ᓲᓗᒨᓂᐅᑉ ᐅᖃᓪᓚᖕᓂᖏᑦ 28:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐊᐅᓚᑦᓯᔨ ᑐᑭᓯᐅᒪᓂᖃᖏᑦᑐᖅ ᐅᖁᒤᒃᓴᕐᑎᑦᓯᔨᐅᕗᖅ, ᑖᓐᓇᓕ ᐱᔪᒪᑐᓛᕐᓂᕐᒥᒃ ᐆᒥᓱᒃᑐᖅ ᐃᓅᑯᑖᒍᒫᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:16 ပူးပေါင်းရင်းမြစ်များ

ᒨᓯᓯ ᐂᑉᐸᖏᑦ 18:21

ᐃᓄᖕᓂᓪᓕ ᓂᕈᐊᕐᑐᒃᓴᐅᕗᑎᑦ ᐱᔪᓐᓇᑦᓯᐊᕐᑐᓂᒃ, ᒎᑎᒥᒡᓗ ᓈᓚᑦᓯᐊᕐᑐᓂᒃ, ᐅᒃᐱᕆᔭᒃᓴᐅᑦᓯᐊᕐᑐᓂᒃ ᓯᓔᕐᕆᔭᐅᔭᖏᑦᑐᓂᒡᓗ; ᑍᒤᑦᑐᑦ ᑕᓯᐅᕐᑎᓐᖑᕐᑎᓚᐅᒃᑭᑦ ᐃᓄᖕᓄᑦ 1,000ᓄᑦ, ᐃᓚᖏᑦ 100ᓄᑦ, ᐃᓚᖏᓪᓗ 50ᓄᑦ, ᐃᓚᖏᓪᓗ 10ᓄᑦ.

ᐂᓮᐊᓯᐅᑉ ᐊᒡᓚᖏᑦ 3:12

ᐃᓄᖁᑎᒪᓕ ᓱᕈᓰᑦ ᐅᖁᒤᒃᓴᕐᑎᑦᓯᔨᒋᕔᑦ, ᐊᕐᓇᓄᓪᓗ ᐊᐅᓚᑕᐅᓪᓗᑎᒃ. ᐃᓄᖁᑎᒃᑳ, ᑕᓯᐅᕐᑎᑦᓯᓐᓄᑦ ᑕᒻᒪᕐᑎᑕᐅᓯᒪᕗᓯ, ᐊᖅᑯᑎᒋᔭᕆᐊᖃᕐᑕᑦᓯᓐᓂᒡᓗ ᓇᓗᓕᕐᑎᑕᐅᓯᒪᓪᓗᓯ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 4:1

ᓱᓕ ᖃᐅᔨᓇᓱᐊᒃᑲᓐᓂᓚᐅᕐᐳᖓ, ᑕᑯᓚᐅᕐᐳᖓᓗ ᐅᖁᒤᒃᓴᕐᑎᑕᐅᓂᕐᓂᒃ ᐊᑐᕐᑕᐅᔪᓂᒃ ᓯᕿᓂᐅᑉ ᐊᑖᓂ: ᑕᑯᒋᑦ ᐅᖁᒤᒃᓴᕐᑎᑕᐅᔪᑦ ᖁᕝᕕᖏᑦ, ᒪᓂᒍᐃᔨᒃᓴᖃᓐᖏᓚᓪᓕ; ᐅᖁᒤᒃᓴᕐᑎᑦᓯᔨᖏᑦ ᐊᖏᔪᒥᒃ ᐱᔪᓐᓇᕐᓂᖃᕐᐳᑦ, ᑖᒃᑯᐊᓕ ᒪᓂᒍᐃᔨᒃᓴᖃᓐᖏᓚᑦ.

ᓂᕼᐃᒤᐊᐅᑉ ᐊᒡᓚᖏᑦ 5:15

ᐊᐅᓚᑦᓯᔨᐅᓚᐅᕐᑐᑦ ᐃᓘᓐᓇᑎᒃ ᓯᕗᓂᓐᓂ ᐃᓄᖕᓄᑦ ᐅᖁᒤᓐᓇᕐᑑᓚᐅᕐᒪᑕ ᐊᑭᓖᖁᔨᕙᓚᐅᕐᒪᑕᓗ 40ᓂᒃ ᓯᐅᓪᕕᕆᓂᒃ, ᓂᕿᓂᒡᓗ, ᕔᓂᓂᒡᓗ, ᐱᔨᒋᔭᖏᓪᓘᓐᓃᑦ ᐅᖁᒤᒃᓴᕐᑎᑦᓯᓚᐅᕆᕗᑦ ᐃᓄᖕᓂᒃ, ᑍᒤᓕᐅᓚᐅᓐᖏᓚᖓᓕ ᒎᑎᒥᒃ ᐃᓕᕋᓱᓚᐅᕋᒪ.

ᐊᑕᓃᑦ ᓯᕗᓪᓖᑦ 12:14

ᐅᖃᕐᕕᒋᕔᑦ ᐃᓅᓱᖕᓂᕐᓮᑦ ᐃᓱᒪᓕᐅᕈᑎᖏᑦ ᒪᓕᒡᓗᒋᑦ ᐅᖃᕐᓗᓂ, “ᐊᑖᑕᒪ ᐊᒡᔭᒐᒃᓴᑦᓯᓐᓂᒃ ᐅᖁᒤᒃᓴᕐᑎᓚᐅᕐᐹᓯ, ᐅᕙᖓᓕ ᐅᖁᒤᒃᓴᕈᑎᓯ ᐃᓚᒃᑲᓐᓂᕐᓂᐊᕐᐸᒃᑲ; ᐊᑖᑕᒪ ᐋᖅᑭᒋᐊᖃᑦᑕᓚᐅᕐᐹᓯ ᐃᐸᕋᕐᑐᕐᓗᓯ; ᐅᕙᖓᓕ ᐋᖅᑭᒋᐊᖃᑦᑕᕐᓂᐊᕐᐸᑦᓯ ᓯᑯᕐᐱᐅᓂᓄᑦ ᑲᐴᑎᓕᖕᓄᑦ.”

ᐊᑕᓃᑦ ᓯᕗᓪᓖᑦ 12:10

ᑖᒃᑯᐊ ᐃᓅᓱᒃᑐᑦ ᐱᕈᕐᓴᖃᑎᕕᓂᖏᑕ ᐅᖃᐅᑎᕚᑦ, “ᐃᓄᐃᑦ ᑖᒃᑯᐊ ᐅᖃᐅᑎᔭᕆᐊᖃᕐᐸᑎᑦ ᐃᓕᖕᓄᑦ ᐅᖃᓚᐅᕐᑐᑦ: ‘ᐊᑖᑕᕕᑦ ᐅᖁᒤᒃᓴᕐᑎᓚᐅᕐᒪᑎᒍᑦ ᐱᓇᓱᐊᒐᒃᓴᑦᑎᓐᓂᒃ, ᑕᒪᓐᓇ ᐅᕿᒡᓕᒋᐊᕐᑎᑦᓱᓐᓇᕐᐱᐅᒃ ᐅᕙᑦᑎᓐᓄᑦ?’; ᑖᒃᑯᐊ ᐅᖃᐅᑎᔭᒃᓴᕆᕙᑎᑦ, ‘ᐃᕿᖅᑯᕋ ᓯᓕᖕᓂᕐᓴᐅᓂᐊᕐᐳᖅ ᐊᑖᑕᒪ ᖁᒃᑐᕋᖓᓂᑦ!

ᐂᒨᓯᐅᑉ ᐊᒡᓚᖏᑦ 4:1

ᓈᓚᒋᑦᓯ ᐃᓕᑦᓯ ᐊᕐᓁᑦ ᖃᖅᑲᒥ ᓴᒥᐊᕆᐊᒥ ᐃᓂᖃᕐᑐᓯ, ᐹᓴᓂᒥᐅᑦ ᐃᒻᒧᒃᓯᐅᒐᖁᑎᖏᑎᑐᑦ ᖁᐃᓂᔪᑎᑐᑦ ᑍᒤᑦᑐᓯ, ᐊᒃᓱᕈᕐᑎᑦᓯᔪᓯ ᐊᔪᕐᓴᕐᑐᓂᒃ, ᓱᓇᐅᔪᓐᓁᕐᑎᑦᓯᔪᓯᓗ ᐃᑲᔪᕐᑕᐅᔭᕆᐊᓕᖕᓂᒃ, ᐅᐃᑦᓯᓐᓄᑦ ᐅᖃᕋᑦᓯ, “ᕔᓂᒥᒃ ᐂᑦᑐᕐᑎᒍᑦ ᐃᒥᕐᓂᐊᕋᑕ!”

ᐃᓕᓯᒪᓃᑦ ᐃᒃᓖᓯᐊᓯᑏᔅ 10:16

ᑲᑉᐱᐊᓐᓇᒦᒃ ᓄᓇ, ᐊᖓᔪᖅᑳᕐᔪᐊᓯ ᓄᑕᕋᐅᒃᐸᑦ, ᐊᖓᔪᖅᑳᔪᐊᓪᓗ ᕿᑐᕐᒐᖏᑦ ᓂᕆᕕᒃᔪᐊᖃᑦᑕᕐᐸᑕ ᐅᓪᓛᑯᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:27

ᓂᐊᖂᔭᒃᓴᓂᒃ ᒥᖕᓂᑐᔫᑉ ᐱᕋᔭᖕᓂᒃᑯᑦ ᑮᓇᐅᔭᕐᑖᕈᒪᓂᕐᒧᑦ ᐃᒡᓗᒥᐅᖃᑎᓂ ᐃᓱᐊᖏᑦᑐᒦᑎᑉᐰᑦ, ᐅᐃᕕᕆᒃᓯᓂᕐᒥᒃᓕ ᐱᐅᒋᔭᖃᕐᖏᑦᑐᖅ ᐃᓅᓂᐊᕐᐳᖅ.