ᓲᓗᒨᓂᐅᑉ ᐅᖃᓪᓚᖕᓂᖏᑦ 28:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᐊᖑᑦ ᐅᒃᐱᕐᓇᑦᓯᐊᕐᑐᖅ ᐊᒥᒐᕐᓯᔪᒫᓐᖏᓚᖅ ᓮᒻᒪᕐᑎᑕᐅᓂᕐᒥᒃ, ᓇᓪᓕᐊᓪᓕ ᑐᐊᕕᕐᓗᓂ ᐊᒃᓱᐃᓕᓇᓱᐊᕐᑐᖅ ᓱᒋᐊᕐᑕᐅᖏᑦᑑᔪᒫᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:20 ပူးပေါင်းရင်းမြစ်များ

ᓂᕼᐃᒤᐊᐅᑉ ᐊᒡᓚᖏᑦ 7:2

ᐊᖑᑏᖕᓂᒃ ᒪᕐᕉᖕᓂᒃ ᑎᓕᓯᓚᐅᕐᐳᖓ ᐊᐅᓚᑦᓯᔨᐅᓂᐊᕐᑑᖕᓂᒃ ᔨᕉᓴᓕᐅᑉ ᐃᒡᓗᒐᓴᖏᓐᓂᒃ: ᓄᑲᕋᓗ ᕼᐊᓇᓁ ᐊᒻᒪᓗ ᕼᐊᓇᓁᐊ, ᐊᖓᔪᖅᑳᖅ ᐅᓇᑕᕐᑐᒃᓴᓄᑦ. ᕼᐊᓇᓁᐊᓕ ᐱᔪᓐᓇᑦᓯᐊᓚᐅᕐᐳᖅ ᒎᑎᒥᒡᓗ ᓯᕘᕋᓪᓗᓂ ᑍᒤᓪᓗᐊᕐᑕᖃᓚᐅᓐᖏᓚᕐᓗ ᐊᖑᑕᐅᖃᑎᒥᓂᒃ.

ᐃᓐᖏᕈᑎᑦ 101:6

ᓄᓇᒥ ᓱᓕᑦᓯᐊᕐᑐᒥᒃ ᐃᓅᔪᓂᒃ ᕿᓂᕐᓂᐊᕐᐳᖓ, ᑖᒃᑯᐊ ᐃᒡᓗᕐᔪᐊᖁᑎᓐᓂ ᐃᓂᖃᕈᓐᓇᖁᓪᓗᒋᑦ; ᐸᓯᔭᒃᓴᐅᖏᑦᑐᒥᒃ ᐃᓅᔪᖅ ᑖᓐᓇ ᐱᔨᒋᓂᐊᕐᐸᕋ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:6

ᐃᓱᐊᕐᑐᒥ ᐃᓅᔪᑦ ᓂᐊᖁᕐᒥᐅᑕᖃᕐᐳᖅ ᓮᒻᒪᕐᑎᑕᐅᓂᕐᒥᒃ, ᐱᐅᖏᑦᑐᓪᓕ ᖃᓂᖏᑦ ᐊᓂᑦᓯᕗᑦ ᑲᑉᐱᐊᓱᒃᑎᑦᓯᓂᕐᒥᒃ ᐃᔨᕐᓯᒪᔪᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:11

ᐱᔭᕆᐊᑭᑦᑐᒃᑯᑦ ᑮᓇᐅᑦᔭᒃᑐᖅ ᑮᓇᐅᔧᕈᑎᑦᓴᐅᑎᒋᓲᖑᕗᖅ, ᒥᑭᔫᑎᑎᒍᓪᓕ ᐃᓚᓯᕙᓪᓕᐊᔪᖅ ᐱᕈᕐᐸᓪᓕᐊᑎᑦᓯᓂᐊᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:5

ᐊᒃᓗᔪᓂᒃ ᒥᑕᐅᑎᖃᕐᑐᖅ ᐱᓐᖑᕐᑎᑦᓯᔨᒥᓂᒃ ᓇᕐᕈᓇᕐᑎᑦᓯᕗᖅ, ᐱᓂᕐᓗᖕᓂᐅᔪᓂᒃ ᖁᕕᐊᓲᑎᖃᕐᑐᖅ ᓱᒋᐊᕐᑕᐅᖏᑦᑑᓂᐊᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:2

ᐱᐅᓐᖏᓚᖅ ᐃᓄᒃ ᖃᐅᔨᑎᑕᐅᓂᕐᒥᒃ ᐱᖃᖏᑦᑐᖅ, ᐅᐃᒪᓗᐊᒧᓪᓗ ᐊᖅᑯᑎᒥᒃ ᐊᓯᐅᔨᔪᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:21

ᑭᖑᕐᖑᑎᔭᒃᓴᒥᓂᒃ ᐱᔪᖅ ᑐᐊᕕᓗᐊᕐᓗᓂ, ᑭᖑᓂᖓᒍᑦ ᓮᒻᒪᕐᑎᑕᐅᓯᒪᓂᐊᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:6

ᐃᓄᐃᑦ ᐅᓄᕐᑐᑦ ᑕᑎᒋᔭᐅᔪᓐᓇᕐᓂᕋᕐᓗᑎᒃ ᐅᖃᕈᓐᓇᕐᐳᑦ, ᑭᓇᓕ ᑕᑎᒋᔭᒃᓴᓪᓚᕆᖕᒥᒃ ᓇᓂᓯᔪᓐᓇᕐᐸ?

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:4

ᐱᓇᓱᐊᕐᓂᕐᒧᑦ ᑕᖃᑐᐃᓐᓇᕐᓂᐊᕐᓇᒃ ᐊᒃᓱᐃᓕᔪᒪᓂᕐᒧᑦ; ᓯᓚᑐᓂᖃᕆᓪᓕ, ᓄᖅᑲᖓᔪᓐᓇᕐᓗᑎᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:22

ᐊᖑᑦ ᑮᓇᐅᔭᒥᒃ ᒥᖕᓂᔪᖅ ᑐᐊᕕᕐᓗᓂ ᐊᒃᓱᐃᓕᓇᓱᐊᕐᐳᖅ, ᖃᐅᔨᒪᓐᖏᓚᕐᓗ ᐊᔪᕐᓴᕐᓂᕐᒧᑦ ᑎᑭᑕᐅᔪᒫᕐᓂᕐᒥᓂᒃ.

ᒫᑎᐅᓯᐅᑉ ᐊᒡᓚᖏᑦ 24:45

“ᑭᓇ ᓱᖁᓯᔪᐃᑦᑑᓪᓗᓂ ᓯᓚᑐᓪᓗᓂᓗ ᐱᔨᐅᕚ? ᑖᓐᓇ ᐊᖓᔪᖅᑳᖓᑕ ᐊᖓᔪᖅᑳᖑᕐᑎᑕᖓ ᐱᔨᐅᖃᑎᖏᓐᓄᑦ, ᓂᕿᒃᓴᖏᓐᓂᒃ ᑐᓂᓯᖃᑦᑕᖁᓪᓗᒍ ᑐᓂᓯᕕᒃᓴᖓ ᓇᓪᓕᐅᑎᔭᕌᖓᑦ.

ᒫᑎᐅᓯᐅᑉ ᐊᒡᓚᖏᑦ 25:21

ᐊᖓᔪᖅᑳᖓᑕ ᐅᖃᐅᑎᕚ, ‘ᓈᒻᒪᒋᕙᒋᑦ ᐱᔨᐅᓪᓗᑎᑦ ᐱᓇᓱᐊᑦᓯᐊᕐᑐᑎᑦ ᓱᖁᓯᔪᐃᑦᑑᒐᕕᑦ; ᑮᓇᐅᔭᓂᒃ ᒥᑭᔪᓂᒃ ᓱᖁᓯᔪᐃᑦᑑᓪᓗᑎᑦ ᑲᒪᑦᓯᐊᓚᐅᕋᕕᑦ, ᒫᓐᓇ ᑮᓇᐅᔭᓂᒃ ᐊᖏᓂᕐᓴᓂᒃ ᑲᒪᔨᓐᖑᕐᑎᓐᓂᐊᕐᐸᒋᑦ; ᕾᓗᑎᑦ ᐊᖓᔪᖅᑳᑦ ᖁᕕᐊᓱᖃᑎᒋᓕᕈᒃ.’

ᓘᑲᓯᐅᑉ ᐊᒡᓚᖏᑦ 12:42

ᐊᑕᓂᐅᑉ ᑭᐅᕚ, “ᑭᓇᓕ ᑍᒪ ᑲᔪᓯᑦᓯᐊᕐᑑᓪᓗᓂ ᓯᓚᑐᓪᓗᓂᓗ ᐱᔨᐅᕙ? ᑍᒤᑦᑐᖅ ᐊᖓᔪᖅᑳᖓᑕ ᐊᐅᓚᑦᓯᔨᓐᖑᕐᑎᓐᓂᐊᕐᐹ ᐱᔨᖁᑎᒥᓄᑦ, ᑖᑦᓱᒪ ᓂᕆᑎᖃᑦᑕᕐᓂᐊᕐᐰᑦ ᓂᕆᕕᒃᓴᖓᑦ ᓇᓪᓕᐅᑎᔭᕌᖓᑦ.

ᓘᑲᓯᐅᑉ ᐊᒡᓚᖏᑦ 16:1

ᔩᓱᓯᐅᑉ ᐃᓕᓐᓂᐊᕐᑎᓂ ᐅᖃᐅᑎᕔᑦ, “ᐊᖑᒻᒥᒃ ᐊᔪᕐᓴᖏᑦᑐᕐᑕᖃᓚᐅᕐᐳᖅ ᐱᖁᑎᒥᓄᑦ ᑲᒪᔨᖁᑎᖃᕐᑐᒥᒃ, ᐊᖓᔪᖅᑳᖓ ᐅᖃᐅᑦᔭᐅᕗᖅ ᐱᖁᑎᒥᓂᒃ ᐱᒪᔨᖁᑎᖓ ᑮᓇᐅᔭᖏᓐᓂᒃ ᓄᖑᓮᑐᐃᓐᓇᕐᓂᕋᕐᑕᐅᓪᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:10

ᐊᒃᓱᕈᕐᓇᕐᑐᔪᐊᑰᓂᕆᓂᐊᕐᑕᓯ ᓯᕘᕋᒋᑦᑍᓕᓯᐅᒃ. ᑕᑯᒋᑦ, ᓵᑖᓇᓯᐅᑉ ᐆᒃᑐᕐᑕᐅᖁᓪᓗᓯ ᐃᓚᑦᓯ ᐃᓚᖏᓐᓂᒃ ᑎᒍᔭᐅᓯᒪᕕᖕᒧᐊᕐᑕᐅᑎᑦᓯᓂᐊᕐᐳᖅ, ᐊᒃᓱᕈᕐᓇᕐᑐᒃᑰᕐᓂᕆᓂᐊᕐᑕᓯᓗ ᐅᓪᓗᓂᒃ ᖁᓕᓂᒃ ᓯᕕᑐᓂᖃᕐᓂᐊᕐᐳᖅ. ᓱᖁᓯᕐᑍᓕᒋᑦᓯᓕ ᑐᖁ ᑎᑭᓪᓗᒍ, ᑕᕝᕙ ᑐᓂᓯᕕᒋᔪᒫᕐᐸᑦᓯ ᓂᐊᖂᑎᒥᒃ ᐃᓅᓯᖃᕐᓇᕐᑐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:13

ᐃᓂᒋᔧᑦ ᖃᐅᔨᒪᕙᕋ, ᑕᕝᕙᓂ ᓵᑖᓇᓯ ᐃᒃᓯᕙᐅᑕᕐᔪᐊᖃᕐᐳᖅ; ᐅᕙᓐᓂᒡᓕ ᓱᓕ ᐃᒃᐱᒍᓱᑦᓯᐊᕐᐳᑎᑦ ᐅᒃᐱᕐᓂᕆᔧᓪᓗ ᐅᕙᓐᓄᑦ ᑲᔪᓯᑎᓯᒪᕙᑦ ᐋᓐᑎᐸᔅ ᐃᓅᑎᓪᓗᒍ ᓇᓗᓁᕐᓯᓂᕆᓚᐅᕐᑍᑦ, ᑖᓐᓇ ᓱᖁᓯᔪᐃᑦᑐᖁᑎᒋᓚᐅᕐᑕᕋ, ᐊᑯᓐᓇᑦᓯᓐᓂ ᑐᖁᑕᐅᓚᐅᕐᑐᖅ, ᓵᑖᓇᓯᐅᑉ ᐃᓂᖓᓂ.

ᓴᒧᐃᓕ ᓯᕗᓪᓖᑦ 22:14

ᑕᕝᕙ ᐊᕼᐃᒥᓕᒃ ᑭᐅᕗᖅ ᐊᖓᔪᖅᑳᕐᔪᐊᒧᑦ, “ᑍᕕᑎ ᐅᐱᓐᓇᕐᑑᓪᓗᓂ ᐱᔨᒋᕙᑦ, ᐊᖓᔪᖅᑳᕐᔪᐊᕐᒧᓪᓗ ᓂᖓᐅᒋᔭᐅᓪᓗᓂ, ᐊᖓᔪᖅᑳᖑᓪᓗᓂᓗ ᓴᐳᓐᓂᐊᕐᑎᖁᑎᖏᓐᓄᑦ, ᑖᓐᓇ ᐃᓕᖕᓂᒃ ᓈᓚᒃᐳᖅ ᐅᐱᓐᓇᑦᓯᐊᕐᓗᓂᓗ ᐃᒡᓗᖁᑎᖕᓂ.