ᓲᓗᒨᓂᐅᑉ ᐅᖃᓪᓚᖕᓂᖏᑦ 28:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐱᐅᖏᑦᑐᓕᔪᑦ ᕿᒫᕗᑦ ᒪᓕᒃᑕᐅᒐᑎᒃ, ᐃᓱᐊᕐᑐᓕᔪᑦ ᓯᕘᕋᓐᖏᓚᑦ ᓛᔭᑎᑐᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:1 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 1:49

ᑕᕝᕙ ᐊᑐᓁᔭᐅᑉ ᕾᖁᓯᒪᔭᓕᒫᖏᑦ ᓴᔪᓕᕐᐳᑦ, ᒪᑭᓐᓇᒥᒃ ᐊᐅᓪᓚᕐᐳᑦ ᓇᒧᑐᐃᓐᓇᖅ ᐅᐸᒍᒪᔭᒥᖕᓄᑦ.

ᐊᑕᓃᑦ ᐂᑉᐸᖏᑦ 7:15

ᒪᓕᒃᓴᕐᐳᑦ ᑰᒃ ᔪᐊᕐᑕᓂ ᑎᑭᓪᓗᒍ ᐊᑐᕐᑕᕕᓂᖓᓪᓗ ᐊᓐᓄᕌᕕᓂᕐᓂᒃ ᓱᒋᐅᑎᓂᒡᓗ ᑲᑕᒊᕕᐅᓯᒪᕗᖅ ᓯᕆᐊᒥᐅᑦ ᑲᑕᒐᕐᑕᕕᓂᖏᓐᓂᒃ ᑐᐊᕕᕐᓗᑎᒃ ᕿᒫᓂᑯᒥᖕᓄᑦ, ᑖᒃᑯᐊᓗ ᖃᐅᔨᓴᕐᑎᑕᐅᔪᑦ ᐅᑎᕋᒥᒃ ᐊᖓᔪᖅᑳᕐᔪᐊᖅ ᐅᓂᒃᑲᐅᑎᕚᑦ.

ᓂᕼᐃᒤᐊᐅᑉ ᐊᒡᓚᖏᑦ 6:11

ᑭᐅᓚᐅᕐᐳᖓ, “ᐱᐅᓯᖃᓐᖏᓚᖓ ᕿᒫᔨᐅᓂᕐᒥᒃ ᐃᔨᕐᑎᑐᐃᓐᓇᐅᓂᕐᒥᒡᓗ, ᐃᓱᒪᕖᑦ ᓇᖕᒥᓂᖅ ᐃᓅᓯᓐᓂᒃ ᐱᐅᓕᓯᓇᓱᐊᕐᓂᐊᕐᑐᕆᓪᓗᖓ ᐃᔨᕆᐊᕐᑐᕐᓂᓐᓄᑦ ᑐᒃᓯᐊᕐᕕᒃᔪᐊᕐᒨᑦ? ᑍᒤᓐᓂᐊᓐᖏᓚᖓ.”

ᔫᐱᐅᑉ ᐊᒡᓚᖏᑦ 15:21

ᑲᑉᐱᐊᓱᐊᕙᓗᖕᒥᒃ ᓂᐱᒥᒃ ᑐᓵᕙᖕᓂᐊᕐᐳᖅ; ᐃᓱᒫᓗᓇᕐᑐᖃᕐᑎᓐᓇᒍ ᐊᓯᕈᐃᔨᒧᑦ ᑎᑭᑕᐅᔪᒫᕐᐳᖅ.

ᐃᓐᖏᕈᑎᑦ 112:7

ᐱᐅᖏᑦᑐᓂᒃ ᑐᓴᕐᑎᑕᐅᒐᓗᐊᕈᓂ ᓯᕘᕋᓂᐊᓐᖏᓚᖅ; ᑖᑦᓱᒪ ᐆᒻᒪᑎᖓ ᐊᐅᓚᖏᑦᑐᒦᒻᒪᑦ, ᐊᑕᓂᕐᒥᒃ ᑕᑎᖃᕐᓗᓂ.

ᐃᓐᖏᕈᑎᑦ 53:5

ᑲᑉᐱᐊᓱᒃᑐᐊᓘᕗᑦ ᑲᑉᐱᐊᓇᕐᑐᖃᓐᖏᑎᓪᓗᒍ, ᐃᓕᑦᓯᓐᓂᒃ ᓱᕐᔪᒃᑐᑦ ᓴᐅᓂᖏᑦ ᒎᑎᐅᑉ ᓯᐊᒻᒪᕐᑎᓐᓂᐊᕐᒪᒋᑦ; ᑲᓐᖑᓇᕐᑐᒦᑎᑕᐅᓂᐊᕐᐳᑦ, ᒎᑎᐅᑉ ᖁᔭᓈᕐᓯᒪᖕᒪᒋᑦ.

ᐃᓐᖏᕈᑎᑦ 53:6

ᐃᓴᕆᐊᓕᒧᑦᑐᖅ ᐃᑲᔪᕐᑎᒃᓴᒥᒃ ᑎᑭᑦᑐᖃᓚᐅᕐᓕ ᓮᐅᓂᒥᑦ! ᒎᑎᐅᑉ ᐃᓄᖁᑎᓂ ᐅᑎᕐᑎᓕᕐᐸᒋᑦ ᐊᐅᓪᓚᕐᑎᑕᐅᓯᒪᕕᖕᒥᑦ, ᔧᑯ ᖁᕕᐊᓱᒍᒫᕐᐳᖅ ᐃᓴᕆᐊᓕᓗ ᐊᓕᐊᓁᒍᓱᒡᓗᓂ.

ᒨᓯᓯ ᐂᑉᐸᖏᑦ 11:8

ᒨᓯᓯ ᑭᖑᓪᓕᕐᐹᒥᒃ ᐅᖃᓕᕐᐳᖅ, “ᐱᔨᑎᑦ ᐅᕙᓐᓄᑦ ᕾᓂᐊᕐᐳᑦ ᓵᓐᓄᓪᓗ ᐹᒻᒪᒃᑎᕐᓗᑎᒃ, ᐅᕙᓐᓂᒡᓗ ᐊᐅᓪᓚᖁᔨᕕᒃᔪᐊᕐᓂᐊᕐᐳᑦ ᐃᓄᖁᑎᒃᑲ ᐱᖃᑎᒋᓗᒋᑦ, ᑭᖑᓂᖓᒍᓪᓗ ᐊᐅᓪᓚᕐᓂᐊᕐᐳᖓ.” ᒨᓯᓯᒧᓗ ᐊᑲᐅᒃᓴᖏᑦᑐᒻᒪᕆᐊᓘᓪᓗᓂ ᐊᖓᔪᖅᑳᕐᔪᐊᖅ ᕿᒪᓕᕐᐹ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:9

ᐸᓯᔭᒃᓴᐅᖏᑦᑐᒥ ᐃᓅᔪᖅ ᐊᑕᕐᓇᖏᑦᑐᒥᒃ ᐃᓅᓯᖃᕐᐳᖅ, ᑲᓐᖑᓇᕐᑐᓕᓂᒃᑯᓪᓕ ᐃᓅᔪᖅ ᓴᖅᑭᑎᑕᐅᔪᒫᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 27:27

ᒎᑦᓰᓪᓗ ᐃᒻᒧᖏᓐᓂᒃ ᐊᒥᒐᖏᑦᑐᒥᒃ ᓂᕿᖃᕈᒫᕐᐳᑎᑦ, ᐃᒡᓗᒥᐅᖃᑎᕕᑦ ᓂᕿᒃᓴᖏᓐᓂᒃ, ᐱᔨᕕᓪᓗ ᐊᕐᓁᑦ ᓂᕿᒋᔪᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 30:17

1000 ᕿᒫᔪᒫᕐᐳᑦ ᐊᑭᕋᑦᓯ ᐅᓇᑕᕐᑎᖁᑎᖓᓂᒃ ᐊᑕᐅᓯᕐᒥᒃ ᑕᑯᒍᑎᒃ, ᑕᓪᓕᒪᓂᒃ ᑕᑯᓕᕈᑦᓯ ᐊᑕᖏᕐᓗᓯ ᕿᒫᔪᒪᕐᐳᓯ, ᐊᒥᐊᒃᑯᑕᖃᖏᓪᓗᓯ, ᓮᒻᒪᑎᐅᑉ ᓇᑉᐸᖅᑯᑎᖓᑐᑦ ᖃᖅᑲᐅᑉ ᖄᖓᓃᑦᑐᑐᑦ ᖃᖅᑲᐅᓪᓗ ᑳᖓᓂ ᖃᓕᕇᓕᕈᒫᕐᐳᓯ ᓇᓗᓁᒃᑯᑕᐅᔪᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 7:2

ᑍᕕᑎᐅᓪᓕ ᑭᖑᕚᖏᑦ ᑐᓴᕐᑎᑕᐅᒐᒥ, ᓯᕆᐊᒥᐅᑦ ᐅᓇᑕᕐᑐᒃᓴᖏᑦ ᐃᓴᕆᐊᓕᒥᐅᑦ ᓄᓇᖓᓐᓃᓕᕐᓂᖏᓐᓂᒃ ᑕᐱᖃᓕᕐᓂᖏᓐᓂᒡᓗ ᐃᕗᕅᒥᐅᑦ ᑭᖑᕚᖏᓐᓂᒃ, ᐆᒻᒪᑎᖓ ᐃᓄᖁᑎᓕᒫᖏᑕᓗ ᐆᒻᒪᑎᖏᑦ ᓴᔪᓕᕐᐳᑦ, ᓇᐹᕐᑐᑎᑐᑦ ᐊᓄᕆᒧᑦ ᐊᐅᓚᑎᑕᐅᔪᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 20:4

ᐃᒫᒃ ᐊᑕᓂᖅ ᐅᖃᕐᐳᖅ; ᑕᑯᒋᑦ, ᑲᑉᐱᐊᓇᕐᑐᒥᒃ ᓇᖕᒥᓂᕐᓄᑦ ᑎᑭᑎᑦᓯᕕᒋᓂᐊᕐᐳᑎᑦ ᐃᓚᓐᓇᕆᔭᕐᓄᓪᓗ. ᓇᖕᒥᓂᖅ ᑕᑯᓐᓇᕈᒫᕋᕕᒋᑦ ᐅᓇᑕᕐᑐᓂ ᑐᖁᕋᕐᑕᐅᓕᕐᑎᓪᓗᒋᑦ ᐊᑭᕋᑦᓯᓐᓄᑦ, ᔫᑕᒥᐅᓕᒫᑦ ᐹᐱᓘᓂᐅᑉ ᐊᖓᔪᖅᑳᕐᔪᐊᖓᓐᓄᑦ ᐱᔭᐅᑎᑦᓱᒫᕐᐸᒃᑲ; ᑖᑦᓱᒪᓗ ᐊᐅᓪᓚᕈᑎᔪᒫᕐᐰᑦ ᐹᐱᓘᓂᒧᑦ, ᑐᖁᓪᓗᒋᓪᓗ.

ᒨᓯᓯ ᐱᖓᔪᖏᑦ 26:17

ᐊᓚᕐᓂᐊᕐᐸᑦᓯ, ᐊᑭᕋᑦᓯᓐᓂᓪᓗ ᓵᓚᐅᓂᐊᕐᐳᓯ; ᐆᒥᒋᔨᓯ ᐊᖓᔪᖅᑳᕆᓕᕐᓂᐊᕐᐸᓯ, ᕿᒫᖃᑦᑕᕐᓂᐊᕐᐳᓯᓗ ᖃᓄᐃᓕᐅᕐᑕᐅᖏᒃᑲᓗᐊᕐᑎᓪᓗᓯ.

ᒨᓯᓯ ᐱᖓᔪᖏᑦ 26:36

“ᐃᓕᑦᓯᓐᓂᓪᓗ ᐊᒥᐊᒃᑯᑦ ᕿᒫᑎᑕᐅᓯᒪᔪᑦ ᐊᑭᕋᑦᓯᓐᓃᑎᑕᐅᔪᑦ, ᐃᕐᓯᓂᕐᒥᒃ ᐱᑎᑦᓱᒪᕙᒃᑲ ᐊᒡᓛᑦ ᓇᐹᕐᑑᑉ ᐅᖃᐅᔭᖏᓐᓂᒃ ᐊᓄᕆᒧᑦ ᐊᐅᓚᑕᐅᔪᓂᒃ ᕿᒫᖃᑦᑕᓕᕋᔭᕐᐳᑦ. ᑕᒪᒃᑯᓂᖓ ᕿᒫᖃᑦᑕᓕᕋᔭᕐᐳᑦ ᐅᓇᑕᕐᓂᕐᒧᑦ ᐊᑭᕋᒥᖕᓂᑦ ᒪᓕᒃᑕᐅᔪᑐᑦ, ᐹᓪᓚᖃᑦᑕᓕᕐᓗᑎᒡᓗ ᕿᒫᑎᑕᐅᓇᓱᖏᒃᑲᓗᐊᕐᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 14:3

ᑖᒃᑯᐊᒃ ᐊᑯᓂ ᑕᕝᕙᓃᑉᐴᒃ ᐊᔪᕆᕐᑐᐃᓪᓗᑎᒃ ᓯᕘᕋᓇᑎᒃ ᐊᑕᓂᖅ ᐱᑦᔪᑎᒋᓪᓗᒍ, ᐅᖃᐅᓯᕆᔭᖏᑦ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓴᖅᑭᑎᑦᓯᕗᑦ ᓱᓕᑦᓯᐊᕐᓂᖓᓂᒡᓗ, ᐱᔪᓐᓇᕐᓂᖃᕐᑎᑕᐅᕗᓪᓗ ᑲᒪᓇᕐᑐᓕᓪᓗᑎᒃ ᓇᓗᓁᒃᑯᑕᕐᑎᒍᓪᓗ ᐱᓇᓱᐊᕐᑎᑕᐅᓪᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 4:13

ᑲᑎᒪᔨᕐᔪᐊᑦ ᑲᒪᓂᐊᓕᕐᐳᑦ ᐲᑦᑐᕉᓯᐅᑉ ᔪᐊᓇᓯᐅᓪᓗ ᓯᕘᕋᖏᓐᓂᖏᖕᓂᒃ, ᖃᐅᔨᒪᓪᓗᑎᒡᓗ ᐃᓕᓐᓂᐊᕐᓯᒪᖏᒻᒪᑎᒃ, ᐃᓄᑐᐃᓐᓇᐅᓪᓗᑎᒃ, ᖃᐅᔨᒪᓚᐅᕐᐳᑦ ᔩᓱᓯᒥᒃ ᐃᓚᖃᖃᑦᑕᓚᐅᕐᒪᑎᒃ.

ᒨᓯᓯ ᑕᓪᓕᒪᖏᑦ 28:25

“ᐊᑕᓂᐅᑉ ᓵᓚᐅᑎᑦᓱᒫᕐᐹᓯ ᐊᑭᕋᑦᓯᓐᓄᑦ; ᐊᑕᐅᓯᕐᒥᓐᖔᕐᓗᓯ ᐅᓇᑕᕆᐊᕈᒫᕐᐸᓯ, ᕿᒫᔪᒫᕐᐳᓯᓕ ᓵᓐᖓᔭᑐᐃᓐᓇᑦᓯᓐᓄᑦ ᕿᒫᓕᕐᓗᓯ, ᓄᓇᕐᔪᐊᕐᒥᐅᓪᓗ ᐊᖓᔪᖅᑲᐅᕕᖃᕐᑐᓕᒫᑦ ᑯᐊᕐᓵᕐᓯᒪᔪᒫᕐᐳᑦ ᖃᓄᐃᓕᕐᓂᑦᓯᓐᓂᒃ ᑕᑯᒍᑎᒃ.

ᒨᓯᓯ ᑕᓪᓕᒪᖏᑦ 28:7

“ᐊᑕᓂᐅᑉ ᐊᑭᕋᕐᑐᕐᑎᓯ ᐃᓕᑦᓯᓐᓂᒃ ᐅᓇᑕᕋᓱᓕᕐᐸᑕ ᓵᓚᒋᖃᑦᑕᕐᓂᐊᕐᐰᑦ ᓵᑦᓯᓐᓂ; ᐃᓕᑦᓯᓐᓄᑦ ᐅᓇᑕᕆᐊᕋᔭᕐᐳᑦ ᐊᑕᐅᓯᕐᒥᓐᖔᕐᓗᑎᒃ, ᐃᓕᑦᓯᓐᓂᓪᓕ ᕿᒫᓕᕋᔭᕐᐳᑦ ᓵᓐᖓᔭᑐᐃᓐᓇᕐᒥᖕᓄᑦ ᕿᒫᓕᕐᓗᑎᒃ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:2

ᖃᐅᔨᒪᕗᓯ ᐃᓕᑦᓯᓐᓄᐊᓚᐅᕐᓇᑕ ᓱᓕ ᐱᑦᓯᐊᕐᑕᐅᖏᓐᓂᕆᓚᐅᕐᑕᑦᑎᓐᓂᒃ ᒥᑕᐅᑎᒋᔭᐅᓚᐅᕐᓂᑦᑎᓐᓂᒡᓗ ᐱᓕᐰᒥ, ᑍᒤᒃᑲᓗᐊᕐᑎᓪᓗᒍᓕ, ᐊᑭᕋᕐᑐᕐᑕᐅᒻᒪᕆᒃᑲᓗᐊᕐᓗᑕ ᒎᑎᐅᑉ ᐱᔪᓐᓇᕐᑎᓚᐅᕐᐹᑎᒍᑦ ᐃᓕᑦᓯᓐᓂᒃ ᑐᓴᕐᑎᑦᓯᖁᓪᓗᑕ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᑖᑦᓱᒪᖓᑦ ᐱᔪᓂᒃ.