ᓲᓗᒨᓂᐅᑉ ᐅᖃᓪᓚᖕᓂᖏᑦ 21:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᐱᐅᔪᕆᔪᖅ ᐱᔪᓐᓇᕋᓱᒋᓗᐊᕐᑐᕐᓗ ᑍᔭᐅᕗᖅ, “ᒥᑕᐅᑎᒃᓴᕐᑎᒥᒃ” ᐱᓂᐊᕐᓂᖃᕐᒪᑦ ᐊᔪᖏᓐᓇᓱᒋᓂᕐᒥᒃ ᐱᐅᔪᕆᓂᕐᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:24 ပူးပေါင်းရင်းမြစ်များ

ᐃᓐᖏᕈᑎᑦ 1:1

ᖁᕕᐊᓱᑦᓯᐊᕐᐳᖅ ᐊᖑᑦ, ᒎᑎᖃᖏᑦᑐᑦ ᐱᖁᔨᓂᖏᓐᓂᒃ ᒪᓕᖏᑦᑐᖅ, ᐊᔪᕐᑐᓕᔪᓪᓗ ᐊᖅᑯᑎᖏᓐᓃᖏᑦᑐᖅ. ᒥᑕᐅᑎᖃᕐᑐᓪᓗ ᐃᒃᓯᕙᕝᕕᖏᓐᓂ ᐃᒃᓯᕙᖏᑦᑐᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:22

ᓯᓔᑦᑑᔪᓯ ᖃᓄᖅ ᐊᑯᓂᐅᑎᒋᔪᖅ ᓯᓔᑦᑑᓂᕐᒥᒃ ᖁᕕᐊᒋᔭᖃᕐᓂᐊᕐᐱᓰ? ᖃᓄᕐᓗ ᐊᑯᓂᐅᑎᒋᔪᖅ ᒥᑕᐅᑎᖃᕐᑐᑦ ᖁᕕᐊᒋᔭᖃᕐᓂᐊᕐᐸᑦ ᒥᑕᐅᑎᒃᓴᕐᓂᕐᒥᒃ ᓯᓔᑦᑐᓪᓗ ᖃᐅᔨᒪᓂᕐᒥᒃ ᐱᐅᒃᓴᖏᓪᓗᑎᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:18

ᐱᐅᔪᕆᓂᖅ ᓯᕗᓪᓕᐅᕗᖅ ᐊᓯᕈᕐᑕᐅᓂᕐᒥᑦ, ᐊᔪᖏᓐᓇᓱᒋᓂᕐᓗ ᓯᕗᓪᓕᐅᕗᖅ ᑲᑕᖕᓂᕐᒥᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:12

ᐊᓯᕈᕐᑕᐅᓂᖅ ᐱᒋᐊᓚᐅᕐᑎᓐᓇᒍ ᐃᓄᒃ ᐆᒻᒪᑎᒥᒍᑦ ᐱᔪᓐᓇᕋᓱᒋᓗᐊᕐᓂᖃᓲᖑᕗᖅ, ᒥᑭᒡᓕᑎᕐᓯᒪᓂᕐᓕ ᓯᕗᓪᓕᐅᓲᖑᕗᖅ ᐅᐱᒋᔭᐅᓂᖅ ᐊᑐᓚᐅᕐᑎᓐᓇᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:29

ᓱᒋᐊᕐᑕᐅᓃᑦ ᒥᑕᐅᑎᖃᕐᐸᒃᑐᑦ ᐱᓪᓗᒋᑦ ᐊᑐᐃᓐᓇᐅᕗᑦ, ᐊᓇᐅᓕᕐᑕᐅᓃᓪᓗ ᓯᓔᑦᑐᑦ ᐱᓪᓗᒋᑦ ᐊᑐᐃᓐᓇᐅᒋᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:9

ᐅᐃᕕᕆᒃᓯᓂᖅ ᓯᓔᓐᓂᒃᑯᑦ ᐊᔪᕐᑐᓕᓂᐅᕗᖅ, ᐃᓄᐃᑦ ᓇᕐᕈᒋᕚᑦ ᒥᑕᐅᑎᖃᕐᑐᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:34

ᓇᕐᕈᔪᓂᒃ ᓇᕐᕈᒋᔭᖃᕐᐳᖅ, ᒥᑭᒡᓕᑎᕐᓯᒪᔪᓪᓕ ᖁᕕᐊᒋᕔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:17

ᐱᐅᔪᕆᓂᒃᑯᑦ ᑕᑯᓐᓇᕐᑐᖅ, ᓴᒡᓗᑐᔪᖅ, ᐊᒡᒊᓪᓗ ᐸᓯᔭᒃᓴᐅᖏᑦᑐᒥᒃ ᐃᓄᐊᕐᑐᑦ.

ᐂᓮᐊᓯᐅᑉ ᐊᒡᓚᖏᑦ 16:6

ᑐᓴᐅᒪᕗᒍᑦ ᒧᐊᐱᒥᐅᑦ ᐱᐅᔪᕆᔪᕐᔪᐊᖑᓂᕋᕐᑕᐅᑎᓪᓗᒋᑦ, ᐱᐅᔪᕆᔪᕐᔪᐊᖑᓚᐅᕐᒪᑦ; ᓲᖑᓴᒃᑐᕐᔪᐊᖑᓪᓗᓂ, ᓇᖕᒥᓂᕐᓯᐅᕐᓗᑎᒡᓗ, ᐱᔪᓐᓇᕐᓂᕋᕐᓂᖏᓪᓕ ᐃᓗᓕᖃᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 29:20

ᓂᑲᒍᓱᖃᖏᑦᑐᖅ ᓱᓇᐅᔪᓐᓃᕈᒫᕐᐳᖅ, ᒥᑕᐅᑎᒃᓴᕐᑎᓗ ᒥᑕᐅᑎᖃᕈᓃᕐᓗᓂ, ᐊᔪᕐᑐᓕᔪᒪᓪᓗᑎᒡᓗ ᐅᑕᖅᑭᔪᓕᒫᑦ ᐊᓯᕈᕐᑕᐅᔪᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 48:29

ᒧᐊᐱᒥᐅᑦ ᐱᐅᔪᕆᔪᕐᔪᐊᖑᖕᒪᑕ, ᑐᓴᕐᓯᒪᕙᒃᑲ ᖃᓄᖅ ᐱᐅᔪᕆᓂᖃᕐᓂᖏᓐᓂᒃ, ᐱᔪᓐᓇᕋᓱᒋᓗᐊᕐᓂᖏᓪᓗ, ᐅᓇᖕᒥᓇᖏᓐᓇᓱᒃᑲᐅᓂᖏᓪᓗ, ᐃᒻᒥᖕᓂᒃ ᐃᓄᖏᑦ ᐃᓱᒪᒋᓗᐊᕐᒪᑕ.

ᕼᐊᐸᑲᐅᑉ ᐊᒡᓚᖏᑦ 2:5

“ᓱᓕᓗ ᐱᐅᖏᑦᑐᓕᑦᔪᑎᖃᕐᐳᖅ ᕔᓂᒥᒃ, ᐃᓄᒃ ᐱᐅᔪᕆᕗᖅ ᐊᖏᕐᕋᕐᓯᒤᓐᓇᕈᓐᓇᕋᓂ. ᐱᔪᒪᕕᒡᔪᐊᕐᓂᖓ ᑲᑉᐱᐊᓇᕐᑐᕕᐅᑉ ᐱᔪᒪᓂᖓᑐᑦ ᑍᒤᑉᐳᖅ, ᑐᖁᑐᓪᓗ ᓈᒻᒪᒃᓯᔪᓐᓇᖏᑦᑐᑐᑦ. ᐃᓅᖃᑎᒌᒡᔪᐊᑦ ᐃᒻᒥᓄᑦ ᑲᑎᕐᓱᕐᐰᑦ, ᑲᑎᓪᓗᒋᓪᓗ ᓇᖕᒥᓂᖅ ᐃᓄᖁᑎᑖᕆᔭᒥᑐᑦ.

ᒫᑎᐅᓯᐅᑉ ᐊᒡᓚᖏᑦ 2:16

ᐃᕉᑕᓯ ᖃᐅᔨᓕᕋᒥ ᐅᓪᓗᕆᐊᓂᒃ ᐃᓕᓯᒪᔪᓄᑦ ᓴᒡᓗᕿᑕᐅᓂᕐᒥᓂᒃ, ᓂᓐᖓᕕᒃᔪᐊᕐᐳᖅ, ᐱᖁᔨᓕᕐᐳᖅ ᓄᑕᕅᑦ ᓄᑲᑉᐱᐊᖑᒃᐸᑕ ᐱᑦᓕᐊᒦᑦᑐᑦ ᖃᓂᒋᔮᓃᑦᑐᓪᓗ ᑕᒪᕐᒥᒃ ᑐᖁᕋᕐᑕᐅᖁᓪᓗᒋᑦ, ᒪᕐᕉᖕᓂᒃ ᐊᕐᕌᒍᓖᑦ ᓄᑲᕐᖠᓪᓗ, ᑍᒤᓕᐅᓚᐅᕐᐳᖅ ᑖᒃᑯᐊ ᐅᓪᓗᕆᐊᖓᓂᒃ ᑕᑯᓚᐅᕐᑐᑦ ᑐᑭᓯᕕᒋᑦᓯᐊᓚᐅᕋᒥᒋᑦ ᖃᖓᐅᑎᓪᓗᒍ ᓴᖅᑭᓚᐅᕐᒪᖔᑦ.