ᓲᓗᒨᓂᐅᑉ ᐅᖃᓪᓚᖕᓂᖏᑦ 28:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐊᔪᕐᓂᕐᒥᓂᒃ ᐃᔨᕐᓯᔪᖅ ᐱᕙᓪᓕᐊᓂᐊᓐᖏᓚᖅ, ᓇᓪᓕᐊᓪᓕ ᖃᕿᐊᓕᕐᑐᖅ ᐊᔪᕐᓂᕐᒥᒡᓗ ᕿᒤᓗᓂ ᓂᑲᒋᔭᐅᔪᒫᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:13 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 31:33

ᓈᒻᒪᖏᑦᑐᓕᓂᓐᓂᒃ ᐃᔨᕐᓯᓯᒪᓇᓱᓚᐅᕐᓯᒪᓐᓂᕈᒪ ᐃᓄᖕᓄᑦ, ᐱᐅᖏᑦᑐᓕᓂᒃᑲ ᐃᔨᕐᓯᒪᓗᒋᑦ ᓵᓐᓂ ᓴᕐᓕᐊᕐᓗᒋᑦ,

ᔫᐱᐅᑉ ᐊᒡᓚᖏᑦ 33:27

ᐃᓄᐃᓪᓗ ᓵᖏᓐᓂ ᐅᖃᕆᒃᓴᐅᑎᒋᓂᐊᕐᐹ, ᐅᖃᕐᓗᓂ, ‘ᐊᔪᕐᑐᓕᓚᐅᕐᐳᖓ, ᓇᓛᒎᕐᓂᕐᒥᓗ ᐃᓅᓚᐅᕐᓇᖓ, ᒎᑎᐅᓪᓕ ᓂᑲᒋᓪᓗᖓ ᓴᐳᑎᓚᐅᕐᐹᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 26:20

ᐱᓇᓱᐊᓚᐅᕐᐳᖓᓕ ᑕᒫᓯᑰᓯᒥᑦ ᐱᒋᐊᕐᓗᖓ, ᔨᕉᓴᓕᒻᒥᓗ, ᔫᑎᐊᒦᑦᑐᓕᒫᓂᓗ, ᔫᑎᐅᖏᑦᑐᓂᓗᑦᑕᐅᖅ ᐊᔪᕆᕐᑐᐃᖃᑦᑕᓚᐅᕐᐳᖓ ᐊᔪᕐᓂᕐᒥᖕᓂᑦ ᖃᕿᐊᓕᖁᓪᓗᒋᑦ ᒎᑎᒧᓪᓗ ᓵᒋᐊᖁᓪᓗᒋᑦ, ᖃᕿᐊᓕᕐᓂᕐᒥᖕᓂᒡᓗ ᓇᓗᓁᕐᓯᖁᓪᓗᒋᑦ ᐱᓂᐊᕐᓂᕐᒥᒃᑎᒍᑦ.

ᐃᓐᖏᕈᑎᑦ 51:10

ᐆᒻᒪᑎᒥᒃ ᓴᓗᒪᔪᒥᒃ ᓴᓇᓚᐅᕆᑦ ᐃᓗᓐᓂ, ᒎᑏ, ᓄᑖᓐᖑᕐᑎᓪᓗᒍᓗ ᐊᓂᕐᓂᕋ ᓈᓚᒎᕐᑐᖅ ᐃᓗᓐᓂ.

ᒨᓯᓯ ᓯᕗᓪᓖᑦ 4:9

ᑕᕝᕙ ᐊᑕᓂᐅᑉ ᑬᓂ ᐊᐱᕆᓕᕐᐹ, “ᓇᐅᒡᓕ ᓄᑬᑦ ᐂᐱᓕ?” ᑖᓐᓇ ᐅᖃᕐᐳᖅ, “ᖃᐅᔨᒪᓐᖏᓚᕋ; ᖃᓄᖅ ᓄᑲᓐᓂᒃ ᑲᒪᔨᐅᒐᒫ?”

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:12

ᐆᒥᓱᖕᓂᖅ ᐂᕙᓂᕐᒥᒃ ᓴᖅᑭᑎᑦᓯᕗᖅ, ᓇᒡᓕᖕᓂᕐᓕ ᐊᑭᕋᕐᑑᑎᓂᐅᒐᔭᕐᑐᓂᒃ ᒪᑐᓯᕗᖅ.

ᓴᒧᐃᓕ ᓯᕗᓪᓖᑦ 15:30

ᑕᕝᕙ ᐅᖃᓕᕐᐳᖅ, “ᐊᔪᕐᑐᓕᓚᐅᕐᐳᖓ; ᐅᐱᒋᓚᐅᓐᖓᓕ, ᐃᓄᐃᑦ ᐊᖓᔪᖅᑳᖏᑕ ᓵᖓᓂ ᐃᓴᕆᐊᓕᒥᐅᓪᓗ ᓵᖏᓐᓂ, ᐅᑎᖃᑎᒋᓚᐅᓐᖓ, ᑐᒃᓯᐊᕈᓐᓇᖁᓪᓗᖓ ᐊᑕᓂᕐᒧᑦ ᒎᑎᖕᓄᑦ.”

ᓴᒧᐃᓕ ᓯᕗᓪᓖᑦ 15:24

ᓴᐅᓕᓗ ᐅᖃᓕᕐᐳᖅ ᓴᒧᐃᓕᒧᑦ, “ᐊᔪᕐᑐᓕᓚᐅᕐᐳᖓ; ᐊᑕᓂᐅᑉ ᐅᖃᐅᓯᖏᑦ ᓱᕋᓚᐅᕐᐸᒃᑲ ᐅᖃᐅᓯᕐᑎᓪᓗ, ᐃᓄᖕᓂᒃ ᓯᕘᕋᓚᐅᕋᒪ ᓂᐱᖏᓪᓗ ᓈᓚᖔᓕᓚᐅᕋᒃᑭᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:9

ᐱᖁᔭᐅᖏᑦᑐᓂᒃ ᐱᓂᐊᖃᑦᑕᕐᑐᖅ ᓈᒻᒪᒋᔭᐅᔪᒪᓂᕐᒥᒃ ᕿᓂᕐᐳᖅ, ᐱᔮᕆᓪᓗᓂ ᐱᔭᕆᐊᖃᓐᖏᑕᒥᓄᑦ ᑍᒤᓕᐅᖃᑦᑕᕐᑐᖅ ᐃᓚᓐᓇᕇᖕᓂᕐᒥᒃ ᐊᕕᑎᑦᓯᕗᖅ.

ᓴᒧᐃᓕ ᓯᕗᓪᓖᑦ 15:13

ᓴᒧᐃᓕᓗ ᓴᐅᓕᒧᐊᕐᐳᖅ, ᓴᐅᓕᐅᓪᓗ ᐅᖃᐅᑎᕚ, “ᓮᒻᒪᕐᑎᑕᐅᒋᑦ ᐊᑕᓂᕐᒥᑦ ᐱᔪᑎᑦ; ᐊᑕᓂᐅᑉ ᐱᖁᔨᑦᔪᑎᒋᓚᐅᕐᑕᖏᑦ ᑲᔪᓯᑎᓚᐅᕐᐸᒃᑲ.”

ᒨᓯᓯ ᐱᖓᔪᖏᑦ 5:5

“ᓇᓪᓕᐊᑐᐃᓐᓇᖅ ᐸᓯᔭᒃᓴᐅᒍᓂ ᑖᒃᑯᓄᖓ ᓇᓪᓕᐊᓐᓄᑐᐃᓐᓇᖅ ᑖᓐᓇ ᖃᕿᐊᓕᕆᐊᖃᕐᐳᖅ ᖃᓄᖅ ᐊᔪᕐᑐᓕᓚᐅᕐᒪᖔᕐᒥ,

ᓴᒧᐃᓕ ᐂᑉᐸᖏᑦ 12:13

ᑍᕕᑎ ᐅᖃᕐᐳᖅ ᓁᑕᓂᒧᑦ, “ᐊᔪᕐᑐᓕᓚᐅᕐᐳᖓ ᐊᑕᓂᕐᒧᑦ.” ᓁᑕᓂᓗ ᑭᐅᕗᖅ, “ᐊᑕᓂᐅᑉ ᐃᓱᒪᒋᔪᓐᓁᕐᕕᒋᓯᒪᕚᑎᑦ; ᑐᖁᓂᐊᓐᖏᓚᑎᑦ.

ᓴᒧᐃᓕ ᐂᑉᐸᖏᑦ 14:32

ᐋᑉᓴᓚᒻ ᔪᐊᐱᒧᑦ ᑭᐅᕗᖅ, “ᕾᖁᔨᑎᓪᓗᖓ ᕾᔪᒪᓚᐅᖏᓐᓇᕕᑦ, ᐊᖓᔪᖅᑳᕐᔪᐊᒧᐊᖁᓚᐅᕋᒃᑭᑦ ᐊᐱᕆᖁᓪᓗᑎᑦ, ‘ᓱᖕᒪᑦ ᒋᓱᕅᒥᒃ ᕿᒤᓚᐅᕐᐳᖔ ᐅᕙᓐᓄᑦ ᐱᐅᓂᕐᓴᐅᒐᔭᓚᐅᕐᐳᖅ ᑍᑲᓃᖏᓐᓇᓚᐅᕈᒪ.’” ᐋᑉᓴᓚᒻ ᐅᖃᕆᐊᓪᓚᒃᐳᖅ, “ᑍᒤᒻᒪᑦ ᐋᖅᑭᒃᓱᐃᖁᕙᒋᑦ ᐊᖓᔪᖅᑳᕐᔪᐊᕐᒥᒃ ᑕᑯᔪᓐᓇᕐᓯᖁᓗᖓ, ᐸᓯᔭᒃᓴᐅᒍᒪᓗ ᐊᑏ ᑖᑦᓱᒪ ᑐᖁᓚᐅᕐᓛᖓ.”

ᐄᓱᕋᐅᑉ ᐊᒡᓚᖏᑦ 10:11

ᒫᓐᓇᓕ ᖃᕿᐊᓕᓕᕆᑦᓯ ᐊᔪᕐᑐᓕᓂᑦᓯᓐᓂᒃ ᐊᑕᓂᕐᒧᑦ ᓯᕗᓕᑦᓯ ᒎᑎᖓᓄᑦ, ᑖᑦᓱᒪᓗ ᖁᕕᐊᒋᔭᖓᓂᒃ ᐱᓇᓱᐊᕐᓗᓯ; ᐊᕝᕗᑎᓕᕆᑦᓯ ᐃᓅᖃᑎᒃᓴᔭᕆᓐᖏᑕᑦᓯᓐᓂᑦ ᓄᓇᖃᖃᑎᑦᓯᓐᓂᑦ ᓄᓕᐊᓯᓗ ᐃᓅᖃᑎᒃᓴᔭᕆᓐᖏᑕᓯ ᐊᕕᓪᓗᓯᐅᒃ.”

ᓂᕼᐃᒤᐊᐅᑉ ᐊᒡᓚᖏᑦ 9:2

ᕿᒃᓵᖕᓂᑎᒃ ᐊᔪᕐᑐᓕᓂᕐᒥᖕᓂᒃ ᐱᑦᔪᑎᒋᓪᓗᒍ ᐃᒻᒥᒍᑦ ᐃᓛᒃᑰᓕᕐᑎᓚᐅᕐᐳᑦ ᓄᓇᖅᑲᑎᒃᓴᔭᕆᓐᖏᑕᓕᒫᒥᖕᓂᑦ; ᑍᒫᒡᓗ ᓂᑯᕕᓪᓗᑎᒃ ᐊᔪᕐᑐᓕᓂᕐᒥᖕᓂᒃ ᓯᕗᓕᕕᓂᖏᑕᓗ ᐊᔪᕐᑐᓕᓂᕆᓚᐅᕐᑕᖏᓐᓂᒃ ᐅᖅᑲᕆᒃᓴᐅᑦᔨᓚᐅᕐᐳᑦ ᖃᕿᐊᓕᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 2:35

ᐅᖃᕐᐳᓯ ᐸᓯᔭᒃᓴᐅᖏᓐᓂᕋᕐᓗᓯ, ᓂᓐᖓᐅᑦᔭᐅᔪᒃᓴᐅᖏᓐᓂᕋᕐᓗᓯᓗ ᐅᕙᓐᓄᑦ. ᑕᑯᒋᑦ ᐃᖅᑲᕐᑐᐃᓂᐊᕐᐳᖓ ᐃᓕᑦᓯᓐᓂᒃ, ᐅᖃᓚᐅᕋᑦᓯ ᐊᔪᕐᑐᓕᓚᐅᖏᓐᓂᕋᕐᓗᓯ.

ᑖᓂᐊᓕᐅᑉ ᐊᒡᓚᖏᑦ 4:27

ᑍᒤᒻᒪᑦ ᐊᖓᔪᖅᑳᕐᔪᐊᖅ, ᐅᖃᐅᓯᕋ ᐃᓚᓕᐅᕈᒃ: ᐊᔪᕐᓂᑎᑦ ᑐᓄᓕᒃᑭᑦ, ᐊᑲᐅᔪᒥᒃ ᐱᓇᓱᐊᕐᓗᑎᑦ, ᐱᐅᖏᑦᑐᓕᓂᑎᓪᓗ ᕿᒪᓕᒃᑭᑦ ᐊᔪᕐᓴᕐᑐᑦ ᓂᑲᒋᓗᒋᑦ; ᐊᔪᕐᓴᖏᓐᓃᑦ ᑲᔪᓰᓐᓇᖁᓪᓗᒍ.”

ᐃᓗᐊᕐᓮᔩᑦ ᐊᒡᓚᖏᑦ 10:15

ᐃᓴᕆᐊᓕᒥᐅᓪᓕ ᑭᖑᕚᖏᑦ ᐅᖃᕐᐳᑦ ᐊᑕᓂᕐᒧᑦ, “ᐊᔪᕐᑐᓕᓚᐅᕐᐳᒍᑦ ᐅᕙᑦᑎᓐᓄᑦ ᐱᓇᓱᐊᓕᕆᑦ ᓈᒻᒪᒋᔭᕐᓂᒃ; ᑭᓯᐊᓂ ᐱᐅᓕᑎᒍᑦ, ᐃᓕᖕᓄᑦ ᑐᒃᓯᐊᕐᐳᒍᑦ ᐅᓪᓗᒥ.”

ᐊᑕᓃᑦ ᐂᑉᐸᖏᑦ 20:15

ᐂᓮᐊᓯᐅᑉ ᐊᐱᕆᒃᑲᓐᓂᕐᐹ, “ᓱᓇᓂᒃ ᑕᑯᕙᑦ ᐊᖓᔪᖅᑳᕐᔪᐊᑉ ᐃᒡᓗᖓᓃ?” ᕼᐃᓯᑬᐊ ᑭᐅᕗᖅ, “ᑍᒤᓐᓂᑦᓯᐊᖅ ᐃᓪᓗᑦᑎᓐᓃᑦᑐᓂᒃ ᑕᑯᓯᒪᓐᖏᑕᖃᕈᓐᓃᕐᐳᑦ; ᐱᒃᑯᕕᖃᐅᑎᑦᑎᓐᓃᑦᑐᓂᒃ ᐃᓘᓐᓇᖏᓐᓂᒃ ᕿᒥᕐᕈᑎᓐᓇᒃᑭᑦ.”

ᑯᕉᓂᑲ ᐂᑉᐸᖏᑦ 6:26

“ᕿᓚᒃ ᒪᑐᒃᐸᑦ ᓯᓚᓗᖃᑦᑕᕈᓐᓁᕐᐸᓪᓗ ᐃᓕᓐᓄᑦ ᐊᔪᕐᑐᓕᓂᖏᑦ ᐱᓪᓗᒋᑦ, ᑐᒃᓯᐊᕐᐸᑕᓗ ᑕᕝᕙᓂ, ᖃᕿᐊᓕᕐᓗᑎᒡᓗ ᐊᑎᕐᓄᑦ, ᐊᔪᕐᑐᓕᓂᕐᒥᖕᓂᒡᓗ ᕿᒤᒃᐸᑕ, ᒥᑭᒡᓕᑎᕐᓗᑎᒃ ᐃᓕᖕᓄᑦ ᑐᒃᓯᐊᕐᐸᑕ,

ᐄᓱᕋᐅᑉ ᐊᒡᓚᖏᑦ 10:2

ᑕᕝᕙ ᓯᑲᓁᐊ ᔨᕼᐃᐅᓕᐅᑉ ᐃᕐᓂᖓ, ᐃᓛᒻ ᑭᖑᕚᖏᓐᓂᑦ ᐱᓯᒪᔪᖅ, ᐅᖃᕐᐳᖅ ᐄᓱᕋᒧᑦ, “ᐅᒃᐱᕐᓂᕗᑦ ᒎᑎᒧᑦ ᓯᖁᒥᓯᒪᕗᖅ ᐂᑉᐸᕐᑖᕐᓯᒪᓂᑦᑎᓐᓄᑦ ᐃᓅᖃᑎᒃᓴᔭᕆᓐᖏᑕᑦᑎᓐᓂᒃ, ᑍᒤᒃᑲᓗᐊᕐᑎᓪᓗᒍ ᓱᓕ ᓂᕆᐅᖕᓂᒃᓴᖃᕐᐳᑦ ᐃᓴᕆᐊᓕᒥᐅᑦ.

ᔫᐱᐅᑉ ᐊᒡᓚᖏᑦ 34:31

ᒎᑎᒧᑦ ᐅᖃᕐᑐᖃᓚᐅᕐᓯᒪᕚ, ‘ᐋᖅᑭᒋᐊᕐᑕᐅᓯᒪᓕᕋᒪ; ᐱᐅᖏᑦᑐᓕᒃᑲᓐᓂᕐᓂᐊᕈᓐᓁᕐᐳᖓ;

ᐂᓮᐊᓯᐅᑉ ᐊᒡᓚᖏᑦ 55:7

ᐱᐅᖏᑦᑐᓕᔫᑉ ᐊᖅᑯᑎᓂ ᕿᒪᓕᕐᓕᐅᒃ, ᓈᒻᒪᖏᑦᑐᓪᓗ ᐃᓱᒪᒋᔭᓂ ᓈᒻᒪᖏᑦᑐᑦ ᑐᓄᓪᓕᒋᑦ; ᓵᒋᐊᕐᓗᓂᓗ ᐊᑕᓂᕐᒧᑦ, ᑕᕝᕙ ᑖᑦᓱᒪ ᓈᒃᑭᒋᓂᐊᕐᐹ, ᒎᑎᑦᑎᓐᓄᓪᓗ ᓵᒋᐊᕐᓕ ᑕᕝᕙ ᑲᔪᓯᑦᓯᐊᕐᑐᒥᒃ ᐃᓱᒪᒋᔪᓐᓁᕐᕕᒋᓂᐊᕐᐹ.

ᔫᓇᐅᑉ ᐊᒡᓚᖏᑦ 3:10

ᒎᑎᓗ ᓂᓂᕕᒥᐅᑦ ᑍᒤᓕᐅᕐᓂᖏᓐᓂᒃ ᑕᑯᕗᖅ, ᓴᖑᓂᖏᓐᓂᒃ ᐊᖅᑯᑎᒋᔭᒥᖕᓂᑦ ᐃᓗᐊᖏᑦᑐᓂᑦ; ᒎᑎᐅᓪᓗ ᐃᓱᒪᒋᔭᓂ ᐊᓯᑦᔨᕐᐹ ᐊᓯᕈᕐᑕᐅᓂᖅ ᑍᓐᓇ ᐅᖃᐅᑎᒋᓚᐅᕐᑕᓂ ᐱᓂᐊᕈᑎᒋᓂᐊᕐᓂᕋᓚᐅᕐᑕᓂᓗ ᑖᒃᑯᓄᖓ.