ᓲᓗᒨᓂᐅᑉ ᐅᖃᓪᓚᖕᓂᖏᑦ 25:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᐃᒥᖅ ᓂᒡᓕᓇᕐᑐᖅ ᑕᕐᓂᕐᒧᑦ ᐃᒥᕈᒃᑐᒧᑦ ᐊᑦᔨᖃᕐᐳᖅ, ᑐᓴᕈᒥᓇᕐᑐᒥᒃ ᑐᓴᕐᑎᑕᐅᓂᖅ ᓄᓇᒥᑦ ᐅᖓᓯᒃᑐᒥᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 25:25 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 45:27

ᔫᓯᐱᐅᓪᓕ ᐅᖃᐅᓯᕕᓂᓕᒫᖏᓐᓂᒃ ᐅᖃᐅᑎᖕᒪᑦᔪᒃ, ᐅᖃᐅᓯᕆᓚᐅᕐᑕᖏᓐᓂᒃ ᑖᒃᑯᓄᖓ, ᐊᒃᓴᓗᐊᓖᓪᓗ ᑲᓕᒊᑦ ᑕᑯᒐᒥᒋᑦ ᔫᓯᐱᐅᑉ ᑐᔫᑎᒋᓚᐅᕐᑕᖏᑦ ᑖᑦᓱᒧᖓ ᐃᖏᕐᕋᓕᕈᓂ ᐊᑐᒐᒃᓴᕆᓛᕐᑕᖏᑦ, ᑕᕝᕙ ᐊᑖᑕᖓᑦᑕ ᔧᑰᑉ ᐊᓂᕐᓂᖓ ᐆᒻᒪᓕᕐᐳᖅ;

ᓴᒧᐃᓕ ᐂᑉᐸᖏᑦ 23:15

ᑍᕕᑎᓗ ᐃᒥᕈᒃᑐᐊᓘᓕᕋᒥ, ᐅᖃᓚᐅᕐᐳᖅ, “ᐃᒥᕐᑎᑕᐅᑦᓴᓚᐅᕐᓚᖓᑐᖅ ᐃᒥᕐᑕᕐᕕᖕᒥᑦ ᐱᑦᓕᐊᑉ ᐃᑎᕐᑕᕐᕕᐊᑕ ᓴᓂᐊᓃᑦᑐᒥᑦ!”

ᐃᓐᖏᕈᑎᑦ 63:1

ᒎᑏ, ᒎᑎᒋᕙᒋᑦ, ᐅᓪᓛᒻᒪᕆᒃᑯᑦ ᕿᓂᕈᒪᕙᒋᑦ, ᑕᕐᓂᕋ ᖀᓕᕐᐳᖅ ᐃᓕᖕᓄᑦ; ᐅᕕᓂᖕᒪ ᐅᖓᕚᑎᑦ, ᓄᓇᑐᑦ ᐸᓂᕐᑐᑐᑦ ᐃᒥᕈᒃᑐᑐᓪᓗ ᐃᒪᖃᖏᑦᑐᒥ.

ᒨᓯᓯ ᐂᑉᐸᖏᑦ 17:6

ᐱᖃᑎᒋᓂᐊᕐᐸᒋᓪᓗ ᕾᕐᑐᒑᕐᒦᓕᕐᑎᓪᓗᑎᑦ ᖃᖅᑲᒥ ᕼᐆᕆᑉᒦᑦᑐᒥ, ᕾᕐᑐᕐᓗ ᐊᓇᐅᒍᕕᐅᒃ ᐃᒥᖅ ᑯᕕᓕᕐᓂᐊᕐᐳᖅ ᑕᕝᕙᓐᖓᑦ ᐃᓄᐃᑦ ᐃᒥᕈᓐᓇᖁᓪᓗᒋᑦ.” ᒨᓯᓯᓗ ᑍᒫᒃ ᐱᓂᐊᕐᐳᖅ ᐃᓴᕆᐊᓕᒥᐅᑦ ᐊᖓᔪᖅᑳᖏᑕ ᑕᒃᑯᐊᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:30

ᐃᔨᐅᑉ ᖃᐅᒪᔪᒦᓐᓂᖓ ᐆᒻᒪᑎᐅᑉ ᖁᕕᐊᓱᖕᓂᕆᕚ, ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᓂᒃᑳᕐᑐᑦ ᑎᒥᒥᒃ ᐃᓱᐊᕐᓯᑎᑦᓯᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 25:26

ᐊᖑᑦ ᐃᓱᐊᕐᑐᖅ ᐃᓱᒪᓕᐅᕐᑕᐅᒃᐸᑦ ᐱᐅᖏᑦᑐᓕᔪᒧᑦ ᐊᑦᔨᖃᕐᐳᖅ ᐳᐊᓚᕕᖕᒥᒃ ᒪᕐᕋᕐᒥᒃ ᐃᒥᕐᑕᕐᕕᖕᒥᒡᓗ ᓱᕈᕐᓯᒪᔪᒥᒃ.

ᐂᓮᐊᓯᐅᑉ ᐊᒡᓚᖏᑦ 52:7

ᖁᕕᐊᓇᕐᐳᖅ ᖃᖅᑲᑎᒍᑦ ᐊᓚᒃᑲᕐᑐᖃᖃᑦᑕᓕᕌᖓᑦ ᐅᓪᓚᒃᑐᒥᒃ ᑐᓴᕈᒥᓇᕐᑐᒥᒃ ᐅᖃᕆᐊᕐᑐᕐᑐᒥᒃ, ᓮᒪᓇᕐᑐᒥᒃ ᑐᓴᕐᑎᑦᓯᔭᕐᑐᕐᑐᒥᒃ, ᐊᓕᐊᓁᑦᑐᓂᒃ ᐅᖃᕆᐊᕐᑐᕐᑐᒥᒃ ᐱᐅᔪᓂᒃ, ᐱᐅᓕᔭᐅᓛᕐᓂᕅᔪᓂᒃ, ᐅᖃᕐᓗᑎᒡᓗ ᓮᐅᓂᒧᑦ, “ᒎᑎᓯ ᐊᐅᓚᑦᓯᔨᐅᕗᖅ.”

ᐂᓮᐊᓯᐅᑉ ᐊᒡᓚᖏᑦ 55:1

“ᐊᑏ ᐃᒥᕈᒃᑐᓕᒫᑦ, ᐃᒪᖃᕐᑐᒧᑦ ᕾᓕᕐᓕᑦ; ᑮᓇᐅᔭᖃᖏᑦᑐᓪᓗ, ᕾᓕᕐᓕᑦ, ᓂᐅᕕᕐᓗᑎᒃ ᓂᕆᓕᕐᓕᑦ! ᕾᓗᓯ ᓂᐅᕕᓕᕆᑦᓯ ᕔᓂᒥᒃ ᐃᒻᒧᖕᒥᒡᓗ ᑮᓇᐅᔮᓄᖏᑦᑐᖅ ᐊᑭᖃᖏᑦᑐᓂᒡᓕ.

ᔨᕆᒤᐊᐅᑉ ᐊᒡᓚᖏᑦ 18:14

ᓕᐸᓇᓂᐅᑉ ᖃᖅᑲᖏᑕ ᐊᐳᑎᖓ ᐊᓯᐅᑐᐃᓐᓇᓚᐅᕐᓯᒪᕚ? ᑰᖏᓪᓘᓐᓃᑦ ᐅᖓᓯᒃᑐᒥᑦ ᑰᒃᑐᑦ ᐃᒤᕈᑎᑐᐃᓐᓇᓚᐅᕐᓯᒪᕚᑦ?

ᓇᕼᐅᒥᐅᑉ ᐊᒡᓚᖏᑦ 1:15

ᑕᑯᒋᑦ, ᐅᖃᕆᐊᕐᑐᕐᑐᖅ ᕾᓕᕐᐳᖅ ᖃᖅᑲᑎᒍᑦ ᐅᖃᕆᐊᕐᑐᕐᑐᖅ ᑐᓴᕈᒥᓇᕐᑐᒥᒃ, ᓵᓚᖃᕐᓂᕐᒥᒃ ᐅᖃᕆᐊᕐᑐᕐᐳᖅ! ᐃᓕᑦᓯ ᔫᑕᐅᑦ ᐃᓄᖏᑦ, ᓇᓪᓕᐅᓐᓂᕐᓯᐅᓕᕆᑦᓯ ᓇᓪᓕᐅᑎᕙᒃᑐᓂᒃ, ᐊᖏᕈᑎᒋᓯᒪᔭᓯᓗ ᑲᔪᓯᑎᓪᓗᒋᑦ, ᐱᐅᖏᑦᑐᓄᑦ ᓄᓇᓯ ᓵᓚᒋᔭᐅᒃᑲᓐᓂᕐᓂᐊᕈᓐᓃᕐᐳᖅ, ᑕᒪᑐᒪ ᑭᖑᕐᖓᒍᑦ ᐱᕕᒃᓮᕈᑦᔭᐅᖕᒪᑕ.

ᔪᐊᓇᓯᐅᑉ ᐊᒡᓚᖏᑦ 7:37

ᓇᓪᓕᐅᓐᓂᕐᓯᐅᕐᕕᐅᑉ ᐅᓪᓗᖏᑕ ᑭᖑᓪᓕᕐᐹᖓᓐᓂ, ᐱᕕᒃᔪᐊᖑᓂᕐᐸᐅᓕᕐᑎᓪᓗᒍ, ᔩᓱᓯ ᓂᑯᕕᑉᐳᖅ ᓂᐱᖅᑯᕐᑐᓪᓗᓂ ᐅᖃᕐᐳᖅ, “ᐃᒥᕈᒃᑐᖃᕐᐸᑦ, ᐅᕙᓐᓄᑦ ᕾᓕᕐᓕ ᐃᒥᕐᓂᐊᕐᒪᑦ.

ᕉᒪᒥᐅᓄᑦ 10:15

ᖃᓄᕐᓗ ᐊᔪᕆᕐᑐᐃᒐᔭᕐᐹᑦ ᑎᓕᔭᐅᓯᒪᖏᓪᓗᑎᒃ? ᐊᒡᓚᓂ ᑎᑎᕋᕐᓯᒪᔪᖃᕐᒪᑦ, “ᐱᐅᔪᐊᓘᕗᑦ ᐃᓯᒐᖏᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᕆᐊᕐᑐᕐᖢᑎᒃ ᑎᑭᐅᑦᔨᔪᑦ!”

ᑎᒧᑎᒧᑦ ᓯᕗᓪᓖᑦ 1:15

ᐅᖃᐅᓯᖅ ᐃᒤᓕᔪᖅ ᓱᓕᕗᖅ ᓈᒻᒪᒋᔭᐅᔭᕆᐊᓕᒃ ᐅᒃᐱᕆᔭᐅᓗᓂᓗ, ᙭ᔅᑑᓯ ᔩᓱᓯ ᓯᓚᕐᔪᐊᕐᒧᑦ ᑎᑭᓚᐅᕐᒪᑦ ᐊᔪᕐᑐᓕᔪᑦ ᐱᐅᓕᔭᕐᑐᕐᓗᒋᑦ; ᐅᕙᖓᓕ ᑖᒃᑯᓇᓐᖓᑦ ᐊᔪᕐᑐᓕᔪᓂᑦ ᐱᐅᖏᓐᓂᕐᐹᖑᕗᖓ.

ᔮᓱᐊᑉ ᐊᒡᓚᖏᑦ 22:33

ᐃᓴᕆᐊᓕᒥᐅᓪᓗ ᓈᒻᒪᒃᓴᓕᕐᐳᑦ ᑐᓴᕐᑎᑦᓯᐅᑕᐅᔪᓂᒃ; ᒎᑎᓗ ᓂᕐᑐᓕᕐᐹᑦ, ᐅᖃᐅᓯᖃᕈᓐᓃᕐᐳᓪᓗ ᐅᓇᑕᕈᒪᓂᕐᒥᒃ ᑖᒃᑯᓂᖓ, ᓄᓇᖏᓐᓂᒡᓗ ᐊᓯᕈᐃᔪᒪᓂᕐᒥᒃ ᕉᐱᓂᐅᑉ ᒑᓪᓗ ᓄᓇᒋᓕᕐᑕᖓᓐᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:6

ᐅᖃᐅᑎᒋᕚᖓᓗ, “ᐱᔭᕇᕐᐳᖅ! ᐋᓪᐸᐅᕗᖓ ᐅᒥᒐᐅᓪᓗᖓᓗ, ᐱᒋᐊᕐᓂᐅᕗᖓ ᐃᓱᓕᓐᓂᐅᓪᓗᖓᓗ. ᐃᒥᕈᒃᑐᖅ ᐃᒥᕐᑎᓐᓂᐊᕐᐸᕋ ᐃᒥᕐᒥᒃ ᐃᓅᓯᖃᕐᓇᕐᑐᒥᑦ ᑯᕕᔪᒥᑦ ᐊᑭᖃᖏᑦᑐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:17

ᐊᓂᕐᓂᖅ ᐃᑦᔪᕐᓁᑦᑐᖅ ᓄᓕᐊᒃᓴᕐᓗ ᐅᖃᕐᐴᒃ, “ᕾᒋᑦ.” ᑕᒪᑐᒥᖓᓗ ᑐᓴᕐᑐᑦ ᐅᖃᕐᓕᑦ, “ᕾᒋᑦ.” ᐃᒥᕈᒃᑐᖅ ᕾᓕ, ᐱᔪᒪᔪᖅ ᐃᒥᕐᓕ ᐊᑭᖃᖏᑦᑐᒥᒃ ᐃᒥᕐᒥᒃ ᐆᒪᓇᕐᑐᒥᒃ.