ᓲᓗᒨᓂᐅᑉ ᐅᖃᓪᓚᖕᓂᖏᑦ 24:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᐃᕐᓃᒃ, ᐊᑕᓂᖅ ᓯᕘᕋᒋᒍᒃ ᐊᖓᔪᖅᑳᕐᔪᐊᕐᓗ; ᓇᓪᓕᖏᒃᓘᓐᓃᑦ ᑐᓵᓐᖏᓴᕐᓂᐊᕐᓇᖏᒃ;

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:21 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 18:8

ᓇᐹᕐᑐᐃᑦ ᐃᒻᒧᐊᓂ ᑐᖁᔪᑦ ᐅᓄᕐᓂᕐᓴᐅᓚᐅᕐᐳᑦ; ᐅᓇᑕᕐᓂᕐᓂᑦ ᓴᕕᒡᔪᐊᒧᑦ ᑐᖁᑕᐅᔪᓂᑦ ᓇᑎᕐᓇᒦᑦᑐᓂᑦ.

ᐊᑕᓃᑦ ᓯᕗᓪᓖᑦ 1:49

ᑕᕝᕙ ᐊᑐᓁᔭᐅᑉ ᕾᖁᓯᒪᔭᓕᒫᖏᑦ ᓴᔪᓕᕐᐳᑦ, ᒪᑭᓐᓇᒥᒃ ᐊᐅᓪᓚᕐᐳᑦ ᓇᒧᑐᐃᓐᓇᖅ ᐅᐸᒍᒪᔭᒥᖕᓄᑦ.

ᐊᑕᓃᑦ ᓯᕗᓪᓖᑦ 12:16

ᐃᓄᐃᑦ ᖃᐅᔨᒐᒥᒃ ᐊᖓᔪᖅᑳᕐᔪᐊᕐᒧᑦ ᓈᓚᒃᑕᐅᖏᓐᓂᕐᒥᖕᓂᒃ, ᐃᓄᐃᑦ ᐊᖓᔪᖅᑳᕐᔪᐊᕐᒧᑦ ᑭᐅᕗᑦ, “ᖃᓄᖅ ᐱᕙᓪᓕᕐᑎᑕᐅᕕᒃᓴᖃᕐᐱᑖ ᑍᕕᑎᒃᑯᓐᓂᑦ? ᔨᓯᐅᑉ ᑭᖑᕚᖏᓐᓂᑦ ᑭᖑᕐᖑᑎᔭᒃᓴᖃᕈᓐᓃᕐᐳᒍᑦ, ᐊᑏ ᐃᓴᕆᐊᓕᒥᐅᖑᔪᓯ ᐊᖏᕐᕋᑐᐃᓐᓇᓕᕐᑕ! ᑍᕕᑎᐅᑉ ᑭᖑᕚᖏᑦ ᐃᒻᒥᖕᓂᒃ ᑲᒪᒋᓂᐊᓕᕐᒪᑕ.” ᑕᕝᕙ ᐃᓴᕆᐊᓕᒥᐅᑦ ᐊᖏᕐᕋᓕᓚᐅᕐᐳᑦ.

ᒨᓯᓯ ᐂᑉᐸᖏᑦ 14:31

ᐃᓴᕆᐊᓕᒥᐅᓪᓗ ᑕᑯᒐᒥᒃ ᐊᑕᓂᐅᑉ ᐱᔪᓐᓇᕐᓂᕐᔪᐊᒥᓄᑦ ᓵᓚᖃᕐᓂᖓ ᐄᑦᔨᑉᑎᒥᐅᓂᒃ, ᐊᑕᓂᖅ ᓯᕘᕋᒋᓕᕐᐹᑦ, ᐊᑕᓂᕐᓗ ᐅᒃᐱᕆᓪᓗᒍ ᐃᓅᓕᕐᐳᑦ, ᒨᓯᓯᓗᑦᑕᐅᖅ ᐊᑕᓂᐅᑉ ᐱᔨᒋᔭᖓ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:11

ᐱᐅᖏᑦᑐᖅ ᐊᑭᕋᕐᑐᕐᓃᓐᓇᕐᒥᒃ ᕿᓂᕐᒪᑦ, ᓇᒡᓕᖕᓂᖃᖏᑦᑐᒥᒃ ᐅᖃᕆᐊᕐᑐᕐᑐᒥᒃ ᑎᓕᓯᕕᐅᔪᒫᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:17

ᐆᒻᒪᑏᑦ ᑐᓱᓂᐊᕋᓂ ᐊᔪᕐᑐᓕᔪᓂᒃ, ᐊᔪᐃᓐᓇᓕᕆᑦ ᐊᑕᓂᕐᒥᒃ ᓯᕘᕋᓂᕐᒥᒃ ᐅᓪᓗᖅ ᓈᓗᒍ.

ᒫᑎᐅᓯᐅᑉ ᐊᒡᓚᖏᑦ 22:21

ᑖᒃᑯᐊ ᑭᐅᕚᑦ, “ᓰᓴᕆᐅᑉ,” ᑕᕝᕙ ᔩᓱᓯᐅᑉ ᐅᖃᐅᑎᕔᑦ, “ᑍᒤᒻᒪᑦ, ᓰᓴᕆᒧᑦ ᑐᓂᓯᐅᒃ ᐱᒋᖕᒪᒍ, ᒎᑎᓗ ᑐᓂᓗᒍ ᐱᖏᓐᓂᒃ.”

ᑍᑑᓯᒧᑦ 3:1

ᐃᖅᑬᑎᒃᑭᑦ ᐊᐅᓚᑦᓯᔨᓂᒃ ᐊᖓᔪᖅᑳᓂᒡᓗ ᓈᓚᑦᓯᐊᖁᓗᒋᑦ, ᐃᒻᒥᖕᓂᒃ ᑐᓂᓯᒪᑦᓯᐊᕐᓗᑎᒃ ᑖᒃᑯᓄᖓ, ᐱᓇᓱᐊᑦᓯᐊᕈᒪᓂᕐᒥᒡᓗ ᖃᖓᓕᒫᒃᑯᑦ ᐊᑐᐃᓐᓇᐅᑦᓯᐊᖁᓪᓗᒋᑦ.

ᓴᒧᐃᓕ ᓯᕗᓪᓖᑦ 24:6

ᐃᓄᖁᑎᒥᓄᓪᓗ ᐅᖃᕐᐳᖅ, “ᐊᑕᓂᐅᑉ ᐱᐅᖏᑦᑐᒥᒃ ᐱᓇᓱᐊᕐᑎᑦᑍᓕᓛᖓ ᐊᖓᔪᖅᑳᓐᓄᑦ, ᐊᑕᓂᐅᑉ ᐅᕐᓱᕐᑎᕐᓯᒪᔭᖓᓄᑦ, ᐊᒡᒐᒃᑲ ᑖᑦᓱᒥᖓ ᐊᒃᑐᐃᖁᓇᒋᑦ, ᐊᖓᔪᖅᑳᕐᔪᐊᖑᖕᒪᑦ ᐊᑕᓂᐅᑉ ᐅᕐᓱᕐᑎᕐᓯᒪᔭᖓ.”