ᓲᓗᒨᓂᐅᑉ ᐅᖃᓪᓚᖕᓂᖏᑦ 28:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐱᖁᔭᓂᒃ ᒪᓕᖏᑦᑐᑦ ᐱᐅᖏᑦᑐᓕᔪᓂᒃ ᓂᕐᑐᐃᕗᑦ, ᐱᖁᔭᓂᒡᓕ ᒪᓕᑦᓯᐊᕐᑐᑦ ᐅᓇᑕᖃᑎᒋᕚᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:4 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 18:18

ᐃᓔᑦᔭ ᑭᐅᕗᖅ, “ᐃᓴᕆᐊᓕᒥᐅᑦ ᓈᒻᒪᖏᓕᐅᕐᑎᓐᖏᓚᒃᑲ; ᐃᕝᕕᖔᖅ, ᐊᑖᑍᓪᓗ ᓈᒻᒪᖏᓕᐅᕐᑎᑦᓯᕗᓯᒃ, ᐊᑕᓂᐅᑉ ᐱᖁᔭᖏᓐᓂᒃ ᕿᒤᓚᐅᕋᑦᓯᒃ ᒪᓕᓕᕐᓗᓯᒡᓗ ᐰᓕᓂᒃ.

ᐊᑕᓃᑦ ᓯᕗᓪᓖᑦ 18:21

ᐃᓔᑦᔭᐅᓪᓗ ᐃᓄᓕᒫᑦ ᖃᒡᓕᒋᐊᕐᓗᒋᑦ, ᐅᖃᐅᑎᕔᑦ, “ᖃᓄᖅ ᐊᑯᓂᐅᑎᒋᔪᖅ ᓇᓕᐊᖕᓄᕿᑕᖕᓂᐊᕐᐱᓰ ᒪᕐᕉᓕᖅᑭᖓᔪᒥᒃ ᐃᓱᒪᖃᕐᓗᓯ? ᐊᑕᓂᖅ ᒎᑎᐅᒃᐸᑦ, ᑖᓐᓇ ᒪᓕᒃᓯᐅᒃ; ᐰᓕᓕ ᒎᑎᐅᒃᐸᑦ ᑖᓐᓇ ᒪᓕᖕᓂᐊᕐᐸᓯ.” ᐃᓄᐃᓪᓗ ᑭᐅᔪᖃᓚᐅᓐᖏᓚᑦ ᐊᑕᐅᓯᕐᒥᒡᓘᓐᓃᑦ.

ᓂᕼᐃᒤᐊᐅᑉ ᐊᒡᓚᖏᑦ 13:15

ᑍᑦᓱᒪᓂᐅᑎᓪᓗᒍ ᐃᓄᖕᓂᒃ ᔫᑕᒥᐅᓂᒃ ᑕᑯᓚᐅᕐᐳᖓ ᐸᐅᕐᖓᓂᒃ ᕔᓂᒃᓴᓂᒃ ᐃᑦᑏᔧᕕᖕᒥ ᑐᓪᓕᕐᑐᓂᒃ ᓴᐸᑎᐅᑎᓪᓗᒍ, ᓂᐊᖂᔭᒃᓴᓂᒡᓗ ᓇᑲᑎᕐᓯᒪᔪᓂᒃ ᐊᒡᔭᕐᓯᓪᓗᑎᒃ ᓯᐅᑎᖅᑯᕐᑐᔪᖁᑎᒥᖕᓄᑦ ᐅᓯᓕᕐᑐᐃᔪᓂᒃ; ᕔᓂᓂᒡᓗ, ᐸᐅᕐᖓᓂᒡᓗ ᕔᓂᒃᓴᓂᒃ, ᐸᐅᕐᖓᓂᒡᓗ ᐱᒋᓕᖕᓂᒃ, ᐊᓯᖏᓐᓂᒡᓗ ᐅᖁᒤᑦᑐᓂᒃ ᐱᓕᕆᔪᓂᒃ, ᔨᕉᓴᓕᒧᐊᕈᑦᔨᖃᑦᑕᕐᑐᓂᒃ ᐅᓪᓗᖅ ᓴᐸᑎᐅᑎᓪᓗᒍ. ᐃᓂᕐᑎᓚᐅᕐᐸᒃᑲᓕ ᐅᓪᓗᒥ ᑕᕝᕙᓂ ᓂᐅᕐᕈᓯᖃᑦᑕᖁᓇᒋᑦ ᓂᕿᒃᓴᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 13:28

ᐃᓔᐊᓯᐅᑉ ᑐᓂᕐᕈᓯᕐᑎᑦᓯᔨᐅᑉ ᐃᕐᓂᖓᑕ ᐃᓚᖓᑦ, ᔨᕼᐅᐃᐊᑕ ᓴᓐᐸᓪᓛᑎᐅᑉ ᕼᐅᕈᓁᑎᐅᑉ ᓂᖓᐅᒋᓚᐅᕐᒪᒍ; ᑍᒤᒻᒪᑦ ᑕᕝᕙᓐᖓᑦ ᐊᐅᓪᓚᕐᑎᓚᐅᕐᐸᕋ.

ᐃᓐᖏᕈᑎᑦ 10:3

ᐱᐅᖏᑦᑐᓕᔪᑦ ᐆᒻᒪᑎᒥ ᐱᔪᒪᔭᖏᓐᓂᒃ ᐱᐅᔪᕆᑦᔪᑎᖃᕐᐳᑦ; ᐱᔪᒪᑐᓛᕐᑐᑦ ᐱᔪᒪᔭᖏᓐᓂᒃ ᑐᓂᓯᕕᒋᕔᑦ, ᐊᑕᓂᕐᒥᒡᓗ ᓇᕐᕈᒋᔭᖃᕐᓗᑎᒃ.

ᐃᓐᖏᕈᑎᑦ 49:18

ᐃᓅᓂᕐᒥᓂ ᐃᒻᒥᓂᒃ ᓮᒻᒪᕐᑎᓯᒪᓂᕋᕐᐳᖅ ᐊᔪᕐᓴᓐᖏᓕᕈᕕᑦ ᐃᓄᖕᓂᑦ ᓂᕐᑐᕐᑕᐅᓂᐊᕋᕕᑦ,

ᔨᕆᒤᐊᐅᑉ ᐊᒡᓚᖏᑦ 5:30

ᑲᑉᐱᐊᓇᕐᑐᒥᒃ ᖁᐊᕐᓵᖓᓇᕐᑐᒥᒡᓗ ᓄᓇᒧᑦ ᓇᓪᓕᐅᑎᓯᒪᔪᖃᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 14:4

ᑕᒪᑐᒪ ᓯᕗᓂᖓᒍᑦ ᔪᐊᓇᓯᐅᑉ ᐃᕉᑕᓯ ᐅᖃᐅᑎᓚᐅᕐᒪᒍ, “ᑕᒻᒪᓪᓚᕆᒃᐳᑎᑦ ᐃᕉᑎᐊᓯᒥᒃ ᓄᓕᐊᕐᑖᕐᓗᑎᑦ!”

ᒫᑎᐅᓯᐅᑉ ᐊᒡᓚᖏᑦ 3:15

ᔩᓱᓯᐅᑉ ᑭᐅᕚ, “ᒫᓐᓇ ᑍᒤᓕᕐᓕ; ᑍᒤᓕᐅᕐᑎᓪᓗᑕ ᐱᕕᒃᓴᖅ ᓇᓪᓕᐅᑎᕗᖅ ᒎᑎᐅᑉ ᐊᑐᕐᑕᐅᖁᔭᖓᓂᒃ.” ᑕᕝᕙ ᔪᐊᓇᓯᐅᑉ ᐊᖏᕐᐹ.

ᒫᑎᐅᓯᐅᑉ ᐊᒡᓚᖏᑦ 3:7

ᐹᕆᓯᓪᓕ ᓵᑦᔪᓰᓪᓗ ᐊᒥᓱᑦ ᑎᑭᑎᓂ ᐹᑉᑎᑦᓯᕕᖕᒥᓄᑦ ᑕᑯᒐᒥᒋᑦ, ᐅᖃᐅᑎᕔᑦ, “ᖁᒡᓗᒋᐊᖑᔮᕐᑐᓯ, ᑭᐊ ᕿᒫᖁᕚᓯ ᒎᑎᐅᑉ ᓂᓐᖓᖕᓂᖓᓂᑦ ᐱᔪᒫᕐᑐᒥᑦ?

ᐋᐴᓯᑕᓖᑦ ᐱᓂᐊᕐᓂᖏᑦ 12:22

ᐃᓄᐃᑦ ᕾᒐᓛᕐᐳᑦ, “ᐅᓇ ᐅᖃᓪᓚᑐᖅ ᐃᓄᑐᐃᓐᓇᐅᓐᖏᓚᖅ ᒎᑎᓕ ᐅᖃᓪᓚᒃᐳᖅ!”

ᐋᐴᓯᑕᓖᑦ ᐱᓂᐊᕐᓂᖏᑦ 15:2

ᐸᐅᓗᓯᐅᑉ ᐸᓇᐹᓯᐅᓪᓗ ᐊᖏᔪᒥᒃ ᑖᒃᑯᐊ ᐂᕙᖃᑎᒋᓕᕐᐰᑦ, ᐃᓱᒪᑖᓕᕐᐳᑦ ᐸᐅᓗᓯᓗ ᐸᕐᓇᐹᓯᓗ ᐊᓯᖏᓪᓗ ᔨᕉᓴᓕᒻᒧᐊᖁᓪᓗᒋᑦ; ᐋᐴᓯᑕᓕᖕᓄᑦ ᓯᕗᓕᕐᑎᐅᔪᓄᓪᓗ ᑕᒪᑐᒥᖓ ᐅᖃᖃᑎᒌᒍᑎᖃᖁᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 19:9

ᐃᓚᖏᓪᓕ ᓯᑎᔪᐊᓘᖕᒪᑕ ᐅᒃᐱᕈᒪᖏᒻᒪᑕᓗ, ᐊᑕᓂᕐᒧᑦ ᒪᓕᒃᑎᐅᓂᖅ ᐱᐅᖏᑦᑐᐊᓘᓂᕋᕐᓗᒍ ᐅᖃᐅᓯᕆᖃᑦᑕᒪᑦᔪᒃ ᐃᓄᖕᓄᑦ, ᐸᐅᓗᓯᐅᑉ ᕿᒪᒃᐰᑦ, ᐃᓕᓐᓂᐊᕐᑐᑦ ᐃᓚᒋᓪᓗᒋᑦ, ᖃᐅᑕᒫᑦ ᐅᖃᖃᑎᒋᓕᕐᐰᑦ ᐃᓕᓐᓂᐊᕐᕕᖕᒥ ᑍᕋᓅᓯᒥᒃ ᐊᑎᓕᖕᒥ.

ᕉᒪᒥᐅᓄᑦ 1:32

ᒎᑎᐅᑉ ᐊᑐᕐᑕᐅᖁᔭᖓ ᓈᒻᒪᓈᕐᓯᒪᔪᖅ ᖃᐅᔨᒪᒐᓗᐊᕐᐹᑦ ᑍᒤᓕᐅᕐᑐᑦ ᑐᖁᑕᒃᓴᐅᓂᖏᓐᓂᒃ, ᑕᒪᒃᑯᓂᖓᓕ ᐊᑐᑐᐃᓐᓇᓐᖏᓚᑦ ᐊᓯᒥᖕᓂᒡᓕ ᐊᒡᓛᑦ ᓈᒻᒪᒃᓴᕐᐳᑦ ᑕᒪᒃᑯᓂᖓ ᐊᑐᕐᑐᓂᒃ.

ᐃᐱᓯᒥᐅᓄᑦ 5:11

ᑖᕐᑑᑉ ᐱᓂᐊᕐᓂᖏᑦ ᐊᑐᖏᑦᑐᑦ ᐃᓚᐅᖃᑕᐅᕕᒋᓂᐊᕋᓯᒋᒃ, ᖃᐅᒪᔪᒧᓪᓕ ᓴᖅᑭᑎᖔᕐᓯᒋᒃ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:2

ᖃᐅᔨᒪᕗᓯ ᐃᓕᑦᓯᓐᓄᐊᓚᐅᕐᓇᑕ ᓱᓕ ᐱᑦᓯᐊᕐᑕᐅᖏᓐᓂᕆᓚᐅᕐᑕᑦᑎᓐᓂᒃ ᒥᑕᐅᑎᒋᔭᐅᓚᐅᕐᓂᑦᑎᓐᓂᒡᓗ ᐱᓕᐰᒥ, ᑍᒤᒃᑲᓗᐊᕐᑎᓪᓗᒍᓕ, ᐊᑭᕋᕐᑐᕐᑕᐅᒻᒪᕆᒃᑲᓗᐊᕐᓗᑕ ᒎᑎᐅᑉ ᐱᔪᓐᓇᕐᑎᓚᐅᕐᐹᑎᒍᑦ ᐃᓕᑦᓯᓐᓂᒃ ᑐᓴᕐᑎᑦᓯᖁᓪᓗᑕ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᑖᑦᓱᒪᖓᑦ ᐱᔪᓂᒃ.

ᔪᐊᓇᓯ ᓯᕗᓪᓖᑦ 4:5

ᑖᒃᑯᐊ ᓯᓚᕐᔪᐊᕐᒥᐅᑕᐅᕗᑦ, ᑍᒤᒻᒪᑦ ᓯᓚᕐᔪᐊᑉ ᐱᖏᓐᓂᒃ ᐅᖃᖃᑦᑕᕐᐳᑦ, ᓯᓚᕐᔪᐊᕐᒥᐅᓪᓗ ᓈᓚᒃᐰᑦ.

ᔫᑎᐅᑉ ᐊᒡᓚᖏᑦ 1:3

ᓇᒡᓕᖕᓇᕐᑐᓯ, ᑎᑎᕋᐅᓯᖃᕈᒪᓯᒪᒐᒪ ᐱᐅᓕᔭᐅᓯᒪᖃᑎᒌᖕᓂᑦᑎᓐᓂᒃ, ᐱᔭᕆᐊᖃᓪᓚᕆᒐᓱᒋᒐᒪ ᑎᑎᕋᕐᕕᒋᓗᓯ ᑕᒪᒃᑯᓂᖓ ᑲᔪᖏᕐᓴᕐᓗᓯ ᐅᒃᐱᕐᓂᒃᑯᑦ ᐃᑦᔪᕐᓁᑎᑕᐅᔪᓄᑦ ᑐᓂᔭᐅᓯᒪᔪᖅ ᑲᔪᓯᑦᔪᑎᒋᑦᓯᐊᕐᓗᒍ ᓯᕐᓂᒋᓗᒍᓗ ᐱᖁᓪᓗᓯ.