ᓲᓗᒨᓂᐅᑉ ᐅᖃᓪᓚᖕᓂᖏᑦ 3:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑲᒪᑦᓯᐊᕐᓂᐅᑉ ᓱᕐᕋᔪᐃᑦᑑᓂᐅᓪᓗ ᕿᒪᒃᑍᓕᓛᑎᑦ; ᖁᖓᓯᕐᓄᑦ ᕿᓚᒃᓯᒪᒃᑭᑦ, ᐆᒻᒪᑎᖕᓄᓪᓗ ᑎᑎᕋᕐᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:3 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 15:20

ᕿᓚᒥᐊᐱᒃ ᑕᒫᓂ ᓄᓇᖃᕐᓯᒪᒐᕕᑦ, ᓱᖕᒪᓪᓕ ᓇᒧᑐᐃᓐᓇᖅ ᐃᖏᕐᕋᖃᑎᒋᔭᕆᐊᖃᕐᐱᒌᑦ? ᖃᐅᔨᒪᖏᓐᓇᒪᓘᓐᓃᑦ ᓇᒧᑦ ᐂᖕᒪᖔᕐᒪ; ᐅᑎᓕᕆᑦ, ᐃᓅᖃᑎᑎᑦ ᐃᓚᒋᓗᒋᑦ; ᐊᑕᓂᐅᓪᓗ ᐱᑦᓯᐊᕐᕕᒋᓕᑎᑦ ᓱᖁᓯᔪᐃᑦᑑᕕᒋᓕᑎᓪᓗ.”

ᐃᓐᖏᕈᑎᑦ 119:11

ᐅᖃᐅᓯᕐᑎᑦ ᑐᖅᑯᕐᐸᒃᑲ ᐆᒻᒪᑎᓐᓄᑦ, ᐊᔪᕐᑐᓕᖁᓇᖓ ᐃᓕᖕᓄᑦ.

ᐃᓐᖏᕈᑎᑦ 25:10

ᐊᑕᓂᐅᑉ ᐊᖅᑯᓯᓂᓕᒫᖏᑦ ᓇᒡᓕᖕᓂᐅᕗᑦ ᓱᖁᓯᔪᐃᑦᑑᓪᓗᑎᒡᓗ, ᐊᖏᖃᑎᒌᒍᑎᖓᓂᒃ ᒪᓕᒃᑐᓄᑦ ᐅᖃᐅᓯᕆᓯᒪᔭᖏᓐᓂᒡᓗ ᓈᓚᒃᑐᓄᑦ.

ᐃᓐᖏᕈᑎᑦ 85:10

ᓇᒡᓕᖕᓂᖅ ᓱᖁᓯᔪᐃᑦᑐᖅ ᓱᕐᕋᔪᐃᑦᑑᓂᕐᓗ ᐃᒻᒥᖕᓄᑦ ᑲᑎᓂᐊᕐᐴᒃ; ᐃᓱᐊᕐᑐᓕᓂᕐᓗ ᖃᓄᐃᖏᑦᓯᐊᕐᓂᕐᓗ ᐃᒻᒥᖕᓄᑦ ᑯᓂᖃᑦᑕᐅᑎᓂᐊᕐᐴᒃ.

ᒨᓯᓯ ᐂᑉᐸᖏᑦ 13:9

ᑕᒪᒃᑯᐊᓗ ᑎᑎᕋᕐᓯᒪᓗᑎᒃ ᓇᓗᓁᒃᑯᑕᐅᔪᒃᓴᐅᕗᑦ ᕿᓚᒃᓯᒪᓗᒋᑦ ᐊᒡᒐᑦᓯᓐᓄᑦ, ᐃᖅᑲᐅᒪᑦᔪᑎᒃᓴᐅᓗᑎᒡᓗ ᖃᐅᑦᓯᓐᓂ; ᐊᑕᓂᐅᑉ ᐱᖁᔭᖓᓂᒃ ᐳᐃᒍᖁᓇᓯ; ᐊᑕᓂᐅᑉ ᐱᔪᓐᓇᕐᓂᕐᔪᐊᖓᓄᑦ ᐄᑦᔨᑉᑎᒥᑦ ᐊᓂᑎᑕᐅᓚᐅᕋᑦᓯ.

ᒨᓯᓯ ᐂᑉᐸᖏᑦ 34:6

ᑕᕝᕙ ᐊᑕᓂᖅ ᒨᓯᓯᐅᑉ ᓵᖓᒎᕐᐳᖅ ᐅᖃᕐᓗᓂᓗ, “ᐅᕙᖓ ᐊᑕᓂᖅ, ᒎᑎᐅᕗᖓ ᓂᑲᒍᓱᒃᑐᖅ ᐱᑦᓯᐊᕐᓗᓂᓗ, ᓂᓐᖓᒃᓴᕅᖏᑦᑐᖅ, ᓇᒡᓕᒍᓱᖕᓂᕐᔪᐊᒥᓂᒃ ᓴᖅᑭᑎᑦᓯᔪᖅ ᓱᖁᓯᔪᐃᑦᑑᓪᓗᓂᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:9

ᓄᓇᕋᕐᓂᒃ ᑕᑯᒥᓇᕐᑐᓂᒃ ᓂᐊᖂᓯᕐᓯᓯᒪᔪᑎᑐᑦ ᑍᒤᒻᒪᑕ, ᓲᕐᓗ ᐅᔭᒦᓪᓘᓐᓃᑦ ᑕᑯᒥᓇᕐᑐᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:22

ᐱᐅᖏᑦᑐᓂᒃ ᐱᓂᐊᕈᒪᔪᑦ ᐊᔪᕐᑐᓕᓐᖏᓛᑦ? ᐱᐅᔪᓂᒃ ᐱᓂᐊᕈᒪᔪᑦ ᐃᑲᔪᕐᑎᒃᓴᕐᓯᕗᑦ ᑕᕝᕙᓃᖏᓐᓇᕐᓂᐊᕐᑐᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:6

ᑲᒪᑦᓯᐊᕐᓂᕐᒧᑦ ᓱᖁᓯᔪᐃᑦᑑᓂᕐᒧᓪᓗ ᐊᔪᕐᑐᓕᓃᑦ ᐃᓱᒪᒋᔪᓐᓁᕐᑕᐅᑦᔪᑎᒃᓴᖃᕐᐳᑦ, ᐊᑕᓂᕐᒥᒃ ᓯᕘᕋᓂᒃᑯᑦ ᐃᓄᒃ ᐱᐅᖏᑦᑐᓂᒃ ᓂᒍᐃᔪᓐᓇᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:28

ᑲᒪᑦᓯᐊᕐᓂᖅ ᓱᖁᓯᔪᐃᓐᓂᕐᓗ ᐊᖓᔪᖅᑳᕐᔪᐊᑉ ᐱᓯᒪᔭᐅᑦᔪᑎᒋᕔᑦ, ᐃᒃᓯᕙᐅᑕᕐᔪᐊᖓᓗ ᒪᑭᑕᑎᑕᐅᕗᖅ ᐃᓱᐊᕐᑐᓕᓂᕐᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:21

ᐆᒻᒪᑎᖕᓄᑦ ᕿᓚᒃᓱᕐᓯᒪᑦᓮᓐᓇᒃᑭᑦ, ᖁᖓᓯᕐᓂᓗ ᐅᔭᒥᒋᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 7:3

ᕿᑎᕐᓯᕐᒥᐅᑕᑎᑐᑦ ᐊᑎᓯᒪᒃᑭᑦ ᐊᒡᒐᖕᓂ, ᐆᒻᒪᑎᒃᑯᑦ ᑎᑎᕋᕐᓗᒋᑦ ᐅᔭᖅᑲᒧᑦ ᐃᑎᕐᓴᓕᐅᕈᑎᓯᒪᔪᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 17:1

“ᔫᑕᐅᑉ ᐊᔪᕐᓂᖏᑦ ᓴᕕᕋᔭᒃᑯᑦ ᑎᑎᕋᕐᓯᒪᕗᑦ; ᐊᓕᒎᔭᕐᑐᑦ ᓯᑎᑎᒋᔪᒧᑦ ᐃᑎᕐᓴᓕᐅᕈᑎᓯᒪᓪᓗᑎᒃ ᑎᑎᕋᕐᓯᒪᕗᑦ ᐆᒻᒪᑎᖏᓐᓂ, ᑐᓂᕐᕈᓯᕐᕕᖏᑕᓗ ᓇᒡᔪᖏᖕᓂ.

ᕼᐆᓯᐊᑉ ᐊᒡᓚᖏᑦ 4:1

ᐊᑕᓂᐅᑉ ᐅᖃᐅᓯᖓᓂᒃ ᑐᓴᕆᑦᓯ, ᐃᓴᕆᐊᓕᒥᐅᖑᔪᓯ: “ᐊᑕᓂᖅ ᓈᒻᒪᒃᓴᖏᒻᒪᑦ ᐃᓄᖕᓂᒃ ᑕᒫᓂ ᓄᓇᖃᕐᑐᓂᒃ. ᐅᒃᐱᕐᓇᕐᑐᖃᕈᓐᓃᕐᒪᑦ ᓂᑲᒍᓱᖕᓂᖃᕈᓐᓃᕐᓗᓂᓗ, ᖃᐅᔨᒪᔪᖃᕈᓐᓃᕐᓗᓂᓗ ᒎᑎᒥᒃ ᑕᒫᓂ ᓄᓇᒥ;

ᒪᓚᑬᑉ ᐊᒡᓚᖏᑦ 2:6

ᐱᖁᔧᑦ ᓱᓕᔪᑦ ᖃᓂᖓᓃᓚᐅᕐᐳᑦ, ᑕᒻᒪᕐᓂᕐᒥᒡᓗ ᖃᓂᖓᓂᑦ ᓇᓂᓯᕕᐅᓚᐅᓐᖏᓚᖅ. ᐱᓱᖃᑎᒋᓚᐅᕐᐹᖓ ᓮᒪᓇᕐᑐᒃᑯᑦ ᐃᓱᐊᕐᓂᒃᑯᓪᓗ, ᐅᓄᕐᑐᓂᒡᓗ ᐱᐅᖏᑦᑐᓕᓂᕐᒦᑦᑐᓂᒃ ᓴᖑᑎᑦᓯᓚᐅᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 23:23

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ, ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᑐᓂᓯᖃᑦᑕᕐᑐᓯ ᒎᑎᒧᑦ ᐊᒡᓛᑦ ᓂᖀᑦ ᒪᒪᕐᓴᐅᑎᖏᑕ ᑕᓪᓕᒪᐅᔪᖏᓐᓂᒃ, ᒪᑯᓂᖓ ᒥᓐᑏᑦ, ᑎᐅᓪᓗ, ᑯᒥᓃᓂᒡᓗ, ᐱᖁᔧᑦ ᐊᔪᕆᕐᑐᐃᑦᔪᑎᖏᑕ ᐱᔭᕆᐊᖃᕐᓂᕐᐹᖏᑦ ᓈᓚᒍᒪᓇᒋᑦ, ᒪᑯᐊ ᐊᑦᔨᒌᒃᑎᑦᓯᓂᖅ, ᓂᑲᒍᓱᖕᓂᕐᓗ, ᐅᒃᐱᕐᓂᕐᓗ; ᑕᒪᒃᑯᐊ ᑕᒪᑦᔭ ᐊᑐᕆᐊᖃᕐᑕᓯ, ᐊᓯᖏᑦ ᖁᔭᓈᖏᓪᓗᒋᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:3

ᓇᓗᓇᖏᑦᓯᐊᕐᑐᒥᒡᓗ ᙭ᔅᑑᓯᒥ ᑎᑎᖅᑲᐅᕗᓯ ᐱᓇᓱᐊᕐᓂᑦᑎᒍᑦ ᓴᖅᑭᑎᑕᐅᓯᒪᓪᓗᓯ, ᑎᑎᕋᐅᒻᒧᑦ ᑎᑎᕋᕐᓯᒪᓐᖏᓚᓯ; ᒎᑎᐅᓪᓕ ᐆᒪᔫᑉ ᐊᓂᕐᓂᖓᓄᑦ, ᐅᔭᖅᑲᑎᒍᑦ ᑎᑎᕋᕐᓯᒪᖏᑦᑐᑦ ᐃᓅᓪᓕ ᐆᒻᒪᑎᖓᒍᑦ ᑎᑎᕋᕐᓯᒪᔪᑦ.

ᐃᐱᓯᒥᐅᓄᑦ 5:9

ᖃᐅᒪᔫᑉ ᐱᕈᕐᑎᑕᖏᑦ ᐊᒥᒐᖏᒻᒪᑕ ᐱᑦᓯᐊᕐᓃᑦ ᖃᓄᐃᑦᑐᑐᐃᓐᓁᑦ ᓇᓛᒎᕐᓂᖅ, ᓱᓕᓂᕐᓗ.

ᒨᓯᓯ ᑕᓪᓕᒪᖏᑦ 6:8

ᐊᒡᒐᐅᑎᑦᓯᓐᓂ ᓇᓗᓁᒃᑯᑕᐅᓗᑎᒃ ᕿᓚᒃᓯᒪᔪᒃᓴᐅᕗᑦ ᖃᐅᕐᒥᐅᑕᕆᓗᒋᓪᓗ ᖃᐅᕈᑎᒧᑦ ᐃᓕᓯᒪᓗᒋᑦ ᐃᖅᑬᑦᔪᑎᒃᓴᐅᖁᓪᓗᒋᑦ.

ᐄᑉᕈᐃᓄᑦ 10:16

“ᑕᒪᑦᔭ ᐊᖏᖃᑎᒌᒍᑎᒋᔪᒫᕐᑕᕋ ᑖᒃᑯᓄᖓ ᐅᓪᓗᐃᑦ ᑕᒪᒃᑯᐊ ᑭᖑᕐᖓᑦᑎᒍᑦ, ᐊᑕᓂᖅ ᐅᖃᕐᐳᖅ: ᐱᖁᔭᒃᑲ ᐆᒻᒪᑎᖏᓐᓄᑦ ᐱᑎᑦᓱᒪᕙᒃᑲ, ᐃᓱᒪᖏᓐᓄᓪᓗ ᑎᑎᕋᕈᒪᓪᓗᒋᑦ.”