20 ᕔᓂᒧᑦ ᐋᖓᔮᕐᑎᑦ ᐃᓚᒋᓂᐊᕐᓇᒋᑦ, ᓂᕿᒥᒡᓗ ᓂᕆᓗᐊᕐᐸᒃᑐᑦ;
ᕔᓂᑐᕐᓂᖅ ᒥᑕᐅᑎᖃᕐᑎᑦᓯᕗᖅ, ᓴᓐᖏᔪᒥᒡᓗ ᐃᒥᐊᓗᖕᓂᖅ ᐱᑦᓯᐊᕈᓐᓃᕐᑎᑦᓯᕗᖅ; ᑕᒪᑐᒧᖓᓗ ᑕᒻᒪᕐᑎᑕᐅᔪᖅ ᓯᓚᑐᔫᓐᖏᓚᖅ.
ᖁᕕᐊᒋᔭᑐᐃᓐᓇᕐᒥᓂᒃ ᐊᑐᕈᒪᔪᖅ ᐊᔪᕐᓴᓕᕐᓂᐊᕐᐳᖅ, ᕔᓂᒥᒃ ᐅᕐᓱᒥᒡᓗ ᐱᐅᒋᔭᑐᐊᖃᕐᑐᖅ ᐊᒃᓱᐃᓕᓂᐊᓐᖏᓚᖅ.
ᓂᕆᓗᐊᕈᒪᓂᐊᓗᐃᑦ ᓄᖅᑲᕐᑎᑦᔪᒃ ᐊᖏᓗᐊᕐᑐᒥᒃ ᓂᕆᓂᐅᓴᓗᐊᕈᕕᑦ.
ᓇᓪᓕᐊᑦ ᐱᖁᔭᒥᒃ ᒪᓕᑦᓯᐊᕐᑐᖅ ᕿᑐᕐᖓᐅᕗᖅ ᓯᓚᑐᔪᖅ, ᓂᕆᑐᔪᒥᒡᓕ ᐃᓅᖃᑎᓕᒃ ᐊᑖᑕᓂ ᑲᓐᖑᓱᒃᑎᑉᐹ.
ᖁᕕᐊᓱᒡᓗᓯᓕ ᐊᓕᐊᓁᒍᓱᓚᐅᕐᐳᓯ, ᓂᕆᕕᒡᔪᐊᕐᓂᐊᕐᑕᑦᓯᓐᓂᒃ ᓰᐱᓂᒃ ᐃᒻᒧᒃᓯᐅᒐᕐᓂᒡᓗ ᑐᖁᑦᓯᓚᐅᕐᐳᓯ, ᓂᕆᓪᓗᓯ ᐃᒥᕐᓗᓯᓗ ᕔᓂᒥᒃ: ᐅᖃᕐᓗᓯ, “ᓂᕆᓚᐅᕐᑕ ᐃᒥᕐᓗᑕᓗ, ᖃᐅᒃᐸᑦ ᑐᖁᓂᐊᓕᕋᑦᑕ!”
ᑲᑉᐱᐊᓐᓇᒦᒃ ᑍᒃᑯᐊ ᐅᓪᓛᕌᕐᔪᒃᑯᑦ ᒪᑭᑉᐸᒃᑐᑦ, ᐃᒥᐊᓗᖕᒥᒃ ᓴᓐᖏᔪᒥᒃ ᐱᔪᓐᓇᕐᓯᔪᒪᓪᓗᑎᒃ, ᐅᓐᓄᐊᒧᑦ ᑎᑭᓪᓗᒍ ᐊᖏᕐᕋᕐᐸᖏᑦᑐᑦ ᐃᒥᐊᓗᖕᒧᑦ ᐆᓇᕐᓯᑎᑕᐅᓚᐅᖏᓐᓂᕐᒥᖕᓂ!
ᑲᑉᐱᐊᓐᓇᒦᒃ ᕔᓂᒥᒃ ᐃᒥᕐᓯᑎᐊᓗᐃᑦ, ᐊᔪᖏᑦᑐᐊᓗᐃᓪᓗ ᓴᓐᖏᔪᒥᒃ ᑲᑎᑦᓯᓗᑎᒃ ᐃᒥᐊᓗᓕᐅᕐᑐᑦ,
ᐱᔨᐅᖃᑎᓂ ᐋᓐᓂᕐᓯᓕᕐᐸᒋᑦ, ᓂᕆᖃᑎᖃᓕᕐᓗᓂ ᐃᒥᖃᑎᖃᕐᓗᓂᓗ ᐋᖓᔮᕐᑎᓂᒃ.
ᐅᓪᓗᐃᑦ ᐅᓄᖏᑦᑐᑦ ᑭᖑᕐᖓᒍᑦ, ᐃᕐᓂᖓᑕ ᓄᑲᕐᖠᐅᑉ ᐱᖁᑎᓕᒫᓂ ᑲᑎᓪᓗᒋᑦ ᓄᓇᒧᑦ ᐅᖓᓯᒃᑐᒧᑦ ᐊᐅᓪᓚᕐᐳᖅ, ᑕᐅᕙᓂ ᐱᖁᑎᓕᒫᓂ ᓄᖑᑉᐰᑦ ᐃᓱᒪᕐᓲᓗᐊᕐᓂᕐᒧᑦ.
“ᐊᔪᕐᓴᖏᑦᑐᖕᒥᒃ ᐊᖑᑎᑕᖃᓚᐅᕐᐳᖅ ᐊᓐᓄᕌᓯᒪᕙᒃᑐᒥᒃ ᐊᓐᓄᕌᓂᒃ ᐊᑭᑐᓂᕐᐹᓂᒃ ᐊᐅᐸᓪᓚᕆᒃᑐᓂᒃ, ᖃᐅᑕᒫᑦ ᓂᕆᕕᒃᔪᐊᕐᑎᑦᓰᓐᓇᕐᑐᒥᒃ.
“ᖃᐅᔨᓴᑦᓯᐊᕆᑦᓯ ᐃᓕᑦᓯᓐᓂᒃ ᐆᒻᒪᑎᑦᓯᒍᑦ ᐅᖁᒤᓕᑎᑕᐅᖁᓇᓯ ᓂᕆᓗᐊᕐᓂᕐᒧᑦ ᐃᒥᓗᐊᕐᓂᕐᒧᓪᓗ ᐃᓅᓯᕐᒧᓪᓗ ᐃᓱᒪᔮᓇᕐᑐᑕᖃᕐᓂᖓᓄᑦ, ᐅᓪᓗᒧᑦ ᑍᑦᓱᒧᖓ ᐅᐸᓗᐃᔭᐅᖁᓇᓯ ᓂᒐᕐᑎᑕᐅᔪᑎᑐᑦ.
ᐃᓕᖅᑯᓯᑦᓯᐊᕆᒡᓗᑕ ᐃᓅᓕᕐᑕ ᐅᓪᓗᕐᓯᐅᕐᑐᑎᑐᑦ, ᓄᓕᐊᕐᓂᕐᒥᒃ ᐊᑐᕐᓂᕐᓗᒍᓐᓃᕐᑕ ᐋᖓᔮᕈᓐᓃᕐᓗᑕᓗ, ᑲᓐᖑᓲᑎᒃᓴᓂᒃ ᐱᓇᓱᐊᕈᓐᓃᕐᑕ ᐃᒃᓯᒎᕐᓂᕐᒥᒡᓗ, ᐂᕙᓇᑕ ᐊᓐᓂᕈᑦᔨᓇᑕᓗ.
ᐋᖓᔮᕐᓂᐊᕋᓯ ᐅᐂᓂᑐᕐᓂᕐᒧᑦ, ᑕᒪᓐᓇ ᓱᒃᑯᑎᕆᑐᐃᓐᓇᕐᒪᑦ ᐃᓄᓯᑦᓯᓐᓂᒃ; ᐊᓂᕐᓂᕐᒥᒡᓕ ᐃᓗᒻᒥᕐᑕᐅᖔᓕᕆᑦᓯ.
ᐅᖃᕐᓗᑎᒡᓗ ᐃᒡᓗᒐᓴᖕᓂ ᐊᖓᔪᖅᑳᓄᑦ, ‘ᐃᕐᓂᕗᑦ ᑐᓴᕈᓐᓇᖏᒻᒪᑦ ᐊᑭᕋᕐᑐᖃᑦᑕᕐᓗᓂᓗ, ᐅᕙᑦᑎᓐᓂᒡᓗ ᓈᓚᒍᒪᓇᓂ; ᓂᕆᑐᔫᓪᓗᓂᓗ ᐋᖓᔮᕐᑎᐅᓪᓗᓂᓗ.’
