ᓲᓗᒨᓂᐅᑉ ᐅᖃᓪᓚᖕᓂᖏᑦ 28:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᓛᔭᑎᑐᑦ ᓂᓪᓕᐊᔪᑎᑐᑦ ᓇᓄᕐᑎᑐᓪᓗ ᐅᐸᒃᑐᕐᑐᑎᑐᑦ ᑍᒤᒃᑭᕗᖅ ᐱᐅᖏᓐᓂᕐᒥ ᐊᐅᓚᑦᓯᔪᖅ ᐃᓄᖕᓄᑦ ᐊᔪᕐᓴᕐᑐᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:15 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 15:16

ᑍᑦᓱᒪᓂᐅᑎᓪᓗᒍ ᒥᓇᕼᐃᒻ ᑎᕐᔭᒥᓐᖔᕐᐸᓪᓕᐊᓪᓗᓂ ᓴᒥᐊᕆᐊᒧᐊᓕᕋᒥ ᓄᓇᓖᑦ ᐊᖅᑯᓵᕐᑕᓂ ᑕᐳᐊᒥᐅᑦ ᐃᒡᓗᒐᓴᖏᑦ ᐃᓄᖕᓂᓪᓗ ᓄᓇᖓᑕᓗ ᖃᓂᒋᔭᖓᓅᕐᑐᓕᒫᑦ ᐊᓯᕈᓚᐅᕐᐰᑦ ᐃᒻᒥᖕᓂᒃ ᑐᓂᑦᔪᑎᒋᑐᐃᓐᓇᕈᒪᓚᐅᖏᒻᒪᑕ, ᐊᒡᓛᑦ ᓄᑕᕋᒃᓴᓕᓕᒫᑦ ᓈᖏᑦ ᓰᖄᑦᑕᓚᐅᕐᐰᑦ.

ᐊᑕᓃᑦ ᐂᑉᐸᖏᑦ 2:24

ᓵᕝᕕᒋᓪᓗᓂᒋᑦ, ᐊᑦᑕᕆᓇᒋᑦ ᓱᐊᒃᐰᑦ ᐊᑕᓂᐅᑉ ᐊᑎᖓᓂ ᖃᓄᐃᓕᔭᐅᖁᓪᓗᓂᒋᑦ. ᑕᕝᕙ ᐊᒃᓵᖕᓂᒃ ᒪᕐᕉᖕᓂᒃ ᓇᐹᕐᑐᓂᑦ ᓴᖅᑭᑦᑐᖃᕐᓗᓂ ᑖᒃᑯᐊ ᐃᓅᓱᒃᑐᑦ 42ᖑᔪᑦ ᑕᒪᕐᒥᒃ ᐅᒋᐊᕐᑕᐅᕗᑦ.

ᐊᑕᓃᑦ ᐂᑉᐸᖏᑦ 21:16

ᒫᓇᓯᐅᓪᓗ ᐸᓯᔭᒃᓴᐅᓂᖃᖏᑦᑐᓂᒃ ᐃᓄᐊᕐᓯᒪᔭᖏᑕ ᐅᓄᕐᓂᑯᖏᓐᓄᑦ, ᔨᕉᓴᓕᐅᑉ ᐃᓱᐊᓂᑦ ᐃᓱᐊᓄᑦ ᓈᔨᓯᒪᓚᐅᕐᐳᑦ, ᐊᔪᕐᑐᓕᑎᑦᓯᓯᒪᓂᖓ ᔫᑕᒥᐅᓂᒃ ᐱᒐᓗᐊᕐᒥᑎᓪᓗᒍ, ᐊᑕᓂᐅᑉ ᓵᖓᓂ ᓈᒻᒪᖏᑦᑐᓂᒃ ᐱᓂᐊᓚᐅᕐᒪᑕ.

ᒨᓯᓯ ᐂᑉᐸᖏᑦ 1:13

ᐄᑦᔨᑉᑎᒥᐅᓪᓗ ᐃᓴᕆᐊᓕᒥᐅᑦ ᐃᓖᔭᕆᓪᓗᒋᑦ ᖁᕕᐊᓱᒍᓐᓃᕐᑎᓚᐅᕐᐰᑦ,

ᒨᓯᓯ ᐂᑉᐸᖏᑦ 1:22

ᐊᓱᐃᓛᒃ ᐊᖓᔪᖅᑳᕐᔪᐊᖅ ᐃᓄᖁᑎᒥᓄᑦ ᐊᑐᕐᑕᐅᖁᔭᒥᓂᒃ ᑐᓴᕐᑎᑦᓯᓕᕐᐳᖅ ᐃᒫᒃ, “ᐄᑉᕉᒥᐅᑦ ᕿᑐᕐᖓᕐᑖᕌᖓᑕ ᓄᑲᑉᐱᐊᓂᒃ ᑰᖕᒧᑦ ᓁᓕᒧᑦ ᐃᒋᖃᑦᑕᕐᓂᐊᕐᐸᓯ, ᐊᕐᓇᐅᓂᖏᓪᓕ ᑕᒪᕐᒥᒃ ᐆᒪᑎᖃᑦᑕᕐᓗᒋᑦ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:12

ᐊᖑᑦ ᓇᓄᕐᒥᒃ ᐊᒃᓴᒥᒃ ᓂᕕᐅᕐᑐᒥᒃ ᑲᑎᓯᓗᓂ ᐱᐅᓂᕐᓴᐅᕗᖅ, ᑲᑎᓯᒐᔭᕐᓂᖓᓂᑦ ᓯᓔᑦᑐᒥᒃ ᓯᓔᓐᓂᕐᒧᑦ ᐃᓕᖅᑯᓯᓕᖕᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:12

ᐊᖓᔪᖅᑳᕐᔪᐊᑉ ᓂᓐᖓᐅᒪᓂᖓ ᓛᔭᑎᑐᑦ ᓂᓪᓕᐊᔪᑎᑐᑦ ᐃᕐᓯᓇᕐᑎᒋᕗᖅ, ᓮᒪᕕᖃᕐᓂᖓᓕ ᐅᓪᓛᒃᑯᑦ ᐃᕕᒃᓱᒊᑦ ᖃᐅᓯᕐᓂᖓᑕ ᐊᑦᔨᒋᕚ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:2

ᐊᖓᔪᖅᑳᕐᔪᐊᑉ ᓂᓐᖓᐅᒪᓂᖓ ᑲᑉᐱᐊᓇᕐᑐᖅ, ᓛᔭᐅᑉ ᓂᓪᓕᐊᓂᖓᑐᑦ ᑍᒤᑉᐳᖅ; ᐊᖓᔪᖅᑳᕐᔪᐊᕐᒥᒃ ᓂᓐᖓᒃᑎᑦᓯᔪᖅ ᐃᓅᓯᕐᒥᓂᒃ ᓴᒃᑯᐃᔭᕆᐊᖃᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:2

ᐃᓱᐊᕐᑐᑦ ᐱᔪᓐᓇᕐᓂᖃᕐᓗᑎᒃ ᐊᐅᓚᑦᓯᓕᑐᐊᕐᒪᑕ, ᐃᓄᐃᑦ ᖁᕕᐊᓱᒃᐸᒃᐳᑦ; ᐱᐅᖏᑦᑐᓕᔪᑦ ᐊᖓᔪᖅᑲᐅᓕᑐᐊᕐᒪᑕ, ᐃᓄᐃᑦ ᐊᓂᕐᓴᐅᒥᕙᒃᐳᑦ.

ᐂᓮᐊᓯᐅᑉ ᐊᒡᓚᖏᑦ 14:5

ᐊᑕᓂᐅᑉ ᓇᐱᓯᒪᕔᑦ ᐱᐅᖏᑦᑐᓕᔪᑦ ᐊᔭᐅᑉᐱᐊᖏᑦ, ᐊᖓᔪᖅᑳᕐᔪᐊᓪᓗ ᐱᖁᔨᔪᓐᓇᐅᑎᒥᓄᑦ ᑎᒃᑯᐊᕐᓯᑦᔪᑎᖏᑦ.

ᐂᓮᐊᓯᐅᑉ ᐊᒡᓚᖏᑦ 14:6

ᓂᓐᖓᐅᒪᓂᕐᒥᖕᓄᑦ ᐃᓄᖕᓂᒃ ᐊᓇᐅᓕᕐᓯᕙᓚᐅᕐᑐᑦ ᓄᖅᑲᓚᐅᕐᓯᒪᓇᑎᒃ, ᐃᓅᖃᑎᒌᒡᔪᐊᓂᒡᓗ ᓵᓚᒋᓯᒪᔭᒥᖕᓂᒃ ᐊᖓᔪᖅᑲᐅᕕᖃᖃᑦᑕᓚᐅᕐᑐᑦ ᐊᑭᕋᕐᑐᕐᓗᒋᑦ ᓄᖅᑲᐅᑦᔨᓚᐅᕐᓯᒪᓇᑎᒃ.

ᕼᐆᓯᐊᑉ ᐊᒡᓚᖏᑦ 13:8

ᐅᐸᖕᓂᐊᕐᐸᒃᑲ ᓇᓄᕐᑎᑐᑦ ᓂᕕᐅᕐᑐᑎᑐᑦ ᐊᑎᕐᑕᒥᓂᒃ, ᐊᓕᒃᑐᕐᓗᒋᑦ ᐃᓯᕕᓐᓂᐊᕐᐸᒃᑲ ᖃᑎᒐᖏᑦ, ᑕᕝᕙᓂᓗ ᓂᕆᓂᐊᕐᐸᒃᑲ ᓛᔭᑎᑐᑦ, ᐃᕐᓯᓇᕐᑐᓄᑦ ᐆᒪᔪᓄᑦ ᓱᕋᒃᑎᕐᑕᐅᒐᔭᕐᓂᖏᑎᑐᑦ.

ᕼᐆᓯᐊᑉ ᐊᒡᓚᖏᑦ 5:11

ᐃᕗᕅᒥ ᐊᒃᓱᕈᕐᓇᕐᑐᒃᑰᓕᕐᐳᖅ; ᓄᓇᖁᑎᒋᓚᐅᕐᑕᒥᓂᒃ ᐊᓯᐅᔨᖕᒪᑦ, ᐱᓇᓱᐊᕋᓱᓚᐅᕐᒪᑕ ᐊᑑᑎᖃᖏᑦᑐᓄᑦ.

ᔨᐸᓁᐊᐅᑉ ᐊᒡᓚᖏᑦ 3:3

ᑖᑦᓱᒪ ᕿᑐᕐᖓᖏᑦ ᓛᔭᑎᑐᑦ ᐃᕐᓯᓵᕐᐳᑦ, ᐊᐅᓚᑦᓯᔨᖏᓪᓗ ᐊᒪᕈᕐᑎᑑᕐᐳᑦ, ᐅᓪᓛᒧᑦ ᐊᒥᐊᒃᑯᖏᑦᑐᑦ.

ᒫᑎᐅᓯᐅᑉ ᐊᒡᓚᖏᑦ 2:16

ᐃᕉᑕᓯ ᖃᐅᔨᓕᕋᒥ ᐅᓪᓗᕆᐊᓂᒃ ᐃᓕᓯᒪᔪᓄᑦ ᓴᒡᓗᕿᑕᐅᓂᕐᒥᓂᒃ, ᓂᓐᖓᕕᒃᔪᐊᕐᐳᖅ, ᐱᖁᔨᓕᕐᐳᖅ ᓄᑕᕅᑦ ᓄᑲᑉᐱᐊᖑᒃᐸᑕ ᐱᑦᓕᐊᒦᑦᑐᑦ ᖃᓂᒋᔮᓃᑦᑐᓪᓗ ᑕᒪᕐᒥᒃ ᑐᖁᕋᕐᑕᐅᖁᓪᓗᒋᑦ, ᒪᕐᕉᖕᓂᒃ ᐊᕐᕌᒍᓖᑦ ᓄᑲᕐᖠᓪᓗ, ᑍᒤᓕᐅᓚᐅᕐᐳᖅ ᑖᒃᑯᐊ ᐅᓪᓗᕆᐊᖓᓂᒃ ᑕᑯᓚᐅᕐᑐᑦ ᑐᑭᓯᕕᒋᑦᓯᐊᓚᐅᕋᒥᒋᑦ ᖃᖓᐅᑎᓪᓗᒍ ᓴᖅᑭᓚᐅᕐᒪᖔᑦ.

ᐲᑦᑐᕉᓯ ᓯᕗᓪᓖᑦ 5:8

ᐅᑦᔨᕐᑐᑦᓯᐊᕆᑦᓯ, ᑲᐅᔨᓴᕐᓗᓯᓗ. ᐊᑭᕋᕐᑐᕐᑎᓯ ᓵᑖᓇᓯ ᓇᒧᑐᐃᓐᓇᖅ ᐃᖏᕐᕋᖕᒪᑦ ᓔᔭᓐᑎᑐᑦ ᓂᓪᓕᐊᔪᕐᔪᐊᑎᑐᑦ, ᑭᓇᑐᐃᓐᓇᕐᒥᒃ ᓂᕆᔭᒃᓴᕐᓯᐅᕐᓗᓂ.