ᓲᓗᒨᓂᐅᑉ ᐅᖃᓪᓚᖕᓂᖏᑦ 24:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐃᓱᒪᒥᒃᑎᒍᑦ ᐋᖅᑭᒃᓱᐃᖕᒪᑕ ᑲᑉᐱᐊᓱᒃᑎᑦᓯᔪᒪᓂᕐᒥᒃ, ᖃᓂᖏᓪᓗ ᐅᖃᐅᓯᖃᕐᓗᑎᒃ ᐊᑲᐅᖏᑦᑐᓕᐅᕈᒪᓂᕐᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:2 ပူးပေါင်းရင်းမြစ်များ

ᐃᓐᖏᕈᑎᑦ 10:7

ᖃᓂᖓᓕ ᑕᑕᑉᐳᖅ ᐅᖃᐅᓯᕐᓗᖕᒥᒃ ᓴᒡᓗᓂᕐᓂᒡᓗ ᑲᑉᐱᐊᓱᒃᑎᑦᓯᓂᕐᒥᒡᓗ: ᐊᑲᐅᖏᑦᑐᑦ ᐱᐅᖏᑦᑐᓕᓃᓪᓗ ᐅᖃᖓᑕ ᐊᑖᓃᑉᐳᑦ.

ᐃᓐᖏᕈᑎᑦ 7:14

ᑕᑯᒋᑦ ᐱᐅᖏᑦᑐᓕᔪᖅ ᓴᖅᑭᑎᑦᓯᕗᖅ ᓈᓚᖏᓐᓂᕐᒥᒃ; ᐃᓛᒃ, ᓇᑦᔨᓕᕐᐳᖅ ᐃᓱᐊᖏᑦᑐᒥᒃ ᕿᑐᕐᖓᕐᑖᕐᓗᓂᓗ ᓴᒡᓗᓂᕐᒥᒃ.

ᐃᓐᖏᕈᑎᑦ 28:3

ᐱᐅᖏᑦᑐᓕᔪᑦ ᐃᓚᒋᓗᒋᑦ ᓴᓂᕐᕙᖃᓯᐅᑎᓂᐊᕐᓇᖓ, ᐱᐅᖏᑦᑐᐊᓗᖕᓂᒡᓘᓐᓂᑦ ᐱᓇᓱᐊᕐᑎᑦ ᐃᓚᒋᓗᒋᑦ. ᐃᓅᖃᑎᒥᖕᓄᑦ ᓮᒪᓂᕐᒥᒃ ᐅᖃᐅᓯᖃᕐᐳᑦ, ᐱᐅᖏᑦᑐᐊᓗᖕᓂᒡᓗ ᐆᒻᒪᒥᐅᑕᖃᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 59:4

ᓈᒻᒪᑦᓯᐊᕐᑐᒥᒃ ᐊᑐᕋᓱᐊᕐᑐᖃᓐᖏᓚᖅ ᐃᖅᑲᕐᑐᐃᕕᖕᒥ, ᐱᖁᔭᓕᕆᕕᖕᒥ ᓱᓕᖏᑦᑐᓂᒃ ᐅᖃᕐᐸᒃᐳᑦ; ᓱᓕᓂᖃᖏᑦᑐᓂᒃ ᓴᐳᓐᓂᐊᕈᑎᖃᕐᐸᒃᐳᑦ ᓴᒡᓗᕙᒃᓗᑎᒡᓗ; ᐱᐅᖏᑦᑐᒥᒃ ᓄᑕᕋᒃᓴᓕᐅᕋᒥᒃ ᐊᔪᕐᑐᓕᓂᕐᒥᒃ ᐃᕐᓂᐊᖃᕐᐸᒃᐳᑦ.

ᔫᐱᐅᑉ ᐊᒡᓚᖏᑦ 15:35

ᐊᑲᐅᖏᑦᑐᓕᓂᕐᒥᒃ ᓄᑕᕋᒃᓴᕐᑖᕋᒥᒃ ᐱᐅᖏᑦᑐᒥᒃ ᕿᑐᕐᖓᕐᑖᕐᐳᑦ; ᐆᒻᒪᑎᖏᓪᓗ ᓯᓔᕐᕆᒃᓯᓂᕐᒥᒃ ᐅᐸᓗᖎᔧᓯᒪᓪᓗᑎᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 13:10

ᐅᖃᕐᓗᓂ, “ᓵᑖᓇᓯᐅᑉ ᐃᕐᓂᖓ, ᓇᓛᒎᕐᑐᓕᒫᓂᒃ ᐊᑭᕋᕐᑐᕐᑎᐅᔪᑎᑦ, ᓯᓔᕐᕆᒃᓯᓂᐊᓗᖕᓂᒃ ᓴᒡᓗᓂᕐᓂᒡᓗ ᑕᑕᑦᑐᑎᑦ, ᐊᑕᓂᐅᑉ ᐊᖅᑯᑎᖓᑕ ᓱᓕᑦᓯᐊᕐᓂᖓᓂᒃ ᓴᖑᑎᑦᓯᓇᓱᐊᖏᓐᓇᕐᓂᐊᕐᐲᑦ?

ᓴᒧᐃᓕ ᓯᕗᓪᓖᑦ 23:9

ᑍᕕᑎ ᖃᐅᔨᒐᒥ ᓴᐅᓕᐅᑉ ᐱᐅᖏᑦᑐᒥᒃ ᐱᓇᓱᐊᕈᒪᓂᖓᓂᒃ ᐃᒻᒥᓄᑦ; ᑐᓂᕐᕈᓯᕐᑎᑦᓯᔨᒧᑦ ᐊᐰᐊᑕᒧᑦ ᐅᖃᕐᐳᖅ, “ᓴᒡᕕᖕᒥᐅᑕᖅ ᕾᓚᐅᕈᒃ.”

ᒤᑲᐅᑉ ᐊᒡᓚᖏᑦ 7:3

ᐱᓇᓱᐊᕐᐳᑦ ᐱᐅᖏᑦᑐᓂᒃ ᐊᒡᒐᒥᖕᓄᑦ; ᐊᐅᓚᑦᓯᔨᐅᔪᑦ ᑐᓐᓂᕐᓴᕐᑕᐅᔪᒪᑐᐃᓐᓇᕐᐳᑦ, ᐃᖅᑲᕐᑐᐃᔩᓪᓗ ᐱᓕᕆᖃᑦᑕᕐᐳᑦ ᐊᑭᓕᕐᑕᐅᓂᒃᑯᑦ ᐃᓅᑉ ᐱᔪᒪᔭᖓᓂᒃ, ᐱᔪᓐᓇᕐᓂᓖᑦ ᐱᔪᒪᔭᑎᒃ ᐊᖓᔪᖅᑲᐅᓯᕈᑎᒋᕔᑦ; ᑲᑐᑦᔨᓪᓗᑎᒡᓗ ᓯᓔᕐᕆᒃᓯᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:14

ᐆᒻᒪᑎᒥᒍᑦ ᐱᓕᕆᕗᖅ ᐅᐃᕕᕆᒃᓯᑦᔪᑎᒃᓴᒥᓂᒃ, ᓈᒻᒪᖏᑦᑐᓂᒃ ᓇᓂᑐᐃᓐᓇᖅ ᐱᓂᐊᕐᓂᖃᕐᑎᑦᓯᕗᖅ.

ᐃᓐᖏᕈᑎᑦ 140:2

ᑖᒃᑯᐊ ᐱᑦᓯᐊᖏᓐᓂᕐᒥᒃ ᐸᕐᓇᒐᓱᐊᕐᐳᑦ ᐃᓱᒪᒥᒃᑎᒍᑦ, ᑍᒪᓐᖓᓪᓗ ᐅᓇᑕᕐᓂᕐᒥᒃ ᐊᐅᓚᑦᔧᖃᑦᑕᕐᓗᑎᒃ.

ᐃᓐᖏᕈᑎᑦ 36:4

ᐃᓐᓇᖓᕕᖕᒥᓂ ᐊᒡᓛᑦ ᐱᐅᖏᑦᑐᓕᑦᔪᑎᒃᓴᓂᒃ ᐃᓱᒪᒃᓴᕐᓯᐅᕐᐳᑦ; ᐱᐅᓯᕐᒥᒡᓗ ᐱᐅᖏᑦᑐᒥᒃ ᐊᑐᕈᒪᕗᑦ. ᐱᐅᖏᑦᑐᓕᓂᕐᒥᒡᓗ ᐆᒥᓱᓐᖏᓚᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:8

ᐃᓱᒪᓕᐅᕐᑐᖅ ᐱᐅᖏᑦᑐᐊᓗᖕᒥᒃ ᐱᓂᐊᕈᒪᓗᓂ ᑍᔭᐅᓂᐊᕐᐳᖅ ᐅᐃᕕᕆᒃᓯᔪᒥᒃ.

ᐃᓐᖏᕈᑎᑦ 38:12

ᐅᕙᓐᓂᒡᓕ ᑐᖁᑦᓯᔪᒪᔪᑦ ᓂᒐᕐᑎᑕᐅᕕᒃᓴᓐᓂᒃ ᐋᖅᑭᒃᓱᐃᕗᑦ; ᐅᕙᓐᓂᒡᓗ ᐋᓐᓂᕐᓯᔪᒪᔪᑦ ᖃᓄᐃᓕᔭᐅᑦᔪᑎᒃᓴᓐᓂᒃ ᐅᖃᐅᓯᖃᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:18

ᐆᒻᒪᑎᒥᒍᑦ ᐱᐅᖏᑦᑐᓕᓂᕐᒥᒃ ᐃᓱᒪᒃᓴᕐᓯᐅᕐᑐᖅ, ᐱᓱᖃᑦᑕᕐᑐᖅ ᐱᐅᖏᑦᑐᓂᒃ ᐱᓇᓱᐊᑲᐅᕐᑐᕈᒪᓪᓗᓂ.

ᐂᓮᐊᓯᐅᑉ ᐊᒡᓚᖏᑦ 30:12

ᑍᒤᒻᒪᑦ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐃᒫᒃ ᐅᖃᕐᐳᖅ, “ᐅᖃᐅᓯᕆᔭᒃᑲ ᓈᓚᒍᒪᖏᓐᓇᑦᓯᐅᒃ, ᐅᖁᒤᒃᓴᕐᑎᑕᐅᓂᕐᒥᒃ ᑕᑎᖃᕈᒪᓪᓗᓯ ᖃᓄᐃᕈᓘᔭᕐᓇᕐᑐᓂᒡᓗ, ᒪᓕᖔᕈᒪᓪᓗᓯ.

ᔨᕆᒤᐊᐅᑉ ᐊᒡᓚᖏᑦ 22:17

ᑕᐅᑐᒃᑕᓯ ᐃᓱᒪᓯᓗ ᖃᑭᔪᒪᓃᓐᓇᕐᒥᒃ ᐱᔪᒪᔭᑐᐊᖃᒧᑦ ᓯᓔᕐᕆᒃᓯᕐᓗᓯ ᖃᑭᕙᒃᐳᓯ, ᐸᓯᔭᒃᓴᐅᖏᑦᑐᓂᒃ ᑐᖁᑎᑦᓯᕙᒃᓗᓯ, ᐅᖁᒤᑦᑐᒦᑎᑦᓯᕙᒡᓗᓯᓗ ᐃᓄᖁᑎᑦᓯᓐᓂᒃ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:10

ᐃᕐᓃᒃ ᐊᔪᕐᑐᓕᔪᓄᑦ ᑲᔪᖏᕐᓴᕐᑕᐅᒍᕕᑦ ᐊᖏᕐᑍᓕᕙᒃᑭᑦ.