ᓲᓗᒨᓂᐅᑉ ᐅᖃᓪᓚᖕᓂᖏᑦ 29:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐊᖓᔪᖅᑳᕐᔪᐊᖅ ᐊᑦᔨᒌᒃᑎᑦᓯᓂᒃᑯᑦ ᓄᓇᓕᖕᒥᒃ ᐋᖅᑭᒃᓱᐃᕗᖅ, ᐊᑭᓕᕐᑕᐅᓂᑐᐃᓐᓇᒃᑯᓪᓕ ᐱᓇᓱᐊᑐᖅ ᓄᓇᓕᖕᒥᒃ ᐊᓯᕈᐃᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:4 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 8:15

ᑕᕝᕙ ᑍᕕᑎ ᐊᐅᓚᑦᓯᓕᓚᐅᕐᐳᖅ ᐃᓴᕆᐊᓕᓕᒫᒥᒃ; ᐃᓄᓕᒫᖏᓪᓗ ᑲᒪᒋᔭᐅᑦᓯᐊᕐᑎᓚᐅᕐᐰᑦ ᐱᑦᓯᐊᕐᑕᐅᑎᓪᓗᒋᓪᓗ.

ᐊᑕᓃᑦ ᓯᕗᓪᓖᑦ 2:12

ᓲᓗᒨᓂᐅᑉ ᐊᑖᑕᓂ ᑍᕕᑎ ᐃᓇᖏᕐᐹ ᐊᖓᔪᖅᑳᕐᔪᐊᓐᖑᕐᓗᓂ, ᐊᖓᔪᖅᑳᕐᔪᐊᖑᓂᖓᑕᓗ ᐱᔪᓐᓇᕐᓂᖓ ᑲᔪᓯᑦᓯᐊᓕᕐᓗᓂ.

ᑯᕉᓂᑲ ᐂᑉᐸᖏᑦ 9:8

ᓂᕐᑐᕐᑕᐅᓕ ᐊᑕᓂᖅ ᒎᑏᑦ, ᐃᓕᖕᓂᒃ ᖁᕕᐊᒋᔭᓕᒃ ᐊᖓᔪᖅᑳᕐᔪᐊᕈᕐᑎᑦᓯᔪᕐᓗ ᐃᒃᓯᕙᐅᑕᕐᔪᐊᕐᒥ ᐊᑕᓂᕐᒧᑦ ᒎᑎᒋᔭᕐᓄᑦ! ᒎᑎᕕᑦ ᐃᓴᕆᐊᓕᒥᐅᑦ ᓇᒡᓕᒋᖕᒪᒋᑦ ᐃᓱᖃᖏᑦᑐᒧᓪᓗ ᐃᓂᖃᖁᓪᓗᓂᒋᑦ, ᑖᒃᑯᓄᖓ ᐊᖓᔪᖅᑳᕐᔪᐊᕈᕐᑎᓚᐅᕐᐹᑎᑦ, ᓈᒻᒪᓈᕐᑐᒥᒃ ᐃᓱᐊᕐᑐᒥᒡᓗ ᐱᓇᓱᐊᖁᓪᓗᑎᑦ ᑖᒃᑯᓄᖓ.”

ᔫᐱᐅᑉ ᐊᒡᓚᖏᑦ 11:6

ᑖᑦᓱᒪ ᐅᖃᐅᑎᔪᓐᓇᕋᔭᕐᒪᑎᑦ ᓯᓚᑐᓂᖓᑕ ᐃᔨᕐᓯᒪᔭᖏᓐᓂᒃ! ᐃᓚᖏᑦ ᐃᓄᑐᐃᓐᓇᕐᒧᑦ ᑐᑭᓯᔭᐅᔭᕆᐊᖏᑦ ᐃᑎᓗᐊᕐᒪᑕ. ᒎᑎᐅᓪᓕ ᓱᒋᐊᕐᓯᒪᕚᑎᑦ ᓱᒋᐊᕐᑕᐅᔭᕆᐊᖃᕐᓂᕐᐱᑦ ᒥᒃᓯᑦᑎᓐᓃᑦᑐᒧᑦ.

ᐃᓐᖏᕈᑎᑦ 89:14

ᐃᓱᐊᕐᑐᓕᓂᖅ ᐋᖅᑭᒃᓱᐃᑦᓯᐊᕐᓂᕐᓗ ᐊᖓᔪᖅᑳᕐᔪᐊᖑᓂᕐᐱᑦ ᑐᓐᖓᕕᒋᕚᒃ; ᓇᒡᓕᖕᓂᖅ ᓱᖁᓯᔪᐃᓐᓂᕐᓗ ᐃᕝᕕᑦ ᓵᖓᓃᑉᐴᒃ.

ᐃᓐᖏᕈᑎᑦ 99:4

ᐊᖓᔪᖅᑳᕐᔪᐊᖅ ᐊᔪᖏᑦᑐᕐᔪᐊᖑᔪᑎᑦ ᓇᒡᓕᒋᔭᖃᕐᐳᑎᑦ ᓈᒻᒪᓈᕐᓯᒪᔪᒥᒃ; ᐋᖅᑭᒃᓯᓯᒪᕗᑎᑦ ᑍᒤᓪᓘᐊᕇᒃᑎᑦᓯᓂᕐᒥᒃ; ᓈᒻᒪᓈᕐᓯᒪᔪᒥᒃ ᐃᓱᐊᕐᑐᓕᓂᕐᒥᒡᓗ ᐋᖅᑭᒃᓯᕗᑎᑦ ᔧᑯᒃᑯᓐᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:34

ᓇᓛᒎᕐᓂᖅ ᐊᖏᓕᑎᕆᕗᖅ ᐃᓅᖃᑎᒌᒡᔪᐊᓂᒃ, ᐊᔪᕐᓂᕐᓕ ᓈᒻᒪᒋᔭᐅᔪᓐᓃᕐᑎᑦᓯᕗᖅ ᑭᓇᒃᑯᑐᐃᓐᓇᑦᓯᐊᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:10

ᐊᖓᔪᖅᑳᕐᔪᐊᖅ ᖃᐅᔨᑎᑕᐅᓂᕐᒥᒍᑦ ᐅᖃᕐᐸᒃᐳᖅ, ᐃᖅᑲᕐᑐᐃᓕᕈᓂ ᐅᖃᐅᓯᕐᒥᒍᑦ ᐊᔪᕐᑐᓕᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:12

ᓇᕐᕈᓇᕐᑐᕐᔪᐊᖑᕗᖅ ᐊᖓᔪᖅᑳᕐᔪᐊᖅ ᐱᐅᖏᑦᑐᓕᒃᐸᑦ, ᐃᒃᓯᕙᐅᑕᕐᔪᐊᖓ ᐋᖅᑭᒃᑕᐅᓯᒪᖕᒪᑦ ᐃᓱᐊᕐᑐᓕᓂᕐᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:8

ᐊᖓᔪᖅᑳᕐᔪᐊᖅ ᐃᒃᓯᕙᐅᑕᕐᔪᐊᒥᓂ ᐃᖅᑲᕐᑐᐃᓕᕈᓂ, ᐱᐅᖏᑦᑐᓕᓃᑦ ᓴᓃᔭᕐᐰᑦ ᑕᑯᓐᓇᕐᑕᒥᒍᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:14

ᐊᖓᔪᖅᑳᕐᔪᐊᖅ ᐊᑦᔨᒌᒃᑐᒥᒃ ᐊᔪᕐᓴᕐᑐᓂᒃ ᐃᖅᑲᕐᑐᐃᒃᐸᑦ, ᑖᑦᓱᒪ ᐃᒃᓯᕙᐅᑕᕐᔪᐊᖓ ᐃᓱᖃᖏᑦᑐᒧᑦ ᐃᓕᖓᔪᒫᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:15

ᐅᕙᒃᑯᑦ ᐊᖓᔪᖅᑳᕐᔪᐊᑦ ᐊᐅᓚᑦᓯᕙᒃᐳᑦ, ᐱᖁᔭᓕᐅᕈᓐᓇᕐᐸᒃᓗᑎᒡᓗ ᓈᒻᒪᓈᑦᓯᐊᕐᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 49:8

ᐊᑕᓂᖅ ᐃᒫᒃ ᐅᖃᕐᐳᖅ: “ᓇᓪᓕᐅᑦᑐᖅ ᓈᒻᒪᓈᑦᓯᐊᓕᕐᑎᓪᓗᒍ ᑐᓴᐅᓚᐅᕐᐸᒋᑦ, ᐅᓪᓗᕐᓗ ᐱᐅᓕᔭᐅᕕᒃᓴᖅ ᓇᓪᓕᐅᑎᑎᓪᓗᒍ ᐃᑲᔪᓚᐅᕐᐸᒋᑦ; ᐱᓯᒪᓚᐅᕐᐸᒋᑦ ᓴᐳᑎᓯᒪᓪᓗᑎᓪᓗ ᐃᓄᖁᑎᓐᓄᑦ ᐊᖏᖃᑎᒌᒍᑕᐅᑎᓚᐅᕐᐸᒋᑦ, ᓄᓇᕐᔪᐊᖅ ᐃᓂᒥᓄᑦ ᐅᑎᕐᑎᑕᐅᖁᓪᓗᒍ, ᓄᓁᓪᓗ ᑭᖑᕐᖑᑎᔭᐅᔪᒃᓴᑦ ᓯᖁᑦᑎᕐᓯᒪᓕᕐᑐᑦ ᐃᓄᖏᓐᓄᑦ ᓄᓇᑖᕆᔭᐅᔪᓐᓇᕐᓯᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 9:7

ᐊᖓᔪᖅᑳᖑᓂᖓᓗ ᐱᕈᕐᐸᓪᓕᐊᖏᓐᓇᕈᒫᕐᐳᖅ; ᖃᓄᐃᖏᑦᓯᐊᕐᓇᕐᑐᖅ ᐃᓱᖃᕈᒫᓐᖏᓚᖅ. ᑍᕕᑎᐅᑉ ᐃᒃᓯᕙᐅᑕᕐᔪᐊᖓᓂ, ᐊᖓᔪᖅᑳᕐᔪᐊᖑᕕᖓᓂᓗ, ᐃᓂᑖᕐᑎᓪᓗᒍ ᑲᔪᓯᑎᓪᓗᒍᓗ ᓈᒻᒪᓈᑦᓯᐊᕐᓂᕐᒥᒃ, ᐃᓱᐊᕐᓂᕐᒥᒡᓗ, ᒫᓐᓇᒥᑦ ᐱᒋᐊᕐᓗᓂ ᐃᓱᖃᖏᑦᑐᒧᓪᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐃᓗᖏᕐᑐᕐᓂᖓ ᑕᒪᑐᒥᖓ ᓇᖕᒥᓂᖅ ᐱᓇᓱᐊᕈᒪᖕᒪᑦ.

ᑖᓂᐊᓕᐅᑉ ᐊᒡᓚᖏᑦ 11:20

“ᑭᖑᕝᕕᕐᑎᖓ ᑎᓕᓯᔪᒫᕐᐳᖅ ᐃᓄᐃᑦ ᑖᒃᓰᔭᕐᑎᓪᓗᒋᑦ, ᐊᖓᔪᖅᑲᐅᕕᖓᑕ ᑕᑯᒥᓇᕐᓂᐊᓗᐊᓄᑦ ᐊᑐᕐᑕᐅᓂᐊᕐᑐᓂᒃ, ᐊᑯᓂᐅᖏᑦᑐᕐᓕ ᑖᓐᓇ ᑐᖁᑕᐅᔪᒫᕐᐳᖅ, ᓂᓐᖓᐅᒪᓂᒃᑰᖏᑦᑐᖅ ᐅᓇᑕᕐᓂᒃᑰᖏᑦᑐᕐᓘᓐᓃᑦ.”

ᒤᑲᐅᑉ ᐊᒡᓚᖏᑦ 7:3

ᐱᓇᓱᐊᕐᐳᑦ ᐱᐅᖏᑦᑐᓂᒃ ᐊᒡᒐᒥᖕᓄᑦ; ᐊᐅᓚᑦᓯᔨᐅᔪᑦ ᑐᓐᓂᕐᓴᕐᑕᐅᔪᒪᑐᐃᓐᓇᕐᐳᑦ, ᐃᖅᑲᕐᑐᐃᔩᓪᓗ ᐱᓕᕆᖃᑦᑕᕐᐳᑦ ᐊᑭᓕᕐᑕᐅᓂᒃᑯᑦ ᐃᓅᑉ ᐱᔪᒪᔭᖓᓂᒃ, ᐱᔪᓐᓇᕐᓂᓖᑦ ᐱᔪᒪᔭᑎᒃ ᐊᖓᔪᖅᑲᐅᓯᕈᑎᒋᕔᑦ; ᑲᑐᑦᔨᓪᓗᑎᒡᓗ ᓯᓔᕐᕆᒃᓯᕗᑦ.

ᓴᒧᐃᓕ ᓯᕗᓪᓖᑦ 13:13

ᓴᒧᐃᓕ ᐅᖃᕐᐳᖅ ᓴᐅᓕᒧᑦ, “ᓯᓔᑦᑐᐊᓗᖕᒥᒃ ᐱᓇᓱᐊᓚᐅᕐᐳᑎᑦ; ᐊᑕᓂᐅᑉ ᒎᑎᕕᑦ ᐱᖁᔭᖏᓐᓂᒃ ᓈᓚᓚᐅᖏᓐᓇᕕᑦ, ᐃᓕᖕᓄᑦ ᐱᖁᔨᑦᔪᑎᒋᓚᐅᕐᑕᖏᓐᓂᒃ; ᐊᑕᓂᐅᑉ ᐋᖅᑭᒃᓱᕋᔭᓚᐅᕐᐹ ᐊᖓᔪᖅᑲᐅᕖᑦ ᐃᓴᕆᐊᓕᒥᐅᓂᒃ ᐃᓱᖃᖏᑦᑐᒧᑦ.