ᓲᓗᒨᓂᐅᑉ ᐅᖃᓪᓚᖕᓂᖏᑦ 26:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᓇᓪᓕᐊᑦ ᐆᒥᓱᒃᑐᖅ, ᐃᔨᕐᓯᒪᑎᑉᐹ ᖃᓂᕐᒥᓄᑦ, ᐅᐃᕕᕆᒃᓯᓂᕐᓗ ᐃᓗᒥᓃᑎᓪᓗᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 26:24 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 34:13

ᔧᑰᑉ ᐃᕐᓂᖏᑦ ᑭᐅᓕᕐᐳᑦ ᓯᓔᕐᕆᒃᓯᕐᓗᑎᒃ ᓯᑭᒻᒥᒃ ᐊᑖᑕᖓᓂᒡᓗ ᕼᐊᒧᕆᒥᒃ, ᓇᕐᕈᓇᕐᓯᑎᑦᓯᓚᐅᕐᓂᖓᓄᑦ ᓇᔭᖓᓐᓂᒃ ᑍᓇᒥᒃ.

ᓴᒧᐃᓕ ᐂᑉᐸᖏᑦ 13:26

ᑕᕝᕙ ᐋᑉᓴᓚᒻ ᐅᖃᓕᕐᐳᖅ, “ᕾᓂᐊᖏᒃᑯᕕᑦ, ᓄᑲᕋ ᐋᒻᓇᓐ ᐃᓚᐅᑎᑦᓱᓐᓇᕐᐱᐅᒃ?” ᐊᖓᔪᖅᑳᕐᔪᐊᖅ ᐅᖃᐅᑎᕚ, “ᓱᖕᒪᑦ ᕾᔭᕆᐊᖃᕐᐹ?”

ᓴᒧᐃᓕ ᐂᑉᐸᖏᑦ 13:27

ᐋᑉᓴᓚᒻᓕ ᐊᔪᐃᓐᓇᕐᒪᑦ ᑍᕕᑎ ᐊᖏᓚᐅᖅᑳᕐᑎᓐᓇᒍ ᐋᒻᓇᒥᒃ ᐃᕐᓂᓕᒫᖏᓐᓂᒡᓗ ᐋᑉᓴᓚᒻᒧᑦ ᐱᖃᑕᐅᖁᓪᓗᒋᑦ ᐱᖁᔨᓕᓚᐅᕐᐳᖅ.

ᓴᒧᐃᓕ ᐂᑉᐸᖏᑦ 20:9

ᔪᐊᐱ ᐅᖃᕐᐳᖅ ᐊᒪᓴᒧᑦ, “ᖃᓄᐃᑉᐲᑦ, ᐱᖃᓐᓇᕆᔮᒃ?” ᐅᒥᖏᑦ ᑎᒍᕔᑦ ᑕᓕᕐᐱᖕᒥᓄᑦ ᑯᓂᒐᓱᐊᕐᓗᒍ.

ᓂᕼᐃᒤᐊᐅᑉ ᐊᒡᓚᖏᑦ 6:2

ᑍᒤᒻᒪᑦ ᓴᓐᐸᓛᑎᓗ ᒋᓯᒥᓗ ᐅᖃᕆᐊᕐᑐᕐᑎᑦᓯᓚᐅᕐᐴᒃ, ᐅᕙᓐᓂᒃ ᑲᑎᓯᑬᓐᓇᕈᒪᓪᓗᑎᒃ ᓄᓇᓖᑦ ᐃᓚᖓᓐᓂ ᐆᓅᒥ. ᑭᓯᐊᓂ ᓯᓔᕐᕆᒃᓯᓇᓱᐊᓚᐅᕐᐳᑦ ᐅᕙᓐᓂᒃ ᐋᓐᓂᕐᓯᔪᒪᓪᓗᑎᒃ.

ᐃᓐᖏᕈᑎᑦ 12:3

ᐊᑕᓂᐅᑉ ᑭᐱᑎᑦᓱᒫᓕᕐᐰᑦ ᐱᐅᔪᕆᓂᕐᒥᒃ ᓂᓪᓕᐊᔪᑦ, ᐅᕾᓪᓗ ᐱᐅᔪᕆᑦᔪᑎᒥᖕᓂᒃ ᓂᓪᓕᐊᔪᑦ,

ᐃᓐᖏᕈᑎᑦ 28:3

ᐱᐅᖏᑦᑐᓕᔪᑦ ᐃᓚᒋᓗᒋᑦ ᓴᓂᕐᕙᖃᓯᐅᑎᓂᐊᕐᓇᖓ, ᐱᐅᖏᑦᑐᐊᓗᖕᓂᒡᓘᓐᓂᑦ ᐱᓇᓱᐊᕐᑎᑦ ᐃᓚᒋᓗᒋᑦ. ᐃᓅᖃᑎᒥᖕᓄᑦ ᓮᒪᓂᕐᒥᒃ ᐅᖃᐅᓯᖃᕐᐳᑦ, ᐱᐅᖏᑦᑐᐊᓗᖕᓂᒡᓗ ᐆᒻᒪᒥᐅᑕᖃᕐᓗᑎᒃ.

ᐃᓐᖏᕈᑎᑦ 41:6

ᑕᑯᔭᕐᑐᕐᑕᐅᒍᒪ, ᑕᕝᕙ ᓱᓕᖏᑦᑐᓂᒃ ᐅᖃᐅᓯᖃᕐᐳᖅ; ᐆᒻᒪᑎᒥᒍᓪᓗ ᐅᖃᕐᓂᕐᓘᑎᒃᓴᒥᓂᒃ ᑲᑎᕐᓱᐃᕗᖅ; ᐊᓂᒐᒥᓗ ᐅᖃᐅᓯᕆᓕᕐᐰᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:18

ᐆᒥᓱᖕᓂᕐᒥᒃ ᐃᔨᕐᑐᐊᓕᒃ ᓴᒡᓗᖃᑦᑕᕐᐳᖅ ᐅᖃᐅᓯᕐᒥᒍᑦ, ᐊᓯᒥᓂᒡᓗ ᐅᖃᐅᓯᒃᑯᑦ ᓇᕐᕈᓇᕐᑎᑦᓯᕙᒃᑐᖅ ᓯᓔᑦᑑᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:1

ᓴᒡᓗᕿᑦᓯᓪᓗᑎᒃ ᐅᖁᒤᓐᓂᓂᐊᕈᑎᑎᒍᑦ ᐊᑭᓕᕐᑐᐃᔪᑦ ᐊᑕᓂᐅᑉ ᓇᕐᕈᒋᕔᑦ, ᓱᓕᓪᓗᑎᒡᓕ ᐅᖁᒤᓐᓂᕐᓯᐅᑎᓂᒃ ᐊᑐᕐᑐᑦ ᐊᑕᓂᐅᑉ ᖁᕕᐊᒋᕔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:17

ᓱᓕᔪᒥᒃ ᐅᖃᐅᓯᖃᕐᑐᖅ ᐃᓱᐊᕐᑐᒥᒃ ᓇᓗᓁᕐᓯᔪᓐᓇᕐᐳᖅ, ᓱᓕᖏᑦᑑᓪᓕ ᐅᖃᐅᓯᕆᔭᖏᑦ ᐅᐃᕕᕆᒃᓯᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:20

ᐅᐃᕕᕆᒃᓯᓂᖅ ᐆᒻᒪᑎᖓᓂᑉᐳᖅ ᐱᐅᖏᑦᑐᓂᒃ ᐃᓱᒪᒃᓴᕐᓯᐅᕈᑎᖃᕐᑐᓄᑦ, ᐃᓱᒪᒃᓴᕐᓯᐅᑦᓯᐊᕐᑐᓪᓕ ᐱᐅᔪᓂᒃ ᖁᕕᐊᓱᖕᓂᕐᒦᑉᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:5

ᐃᓱᐊᕐᑑᑉ ᐃᓱᒪᒋᔭᖏᑦ ᐊᑦᔨᒌᒃᑎᑦᓯᓂᐅᕗᑦ ᐱᐅᖏᑦᑑᓪᓕ ᐃᓱᒪᒃᓴᕐᓯᐅᖃᑎᒌᖕᓂᕆᔭᖏᑦ ᑕᑎᒋᔭᒃᓴᐅᓐᖏᓚᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:8

ᓯᓚᑐᓂᕐᒥᓄᑦ ᓯᕗᓂᒃᓴᕐᓯᐅᑦᓯᐊᕐᑑᑉ ᐊᖅᑯᑎᒋᔭᓂ ᐅᑦᔨᕐᑐᑦᓯᐊᕐᓗᒍ ᐃᓅᕗᖅ, ᓯᓔᑦᑐᓪᓕ ᐱᓂᐊᕐᓂᖃᕐᐳᑦ ᑕᒻᒪᕐᑎᑦᓯᓪᓗᑎᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:7

ᐆᒻᒪᑎᒥᒍᑦ ᐃᓱᒪᒋᔭᓂ, ᐃᓕᖅᑯᓯᕆᖕᒪᒋᑦ, “ᓂᕆᒋᑦ ᐃᒥᕐᓗᑎᓪᓗ” ᐃᓕᖕᓄᑦ ᐅᖃᕐᐳᖅ; ᐆᒻᒪᑎᖓᑕᓕ ᐃᓚᒋᓐᖏᓛᑎᑦ.

ᔨᕆᒤᐊᐅᑉ ᐊᒡᓚᖏᑦ 9:4

ᐃᓚᓐᓇᕆᔭᑎᑦ ᐅᑦᔨᕆᑦᓯᐊᒃᑭᑦ; ᖃᑕᓐᖑᑏᑦ ᐅᒃᐱᕆᑦᑍᓕᒍᒃ, ᖃᑕᓐᖑᑎᒌᑦ ᓴᒡᓗᕿᖃᑦᑕᐅᑎᔪᐃᓐᓇᐅᓕᕐᒪᑕ, ᐃᓚᓐᓈᕇᓪᓗ ᓱᓕᓂᖃᕈᓐᓃᕐᓗᑎᒃ ᐅᖃᐅᓯᖏᑦ.

ᓴᒧᐃᓕ ᓯᕗᓪᓖᑦ 18:17

ᑕᕝᕙ ᓴᐅᓕ ᐅᖃᕐᐳᖅ ᑍᕕᑎᒧᑦ, “ᐅᓇ ᐸᓂᒐ ᐊᖓᔪᒃᓯᖅ ᒥᕋᑉ; ᐃᓕᖕᓄᑦ ᑐᓂᔭᕋ ᓄᓕᐊᕐᑖᖑᖁᓪᓗᒍ, ᓯᕘᕋᖏᓪᓗᑎᑦ ᐅᓇᑕᕐᓂᐊᕈᕕᑦ, ᐊᑕᓂᐅᑉ ᐅᓇᑕᕐᓂᖓᓂᒃ.” ᓴᐅᓕ ᐃᓱᒪᖃᓚᐅᕋᒥ, “ᐱᔪᓐᓇᕐᓂᓐᓄᑦ ᑖᑦᓱᒥᖓ ᐱᓇᓱᐊᖏᓪᓗᖓ, ᐱᓕᔅᑍᓂᒥᐅᓪᓕ ᐱᔪᓐᓇᕐᓂᖏᑦ ᐱᓇᓱᐊᖔᓕᕐᓕᑦ ᑖᑦᓱᒥᖓ.”