23 ᐊᓄᕆ ᐅᓐᓄᐊᓪᓗᐊᒥᑦ ᐱᔪᖅ ᓯᓚᓗᖕᒥᒃ ᓇᒃᓴᕐᒪᑦ, ᐅᖃᕐᓗ ᐊᑭᓂᐊᕐᑐᖅ, ᓂᓐᖓᐅᒪᓂᕐᒥ ᑕᑯᒃᓴᐅᑎᑦᓯᕗᖅ.
ᐅᓐᓄᐊᑉ ᓇᓛᓂᑦ ᒎᓗᑎᑐᑦ ᑕᑯᒥᓇᕐᓂᓕᒃ ᓴᖅᑭᑉᐳᖅ, ᒎᑎ ᐊᓐᓄᕌᕐᓯᒪᖕᒪᑦ ᓂᕐᑐᕐᓇᕐᓂᕐᔪᐊᕐᒥᒃ ᐊᖏᔪᒥᒃ.
ᐅᓚᔪᔭᖅ ᑎᑭᑉᐳᖅ ᑖᑦᓱᒪ ᐃᓂᖓᓂᑦ, ᓂᒡᓕᓇᕐᑐᕐᓗ ᓯᐊᒻᒪᖓᔪᓂᑦ ᐊᓄᕆᓂᑦ ᑎᑭᑉᐳᖅ.
ᐃᓅᖃᑎᒥᓂᒃ ᐃᔨᕋᕐᑐᕐᓗᓂ ᐅᖃᐅᑎᒃᓴᕐᑐᖅ ᑐᖁᓐᓂᐊᕐᐸᕋ; ᐃᓄᒃ ᐱᓪᓚᕆᐅᓇᓱᐊᕐᑐᖅ ᐱᐅᔪᕆᔪᒥᒡᓗ ᐆᒻᒪᑎᓕᒃ ᐃᓚᒋᔪᒪᓐᖏᓚᕋ.
ᐅᖃᕐᒥᓄᓪᓗ ᐅᖃᕐᓂᕐᓘᑎᖅᑲᖏᑦᑐᖅ, ᐱᐅᖏᑦᑐᒥᒡᓗ ᐱᓂᐊᕐᓂᖃᖏᑦᑐᖅ ᐃᓅᖃᑎᒥᓄᑦ, ᐃᓅᖃᑎᒥᓄᓪᓗ ᐅᖃᐅᓯᕐᓗᖕᒥᒃ ᓂᓪᓕᐊᖏᑦᑐᖅ,
ᒎᑎᖃᖏᑦᑐᑎᑐᑦ ᓂᑲᒍᓱᒐᑎᒃ ᒥᑕᐅᑎᖃᕐᐳᑦ; ᑮᓇᕐᓗᐊᕿᕝᕕᒋᕚᖓᓗ ᑭᒍᑎᑎᒃ ᑮᒻᒥᓪᓗᒋᑦ.
ᕿᔪᖃᖏᓐᓂᕐᒧᑦ, ᐃᑯᒪ ᖃᒥᑉᐳᖅ; ᐃᓅᖃᑎᒥᓂᒃ ᐅᖃᐅᓯᒃᓴᕐᓂᖅ ᐱᑕᖃᕐᑎᓐᓇᒍ, ᐂᕙᓂᖅ ᓄᖅᑲᕐᐳᖅ.
ᐅᖃᕐᓂᕐᓗᖃᑦᑕᐅᑎᕗᑦ, ᒎᑎᒥᒃ ᐆᒥᓱᒃᐳᑦ, ᓂᓐᖓᐅᒪᓪᓗᑎᒃ ᐅᖃᐅᓯᕾᓐᓇᕐᐳᑦ, ᐱᐅᔪᕆᕗᑦ, ᐅᓇᖕᒥᓁᔭᕐᐳᑦ, ᐱᐅᖏᑦᑐᓕᐅᕈᑎᒃᓴᓂᒃ ᐋᖅᑭᒃᓱᐃᕗᑦ, ᐊᖓᔪᖅᑳᒥᖕᓂᒃ ᓈᓚᒍᓐᓇᓐᖏᓚᑦ.
ᓯᕘᕋᒐᒪ ᐃᓱᒪᒋᔭᑦᑐᑦ ᑕᑯᓂᐊᕋᓱᒋᖏᓪᓗᓯ, ᐃᓱᒪᒋᔭᑦᓯᑐᓪᓗ ᑕᑯᔭᐅᓂᐊᕋᓱᒋᓇᖓ ᐃᓕᑦᓯᓐᓄ; ᓯᕘᕋᕗᖓ ᐂᕙᓂᖃᕐᓂᐊᕋᓱᒋᓪᓗᒍ ᐱᓂᕐᓴᐅᔪᒪᔪᖃᕐᓂᐊᕋᓱᒋᓪᓗᒍᓗ, ᓂᓐᖓᐅᒪᓂᕐᑕᖃᕐᓂᐊᕋᓱᒋᕙᕋ, ᓇᖕᒥᓂᕐᓯᐅᕐᓂᕐᑕᖃᕐᓂᐊᕋᓱᒋᓪᓗᒍ, ᐅᖃᕐᓂᕐᓘᑎᓂᖃᕐᓂᐊᕋᓱᒋᕙᕋ ᑎᕐᓕᐊᖃᑦᑕᐅᑎᓂᕐᑕᖃᕐᓂᐊᕋᓱᒋᓪᓗᒍᓗ, ᐃᒻᒥᓂᒃ ᓂᕐᑑᑎᓂᕐᑕᖃᕐᓂᐊᕋᓱᒋᕙᕋ, ᐋᖅᑭᒃᓯᒪᑦᓯᐊᖏᓐᓂᕐᑕᖃᕐᓂᐊᕋᓱᒋᓪᓗᒍᓗ.