ᓲᓗᒨᓂᐅᑉ ᐅᖃᓪᓚᖕᓂᖏᑦ 29:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᓯᓚᖅᑲᑎᒥᓂᒃ ᓂᕐᑐᐃᓐᖑᐊᕐᑐᖅ ᐱᐅᒋᔭᐅᔪᒪᒧᑦ ᓄᓗᐊᓂᒃ ᓂᖏᑎᑦᓯᕗᖅ ᐃᑎᒐᖕᒥᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:5 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 17:5

ᐊᖑᑦ ᐱᖃᓐᓇᕆᔭᒥᓂᒃ ᐱᔭᐅᒃᑬᒃᐸᑦ ᑮᓇᐅᔭᕐᑖᕈᒪᓂᕐᒧᑦ, ᑕᕝᕙ ᕿᑐᕐᖓᖏᑕ ᑕᒪᓐᓇ ᐅᖁᒤᒃᓴᐅᑎᒋᓕᕐᓂᐊᕐᐹᑦ.

ᐃᓐᖏᕈᑎᑦ 12:2

ᓱᓕᖏᑦᑐᓂᒃ ᐅᖃᐅᓯᖃᕐᐳᑦ ᐃᓅᖃᑎᒥᖕᓄᑦ; ᖃᓂᕐᒥᖕᓄᑦ ᐱᐅᔪᕆᔪᒧᑦ, ᐆᒪᒻᒧᓪᓗ ᑕᒃᑯᕐᒨᕐᑐᒧᑦ ᓂᓪᓕᐊᕗᑦ.

ᐃᓐᖏᕈᑎᑦ 36:2

ᓇᖕᒥᓂᖅ ᑕᐅᑐᒃᑕᒥᒍᑦ ᐃᒻᒥᖕᓂᒃ ᐱᐅᔪᐊᓘᑎᓐᓇᓱᐊᕐᐳᑦ ᑍᒤᓕᐅᕐᓂᕐᒧᑦ ᐊᔪᕐᓂᕐᒥᒃ ᖃᐅᔨᓐᖏᓚᑦ ᐱᑦᑍᓕᓇᑎᒡᓗ.

ᐃᓐᖏᕈᑎᑦ 5:9

ᖃᓂᖏᓐᓂ ᑲᔪᓯᓂᕐᑕᖃᓐᖏᓚᖅ; ᐃᓗᖏᓐᓂ ᓯᖁᒥᑦᓯᓂᕐᒥ ᐱᑕᖃᕐᐳᖅ, ᑐᖅᑯᔮᖏᑦ ᐃᓗᕕᕐᑎᑐᑦ ᐊᖕᒪᕐᓯᒪᔪᑎᑐᑦ ᑍᒤᑉᐳᑦ; ᐅᖃᕐᒥᖕᓄᓪᓗ ᐅᐃᕕᕆᒃᓯᓇᓱᐊᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:17

ᓈᒻᒪᖏᒻᒪᑦ ᓄᓗᑦᔨᕐᓗᓂ ᑎᖕᒥᐊᕋᓱᒃᑕᑦ ᑕᑯᓐᓇᕐᑎᓪᓗᒍ ᓄᓗᐊᓂᒃ ᐋᖅᑭᒐᓱᒃᑕᕐᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:19

ᑎᕝᕕᐊᕐᑍᓂᕐᓂᒃ ᐅᖃᐅᓯᖃᕐᐸᒃᑐᑦ ᖃᐅᔨᔭᐅᔭᕆᐊᖃᖏᑦᑐᓂᒃ ᓴᖅᑭᑎᕆᕗᖅ; ᑍᒤᒻᒪᑦ ᓯᓔᑦᑐᓂᒃ ᐅᖃᐅᑎᒃᓴᕋᔪᒃᑐᑦ ᐃᓚᒋᑦᑍᓕᒃᑭᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 26:28

ᐅᖃᖅ ᓴᒡᓗᔪᖅ ᓵᓚᐅᓂᕐᒥᒃ ᐆᒥᓱᒃᐳᖅ, ᖃᓂᕐᓗ ᓄᖅᑲᔪᐃᑦᑐᖅ ᓯᖁᒥᒍᑎᒃᓴᒥᓂᒃ ᓴᓇᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:23

ᐊᖑᑦ ᐃᓂᕐᑎᕆᔪᖅ ᑭᖑᕐᖓᒍᑦ ᖁᕕᐊᒋᔭᐅᓕᕈᓐᓇᕐᓂᕐᓴᐅᕗᖅ ᑖᑦᓱᒪᓐᖓᑦ ᖃᓂᑐᐃᓐᓇᕐᒥᒍᖅ ᓂᕐᑐᕐᓇᕐᓯᑎᑦᓯᔪᒥᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 7:21

ᐱᔪᒥᓇᕐᓴᕐᓂᕐᒥᓄᑦ ᐅᐃᕕᕐᕆᕚ ᐅᖃᐅᓯᖏᓐᓄᓪᓗ ᓵᓚᐅᕗᖅ; ᐅᖃᐅᓯᑦᓯᐊᕙᖕᒥᓄᑦ ᐊᖏᕐᑎᑉᐹ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 7:5

ᓴᐳᑦᔨᔨᒋᓂᐊᕋᕕᒋᑦ ᐊᕐᓇᓂᑦ ᐅᐃᓕᖕᓂᑦ, ᓴᐳᑦᔨᔨᒋᓗᒋᑦ ᐊᕐᓇᐅᑉ ᐅᖃᐅᓯᕐᒥᒍᑦ ᐱᔪᒥᓇᕐᓴᕋᓲᑎᖏᓐᓂᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:13

ᖁᑦᓯᒃᑐᒥᑦ ᐃᑯᒪᒥᒃ ᑎᑭᑎᑦᓯᕗᖅ ᐃᑯᐊᓚᔪᒥᒃ, ᓴᐅᓂᒃᑲ ᑎᑭᓪᓗᒋᑦ, ᒎᑎ ᓂᒐᕐᕕᒃᓴᓂᒃ ᐋᖅᑭᒃᓯᕗᖅ, ᓂᒐᕋᒪᓗ ᐅᑎᕆᐊᕐᑎᑉᐹᖓ, ᓱᓁᕈᑎᓪᓗᓂᖓ ᓄᑭᖃᕈᓐᓁᕐᑎᑉᐹᖓ ᐅᓪᓗᓕᒫᖅ.

ᕼᐆᓯᐊᑉ ᐊᒡᓚᖏᑦ 5:1

“ᐅᓇ ᓈᓚᒃᓯᐅᒃ, ᑐᓂᕐᕈᓯᕐᑎᑦᓯᔨᐅᔪᓯ! ᓈᓚᑦᓯᐊᓚᐅᕆᑦᓯ, ᐃᓴᕆᐊᓕᒥᐅᑦ ᑭᖑᕚᖏᑦ! ᓈᓚᒋᑦᓯ, ᐊᖓᔪᖅᑳᕐᔪᐊᑉ ᑭᖑᕚᖏᑦ! ᐋᖅᑭᒃᓱᐃᔨᐅᔪᒃᓴᐅᓪᓗᓯ ᐊᑦᔨᒌᒃᑎᑦᓯᓂᕐᒧᑦ ᐱᔭᒃᓴᖃᕋᓗᐊᕐᐳᓯ; ᒥᑭᒋᐊᖑᓕᕐᐳᓯᓕ ᒥᔅᐸᒥ, ᓄᓗᐊᑐᑦ ᐃᓯᕕᓯᒪᔪᑎᑐᑦ ᖃᖅᑲᒥ ᑍᐸᕆᒥ.

ᕉᒪᒥᐅᓄᑦ 16:18

ᑍᒤᑦᑐᑦ ᐊᑕᓂᑦᑎᓐᓂᒃ ᙭ᔅᑑᓯᒥᒃ ᑭᒡᒐᕐᑐᖏᒻᒪᑕ, ᓈᒻᒪᒃᓯᑎᑦᓯᓇᓱᑐᐃᓐᓇᕐᒪᑕ ᐱᔪᒪᓂᕐᒥᖕᓂᒃ ᐱᑦᔪᑎᑐᐊᖃᕐᓗᑎᒃ, ᐅᖃᐅᓯᕐᒥᖕᓄᑦ ᐅᖃᓪᓚᒃᑲᐅᓂᕐᒥᖕᓄᓪᓗ ᓯᓔᕐᕆᒃᓯᕙᒃᐳᑦ ᐃᓄᖕᓂᒃ ᐸᓯᔭᒃᓴᐅᖏᑦᑐᓂᒃ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:5

ᐃᓕᑦᓯ ᖃᐅᔨᒪᑦᓯᐊᕐᐳᓯ ᓮᒻᒪᕐᓮᓐᖑᐊᑐᐃᓐᓇᕐᑐᓂᒃ ᐅᖃᐅᓯᖃᓚᐅᖏᓐᓇᑦᑕ, ᐱᖁᑎᓐᓂᐊᕈᒪᑐᐃᓐᓇᕐᓂᕐᒧᓪᓗ ᐅᖃᐅᓯᖃᓚᐅᖏᓐᓂᕗᒍᑦ, ᒎᑎᐅᑉ ᖃᐅᔨᒪᕚᑎᒍᑦ;

ᓴᒧᐃᓕ ᓯᕗᓪᓖᑦ 18:23

ᓴᐅᓕᐅᓪᓗ ᐱᔨᖏᑦ ᑍᒫᒃ ᑍᕕᑎᒧᑦ ᐅᖃᓚᐅᕐᐳᑦ. ᑍᕕᑎᐅᓪᓗ ᑭᐅᕔᑦ, “ᐅᖅᑭᑦᑑᓇᓱᒋᕕᓯᐅᒃ ᐊᖓᔪᖅᑳᕐᔪᐊᕐᒧᑦ ᓂᖓᐅᑖᕆᔭᐅᓗᓂ, ᑕᑯᒋᑦ ᐊᔪᕐᓴᕐᑑᔪᖓ ᐅᐱᓐᓇᕐᑑᓇᖓᓗ.”