ᓲᓗᒨᓂᐅᑉ ᐅᖃᓪᓚᖕᓂᖏᑦ 28:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐊᖑᑦ ᐊᓯᒥᓂᒃ ᑐᖁᑦᓯᒃᐸᑦ, ᑐᖁᑦᓯᔪᖅ ᕿᒫᓕᕐᓕ ᑐᖁᓂᕐᒥᓄᑦ ᑎᑭᓪᓗᓂ; ᓇᓪᓕᐊᓐᓄᓪᓗ ᐃᑲᔪᕐᑕᐅᔪᒃᓴᐅᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:17 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 4:12

ᐱᕈᕐᓯᐊᒃᓴᓂᒃ ᐱᕈᕐᑎᑦᓯᓇᓱᒃᑲᓗᐊᕈᕕᑦ, ᓄᓇᐅᑉ ᐱᕈᕐᑎᑦᓯᔪᓐᓇᕐᓂᓕᒫᖓ ᐃᓚᑰᖃᑦᑕᕐᓂᐊᓕᕐᐳᖅ; ᕿᒫᖏᓐᓇᐅᔭᕐᓗᑎᑦ ᐃᓂᓪᓚᔪᐃᑦᑑᓂᐊᓕᕐᐳᑎᑦ ᓄᓇᕐᔪᐊᒥ.”

ᒨᓯᓯ ᓯᕗᓪᓖᑦ 9:6

ᐃᓄᒃ ᓇᓪᓕᐊᑦ ᐃᓅᖃᑎᖓᑕ ᐊᐅᖓᓂᒃ ᑯᕕᓯᒃᐸᑦ, ᐃᓄᖕᒧᑦᑕᐅᖅ ᐊᐅᖓ ᑯᕕᔭᐅᔪᒃᓴᐅᕗᖅ; ᒎᑎ ᓴᓇᓚᐅᕐᒪᑦ ᐃᓄᖕᒥᒃ ᐃᒻᒥᓂᒃ ᐊᑦᔨᖃᕐᑎᓪᓗᒍ.

ᓴᒧᐃᓕ ᐂᑉᐸᖏᑦ 13:34

ᐋᑉᓴᓚᒻᓕ ᕿᒪᒃᓯᓚᐅᕐᐳᖅ. ᐅᓇᑕᕐᑐᒃᓮᓪᓗ ᖃᐅᔨᓴᕐᑎᖓ ᐃᓅᓱᒃᑐᖅ ᑕᑯᕗᖅ ᐃᓄᒋᐊᒃᑐᕐᔪᐊᓂᒃ ᐱᖑᐊᕐᔪᖕᒥᑦ ᐊᖅᑲᕐᑎᕐᑐᓂᒃ ᐊᖅᑯᑎᒃᑯᑦ ᕼᐅᕈᓁᒻᑯᑦ ᖃᖅᑲᐅᑉ ᑭᒡᓕᖓᒎᖓᔪᒃᑯᑦ.

ᓴᒧᐃᓕ ᐂᑉᐸᖏᑦ 18:15

ᑕᕝᕙ ᔪᐊᐱᐅᑉ ᓴᐳᓐᓂᐊᕐᑎᖏᑦ ᖁᓖᑦ ᐋᑉᓴᓚᒻᒧᐊᕐᓗᑎᒃ ᑲᐳᕐᐹᑦ, ᑐᖁᓪᓗᒍᓗ.

ᐊᑕᓃᑦ ᓯᕗᓪᓖᑦ 2:29

ᑕᒪᓐᓇ ᐅᖃᐅᓯᐅᖕᒪᑦ ᐊᖓᔪᖅᑳᕐᔪᐊᕐᒧᑦ ᓲᓗᒨᓂᒧᑦ, “ᔪᐊᐱ ᕿᒫᓯᒪᓕᕐᐳᖅ ᐊᑕᓂᐅᑉ ᑐᐱᕐᔪᐊᖓᓄᑦ, ᑕᑯᒋᓪᓗ, ᑐᓂᕐᕈᓯᕐᕕᐅᑉ ᓴᓂᐊᓃᑉᐳᖅ,” ᓲᓗᒨᓂ ᑎᓕᓯᕗᖅ ᐱᓁᐊᒥᒃ ᔨᕼᐅᐃᐊᑕᐅᑉ ᐃᕐᓂᖓᓂᒃ ᐅᖃᐅᑎᓪᓗᒍᓗ, “ᔪᐊᐱ ᑐᖁᒋᐊᕐᑐᓕᕈᒃ.”

ᐊᑕᓃᑦ ᓯᕗᓪᓖᑦ 21:19

ᐅᖃᐅᑎᔪᒫᕐᐸᑦ, ᐅᖃᕐᓗᑎᑦ, ‘ᐊᑕᓂᖅ ᐃᒫᒃ ᐅᖃᕐᐳᖅ, “ᑐᖁᑦᓯᓚᐅᕐᐲᑦ, ᐱᖁᑎᖓᓂᒡᓗ ᐱᑖᕐᓗᑏᑦ?”’ ᐅᖃᐅᑎᔪᒫᕐᐸᑦ, ᐅᖃᕐᓗᑎᑦ, ‘ᐊᑕᓂᖅ ᐃᒫᒃ ᐅᖃᕐᐳᖅ: “ᓁᐹᑦ ᐊᐅᖓᓂᒃ ᕿᒻᒦᑦ ᐊᓗᒃᑐᓚᐅᕐᑐᑦ ᐃᕝᕕᑦ ᓇᖕᒥᓂᖅ ᐊᐅᖕᓂᒃ ᐊᓗᒃᑐᕈᒫᕐᐳᑦ.”’”

ᐊᑕᓃᑦ ᓯᕗᓪᓖᑦ 21:23

ᔨᔨᐱᐅᓪ ᐱᓪᓗᒍ ᐊᑕᓂᖅ ᐅᖃᕆᕗᖅ, ‘ᕿᒻᒦᑦ ᔨᔨᐱᐊᓪᒥᒃ ᓂᕆᔪᒫᕐᐳᑦ, ᔨᔭᕆᐅᓕᐅᑉ ᐊᕙᓗᖏᑕ ᐃᓗᐊᓂ.’

ᐊᑕᓃᑦ ᐂᑉᐸᖏᑦ 9:26

ᐅᖃᕐᓗᓂ, ‘ᐃᑉᐸᒃᓴᖅ ᑕᑯᓚᐅᕐᐳᖓ ᓁᐹᑎᐅᑉ ᐊᐅᖓᓂᒃ ᐃᕐᓂᖏᑕᓗ ᐊᐅᖏᓐᓂᒃ, ᐊᑕᓂᖅ ᐅᖃᕐᐳᖅ, ᑕᕝᕙᓂ ᓄᓇᒥ ᐊᑭᓖᑎᑦᓱᒫᕐᐸᒋᑦ.’ ᐊᑏ ᑎᒍᓗᒍ ᑎᒥᖓ ᑕᒪᐅᖓ ᐃᒋᓚᐅᕐᓕ ᐊᑕᓂᐅᑉ ᐅᖃᐅᓯᕆᓚᐅᕐᑕᖏᑦ ᒪᓕᒡᓗᒋᑦ.”

ᒨᓯᓯ ᐂᑉᐸᖏᑦ 21:14

ᑭᓯᐊᓂᓕ ᐃᓄᒃ ᓂᓐᖓᐅᒪᓗᓂ ᐱᔮᕆᓗᓂᓗ ᐃᓅᖃᑎᒥᓂᒃ ᑐᖁᑦᓯᒃᐸᑦ, ᑖᓐᓇ ᑐᖁᑕᐅᔪᒃᓴᐅᕗᖅ, ᐊᒡᓛᑦ ᑐᓂᕐᕈᓯᕐᕕᖁᑎᓐᓄᑦ ᖃᓄᐃᓕᔭᐅᔪᒪᖏᓪᓗᓂ ᕿᒫᒐᓗᐊᕐᐸᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:17

ᐱᐅᔪᕆᓂᒃᑯᑦ ᑕᑯᓐᓇᕐᑐᖅ, ᓴᒡᓗᑐᔪᖅ, ᐊᒡᒊᓪᓗ ᐸᓯᔭᒃᓴᐅᖏᑦᑐᒥᒃ ᐃᓄᐊᕐᑐᑦ.

ᔨᕆᒤᐊᐅᑉ ᐊᒡᓚᖏᑦ 41:15

ᐃᓯᒥᐅᓕ ᓂᑕᓁᐊᐅᑉ ᐃᕐᓂᖓ ᐊᖑᑎᓪᓗ ᐃᓚᒋᔭᖏᑦ 8ᖑᓪᓗᑎᒃ ᕿᒪᒃᓯᖕᒪᑕ ᔪᕼᐋᓇᓂᒃᑯᓐᓂᑦ ᐱᔭᐅᓐᖏᓚᑦ, ᐊᒧᓁᑎᒥᐅᓪᓗ ᓄᓇᖓᓄᐊᕐᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 28:4

ᒪᐅᓪᑕᒥᐅᓪᓕ ᑕᑯᒐᒥᑦᔪᒃ ᐊᒡᒐᖏᓐᓂ ᓂᕕᖓᔪᖅ, ᐃᒻᒥᖕᓄᑦ ᐅᖃᕐᐳᑦ, “ᓇᓗᓇᓐᖏᓚᖅ ᐅᓇ ᐃᓄᐊᕐᑎᐅᖕᒪᑦ, ᐃᒫᓂᑦ ᐱᐅᓕᔭᐅᒐᓗᐊᕋᒥ, ᐊᑭᓂᐊᕐᑕᐅᓂᕐᒥᓄᑦ ᐃᓅᑦᔮᔪᓐᓃᕐᑐᖅ.”

ᒨᓯᓯ ᑕᓪᓕᒪᖏᑦ 19:11

“ᐊᖑᓪᓕ ᐃᓅᖃᑎᒥᓂᒃ ᐆᒥᓱᒃᐸᑦ, ᐱᕕᒃᓴᒥᓂᒡᓗ ᓈᒻᒪᓈᕐᓯᓗᓂ, ᐱᔮᕆᓗᓂ ᐱᒋᐊᕐᐸᒍ, ᐃᑭᓕᕐᓗᒍᓗ ᑐᖁᑉᐸᒍ, ᑐᖁᑦᓯᔪᕐᓗ ᕿᒫᒃᐸ ᐃᒡᓗᒐᓴᖕᓄᑦ ᓇᓪᓕᐊᓐᓄᑦ ᓇᓗᓁᕐᓯᒪᔪᓄᑦ.