ᓲᓗᒨᓂᐅᑉ ᐅᖃᓪᓚᖕᓂᖏᑦ 29:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᓇᓪᓕᐊᑦ ᐋᖅᑭᒋᐊᕐᑕᐅᖃᑦᑕᕐᑐᖅ, ᓯᑎᓇᓱᐊᕈᓂ, ᑕᕝᕔᓐᓇᖅ ᐊᓯᕈᕐᑕᐅᔪᒫᕐᐳᖅ ᐋᖅᑭᒋᐊᕐᑕᐅᕕᖃᕈᓐᓃᕐᓗᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:1 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 17:1

ᐃᓔᑦᔭ ᑎᓯᐰᑎᒥᐅᑕᖅ, ᒋᓕᐊᑏᑦ ᓄᓇᖓᓂᑦ, ᐅᖃᕐᐳᖅ ᐂᕼᐊᑉᒧᑦ, “ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓ ᐃᓅᖕᒪᑦ, ᑖᑦᓱᒪ ᓵᖓᓂ ᓇᖏᕐᐳᖓ, ᐂᔪᖓᓇᕐᑐᖃᕐᓂᐊᓐᖏᓚᖅ ᓯᓚᓗᖃᕐᓂᐊᕈᓐᓃᕐᓗᓂᓗ ᐊᕐᕌᒍᓂ ᑖᒃᑯᓇᓂ, ᐱᖁᔨᓕᕐᓗᖓ ᐅᖃᓚᐅᖏᓐᓂᓐᓂ.”

ᐊᑕᓃᑦ ᓯᕗᓪᓖᑦ 18:18

ᐃᓔᑦᔭ ᑭᐅᕗᖅ, “ᐃᓴᕆᐊᓕᒥᐅᑦ ᓈᒻᒪᖏᓕᐅᕐᑎᓐᖏᓚᒃᑲ; ᐃᕝᕕᖔᖅ, ᐊᑖᑍᓪᓗ ᓈᒻᒪᖏᓕᐅᕐᑎᑦᓯᕗᓯᒃ, ᐊᑕᓂᐅᑉ ᐱᖁᔭᖏᓐᓂᒃ ᕿᒤᓚᐅᕋᑦᓯᒃ ᒪᓕᓕᕐᓗᓯᒡᓗ ᐰᓕᓂᒃ.

ᐊᑕᓃᑦ ᓯᕗᓪᓖᑦ 20:42

ᐅᖃᐅᑎᓕᕐᓗᒍᓗ, “ᐊᑕᓂᖅ ᐃᒫᒃ ᐅᖃᕐᐳᖅ, ‘ᐊᖑᒻᒥᒃ ᑐᖁᑕᐅᖁᓚᐅᕐᑕᓐᓂᒃ ᑐᖁᑦᓯᖏᓪᓗᑎᑦ ᐊᐅᓪᓚᕐᑎᑦᓯᓚᐅᕋᕕᑦ, ᑍᒤᒻᒪ ᐃᓅᓯᑦ ᐃᓅᓯᖓᓄᑦ ᐃᓇᖏᐅᑎᔪᒃᓴᐅᕗᖅ, ᐃᓄᖁᑎᖏᓪᓗ ᐃᓄᖁᑎᖕᓄᑦ.’”

ᐊᑕᓃᑦ ᓯᕗᓪᓖᑦ 22:28

ᒤᑬᐊᓕ ᐅᖃᕐᐳᖅ, “ᐅᑎᕋᔭᕈᕕᑦ ᖃᓄᐃᖏᑦᓯᐊᕐᓗᑎᑦ, ᐊᑕᓂᖅ ᑕᕝᕙ ᐅᕙᒃᑯᑦ ᐅᖃᓪᓚᒃᑐᕕᓂᐅᒐᔭᓐᖏᓚᖅ.” ᐅᖃᕐᐳᕐᓗ, “ᑐᓴᑦᓯᐊᕆᑦᓯ, ᑕᒪᑦᓯ ᐅᖃᐅᓯᓐᓂᒃ.”

ᑯᕉᓂᑲ ᐂᑉᐸᖏᑦ 25:16

ᓱᓕ ᐅᖃᓪᓚᒃᑎᓪᓗᒍ ᐊᖓᔪᖅᑳᕐᔪᐊᑉ ᐅᖃᐅᑎᕚ, “ᐊᖓᔪᖅᑳᕐᔪᐊᒨᑦ ᐅᖃᐅᑦᔨᒋᐊᕐᑎᓐᖑᕐᑎᓚᐅᕐᐱᒌᑦ? ᓄᖅᑲᓕᕆ! ᓱᖕᒪᑦ ᑐᖁᑕᐅᔪᒃᓴᐅᕖᑦ?” ᑕᕝᕙ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᓄᖅᑲᕐᐳᖅ, ᐅᖃᕐᓗᓂᓗ, “ᒫᓐᓇ ᖃᐅᔨᕗᖓ ᒎᑎᐅᑉ ᐊᓯᕈᕐᓂᐊᓕᕐᒪᑎᑦ, ᑍᒫᒃ ᐱᓇᓱᐊᕐᓃᑦ ᐱᓪᓗᒍ ᐅᖃᐅᓯᓐᓂᒃ ᓈᓚᓚᐅᖏᓐᓇᕕᑦ.”

ᑯᕉᓂᑲ ᐂᑉᐸᖏᑦ 33:10

ᐊᑕᓂᖅ ᐅᖃᓚᐅᕐᐳᖅ ᒫᓇᓯᒧᑦ ᐃᓄᖁᑎᖏᓐᓄᓪᓗ, ᑖᒃᑯᐊᓕ ᓈᓚᓚᐅᓐᖏᓚᑦ.

ᑯᕉᓂᑲ ᐂᑉᐸᖏᑦ 36:13

ᑖᓐᓇᑦᑕᐅᖅ ᐊᑭᕋᕐᑐᓕᓚᐅᕐᐳᖅ ᐊᖓᔪᖅᑳᕐᔪᐊᒥᒃ ᓂᐱᑯᓁᓴᒥᒃ, ᑖᑦᓱᒪ ᐊᖏᒻᒪᕆᒃᑎᓗᓂᐅᒃ ᐅᖃᕕᒃᑎᓚᐅᕐᑎᓪᓗᓂᐅᒃ ᒎᑎᒃᑯᑦ ᓈᓚᑦᓯᐊᕐᓂᐊᕐᓂᕋᕐᓗᓂ; ᐃᒻᒥᓂᒃ ᐅᓗᕆᐊᑦᑍᑦᑑᑎᓪᓗᓂ ᐆᒻᒪᑎᓂ ᓯᑎᔪᕈᕐᑎᓪᓗᒍ ᓵᑦᑐᒪᓚᐅᓐᖏᓚᖅ ᐊᑕᓂᕐᒧᑦ, ᐃᓴᕆᐊᓕᒥᐅᑦ ᒎᑎᖓᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 9:29

ᐃᓂᕐᑎᓚᐅᕐᐸᑎᓪᓗ ᓈᓚᑦᓯᐊᖁᓪᓗᒋᑦ ᐃᓕᓐᓂᐊᕐᑎᑦᓯᒍᑎᖕᓂᒃ, ᑭᓯᐊᓂᓕ ᐱᐅᔪᕆᓂᕐᒥᖕᓄᑦ ᓈᓚᒍᒪᓚᐅᓐᖏᓚᑦ ᐱᖁᔭᕐᓂᒃ, ᐱᖁᔭᕐᓂᒃ ᒪᓕᖕᓂᒃ ᐃᓅᓯᐅᒐᓗᐊᕐᑎᓪᓗᒍ, ᑭᓯᐊᓂᓕ ᓯᑎᔫᓚᐅᕐᐳᑦ ᐊᐅᓚᑕᒃᓴᐅᓇᑎᒃ ᓈᓚᒍᒪᓇᑎᒡᓗ.

ᔫᐱᐅᑉ ᐊᒡᓚᖏᑦ 9:4

ᒎᑎ ᓯᓚᑐᔪᕐᔪᐊᖑᖕᒪᑦ ᐊᔪᖏᑦᑐᕐᔪᐊᖑᓪᓗᓂᓗ ᓇᓪᓕᐊᓐᓄᓪᓘᓐᓃᑦ ᐊᑭᕋᕐᑐᕐᑕᐅᔪᓐᓇᓐᖏᓚᖅ.

ᒨᓯᓯ ᐂᑉᐸᖏᑦ 9:7

ᐰᕉᓗ ᑕᑯᔭᕐᑐᖁᔨᕗᖅ ᐃᓴᕆᐊᓕᒥᐅᑦ ᐆᒪᔪᖁᑎᖏᓐᓂᒃ, ᑕᑯᒋᓪᓗ ᐃᓴᕆᐊᓕᒥᐅᑦ ᐆᒪᔪᖁᑎᖏᓐᓂᒃ ᐊᑕᐅᓯᕐᒥᒡᓘᓐᓃᑦ ᑐᖁᔪᖃᓚᐅᓐᖏᓚᖅ. ᑭᓯᐊᓂᓕ ᓱᓕ ᐰᕉᑉ ᐆᒻᒪᑎᖓ ᓯᑎᔫᓚᐅᕐᐳᖅ, ᐃᓄᐃᓪᓗ ᐊᐅᓪᓚᖁᓚᐅᓐᖏᓔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:14

ᖁᕕᐊᓱᑦᓮᓐᓇᕐᐳᖅ ᐊᖑᑦ ᐊᑕᓂᕐᒥᒃ ᓯᕘᕋᔪᖅ, ᑖᓐᓇᓕ ᐆᒻᒪᑎᒥᓂᒃ ᓯᑎᑎᑦᓯᔪᖅ ᑲᑕᒍᒫᕐᐳᖅ ᐱᕐᕈᓗᐊᕿᓂᕐᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:18

ᐸᓯᔭᒃᓴᐅᖏᓪᓗᓂ ᐃᓅᔪᖅ ᓴᐳᑎᔭᐅᔪᒫᕐᐳᖅ, ᐱᐅᖏᓐᓂᕐᒥᒡᓕ ᐃᓅᔪᖅ ᑲᑕᒃᑎᑕᐅᔪᒫᕐᐳᖅ ᐃᑎᕐᓴᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:28

ᐱᐅᖏᑦᑐᖅ ᒪᑭᑐᐊᕐᒪᑦ, ᐊᖑᑏᑦ ᐃᔨᕐᐳᑦ, ᑐᖁᑐᐊᕐᒪᑕᓕ, ᐃᓱᐊᕐᑐᑦ ᐅᓄᕐᓯᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:15

ᐊᓯᕈᕐᑕᐅᓇᕐᑐᒧᑦ ᑎᑭᐅᑎᑲᓪᓚᒍᒫᕐᐳᖅ ᓂᕆᐅᕕᒋᓐᖏᑕᒥᒍᑦ, ᐋᓐᓂᕐᓇᕐᑐᒧᑦ ᓯᖁᑦᑎᕈᒫᕐᐳᖅ ᐋᖅᑭᒃᑕᐅᕕᒃᓴᖃᖏᑦᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 28:22

ᒫᓐᓇ ᑍᒤᒻᒪᑦ ᒥᑕᐅᑎᒃᓴᕈᓐᓃᕆᑦᓯ, ᐲᕈᓐᓇᖏᓐᓂᕐᓴᓄᑦ ᕿᓚᒃᑕᐅᖁᓇᓯ; ᑐᓴᓚᐅᕋᒪ ᐃᓱᒪᓕᐅᕇᕐᓯᒪᔪᒥᒃ ᐊᓯᕈᐃᔪᒪᓂᕐᒧᑦ ᐊᑕᓂᕐᒥᑦ ᕿᓚᖕᒥᐅᒐᓴᒡᔪᐃᑦ ᒎᑎᖓᓐᓂᒃ ᓄᓇᕐᔪᐊᓕᒫᖅ ᐱᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 48:4

ᖃᐅᔨᒪᒐᒪ ᓯᑎᔫᒐᑦᓯ, ᖁᖓᓯᓯᓗ ᓄᑭᖏᑦ ᓴᕕᕋᔭᐅᓪᓗᑎᒃ, ᖃᐅᓯᓗ ᑲᓐᓄᔭᐅᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 14:19

ᔫᑕᒥᐅᑦ ᓇᕐᕈᒋᓪᓚᕆᓕᕐᐱᒌᑦ? ᓮᐅᓂᓗ ᑕᕐᓂᕐᐱᑦ ᐆᒥᒋᓕᕐᐸᐅᒃ? ᓱᖕᒪᓪᓕ ᐋᓐᓂᕐᑕᐅᑎᑉᐱᑎᒎᑦ? ᐋᖅᑭᒃᑕᐅᔪᓐᓇᖏᑦᑐᒥᒃ? ᖃᓄᐃᓐᓇᖏᑦᑐᒥᒃ ᕿᓂᕋᓗᐊᕐᐳᒍᑦ ᐱᐅᖏᑦᑐᒧᓪᓕ ᑎᑭᑎᑕᐅᕗᒍᑦ; ᐋᖅᑭᒃᑕᐅᓂᕐᒥᒃ ᓂᕆᐅᒃᑲᓗᐊᕐᐳᒍᑦ ᑕᑯᒋᓪᓕ ᑲᑉᐱᐊᓇᕐᑐᖔᓄᑦ ᑎᑭᑎᑕᐅᕗᒍᑦ.

ᔨᕆᒤᐊᐅᑉ ᐊᒡᓚᖏᑦ 17:23

ᑖᒃᑯᐊᓕ ᓈᓚᓚᐅᓐᖏᓚᑦ ᑐᓴᓚᐅᓐᖏᓚᓪᓗ, ᓯᑎᔫᒐᓱᓚᐅᕐᐳᓪᓕ ᓈᓚᒍᒪᓇᑎᒡᓗ ᐅᖃᐅᑦᔫᓯᐊᒥᖕᓂᒃ.

ᔨᕆᒤᐊᐅᑉ ᐊᒡᓚᖏᑦ 36:31

ᐱᐅᖏᑦᑐᓕᓂᓯ ᐱᓪᓗᒋᑦ ᓱᒋᐊᕐᓂᐊᕐᐸᒋᑦ ᑭᖑᕚᑎᓪᓗ ᐊᖓᔪᖅᑳᖁᑎᑎᓪᓗ: ᔨᕉᓴᓕᒥᐅᓄᑦ ᔫᑕᒥᐅᓄᓪᓗ ᑕᒤᓐᓄᑦ ᑎᑭᑎᑦᓯᓂᐊᕐᐳᖓ ᑲᑉᐱᐊᓇᕐᑐᓂᒃ ᓇᓪᓕᐅᑎᔪᒫᕐᓂᕋᕐᑕᓐᓂᒃ ᑕᒤᓐᓂᒃ ᐅᕙᓐᓂᒃ ᓈᓚᓚᐅᖏᓐᓂᖏᑦ ᐱᑦᔪᑎᒋᓗᒋᑦ.”

ᕼᐊᐸᑲᐅᑉ ᐊᒡᓚᖏᑦ 2:7

ᓂᕆᐅᓇᖏᑦᑐᒃᑯᑦ ᑕᕝᕙ ᐊᑭᓕᒃᓴᖃᕐᕕᒋᔭᑎᑦ ᒪᑭᑲᓪᓚᖕᓂᐊᓐᖏᓛᑦ? ᑐᐸᓕᕐᓂᐊᓐᖏᓛᑦ ᐃᓕᖕᓂᒃ ᓵᓚᖃᕐᓗᑎᒃ? ᑎᒡᓕᒐᕐᕕᐅᓕᕐᓗᑎᓪᓗ ᑖᒃᑯᓇᓐᖓᑦ.

ᔪᐊᓇᓯᐅᑉ ᐊᒡᓚᖏᑦ 13:18

“ᑕᒪᑐᒥᖓ ᐅᖃᐅᑎᔧᓐᓇᕆᓐᖏᓚᑦᓯ; ᖃᐅᔨᒪᒐᒃᑭᑦ ᓂᕈᐊᕐᓯᒪᔭᒃᑲ; ᐊᒡᓔᓪᓕ ᓇᓚᐅᑦᓯᔭᕆᐊᖃᕐᒪᑕ ᐅᖃᕐᑐᑦ: ‘ᓂᕆᖃᑎᒋᔭᒪ ᐊᑭᕋᕐᑐᓕᕐᐹᖓ.’

ᔪᐊᓇᓯᐅᑉ ᐊᒡᓚᖏᑦ 13:26

ᔩᓱᓯᐅᑉ ᑭᐅᕚ, “ᓂᐊᖂᔭᒥᒃ ᒥᓱᒃᓯᓗᖓ ᑐᓂᓯᕕᒋᔭᕋ ᑖᓐᓇᐅᓂᐊᕐᐳᖅ.” ᑕᕝᕙ ᔩᓱᓯ ᓂᐊᖂᔭᒥᒃ ᐊᕕᒃᓯᓪᓗᓂ ᒥᓱᒃᐹ, ᑐᓂᓪᓗᒍ ᔫᑕᓯᒧᑦ, ᓮᒨᓂᐅᑉ ᐃᔅᑲᕆᐊᑎᐅᑉ ᐃᕐᓂᖓᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 1:18

(ᑖᑦᓱᒪ ᔫᑕᓯᐅᑉ ᐊᔪᕐᑐᓕᓂᕆᓚᐅᕐᑕᒥ ᐊᑭᖓᓄᑦ ᐱᕈᕐᓰᕕᖕᒥᒃ ᓂᐅᕕᓚᐅᕐᐳᖅ; ᑕᕝᕙᓂ ᐃᔪᒃᑲᕋᒥ ᑐᖁᓚᐅᕐᐳᖅ, ᖄᕐᓗᓂ ᐃᕐᕋᕕᓕᒫᖏᓪᓗ ᐊᓂᓚᐅᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 1:25

ᐃᓇᖏᐅᑎᓂᐊᕐᑐᒥᒃ ᑕᒪᑐᒧᖓ ᐱᓇᓱᐊᕐᓂᕐᒧᑦ ᐋᐴᓯᑕᓕᐅᓂᕐᒧᑦ ᔫᑕᓯᐅᑉ ᕿᒪᓚᐅᕐᑕᖓᓄᑦ, ᑖᓐᓇ ᓇᖕᒥᓂᖅ ᐂᕕᒋᓂᐊᕐᑕᒥᓄᑦ ᐂᓯᒪᓕᕐᒪᑦ.”

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:3

ᐃᓄᐃᑦ ᐅᖃᕐᐸᑕ, “ᐅᐃᒪᓇᕐᑐᖃᓐᖏᓚᖅ ᓯᕘᕋᓇᕐᑐᖃᕋᓂᓗ,” ᑕᕝᕙ ᑕᕝᕔᓐᓇ ᐊᓯᕈᕐᓇᕐᑑᑉ ᑎᑭᑦᓱᒫᕐᐰᑦ ᓲᕐᓗ ᑕᕝᕔᓐᓇᖅ ᐋᓐᓂᐊᓇᕐᑐᒧᑦ ᐊᕐᓇᐅᑉ ᑎᑭᑕᐅᓂᖓᑐᑦ ᐃᕐᓂᓱᓕᕐᑎᓪᓗᒍ, ᕿᒫᔪᓐᓇᕐᑐᖃᕈᒫᓐᖏᓚᕐᓗ.

ᓴᒧᐃᓕ ᓯᕗᓪᓖᑦ 2:25

ᐃᓄᒃ ᐊᔪᕐᑐᓕᒃᐸᑦ ᐃᓅᖃᑎᒥᓄᑦ, ᒎᑎᐅᑉ ᓴᐳᑎᔪᓐᓇᕐᐹ; ᐊᑕᓂᕐᒧᓪᓕ ᐊᔪᕐᑐᓕᒃᐸᑦ, ᑭᓇᒧᑦ ᓴᐳᓐᓂᐊᕐᑕᐅᔪᓐᓇᕐᐹ?” ᓈᓚᓚᐅᓐᖏᓚᓪᓕ ᐊᑖᑕᖓᑕ ᐅᖃᐅᓯᖏᓐᓂᒃ; ᑕᕝᕙ ᐊᑕᓂᐅᑉ ᑐᖁᑦᓱᒪᓕᓚᐅᕐᐰᑦ.

ᓴᒧᐃᓕ ᓯᕗᓪᓖᑦ 2:34

ᐅᓇ ᓇᓗᓁᒃᑯᑕᐅᔪᒫᕐᐳᖅ ᐃᕐᓃᒃᑭᒃ, ᕼᐅᐱᓂ ᐱᓂᕼᐋᔅᓗ, ᐃᓕᖕᓄᑦ ᓇᓗᓁᒃᑯᑕᐅᔪᒫᕐᐴᒃ; ᐅᓪᓗᕐᒥ ᐊᑕᐅᓯᕐᒥ ᑐᖁᔪᒫᕐᐴᒃ, ᐊᑕᐅᑦᓯᒃᑯᑦ.