ᓲᓗᒨᓂᐅᑉ ᐅᖃᓪᓚᖕᓂᖏᑦ 28:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑮᓇᐅᔭᓂᒃ ᐊᑐᕐᑐᐊᕐᑕᐅᔪᓂᒃ ᐃᓚᓯᖃᑦᑕᕐᓂᕐᒧᑦ ᐅᓄᕐᓯᕙᓪᓕᐊᑎᑦᓯᔪᖅ ᑲᑎᕐᓱᐃᕗᖅ ᑖᑦᓱᒧᖓ ᐊᔪᕐᓴᕐᑐᓂᒃ ᐃᓚᑦᓱᒍᓱᒃᑐᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:8 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 12:6

ᐱᓂᐊᕐᓂᕆᓚᐅᕐᑕᖓ ᐱᐅᖏᑦᑐᖅ ᐱᑦᔪᑎᒋᓪᓗᒍ, ᐊᑭᓖᔪᒃᓴᐅᕗᖅ ᓯᑕᒤᕐᑐᕐᓗᒍ ᑎᒍᓚᐅᕐᑕᒥᓂᒃ, ᓂᑲᒍᓱᖃᖏᑦᓯᐊᕐᒪᑦ.”

ᐃᓐᖏᕈᑎᑦ 72:13

ᐊᒃᓗᔪᑦ ᐱᒃᓴᖃᖏᑦᑐᓪᓗ ᓂᑲᒋᔪᒫᕐᐰᑦ, ᐱᒃᓴᖃᖏᑦᑐᓪᓗ ᑕᕐᓂᖏᑦ ᐱᐅᓕᔪᒫᕐᐰᑦ.

ᒨᓯᓯ ᐂᑉᐸᖏᑦ 22:25

“ᐃᓄᖁᑎᒪ ᓇᓪᓕᐊᓐᓄᑦ ᐊᔪᕐᓴᕐᑐᒧᑦ ᑮᓇᐅᔭᒥᒃ ᐊᑐᕐᑕᐅᑎᑦᓯᒍᑦᓯ, ᐊᑐᕐᑐᐊᕐᕕᓪᓚᕆᒃᑎᑐᑦ ᐱᓇᓱᐊᕐᑐᒃᓴᐅᓐᖏᓚᓯ, ᐊᑐᕐᑕᐅᔪᕕᓃᓪᓗ ᕿᑐᕐᖏᐅᕐᑎᑕᒃᓴᕆᓐᖏᓚᓯ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:22

ᐃᓄᑦᓯᐊᕙᒃ ᑭᖑᕐᖑᑎᔭᒃᓴᖁᑎᖃᕐᐳᖅ ᕿᑐᕐᖓᒥ ᕿᑐᕐᖓᖏᓐᓄᑦ, ᐊᔪᕐᑐᓕᔫᓪᓕ ᐊᒃᓗᐃᓐᓂᖓ ᐊᑐᐃᓐᓇᕈᕐᑕᐅᕗᖅ ᓇᓛᒎᕐᑐᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:21

ᓯᓚᖅᑲᑎᒥᓂᒃ ᓇᕐᕈᔪᖅ ᐊᔪᕐᑐᓕᕗᖅ, ᐊᒃᓗᔪᓂᒡᓕ ᓂᑲᒍᓱᒃᑐᖅ ᑖᓐᓇ ᖁᕕᐊᓱᒃᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:31

ᐊᒃᓗᔪᓂᒃ ᐅᖁᒤᒃᓴᕐᑎᑦᓯᔪᖅ ᐱᓐᖑᕐᑎᑎᔨᒥᓂᒃ ᐱᐅᒃᓴᓐᖏᓚᖅ, ᐊᒃᓗᔪᓂᒡᓕ ᐱᑦᓯᐊᕐᑐᖅ ᒎᑎᒥᒃ ᐅᐱᒍᓱᖕᓂᖃᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:7

ᐊᒃᓱᔪᖅ ᐆᒥᒋᔭᐅᒃᐸᑦ ᓇᖕᒥᓂᖅ ᐃᓚᒥᓄᑦ; ᐃᓚᓐᓇᕆᔭᖏᓐᓄᓪᓗ ᐊᒡᓛᑦ ᖃᓂᒋᔭᐅᔪᒪᓲᖑᓐᖏᓚᖅ! ᓂᓪᓕᐊᓗᓂ ᐃᓇᒃᑲᓗᐊᕐᐸᒋᑦ ᑲᒪᒋᓂᐊᓐᖏᓛᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:26

ᐊᖑᒻᒧᓪᓕ ᖁᕕᐊᓱᒃᑎᑦᓯᔨᒋᔭᒥᓄᑦ, ᒎᑎ ᑐᓂᓯᕗᖅ ᓯᓚᑐᓂᕐᒥᒃ ᖃᐅᔨᒪᓂᕐᒥᒡᓗ ᖁᕕᐊᓱᖕᓂᕐᒥᒡᓗ; ᐊᔪᕐᑐᓕᔪᒧᓪᓕ ᑐᓂᓯᕗᖅ ᐱᓇᓱᐊᒐᒃᓴᒥᒃ ᑲᑎᕐᓱᐃᓂᕐᒥᒃ ᓄᐊᑦᓯᓂᕐᒥᒡᓗ ᑐᓂᔭᒃᓴᒥᓂᒃ ᒎᑎᒥᒃ ᖁᕕᐊᓱᒃᑎᑦᓯᔪᒧᑦ. ᑕᒪᓐᓇ ᑐᑭᖃᓐᖏᓚᖅ ᐊᓄᕆᒥᒃ ᐊᖑᓯᓇᓱᐊᑐᐃᓐᓇᕐᓂᐅᔮᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 18:13

ᐊᑐᕐᑎᑦᓯᔭᕌᖓᒥᓗ ᑮᓇᐅᔭᓕᕈᑎᖃᕋᓱᒃᐸᒡᓗᓂ, ᐅᓄᕐᓯᒋᐊᕐᑎᑦᓯᓗᓂ, ᑍᒤᑦᑐᖅ ᐃᓅᔪᒫᕐᐹ? ᐃᓅᔪᒫᓐᖏᓚᖅ. ᑕᒪᒃᑯᓂᖓ ᓇᕐᕈᓇᕐᑐᓂᒃ ᐱᓇᓱᐊᕐᓯᒪᓂᕐᒥᓄᑦ ᐃᓅᔭᕆᐊᖃᓐᖏᓚᖅ; ᑖᓐᓇ ᑐᖁᓂᐊᓪᓚᕆᒃᐳᖅ; ᑐᖁᓂᕐᒥᓄᓪᓗ ᓵᑕᒃᓴᑑᒐᔭᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 18:17

ᐱᐅᖏᑦᑐᓕᓂᕐᒥᒃ ᐃᓅᓯᖃᕈᒪᖏᓪᓗᓂ, ᐊᑐᕐᑎᑕᒥᓂᒡᓗ ᑮᓇᐅᔭᓕᐅᕐᕕᖃᕋᓱᒃᐸᖏᓪᓗᓂ ᐃᓚᒋᐊᕐᓯᖃᑦᑕᖏᓪᓗᓂᓗ, ᐱᖁᔭᓐᓂᒡᓗ ᐊᑐᑦᓯᐊᕐᓗᓂ, ᒪᓕᒐᒃᓴᐅᖁᔭᓐᓂᒡᓗ ᐊᑐᑦᓯᐊᕐᓗᓂ; ᑖᓐᓇ ᑐᖁᔪᒫᓐᖏᓚᖅ ᐊᑖᑕᖓᑕ ᐊᔪᕐᑐᓕᓯᒪᓂᖓᓄᑦ; ᐃᓅᔪᒫᕐᐳᕐᓕ ᖁᓚᕐᓇᖏᑦᑐᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 18:8

ᑮᓇᐅᔭᓂᒃ ᐊᑐᕐᑎᑦᓯᔭᕌᖓᒥ ᑮᓇᐅᔭᓕᐅᕈᑎᖃᒃᑲᓐᓂᕋᓱᒃᐸᖏᓪᓗᓂ, ᐱᐅᖏᑦᑐᒥᒡᓗ ᐊᑐᕐᑍᓕᒪᔪᓐᓇᕐᓗᓂ, ᐊᑦᔨᒌᒃᑎᑦᓯᓂᕐᒥᒃ ᐱᓂᐊᕐᕕᖃᕐᐸᒡᓗᓂ ᐃᓅᖃᑎᒥᓄᑦ.

ᒨᓯᓯ ᐱᖓᔪᖏᑦ 25:36

ᐊᑭᓕᒃᓮᑦ ᕿᑐᕐᖏᐅᕈᑎᖏᓐᓂᒃ ᐊᑭᓕᒃᓴᖃᕐᑎᓐᓂᐊᕐᓇᒍ, ᒎᑎᓯ ᓯᕘᕋᒋᓯᐅᒃ, ᐃᓴᕆᐊᓕᒥᐅᖑᖃᑎᓯ ᐃᓕᑦᓯᓐᓂ ᐃᓂᖃᑦᓯᐊᖁᓪᓗᒍ.