

ᒫᑎᐅᓯᐅᑉ ᐊᒡᓚᖏᑦ 26:74

ᑕᕝᕙ ᐲᑦᑐᕉᓯ ᐅᖃᕐᐳᖅ, ᐅᖃᕕᒐᓱᐊᕐᓗᓂ, “ᓱᓕᓪᓚᕆᒃᐳᖓ ᒎᑎᐅᑉ ᓱᒋᐊᕐᓂᐊᕐᐹᖓ ᓱᓕᖏᒃᑯᒪ! ᐅᓇ ᐊᖑᑦ ᖃᐅᔨᒪᖏᑦᓯᐊᕐᑕᕋ!” ᑕᕝᕔᓐᓇᖅ ᐊᖑᑎᕕᐊᖅ ᓂᓪᓕᕐᐳᖅ,

ᒨᓯᓯ ᑕᓪᓕᒪᖏᑦ 31:20

ᓄᓇᒧᑦ ᑕᓯᐅᕐᓂᐊᕐᐸᒃᑲ ᓄᓇᑖᖁᓪᓗᒋᑦ ᐊᔪᕐᓴᕐᓇᖏᑦᑐᒧᑦ ᓂᕿᒃᓴᖃᑦᓯᐊᕐᑐᒧᓪᓗ, ᑕᒪᓐᓇ ᐅᖃᕕᒃᓗᖓ ᐊᖏᕈᑎᒋᓯᒪᒐᒃᑯ ᓯᕗᓕᕆᓚᐅᕐᑕᖏᓐᓄᑦ, ᑕᕝᕙᓂ ᓂᕆᓯᒪᓕᕐᐸᑕ ᐊᕿᐊᑦᑐᕐᓗᑎᒃ ᖁᐃᒃᓯᓪᓗᑎᒡᓗ, ᐊᓯᓐᓄᑦ ᒎᑎᓐᖑᐊᓄᑦ ᓵᖔᓕᕈᒫᕐᐳᑦ ᐱᔨᑦᓯᓕᕐᓗᒋᑦ, ᐅᕙᓐᓂᒃ ᖁᔭᓈᕐᓯᔪᒫᕐᐳᑦ ᐊᖏᖃᑎᒌᒍᑎᒋᓯᒪᔭᒃᑲᓗ ᓯᖁᒥᓪᓗᒋᑦ,

ᒨᓯᓯ ᑕᓪᓕᒪᖏᑦ 32:15

ᔨᓱᕋᓐᓕ ᖁᐃᒃᓯᓚᐅᕐᐳᖅ, ᐊᑭᕋᕐᑐᓕᕐᓗᓂᓗ; ᖁᐃᒃᓯᓚᐅᕐᐳᓯ ᓯᓕᒃᓯᓪᓗᓯ, ᒪᓂᖅᑲᑑᓕᕐᓗᓯᓗ; ᖁᐃᒃᓯᓚᐅᕐᐳᑦ ᓂᕿᒃᓴᓂᒡᓗ ᑲᑎᑦᓯᓯᒪᔪᐊᓘᓪᓗᑎᒃ; ᒎᑎᒥᒡᓕ ᐱᓐᖑᕐᑎᑦᓯᔨᒥᖕᓂᒃ ᕿᒤᓚᐅᕐᐳᑦ ᒥᑕᐅᑎᒋᓪᓗᒍᓗ ᕾᕐᑐᖅ ᐱᐅᓕᔭᐅᕕᒃᓴᕆᔭᓂ.

ᔮᓱᐊᑉ ᐊᒡᓚᖏᑦ 24:27

ᔮᓱᐊᓪᓗ ᐃᓄᐃᑦ ᐅᖃᐅᑎᕔᑦ, “ᑕᑯᒋᑦ, ᐅᓇ ᐅᔭᕋᒃ ᓇᓗᓁᒃᑯᑕᐅᕗᖅ ᐅᕙᑦᑎᓐᓄᑦ; ᐊᑕᓂᐅᑉ ᐅᖃᐅᓯᕆᔭᓕᒫᖏᑦ ᐅᕙᑦᑎᓐᓄᑦ ᑐᓴᓚᐅᕋᑦᑎᒍ ᐅᖃᐅᓯᕆᑎᓪᓗᓂᒋᑦ, ᑍᒤᒻᒪᑦ ᓇᓗᓁᒃᑯᑕᐅᓂᐊᕐᐳᖅ ᐃᓕᑦᓯᓐᓄᑦ, ᓱᓕᖏᑦᑐᒥᒃ ᐱᔨᑦᓯᓕᖁᓇᓯ ᒎᑎᑦᓯᓐᓂᒃ.”