ᓲᓗᒨᓂᐅᑉ ᐅᖃᓪᓚᖕᓂᖏᑦ 25:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᓇᓪᓕᐊᑦ ᓇᖕᒥᓂᕐᒥᓂᒃ ᐊᐅᓚᑦᓯᔪᓐᓇᖏᑦᑐᖅ ᐊᑦᔨᖃᕐᐳᖅ ᐃᒡᓗᒐᓴᒡᔪᐊᓂᒃ ᓯᖁᒥᓯᒪᔪᓂᒃ, ᐊᕙᓗᕐᔪᐊᖃᖏᑦᑐᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 25:28 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 32:5

ᐊᖓᔪᖅᑳᕐᔪᐊᑉ ᑕᕝᕙ ᓲᓐᖑᓯᑎᑦᓯᒋᐊᕐᓗᓂ ᐊᕙᓗᕐᔪᐊᒥ ᓯᖁᒥᓯᒪᔪᑦ ᓴᓇᒋᐊᕐᑕᐅᑎᑉᐰᑦ, ᓇᐸᔪᕐᔪᐊᒥᒡᓗ ᓇᑉᐰᕕᒋᓪᓗᒋᑦ, ᓯᓚᑖᒍᓪᓗ ᐊᕙᓗᕐᔪᐊᓕᐅᒃᑲᓐᓂᕐᐳᖅ; ᓲᖑᓯᑎᒋᐊᕐᐹᓗ ᒥᓗᒥᒃ ᐊᑎᓕᒃ ᓴᐴᓗᑕᖅ ᑍᕕᑎᐅᑉ ᐃᒡᓗᒐᓴᖏᓐᓃᑦᑐᖅ, ᓴᓇᑎᑦᓯᕗᕐᓗ ᐅᓇᑕᐅᑎᓂᒃ ᖃᓗᒋᐊᓂᒃ ᓴᐴᓗᑕᕐᓂᒡᓗ ᐅᓄᕐᑐᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 1:3

ᑖᒃᑯᐊ ᐅᖃᐅᑎᕚᖓ, “ᑖᒃᑯᐊ ᐅᑎᕐᓯᒪᓕᕐᑐᑦ ᑕᕝᕗᖓ ᐊᐅᓪᓚᕈᑦᔭᐅᓯᒪᓚᐅᕐᑐᓂᑦ ᐅᑯᒤᒃᓴᕐᑐᒻᒪᕆᐊᓘᕗᑦ ᑲᓐᖑᓇᕐᑐᒦᓪᓗᑎᒡᓗ; ᔨᕉᓴᓕᐅᓪᓗ ᐊᕙᓗᕐᔪᐊᖓ ᓱᕋᒃᓯᒪᓪᓗᓂ, ᐃᑎᕐᑕᕐᕕᖏᓪᓗ ᐃᑯᒪᒧᑦ ᓄᖑᑕᐅᓯᒪᕗᑦ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:32

ᓂᓐᖓᒃᓴᕅᖏᑦᑐᖅ ᐊᔪᖏᑦᑐᕐᔪᐊᒥᑦ ᐱᐅᓂᕐᓴᐅᕗᖅ, ᐊᓂᕐᓂᕐᒥᓂᒡᓗ ᐊᐅᓚᑦᓯᔪᓐᓇᕐᑐᖅ ᐱᐅᓂᕐᓴᐅᒋᕗᖅ ᐃᒡᓗᒐᓴᒡᔪᐊᓂᒃ ᓵᓚᖃᕐᑐᒥᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:18

ᐃᕐᓃᑦ ᐋᖅᑭᒋᐊᕈᒃ ᐱᕕᖃᕐᓂᖓᓂ, ᐃᓅᓯᕐᓗᓕᕐᓇᕐᑐᒧᑦ ᑎᑭᐅᑎᑎᑦᓱᒫᕋᕕᐅᒃ ᐃᓱᒪᒋᕙᖕᓂᖏᒃᑯᕕᐅᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:19

ᓂᓐᖓᕕᒃᔪᐊᖃᑦᑕᕐᑐᖅ ᐊᒃᓱᕈᕐᓇᕐᑐᒧᑦ ᓱᒋᐊᕐᑕᐅᑦᔪᑎᖃᕐᓂᐊᕐᐳᖅ, ᑕᒪᑐᒪᓐᖓᑦ ᓴᐳᑎᔪᓐᓇᕋᕕᐅᒃ, ᓱᓕ ᓴᐳᑎᓕᖅᑭᖃᑦᑕᕆᐊᖃᕐᓂᐊᕐᐸᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:24

ᐃᓚᓐᓈᕐᑖᕋᓱᐊᕐᑍᓕᒋᑦ ᓂᓐᖓᒃᓴᕅᑦᑐᒥᒃ, ᓂᓐᖓᒃᑳᓗᖕᒥᒡᓗ ᐃᓅᖃᑎᑖᕋᓱᐊᕐᓂᐊᕐᓇᒃ.

ᓴᒧᐃᓕ ᓯᕗᓪᓖᑦ 20:30

ᑕᕝᕙ ᓴᐅᓕ ᓂᓐᖓᒻᒪᕆᒃᐳᖅ ᔫᓇᑕᓂᒧᑦ, ᐅᖃᐅᑎᓪᓗᒍᓗ, “ᐱᐅᖏᑦᑐᐊᓗᖕᒧᑦ ᐊᑭᕋᕐᑐᕐᑎᐊᓗᖕᒧᓪᓗ ᐊᕐᓇᒧᑦ ᐃᕐᓂᕆᔭᐅᕗᑎᑦ! ᒫᓐᓇ ᖃᐅᔨᕗᖓ ᔨᓯᐅᑉ ᐃᕐᓂᖓ ᐃᓚᓕᐅᕇᕋᕕᐅᒃ ᐃᓕᖕᓂᒃ ᐊᓈᓇᖕᓂᒡᓗ ᓇᕐᕈᓇᕐᑎᓕᕐᐳᑎᑦ!

ᓴᒧᐃᓕ ᓯᕗᓪᓖᑦ 25:17

ᑍᒤᒻᒪᑦ ᑕᒪᓐᓇ ᖃᐅᔨᒪᓕᕈᒃ ᐃᓱᒪᒃᓴᕐᓯᐅᕐᓗᑎᓪᓗ ᖃᓄᐃᓕᐅᕐᓂᐊᕐᒪᖔᕐᐱᑦ; ᑕᒪᓐᓇ ᐊᖓᔪᖅᑳᑦᑎᓐᓄᑦ ᐱᐅᖏᑦᑐᒧᑦ ᑐᕌᖓᓕᕐᒪᑦ ᐃᒡᓗᒥᐅᖃᑎᖏᓐᓄᓪᓗ, ᐃᓱᒪᓗᒃᑐᐊᓘᖕᒪᑦ ᓇᓪᓕᐊᓐᓂᒡᓘᓐᓃᑦ ᓈᓚᒍᓐᓇᕋᓂ.”