ᓲᓗᒨᓂᐅᑉ ᐅᖃᓪᓚᖕᓂᖏᑦ 3:33 - ᐊᒡᓔᑦ ᐃᑦᔪᕐᖕᓁᑦᑐᑦ

³³ ᐱᐅᖏᑦᑐᑦ ᐃᒡᓗᖏᑦ ᐊᑕᓂᐅᑉ ᓯᕗᓂᕐᓗᒃᑎᑉᐰᑦ, ᐃᓱᐊᕐᑑᓪᓕ ᐃᒡᓗᖏᑦ ᓮᒻᒪᕐᑎᓪᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:33 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 6:11

ᐊᑕᓂᐅᓪᓗ ᐃᒃᓯᕐᕕᖁᑎᖓ ᒋᑍᑎᒦᓚᐅᕐᐳᖅ ᑕᖅᑭᓂᒃ ᐱᖓᓱᓂᒃ; ᐊᑕᓂᐅᓪᓗ ᓮᒻᒪᕐᑎᓚᐅᕐᐰᑦ ᐅᐱᑦ-ᐄᑕᒻ ᐃᓚᖏᓪᓗ.

ᔫᐱᐅᑉ ᐊᒡᓚᖏᑦ 24:18

“ᐅᖃᖅᑲᐅᒐᕕᑦ, ‘ᐱᐅᖏᑦᑐᓕᔪᑦ ᐅᓕᕕᒡᔪᐊᒧᑦ ᐊᐅᓪᓚᕈᑦᔭᐅᕗᑦ; ᓄᓇᖁᑎᖏᓪᓗ ᒎᑎᐅᑉ ᓱᒋᐊᕈᒪᔭᖓᓃᓪᓗᑎᒃ; ᐱᕈᕐᓰᕕᖁᑎᒥᖕᓄᓪᓗ ᐱᓇᓱᐊᕆᐊᕐᑐᕐᑐᖃᓚᐅᕐᓯᒪᔪᓐᓃᕐᓗᑎᒃ.

ᔫᐱᐅᑉ ᐊᒡᓚᖏᑦ 31:12

ᑕᒪᓐᓇ ᐃᑯᒪᐅᒐᔭᕐᐳᖅ ᓱᒃᑯᑎᕆᓗᓂ ᓯᖁᒥᑕᐅᓂᕐᒧᑦ, ᐱᖁᑎᓕᒫᒃᑲᓗ ᐊᒫᖏᓐᓄᑦ ᑎᑭᓪᓗᒋᑦ ᓄᖑᑕᐅᒐᔭᕐᐳᑦ.

ᐃᓐᖏᕈᑎᑦ 1:3

ᑖᓐᓇ ᐊᑦᔨᖃᕐᐳᖅ ᓇᐹᕐᑐᒥᒃ ᑰᑉ ᓯᓈᓂ ᐱᕈᕐᓯᐊᒥᒃ, ᐸᐅᕐᖓᕐᑖᕐᐸᒃᑐᑐᑦ ᐱᕈᕐᕕᐅᕕᒃᓴᖓ ᓇᓪᓕᐅᑎᔭᕌᖓᑦ, ᐅᖃᐅᔭᖏᓪᓗ ᑐᖁᓕᓂᐊᓐᖏᓚᑦ; ᖃᓄᐃᓕᐅᕐᑕᖏᑦ ᑕᒪᕐᒥᒃ ᓴᖅᑭᕈᒫᕐᐳᑦ.

ᐃᓐᖏᕈᑎᑦ 37:22

ᐊᑕᓂᐅᑉ ᓮᒻᒪᕐᑎᑕᖏᑦ ᓄᓇᒥᒃ ᑭᖑᕐᖑᑦᔨᔪᒫᕐᐳᑦ, ᓮᒻᒪᕐᑎᖏᑕᖏᓪᓕ ᐊᕕᑕᐅᔪᒫᕐᐳᑦ.

ᐃᓐᖏᕈᑎᑦ 91:10

ᐱᐅᖏᑦᑐᒧᑦ ᓱᓇᒧᓪᓘᓐᓃᑦ ᑎᑭᑕᐅᓂᐊᓐᖏᓚᑎᑦ, ᖃᓂᒪᓇᕐᑐᒧᓪᓘᓐᓃᑦ ᐃᓂᒋᔧᑦ ᖃᒡᓕᔭᐅᓂᐊᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:6

ᐃᓱᐊᕐᑐᒥ ᐃᓅᔪᑦ ᓂᐊᖁᕐᒥᐅᑕᖃᕐᐳᖅ ᓮᒻᒪᕐᑎᑕᐅᓂᕐᒥᒃ, ᐱᐅᖏᑦᑐᓪᓕ ᖃᓂᖏᑦ ᐊᓂᑦᓯᕗᑦ ᑲᑉᐱᐊᓱᒃᑎᑦᓯᓂᕐᒥᒃ ᐃᔨᕐᓯᒪᔪᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:11

ᐱᐅᖏᑦᑑᑉ ᐃᒡᓗᖓ ᐊᓯᕈᕐᑕᐅᔪᒫᕐᐳᖅ, ᐃᓱᐊᕐᑐᓪᓕ ᑐᐱᖓ ᐱᕈᕐᑐᑎᑐᑦ ᐱᕈᕐᐸᓪᓕᐊᔪᑎᑑᕐᓂᐊᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:6

ᐃᓱᐊᕐᑐᒥᒃ ᐃᓅᓯᖃᕐᑑᑉ ᐃᒡᓗᖓ ᐅᓄᕐᑐᓂᒃ ᐱᒃᑯᒥᓇᕐᑐᓂᒃ ᐱᑕᖃᕐᐳᑦ, ᐱᐅᖏᑦᑐᓪᓕ ᑮᓇᐅᔭᕐᑖᕆᕙᒃᑕᖏᑦ ᐃᓱᐊᖏᑦᑐᕐᑕᖃᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:12

ᒎᑎ ᐃᓱᐊᕐᑑᒐᒥ ᓯᓚᑐᓂᕐᒥᓄᑦ ᐱᐅᖏᑦᑑᑉ ᓇᔪᕐᑕᖓ ᖃᐅᔨᓴᕐᐹ, ᐱᐅᖏᑦᑑᓪᓗ ᐱᓂᐊᕐᓂᖏᑦ ᐊᓯᕈᕐᑕᐅᑎᑉᐰᑦ.

ᒪᓚᑬᑉ ᐊᒡᓚᖏᑦ 2:2

ᑐᓴᕐᓂᐊᖏᒃᑯᑦᓯ, ᐆᒻᒪᑎᑦᓯᓐᓂᓪᓗ ᐱᔪᒥᒃ ᐊᑎᕋ ᐱᓐᓇᕐᓇᕐᓯᑎᓐᓂᐊᖏᒃᑯᑦᓯᐅᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᑕᕝᕙ ᓱᒋᐊᕐᑕᐅᓂᕐᒧᑦ ᑎᑭᑕᐅᑎᑦᓱᒫᕐᐸᑦᓯ, ᓮᒻᒪᕐᑕᐅᓂᒃᓴᓯᓗ ᓱᒋᐊᕐᑕᐅᓂᓐᖑᕐᑎᓪᓗᒋᑦ; ᐃᓛᒃ ᓱᒋᐊᕐᓯᒪᓕᕇᕐᐸᒃᑲ, ᐆᒻᒪᑎᑦᓯᓐᓂ ᐃᓂᖃᕐᑎᖏᓐᓇᑦᓯᐅᒃ.

ᒨᓯᓯ ᑕᓪᓕᒪᖏᑦ 11:28

ᓱᒋᐊᕐᑕᐅᓂᕐᓕ, ᐊᑕᓂᐅᑉ ᒎᑎᑦᓯ ᐱᖁᔨᑦᔪᑎᖏᑦ ᓈᓚᖏᒃᑯᑦᓯᒋᒃ, ᓴᖑᒍᑦᓯᓗ ᐊᖅᑯᒻᒥᑦ ᐅᓪᓗᒥ ᐊᑐᕐᑕᐅᖁᓪᓗᒍ ᐅᖃᐅᓯᕆᔭᓐᓂᑦ, ᒎᑎᓐᖑᐊᓄᓪᓗ ᑐᒃᓯᐊᖃᑦᑕᖔᓕᕈᑦᓯ ᑕᒪᑐᒪ ᓯᕗᕐᖓᒍᑦ ᖃᐅᔨᒪᓚᐅᓐᖏᑕᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 7:26

ᒎᑎᓐᖑᐊᕆᔭᐅᔪᓂᒃ ᓇᓪᓕᐊᓐᓂᒡᓘᓐᓃᑦ ᐊᖏᕐᕋᑦᓯᓐᓄᑦ ᓇᒃᓴᕐᑐᒃᓴᐅᓐᖏᓚᓯ, ᑖᒃᑯᐊ ᓯᕗᓂᕐᓗᒃᑎᑕᐅᓂᖏᑎᑐᑦ ᑎᑭᕝᕕᐅᖁᓇᓯ. ᑍᒤᒻᒪᑦ ᒎᑎᓐᖑᐊᑦ ᐆᒥᒋᔭᒃᓴᕆᕙᓯ ᐱᐅᒋᖏᓪᓗᒋᓪᓗ, ᑕᒪᒃᑯᐊ ᑍᒤᑦᑐᑦ ᐊᑕᓂᐅᑉ ᓯᕗᓂᕐᓗᒃᑎᒻᒪᒋᑦ.”

ᔮᓱᐊᑉ ᐊᒡᓚᖏᑦ 6:18

ᐃᓕᑦᓯᓕ ᑎᒍᓯᔪᒃᓴᐅᓐᖏᓚᓯ ᐊᓯᕈᕐᑕᐅᔪᒃᓴᓂᒃ, ᑎᒍᓯᑐᐊᕈᑦᓯ ᐱᐅᖏᑦᑐᒥᒃ ᐊᓯᕈᕐᑕᐅᓇᕐᑐᒥᒡᓗ ᐱᑎᑦᓯᓂᐊᕐᐳᓯ ᐃᓴᕆᐊᓕᒥᐅᓄᑦ.

ᔮᓱᐊᑉ ᐊᒡᓚᖏᑦ 7:13

ᒪᑭᓕᕆᑦ! ᐃᓄᐃᑦ ᐃᑦᔪᕐᓁᓕᑎᓕᒃᑭᑦ, ᐅᖃᐅᑎᓗᒋᓪᓗ, ‘ᖃᐅᒃᐸᑦ ᐃᑦᔪᕐᓁᓕᕐᑎᑦᑐᒃᓴᐅᕗᓯ; ᐊᑕᓂᖅ, ᐃᓴᕆᐊᓕᒥᐅᑦ ᒎᑎᖓ ᑍᒫᒃ ᐅᖃᕐᒪᑦ, “ᐱᖁᑎᓂᒃ ᐱᓯᒪᒐᑦᓯ ᐊᓯᕈᕐᑕᐅᖁᓚᐅᕐᑕᓐᓂᒃ! ᐃᓴᕆᐊᓕᒥᐅᑦ; ᐊᑭᒪᔪᓐᓇᕐᓂᐊᓐᖏᓐᓇᑦᓯ ᐊᑭᕋᑦᓯᓐᓂᒃ ᐱᖁᔭᐅᓚᐅᖏᑦᑐᓂᒃ ᐱᓯᒪᓂᓯ ᑕᒪᓐᓇ ᑲᒪᒋᔭᐅᓚᐅᖅᑳᕐᑎᓐᓇᒍ.”