ᓲᓗᒨᓂᐅᑉ ᐅᖃᓪᓚᖕᓂᖏᑦ 30:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐃᔨ ᐊᑖᑕᒥᓂᒃ ᒥᑕᐅᑎᖃᕐᐸᒃᑐᖅ, ᐊᓈᓇᒥᓂᒡᓗ ᓈᓚᒍᒪᓇᓂ ᓱᐊᖓᕙᒃᑐᖅ, ᑐᓗᒐᕐᓄᑦ ᓇᕐᓴᒦᑦᑐᓄᑦ ᐃᔩᕐᑕᐅᔪᒫᕐᐳᖅ, ᑎᖕᒥᐊᓄᓪᓗ ᑎᒥᕕᓂᕐᑐᕐᑎᓄᑦ ᓂᕆᔭᐅᔪᒫᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:17 ပူးပေါင်းရင်းမြစ်များ

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:22

ᐊᑖᑍᑦ ᓈᓚᒍᒃ ᐃᓕᖕᓂᒃ ᕿᑐᕐᖓᕐᑖᓚᐅᕐᑐᖅ, ᐊᓈᓁᓪᓗ ᓇᕐᕈᒋᓂᐊᕐᓇᒍ ᐃᓄᑐᖃᐅᓕᕐᐸᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:11

ᐃᓄᒃᑕᖃᕐᐳᖅ ᐊᑖᑕᒥᖕᓂᒃ ᐃᓱᒪᓂᕐᓗᒡᕕᖃᕐᑐᓂᒃ, ᐊᓈᓇᒥᖕᓂᒡᓗ ᓮᒻᒪᕐᑎᑦᓯᖏᑦᑐᓂᒃ.

ᒨᓯᓯ ᐱᖓᔪᖏᑦ 20:9

“ᓇᓕᕐᓯ ᐊᑖᑕᒥᓂᒃ ᐊᓈᓇᒥᓂᒡᓘᓐᓃᑦ ᓇᕐᕈᓇᕐᓂᕅᒃᐸᑦ, ᑖᓐᓇ ᑐᖁᑕᐅᔭᕆᐊᖃᕐᐳᖅ. ᐊᑖᑕᓂ ᐊᓈᓇᓂᓗ ᓇᕐᕈᓇᕐᑎᒻᒪᒋᒃ ᓇᖕᒥᓂᖅ ᑐᖁᑕᐅᑦᔪᑎᒃᓴᒥᓂᒃ ᐱᓕᕆᖕᒪᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:20

ᐊᑖᑕᒥᓂᒃ ᐊᓈᓇᒥᓂᒡᓘᓐᓃᑦ ᐱᐅᖏᑦᑐᐊᓘᑎᑦᓯᔪᖅ, ᓇᓂᕈᐊᖓ ᖃᒥᑕᐅᓂᐊᕐᐳᖅ ᑖᕐᑐᕐᔪᐊᕐᒥ.

ᓴᒧᐃᓕ ᐂᑉᐸᖏᑦ 21:10

ᓴᐅᓕᐅᓪᓕ ᓄᓕᐊᖓ ᕆᔾᐸ, ᐂᐊᐅᑉ ᐸᓂᖓ, ᐊᑐᓚᐅᕐᐳᖅ ᐳᑐᕐᓛᒥᒃ, ᐅᓕᒋᓪᓗᒍ ᐅᔭᕋᐅᑉ ᖄᖓᓂ ᑐᖁᖓᔪᑦ ᓇᔪᕐᑕᖓᓂ, ᑍᑲᓃᓚᐅᕐᐳᓪᓗ ᑲᑎᕐᓱᐃᕕᐅᑉ ᐱᒋᐊᕐᓂᖓᓂᑦ ᐅᑭᐊᒃᓵᑉ ᓯᓚᓗᓕᕐᓂᖓ ᑎᑭᓪᓗᒍ; ᐅᓪᓗᒃᑯᑦ ᑎᖕᒥᐊᓂᑦ ᑐᖁᖓᔪᑦ ᓴᐳᑎᓚᐅᕐᐰᑦ, ᐅᓐᓄᒃᑯᓪᓗ ᓴᐳᑎᓚᐅᕆᕔᑦ ᐃᕐᓯᓇᕐᑐᓂᑦ ᐆᒪᔪᓂᑦ.

ᓴᒧᐃᓕ ᓯᕗᓪᓖᑦ 17:44

ᐱᓕᔅᑍᓂᒥᐅᕐᓗ ᑍᕕᑎᒧᑦ ᐅᖃᕐᐳᖅ, “ᕾᒋᑦ, ᑎᒦᑦ ᑐᓂᓂᐊᕋᒃᑯ ᑎᖕᒥᐊᓄᑦ ᖃᖓᑕᖃᑦᑕᕐᑐᓄᑦ ᐆᒪᔪᓄᓪᓗ ᓄᓇᒦᑦᑐᓄᑦ.”

ᒨᓯᓯ ᑕᓪᓕᒪᖏᑦ 28:26

ᑐᖁᒍᑦᓯᓕ, ᑎᖕᒥᐊᕐᔪᐊᓂᑦ ᐆᒪᔪᓂᓪᓗ ᓄᔪᐊᕐᑐᓂᑦ ᐅᐸᒃᑕᐅᓗᓯ ᑎᒥᑦᓯ ᓂᕆᔭᐅᔪᒫᕐᐳᑦ; ᓇᓪᓕᐊᓐᓄᓪᓘᓐᓃᑦ ᕿᒪᒃᓯᑎᑦᓯᔪᒃᓴᕐᑕᖃᕈᒫᓐᖏᓚᖅ ᑖᒃᑯᓂᖓ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:20

ᐃᕐᓂᐅᑉ ᓯᓚᑐᔫᑉ ᐊᑖᑕᓂ ᖁᕕᐊᓱᒃᑎᑉᐹ, ᓯᓔᑦᑐᕐᓕ ᐊᓈᓇᒥᓂᒃ ᓇᕐᕈᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:18

ᐱᖓᓲᒋᕗᑦ ᐅᕙᓐᓄᑦ ᑲᒪᓇᓗᐊᕐᑐᑦ, ᓯᑕᒪᖓᓪᓗ ᑐᑭᓯᔪᓐᓇᓐᖏᑕᕋ;

ᒪᓚᑬᑉ ᐊᒡᓚᖏᑦ 1:6

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ ᑐᓂᕐᕈᓯᕐᑎᑦᓯᔨᓄᑦ, “ᐃᕐᓂᐅᑉ ᐊᑖᑕᓂ ᐅᐱᒋᕚ, ᐱᔨᐅᓪᓗ ᐊᖓᔪᖅᑳᓂ, ᐊᑖᑕᐅᒍᒪᓕ, ᓇᐅᒡᓕ ᐅᐱᒋᔭᐅᓂᕋ? ᐊᖓᔪᖅᑳᖑᒍᒪᓗ ᓇᐅᒡᓕ ᐃᓕᕋᒋᔭᐅᓂᕋ? ᑐᓂᕐᕈᓯᕐᑎᑦᓯᔩᑦ ᐊᑎᓐᓂᒃ ᓇᕐᕈᔪᓯ. ᐅᖃᕐᐳᓯ, ‘ᖃᓄᖅ ᐊᑎᕐᓂᒃ ᓇᕐᕈᓚᐅᕐᐱᑖ?’